السلام عليكم بعد غياب رجعت بهذي اتمنا تنال اعجابكم
 

من ثمان ايــام قـلـبـي يشتعل والنوم وينه
بعد شفت النجمه اللي كـمـل الخالق حلاها

جيت اكـلـمـها وقـالـت لـي انـا مهره ثمينه
ما يـشـاركـنـي بقـلـبـك مـهـرةٍ تعشق ثراها

قلت يا بـشـراك محدن تسكن اللي تسكنينه
قالت الا تـسـكـن اللــي ما تـحـب الا رضاها

قـلـت كــان وكان فـعـلاً ماضين لا تذكرينه
السنين اللي مـضت في المهمله قلبي رماها

قلت ابيك وقالت اثبت قلت عمري لو تبينه
والله ان اعطيك عمـري والحـياه ومحتواها

قالت احـلـف قـلـت واللـي عز مكه والمدينه
انـك اللــي مـا مـلـكـنـي مـن العباد الا غلاها

قالت اسـمـع قلت كـلـي صـاغي لما تهرجينه
قالت اجروحـي القديمه يا عسا تعرف دواها

قلت جـرحـك لو تشيلي من غـلاي وتدهنينه
والله ان تشفا الجروح الماضيـات وما وراها

قالت اقدم قلت وصلي الحين لا تستعجلينه
اصبري والـصبـر يـعـنـي فرحةٍ يشرق ضياها

والعهد ما احب غيرك في الزمان وفي سنينه
لين شمس الوصـل تشرق بالمحبه في سماها

والوفا عـقـب البطا يـوم الوصال بـ تحصدينه
قـالـه اللـي مـا يـعـود بـكـلـمـتـه لامـن حكاها

شـاعـرك وان فـاح بـوح الشعر فيك تحصلينه
اكتب ابـيـات الشـعر بـ اسمك ولو غيرك قراها

فيك شفت اللي ماشفته في الهزيله والسمينه
زين واخـلاق وحـلا وعـيـون تـذبـح من يراها

بالـمـفـاتـن طاغـيـه وان جـات للحكمه فطينه
والـخـصـال اللـي يشوش كـل وافـي لا طراها

يا عساني ارحــل وازور القبر قبل أن تدخلينه
الـحـيـاه بـدونــك اكـبـر نـار يـحـرقـنـي لضاها

الشاعر بشير العتيبي

هلا بك شآعرنا بعد الغيبه
وآخر الغيبآت ان شاء الله
ومن طول الغيبآت جآب الغنآيم
أبدعت وأمتعت شآعرناااا
صح لسآنك مليوون ولا يكفوون
ويعطيك العآفيه على هالرآئعه

هلا بك شاعرنا
الحمد لله على السلامة وآخر الغيبات
يعطيك العافية ولا هنت

البقا يا عقال راسي و وجهك ابيض انفداك يالامير الجزاله اقتبسها من بحر ابداعك الضافي ومن سمو حرفك يالامير

بالمهلي يالاميره الله يطول بعمرتس والابداع منبع سموتس الكريم الله يجملني معاكم ويجعلني عند حسن الظن

بالمهلي يالاميره انفداتس والله يسلمتس من كل شر والله يعافيتس ويطول بعمرتس شرفني تواجدتس يالوافيه

بشير العتيبي
صح لسانك واعتلا شانك
مبده وجزل كما عهدناك شاعرنا
سجل اعجابي وتقديري

ولك اجمل تحيه

صح لسانك مليون
ابدعت وامتعت شاعرنا المبدع
يعطيك العافيه

صح لسانك ملايين
مبدع ومافيك حيله شاعرنا
تحياتي

بشير العتيبي
صح الله لسانك ملايين
ابدعت وامتعت شاعرنا الجزل
دمت ودام مداد قلمك ورقي حرفك
تقديري لسموك
النجلاء

صح لسانك واعتلا شانك
ابداع في ابداع
قواك الله,,,,

صح لسانك يالشاعر
ابدعت وامتعت بحضورك الطاغي بالمتعه والفخامه والجزاله
دمت بود وتقدير

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود

صح لسانك شاعرنا
ننتظر جديدك القادم