باسم الذي بالثلث الاخر ينادي=وين النفوس اللي تبا العفو عنها
اللي لنفحاتي تمد الايادي=قرينها في وسوساته شحنها
للشعر يالهاجوس عن الجيادي=واسرج له السابق وطول رسنها
اليوم خذني جد مانيب عادي=للورق ما اطرب لو تكوسر لحنها
ودعت انا البارح مظنة فوادي=وداع ملهوفٍ طوى الياس منها
بدت محبتها بلفة مهادي=ولا تنتهي حتى بلفة كفنها
في ذمتي هذا الفراق الوكادي=ينتف شعر دقن الرجا ويحسنها
هذا البعاد ان حل ذكر البعادي=من حين لف الخام طاهر بدنها
يالله يالمآمول ياخير هادي=ياقايل ادعوا والاجابه ضمنها
اغفر ذنوب امي نهار التنادي=في رحمتك ورضاك والعفو عنها
وصلاة ربي عد ما نجم بادي=على الذي عن كل ماشان ينهى

كفيتم نوائب الدهر شاعرنا القدير
رحم الله الوالدة وأسكنها فسيح جناته
وصح لسانك على الأبيات الفاخرة