|
لحظة عنــاق
بالله ياللي عننــا تـنـــــوي اْفـراق وش تنفع النظـرات حين الوداعـــه حرام نحـرم عمرنــا لحظة اْعنــاق لا صارت اللحظات بالشوق ساعه لاشك حبك مستحل ٍ بـ الاعمــاق حاولت بوحـه مير دون استطـاعه تدري بحبي بس خــاطرك مـا راق حيـرتني مـا بين وصـل و قطـاعـه انت الأصيل العــايــم بحد الاشفاق اللي غزل في موج قلبي شعاعــه ياليلي الساهر و ياشمس الاشراق لي خافق ٍ ويــــاك صـونه و راعـــه لوّك تضمــه بين الاضلاع مـاضــاق ولا قصر بالبعد شبره و بـــاعــــــه داويه لامن ساقـه الهم و انســـاق دوامـة الـدنـيـــا تزوّد ضـيـــاعـــــه الصبـر .. و ان لاق المجـاريـح مالاق للي على صبره يدوّر شـفـــاعــــه ما كل مشتــاق ٍ ليـا قيل مشتــاق متولّـع ٍ و فـراق الاحبــــاب لاعـــــه |
الله الله يابو محمد صح لسانك وبيض الله وجهك أبيات جزله من جزل
لاهنت يالامير ~ |
صح لسانك يالصقري ولاهنت
|
أبدعت عبدالله الصقري
قصيده جزله وأبيآت رآئعه صح لسآنك مليوون ولا يكفوون ويعطيك العآفيه على هالرآئعه |
الله الله
عبدالله الصقري صح لسانك واعتلا شانك مبدع وجزل كما عهدناك شاعرنا سجل اعجابي وتقديري ولك اجمل تحيه |
صح لسانك ابدعت الصقري،،
دام وجودك وسلمت يمناك. |
صحَّت ابدانكم جميعا وسلمتم و دمتم ولا ندمتم يارب لكم كل الشكر و الامتنان دمتم بكل خير و محبَّه ولكم جل ودي و فآئق تقديري و احترامي |
الله عليك شاعرنا
دوم مبدع يعطيك العافية ولا هنت . |
صح بدنك و سلمك ربي و صباحك رضا من رب العالمين |
الله الله
صح لسانك على هالجميلة ابداع وامتاع لاهنت |
صح بدنك يا رحيل و سلمك ربي دمتي بكل خير و محبَّه و لك ودي و تقديري و احترامي |
| الساعة الآن 08:51 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir