يا اهل السوالف صاب راسي سعاطير
 

يا اهل السوالف صاب راسي سعاطير
من هرجكم رددت ربي ياكافي
.
حكي الردى لاجاك كنه مناشير
ياتيك قي غفله كذا وانت غافي
.
ترى الردي ف مجلسه ينفخ الكير
يفرق عن اللي حامل المسك وافي
.
على كلامه مانسوق التباشير
لا يلحق الطيّب و يشنا السنافي
.
وانا كلامي مثل حد البواتير
لامن حكو اهل العقول الخفافي
.
صديت عن هرجً يجي فيه تقصير
انا من اهل الطيب وأهل العفافي
.
شفي هلَ الطاله وجيهً مسافير
اهل القلوب الطيبه و النضافي
.
ابي ادله خاطري ف المغاتير
يبرا سقم عوج الضلوع النحافي
.
يالله يا منشي السحاب المزابير
تغفر لـ عبدً من عذابك يخافي
#النايله

الله الله عليك شاعرتنا
لسانكِ حتى ترضين ابيات من ذهب
لاهنتي يالغالية

اسجل تقديري واعجابي بما خطه قلمك يا شاعرتنا القديره

والحقيقه لا استغرب ابدا ان المس الابداع عندما اقرا نصوصك الشعريه

نص جميل ومفعم بالشعر الحديث والعذب

تقبلي تقديري وحضوري البسيط

الرويلي

لقيت روحي

الله الله

شاعرتنا النايله

صح لسانك واعتلا شانك
مبدعه وجزله الله لايظرك
مروري وتقديري

لاهنتي

صح لسانك واعتلى شانك

ابيات روعه يالنايله
شكراًلك على هذا الطرح الرائع والجميل

صح لسانك وطاب حالك
ابداع وجزاله ومعنى

صح لسانك مدد

الله عليك ساعرتنا
ابدعت يعطيك العافية ولا هنتِ

مافيها اي شي يخليني اقول اللي كتب هذي القصيدة بنت

صح لسانك شاعرتنا القديرة على القصيدة
دمتي بخير

صح لسانك وطاب حالك

ابداع رائع وشاعرة رائعة بحضورها
دمتي ودام ابداعك سلمى وصح لسانك مدد

مبدعه النآيله
صح لسآنك
ويعطيك العآفيه على هالرآئعه

الله الله
ياسلام عليك وصح الله لسانك مدد بلا عدد
ابدعتي وامتعتي شاعرتنا
دمتي ودام مداد قلمك ورقي حرفك الفاخر
تقديري لسموك
النجلاء

صح لساانك وكلك



جل تقديري

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي

صح لسانك ويعطيك العافيه
نص جزل شاعرتنا الرائعه
تحياتي

صح لسانك وسلم منطوقك
نص جزل شاعرتنا
يعطيك العافيه