|
القطـــــــاعــــة
لا خلاف أن صلة الرحم واجبة في الجملة, وقطيعتها معصية من كبائر الذنوب, وقد نقل الاتفاق على وجوب صلة الرحم وتحريم القطيعة....فلنصل ارحامنا أحبتي بديت بإسم الواحد الفرد الصمد عالم بالأنفس شرّها من طيبها سبع السماوات أعتلاها بلا عمد والأرض صمّ جبالها ترسي بها يا خالق الانسان خلقه في كبد والروح سبحانك علمت بغيبها انت المعين اللي ليا طال الأمد والنفس تعلم شكّها من ريبها يا الله دخيلك من بلا ضعف الجهد والحال يا رب البشر تدري بها وإنك توجّـهني على راي ٍ سدد لا بان في المخطين راي مصيبها وانا حياتي كلها صبر و جلد إلين حلّ الشيب قبل مشيبها والوقت زهـّـد بي وانا كلي زهد يوم الليالي كشرت لي نيبها ليت النصايح ما يعقبها الولد كان الشبيبه تلتفت في عيبها و يجيك نسل الطيب لا حل الوعد في وقفة ٍ كل العرب تحكي بها يا ربعنا الأدنين وش باقي بعد؟ من القطاعه نصبح ونمسي بها يا ربعنا تالي العمر خام و لحد وغيب المنون الله عَـلـَم في ريبها وصل الرحم والزرع حصّاده حصد وإلا القطاعــه فعـلها يهـوي بها والعين ما تنظر ليا جاها رمد وبعض الجرايح ما لقت تطبيبها واليدّ ما تبطش بلا عون و سند لو كان تصرف مالها من جيبها والرمي ماصاب الهدف لولا الركـَـد ولا كل صيده رميتك بـ تصيبها والبير لولا الماء ترى محدٍ وَرَد لولا ضماك البير وش تبغي بها يا ربعنا ما مثلكم ينسى العهد و وصية ٍ لابد ما نوصي بها وصــيّـة الشيــبان تــبقى للأبد في طاعة الله واجب ٍ نمشي بها خلوا الوصل يمحى غثاريب النكد و نهذب نفوس ٍ وجب تهذيبها ما حن على ما قيل بـ كمالة عدد حنا على روس العلا نبدي بها يابو حمد يا شوق مزموم النهد وصّل بيوت ٍ قمت في ترتيبها بلّـغ بني عمي متاريس البلد حصن البلد لا قام يقـنب ذيبها و إسلم و سلّم لي على ربع السعد اللابه اللي طيبنا من طيبها تمّـت و صلوا عـدّ ما يرزم رعد على النبي من شرقها لمغيبها وسلامتكم عادل بوبدر الدوسري |
ابيض وجه يالدوسري عادل والنعم بك وبالابه اللي انت منها صح الله لسانك على هالنص الجزل ياجزل تحيتي وتقديري |
الله الله
صح لسانك قصيده في غايه الروعة لك تقديري لجهودك |
شاعرنا الكريم
نص راقي صح لسانك ولا هنت يعطيك العافية . |
/
عليه الصلاة والسلام قصيدة فاخرة ونص جزل تجسدت في ابياتها الحكم والدرر الثمينة نسأل الله أن يجعلنا وإياكم ممن يصل رحمه صح لسانك مدد بلا عدد ولاهنت شاعرنا ولاهان منطوقك / تستحق ختم التميز لروعة وجمال مضمونها |
الله الله
عادل الدوسري صح لسانك مليون نص جميل وجزل لا ابعد الحدود سجل اعجابي وتقديري ولك اجمل تحيه |
صح لسانك
نص يحمل قيمة انسانية تقديري |
صح لسانك قصيده جزله يا عادل لا هنت
|
الدوسري
صح الله لسانك مليون ولا يكفون ابدعت وامتعت ولاهنت شاعرنا المبدع دمت ودام مداد قلمك ورقي حرفك الشامخ تقديري لسموك النجلاء |
صح لسانك شاعرنا
مبدع واكثر من جزل ننتظر جديدك |
صح لسانك واعتلا شانك
قصيده جزله وكلها فخامه من شاعر جزل ومبدع يعطيك العافيه تقديري لك |
روعة الحرف تعانق سمو المعنى
لتستلهم من جمال الكلمه قصة ابداع صح لسانك مليون ولا يكفون تشرفت بقرائتي لقصيدتك الرائعه وبيض الله وجهك على اتحافك الجزل تحياتي وتقديري لشخصك الكريم |
اقتباس:
صح لسانك عادلي الدوسري نص فاخر |
صح لسانكك يا عادل الدوسري
|
قصيده جميله جداً
عادل الدوسري تسلم على روعة الطرح شكراً لك |
صح لسانك يالامير ابدعت وتفننت ب ابداعك بيض الله وجهك وادام حرفك ولاهنت
|
صحٍ لسانكـٍ سِلٌمت أنامِلكُ على هذا الكلمات الرِاقٍيه ,, عَسَـاَك عَالـقٌوةَ وَ مَاَ ننـحِرم مِن ابداعك ,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ، تقبل مروري المتواضع كل الاحترام والود |
الشكر بحجم السماء موصول للجميع |
صح بدنك و سلم نبضك العذب
تقبَّل مروري المتواضع و لك كل ودي و احترامي |
صح السانك ابيات بحق جميلة معنى وبناء
اعجبتني في مضمونها دمت ودام مداد قلمك بالتوفيق |
| الساعة الآن 11:49 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir