القمر والليل والضيق والشعر ارتجال=والبلا فالبوح من عام الاول فالسجن
حاكمه صمتً تعدى حدودك يالخيال=كيف اسوي والمشاعر بصدري تشتحن
اضرب العليا واعدي على روس الجبال=وارسم البسمه قبل تلبس ثوبً للحزن
ماحسبت حساب للضيق وصكات الليال=كل كربه تنفرج والبنادم في مّحن
طالبك يالصمت تسمح ترا طال الجدال =منطقك حكمه وقلبي به اشواق وشجن
والمشاعر كنها دولةً فيها احتلال =نازحً سكانها وابتلشنا فالسكن
ياورود الحب هلت مزونً من شمال =عقب ماتت عروقك وذبلن وعطشن
ادري ان الحب ضيمً وله جرفً هيال =بس قلبي في طريق المحبه متزن
ياوليف الروح لو غابت عيونك محال=مثلي ينسى عنق ريمً ولو طال الزمن
شوف برق الوسم وشلون يبرق بالخيال=واعرف اني اعشقك عد قطرات المزن
والله أن البعد ماهو أخف من القتال =القلوب تحن والنفس تدفع له ثمن
والقمر والليل والضيق روح ياغزال =جعل مثلك مايشوف النكاده والحزن

صحٍ لسانكـٍ
سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن ابداعك
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ،
تقبل مروري المتواضع
كل الاحترام والود