|
مجرد رآي قديم
قبل نجيب القصيده نحب نبه الشباب. ونقولهم .ترا القصيده هاذي قديمه . مرعليها تقريباً 20 سنه
اللي كان مولود أيام القصيده ..الان قرب يخلص الجامعه يعني جاء جيل جديد بعد القصيده والوضع الآن تغير عن ما كان عليه أيام القصيده .و أصبحت الكفّه متعادله بين الطرفين. يعني القصيده خلاص انتهت صلاحيتها هههههههههه الكم عندي رآي ماتلقون زيّه=يالشباب اللي تريدون الزواجي عايض العتيبيولا عطيت الرآي من عندي كذيّه=عن قناعه ثابته ماهو مزاجي أثبتتها ألنا الحياه الواقعيه=ماعلاها لا أعتراض ولا احتجاجي انتبه بآلك توهق ببدويه=ينقلب عيشك نكد ضدك مفآجي مهما كانت الطبيعه هي هيّه=ما يغيرها التطبّع والعلاجي لو هي تحمل شهاده جامعيه=حامله فيروس حب الانعواجي لاتزال تعيش عصر الجاهليه=من طبيعتها القلق والانزعاجي ودها تآخذ ولا تعطي عطيه=وإن رفضت إلها طلب سوّت حراجي لو تعلمها الصباح مع العشيه=أعرف انه لا حياة لمن تناجي غير نادر وحدةٍ منهن بميه=لو أنا عندي بها رآي أزدواجي خير منهن كلبوهن احضريه=الشباب إلها بأمس الاحتياجي زوجةٍ تشْبع حنان وعاطفيه=للمشاعر في ضمايرها أختلاجي زوجها بالنسبه إلها كل شيّه=تنمزج روح وجسد معه انمزاجي عنه ما تذخر كثير ولا شويه=في يداها مأنكسر لو هو زجاجي لأجل يصير بعيشةٍ معها هنيه=توضي إله وتنحرق مثل السراجي راحت ايام الجهل والعنصريه=وأندمجت الناس مع بعض أندامجي ما يخلي الزوجه اللي مثل ذيّه=غير شخصٍ معه فالمخ أرتجاجي لو زعل من يلبس البرقع عليّه=انحش عن الموت حدّك منه ناجي |
الله الله
صح السااااانك مليون ولاهنت ابياتك جزله يالنابغه ..." |
صح لسانك ولا هنت عايض
ابيات رائعة دام نبضك وعطاءك . . . |
صح الله لسانك ملايين ياشاعرنا
وزين انك وضحت انها قبل عشرين سنه ولا كان بيزعلون عليك البنات هههههههه تقديري لسموك النجلاء |
الله الله
عايض العتيبي ابو جزاء صح صح لساانك مليون ولا يسدون انا اشهد ان هالقصيده كايفه ووقتها اشك انه للحين ماتغير لان الانعواجه طبع ووراثه من جيل لاخر ولا يتغير هههههههههههههههه تراك هيضتني بهالقصيده يالعود وطراء علي طواري سجل اعجابي وتقديري لاهنت |
عايض العتيبي ياسلام عليك صح لسانك ملايين ابيات مفعمه بالجمال والجزاله لاهنت يالغلا تقبل مروري واعجابي احترامي لك |
صح لسانك يابو جزاء وبيض וلله وجهكك ياشاعرنا والله يوفقكك. ويعطيك طولة العمر
|
قصيده رااائعه
وحلو العنوان و المقدمه وتقديم العذر من خاف سلم هههههههههههههه صح لسآنك اخوي عايض ويعطيك العافيه على هالراائعه |
هههههههههههههههه
ماتطيح الا متساوي دايم �� صح الله لسانك وصح قلبك والله يبارك في عيالك ،، تبا العلم انتبه لوضعك والا شف وضعي معك ياخي ������ تحياتي وتقديري شاعرنا القدير . |
تحلم بحضريه واحلامك مثل احلام ابليس بالجنه هههههههههههههه
صح لسانك ي عمده |
اقتباس:
ومشكورهه على الاطراء وعلى مرورك الجميل لاهنتي تحياتي وتق\ديري لك |
اقتباس:
اسعدني مرورك العطر والجنيل لاهنتي ودي و وردي لك |
اقتباس:
صح بدنك ملاييين ياغاليه ههههههههه اكيد لازم أوضح انا انسان ما عندي لف ودوران .ما الحضريات والا البدويات بداخلاتن معي في قبري ههههههههههههههه وبعدين حنا يالعصمه ..استشعرنا الخطر من بدري وعملنا على تطوير الجينات الوراثيه من قبل لانقول القصيده بعدة عقود بس بعد القصيده كثفنا العمل وضاعفنا الجهود اضعافاً مضاعفه 30 % على الأقل من الجيل الجديد اللي جاء بعد القصيده انتاج مطوّر (مهجن ) انتاج بدوي حضري مشترك اطرف حضري انشديه واذا ماحصلتيه هو والا احد اقاربه مزوج له عصيمي .تراني ما اجيب العلم على سبيل المثال / اقرب واحد من الحضر عندنا فالمنتدى ( الدكتور / خالد بن مسعود ) ماخذين منه 3 حضريات يعني هو هالحين نسيبي وقريبي الروح بالروح ههههههههههههه مشكوره لاهنتي على مرورك المشرف وتعليقات الرائعه والحميله لاهنتي تحياتي وتقديري لك |
المعذره النت عندي تعبان دبل كبدي بالفشل والتعليق
ولاكن لي عوده انشاء عوده لاستكمال باقي الردود عندما يتحخسن الاتصال |
خههههههههههههههههههههههههههههه
صح لسانك ياعايض انا ضد قصيدتك البدويه ماهي حول الحضريه البدويه يشوش راسك لامن جاك ضيوف في شغلها والحضريه حدها تقلم اضافرها وميك اب الوكاد ورى نطلع برا صح لساااااااااااااانك مليون مره |
|
اقتباس:
محمد الغنامي صح بدنك ملايين انت وش تقول ؟ اجل تبا وقتها باقي لهالحين انا والله اني شاك فالموضوع بس ماحبيت اتسرع فالحكم ههههههه بس ترا العواجه طبع فالحريم كلهن مايقدرن يغيرنه .اذا كانت العواجه في حدود المعقول مقبوله منهن الرسول (ص ) يقول بمامعني الحديث المرآه خلقت من ضلعٍ اعوج فإن شيئت ان تستمع بها استمتعت بها وفيها عوج.وان شيئت ان تعدلها كسرتها وكسرها يعني طلاقها لاتقول تهيضت توكل على الله واعزم وابشر بالمعونه الطيبه اعجابك وسام اعتز وافتخر به لاعدمتك ومشكور على مرورك الراائع والمشرف لاهنت تحياتي وتقديري لك يالامير |
اقتباس:
وصح بدنك ملايين يالمهره وهذا من ذوقك الله يسعدك ومشكوره على مرورك الجميل اللذي اسعدني كثيراً واعجابك وسام اعتز وافتخر به لاهنتي تحياتي وتقديري لك يالاميره |
اقتباس:
ومن يقول انشاء الله الله يخشرك من دعواتك الطيبه اسعدني وشرفني مرورك الرااااااائع و الجميل لاهنت تحياتي وتقديري لك يالامير |
اقتباس:
وبعدين الحضر ماينشد بهم الظهر .خايف اخرب علاقتي مع البدويات واقعد بها .علشان كذا .لازم العب بالفرصتين واخلى طريق الرجعه مفتوح .ههههههههههههه صح بدنك يالمهااا والله يعطيك الصحه والعافيه اسعدني وشرفني مرورك الأكثر من رااائع لاهنتي تحياتي وتقديري لك |
ولي عوده لاستكمال بقية الردود حالما يتحسن الاتصال
|
صح لسانك يابو جزاء ومانيب معلق على القصيده لأنها قديمه هههههه |
الشاعر عايض العتيبي
ونعم فيك وبالهيلا جميع.. صح لسانك على هذه القصيدة الطريفة والتي تحث على اختيار (الزوجة المثالية) مع كونها نادرة جدّا |
اقتباس:
ويني وين الطيحه متساوي الا ما اقشر من طيحاتي شيء هههههه صح بدنك وصح قلبك يابو سهيل والله يجزاك خير على دعواتك الطيبه لاتقول الا خير .. والله اني كل شوي اتعين لفراشي يحذف فالشارع ههههه ولاكن لايهمك يابو سهيل ان لقيت شيء يصلح جوالك عندي أبا ازهم علاك ههههههه ومشكور على مرورك المشرف لا عدمتك تحياتي وتقديري لك |
اقتباس:
هالحين ابشرك احلامي صارت اكبر من الحضريه صح بدنك ياولد روق ...اسعدني وشرفني مرورك لاهنت تحياتي وتقدير لك |
اقتباس:
وصح بدنك ملاييين ياخاشم ايه كلامك صحيح ياخاشم من ناحية شغلها لاجاك ضيوف مافيه كلام بس انها يابن الحلال تآكل كبدك بمناحسها ههههههه والا الحضريه حتى لوشغلها بسيط يجي هبط على الكبد هههههههههه صح بدنك مرة أخرى ..اسعدني وشرفني مرورك لاهنت تحياتي وتقديري لك |
اقتباس:
ومشكوره أيضا انتي على مرورك الجميل لاهنتي تحياتي وتقديري لك |
اقتباس:
مار صح بدنك ..ومشكور على مرورك المشرف لاهنت تحياتي وتقديري لك |
اقتباس:
هلا وغلا ارحب يالله حيه نعم حالك ولا عليك زود طال عمرك وصح بدنك وبيض الله وجهك يامحمد ومشكور على مرورك المشرف ا لاهنت تحياتي وتقديري لك |
طالما قديمة ليش تنعاد الحين
اكيد في براسك شي هاليومين اقول تعوذ بالله من الشيطان الحين و نتبعها بقول صح لسانك يانور العين تسلم ايدك |
اقتباس:
عليك نور يالزيني ,. انا دايم أقول مافيه احد يفهمني فالمنتدى الا انت بس ليش كأن الموضوع مش عاجبك وما تبغاني اسوي اللي في راسي ولاكن مع هذا نقولك .. صح بدنك وتسلم عينك وايدك وكلك اسعدني وشرفني مرورك لاهنت تحياتي وتقديري لك |
صح لسانك ي عايض
القصيده مليانه بس كيف اقدر اوصلها الى ناسٍ في الحويه ودي يشوفنها بس |
صح لسانك ياعايض
وقديمك جديد يابو جزاء وحتى لو كاتبها ذالحين ..... فيه ناس الان عندهم نفس هذا الرأي... والاذواق تختلف.... والسناعة والجمال موجود في الحضر والبدو على حد سواااء والاصابع ماهن سوا...في الحالتين تحياااتي لك يامبدع |
اقتباس:
ههههههههههههههه فكنا منك يالطير لاتنكبنا اسعدني وشرفني مرورك لاهنت تحياتي لك |
اقتباس:
صح بدنك ياغاليه وكلامك صحيح .. وعلى ماقالوا ..لولا اختلاف الاتظار بارت السلع والجمال والسنعه مثل ماذكرتي موجود في جميع الناس بدو وحاضره ومثل ماتفضلتي الأصابع ماهي سوى اسعدني وشرفني حضورك لاهنتي تحياتي وتقديري لك وآسف على التأخر فالرد والله توي اشوفه الحين |
| الساعة الآن 12:53 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir