|
هبة النود
تحريكه فقط
الليله اشوف ابو منصور بعد غياب موجود=وانا صراحه يوسع خاطري دايم وجوده ويهيض الهجس ذكر اللي يود وهبة النود=لاهب نسناسها قام ايتثنى معه عوده وابا اتسلى بقافٍ جاز طرقه واشرك العود=لعل فكره يعود لما تقافا من عهوده العصر قلت اتمشى يم دار الترف واعود=لو انها نايده عنا وفي شوفه مكوده وقمت اتمنى مع السكه ولو مابالمنى فود=اقول لو شافت عيوني عصر هاليوم سوده ان كان يشفى فوادٍ له ثلاث سنين ملهود=او اضعف ايمان شوفتهن تخفف من لهوده ودام الدنيش امتواجد وابو بندر وحضرت جود=ومحمد الروقي اعجب بالباراد وهب نوده مابه كلافه على الواحد عليِّ بقافه ايجود=طريح سهم العيون ومن عرف لازم يعوده |
صح الله لسانك يابو عبيد
جزل ومافيك حيله ياشاعرنا لاحرمنا المولى وجودك وفخامة حضورك وان شالله شعرائنا مايبخلون بجودهم وماجودهم ويمتعونا بردودهم كما تعودنا تقديري وتقييمي لسموك النجلاء |
ارحب يابو عبيد
صح لسانك واعتلا شانك يالجزل مبدع عسى الله مايظرك مروري واعجابي يالجزل |
ناصر الهواوي
صح لسانك ملايين ابيات كلها جزاله وابداع دايما كعادتك جزل ومبدع يعطيك العافيه تحياتي واحترامي لسموك دمت بخير وسعاده |
اقتباس:
إيهههههه الله يسلمك يا بو عبيد وصح لسانك .. ودامك طريح فالزيارة واجبة ومن دون قدمة على زملائي الشعراء والشاعرات ... ورغم ما أجد وأحاذر ...! إلا أن القريحة أبت إلا تستجيب لمشاغبة الهجوس المتوافدة على صوت شاعرنا الهواوي ... وأرجو أن تنال قبوله وأستحسانكم وفيكم البركة ،،، ^^ سلام يا شاعرن هيّض قوافيها على (كود) = وأختار طاروق يغري من يجاري في ردوده واجب علينا نشدّ القاف ونسيّر معه ذود = ونسوق له قافية والقافلة تنحر قعوده يستأهل العود عودة والقصايد فيه مقصود = يا علها ترقي العاشق وتشفي من وجوده يا وجد حالك ليا صابك سهم بعيونها السود = واللي على شاكلة ذا الحال ما تخفى سدوده يا بو عبيد أصبر أصبر وأنتظر والصبر محمود= يا عل صبرك ومن واساك ما ياصل حدوده ويا عل منهو يلومك في دلال الترف والخود = تبطي سنينه وهو يطرد ولا يلحق طروده تشكي لنا الحال وإحنا مثل حالك ما لكم زود = يا كم تصوّبت من شهب العيون ومن خدوده هذا الصدى يالهواوي وأنت راع الصوت والجود = هيّضت بيت القريحة والهواجس من وفوده ^^^ وسلامتكم لا هنتوا |
ناصر الهواوي صح لسانك وسلم منطوقك متصفح ثري بالجمال والمتعه دمت بخير وسعاده دائمه ننتظر جديدك بشوق |
صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله دمت بود وتقدير |
القدير
ناصر الهواوي صح الله السانك واعلى شانك تقبل الورد ابو احمد |
ياسلام ياسلام على التواجد المشرف
كلكم قدركم على الراس والعين وما قصرتوا ابو عامر ما اخلا ولا اعدم الصددى الفاخر كالعاده صح لسانك ولافض فوك ولاهنت وبيض الله وجهك ختوم اهل الجهاد ما نقبلها بالردود ابدا ههههههههههههههههههههههههههه وصح بدنك ياراكان ولاهنت |
يامرحبا بالرجال ومسهلا واهلين يالخود=ترحيبةٍ مثل روضٍ فتقت بدري وروده نبته بختري وشيح وقحويان وغريفة عود=هتان وبل الخيال اسبوع عصريه يعوده خنة ذبابه حنين ابلٍ حيام ايام وورود=على مشاشِ تغور ماه مازولٍ يروده على نواعيره اتنوح الحمامه تطلب ردود=صوت الخضاري يجاوبها ينوح براس عوده وكل السبب ذاك ابو حرفين من عصر النبي هود=ليا شبك بين قلب وقلب ماتفتر عضوده |
رآآق لي حرفك
واستهوتني تعابييرك احساس جمييل مادونته عبر سطوورك فسلمت بعدد حروفك وابجديات القلم تقبل احتراامي |
| الساعة الآن 11:12 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir