سلام من هاجسٍ يطغى على كلّ الهواجيس=ابطش من الزير واقوى من ولد زيد الهلالي
الليله جنون كل الارض في يّديّه محابيس=تقنب قنيب الذيابه من على روس الجبالي

يامرحبا ياهلا ترحيبتن فيها النواميس = اعرف ترانا عتيبه لاحظر صيت الرجالي
حنا صعوط الجنونه ياعميلي والمباليس = علم سليم القرا تقنع بفنجال الدلالي

والنعم فيكم وكل ارض بها سهل وتضاريس=اهم حاجه ليامنك وردت اشرب زلالي
ما ضرّ دار الغنا فالوقت يا كود الجواسيس=اللي تدور خفايا الناس من جالٍ لجالي

ياسليم ونعم فيكم والبشوت الها مقاييس = وانا ليني اشريت اشري بمجوهدي ومالي
احدن بوضح النقا وحدن يجي خلف الكواليس = ولاخير فالمدرق والمدرق راع التوالي

حنا رجالٍ على الهيجا كما قدح المقابيس=نسقيك مرّ الصبر من بعد ما نعطيك حالي
القوم وقفوا لقوم الشر من خلف المتاريس=لو كان ما انته ولد عمي ولا انته ولد خالي

وقت السعه زين لاكن لاجرس صوت المجاريس = احدن صبر ياولد واحدن تلقا صمد خالي
والشر محدن يرومه غار ريجيلن مناحيس = والشعب واحد وحنا اخونا والمعبود والي

المشاركة الأصلية كتبت بواسطة محمد القسامي (المشاركة 19044) صحت ألسنتكم شعارنا كفيتو ووفيتو واصلو متابعينكم تراني بعيد لاني في صف غازي ولا الحجيري بشوف اللي يبي يسري من الصفوف وأرجعه لكم