|
سلام رديةٍ تبدي رواسي نجد وتعود
سلام رديةٍ تبدي ويمي وتعود = اتعود والطيب ماشي من وراها في حلة اهل الكرم والطيب قومٍ تجود = تقلط وكلن مناته مشتراها |
مرحبا ياسامي والله مالي بالمحاورات بس قلت ابي اتعلم معك
يامرحبا والبقا سمنن تقفاه عود =باالابه الي يذرينا ذراها حييت ياسامي الدعوا سهود ومهود=الدار دارك ورجلك في ثراها |
دام البقى يا رفيقي والليالي تجود = والناس تمشي ولا تنظر وراها والناقه الي غدة من ذود وامسة بذود = وش حيلة الي مع الذود احتراها حياك الله يالذيب وانت كفو واستاذ مار اسمح لي اغير الطرق الطرق الاول يبى ينشف ارياقنا ههههههه وانا قدني ينشف ريقي لين تفتح الصفحه هههههه |
انا غيرته من اول ههههههه هذاك يباله خط طويل هههههههه
انته ونا ياعميلي في ديار السعود= ورسالة(ن) جات ماغيري قراها انكان ناقتك غفل ولا عليها شهود=وشلك بغفل(ن) هوى الغربي براها |
الله يعز الخيام الي سندها عمود = وديارنا عزها دوم اومراها والناقه الي غدة يا كم رضعها قعود = لكن ماني بجالس في حراها هههههه |
ماشالله صحة السنتكم ويعطيكم العافية كلكم انا معاك يابن البادية تقديري [[ حورية رواسي ]] |
الله يعز الذيابه ماتهاب الفهود=وهل القرا ياعميلي في قراها وناقتك معاد والله تلزم بالقيود= شدو من اطبوعها كل اقصراها مجنونه الناقه هذي هههههههههههههههه |
ياويلك ياسامي حوريه معي
امسكي الصف يادكتوره خلينا نهجده بس النت عندي بطي مرررررره وعصبي المجموعه ضده تراه ماهو هين يرهي عليه الرجلي ويعجز عنه الخيال |
الله يعز الذيابه لا تعود قرود = وانضيع السالفه والي افتراها الناقه الي غدة ماهي بورث الجدود = لقيتها تايهه عند اقطراها |
مانيب يا رجل في ماقلت رجل(ن)جحود=وقرودنا جعلها تلزم كراها مادام ماهي بورثك ليش ترقا سنود=ماكل قمراُ تنجد من سراها |
صحت ألسنتكم شعارنا واصلو واصلو وأنا تراني في صف سامي تكفا ياسامي أهجده لين ينشف ريقه |
صحيح ماهي بورثي بس ذيك العضود = ترتاح نفسي لها دون اخشراها اشفق على الطيبه لو كان ماهي ولود = وامشي مع الارض واقيس شعراها ههههههههه والنهايه عندك يا استاذ وصح لسانك مقدماً |
يهيب ياسامي انت وناقتلك شرود=بالحمل ترغي وكله من زراها عرجا حرون(ن) هلامه والمصيبه هبود=حشو(ن) تلتها وقعدان اسبراها |
لك الشكر ياسامي على تعليمي المحاورة
وبيض الله وجهك وتكفا الناقه الي مثل هاذي لا عاد تقربني جننتني هههههههههههه دمت بود |
محمد القسامي
والله ان صحبنك مالها خاتمه على طول مع سامي ضدي ايع عايش في شارع الستين ومن عاشر قوم ههههه مرورك اسعدناااااا |
اقتباس:
ههههههههه والله يابو حميد مثلك فخر رفقته لكن ياخوي انا في صف سامي في صفه وشارع الستين لاعاد تقربه شفني أزكن عليك بيض الله وجيهكم على هالطاروق وصحت ألسنتكم أمتعتونا بالمحاوره الراقيه والمعنى الجزل دمتو ودام وجودكم بكل خير ومعزه |
السلام عليكم ورحمة الله وبركاته
صــــــــــــــح السنتكم على المحاوره الرائعه يعطيكم العافيه شعراء اساتذه لكم كل التقدير والاحترام تحياتي |
استاذي محمد صح لسانك يالذيب ولا هنت
وصح بدن كل الاخوان الي شرفونا بمرورهم اما عن الناقيه نبى نشوف وضعها وقت ثاني ههههههههه وبعدين ياخوك الي في صفي لا تقربهم لن كان تبى الناقه تبعد عنك ههههههههههههه لكم التيحه شرفني وجودي بينكم جميعاً دمتوا بود |
سامي الرقيب ومحمد الروقي صحت السنكم
وتستحقون المتابعه جزاله ومعنى يعطي المتلقي طابع خاص لاهنتوا 000000 تقبلوا مروري |
صح لسانكم لاهنتوووووو
امتعتونا عساكم ع القوووة بيض الله وجيهكم تحياتي نبره حزينه |
صح السنتكم وبيض الله وجيهكم
|
| الساعة الآن 08:37 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir