|
أمل
/همزته هزت كيانه ولعبت بشعوره وميمه اللي ميلت من خافقه بوصلته ولامه اللي ما تلملم هيئةٍ مبشوره بآلة الياس المقيت اللي سطت وفصلته عن كيانه وقتلت بشاشته وسروره لو عنه تبحث ابــ مغناطيس ما حصلته غِر واغرته بسواد عيونها مغروره واشعلٍ يضفي على الارداف ما وصلته وبسسسسسسسسسسسسسس |
ياحلو فزعة هاجسك ساعة الضيق
ليا انتخيت بصاحبك ما فزع لك من بعد ما انت تغيب مرات وتفيق وهقوتك ضاعت بين علمك وجهلك وما بين تفسيرك لقل التوافيق واللي تبي منه السنع ما انتبهلك وحلت بدال الورق بيض الغرانيق لا فرق عندك بين صعبك وسهلك |
سر ياقلم.. واذا تبي رايي توقف لا تسير
وش استفدت من المسير الا تهدم سيرتك على الورق تحك سنك حك من توك صغير ما فدت والا فدتني واحترت انا من حيرتك اركد بدلوك لا تجيب الــ سرنا من جوف بير حافظ على غيرة مشاعرنا بضافي غيرتك |
ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ لا تصيبك هجوس الشعر وحشه من الخلا بك خابر رباطة جاش واصبر وخلك ذيب مالك عهد مبرم تدعي به على الملا وتشره على من لا يشرهك عار وعيب كم غيرك تكبد ما تكبدته وسلا اتخم فرحه وضحك وسرور // وبكى حبيب رياح البطا هبت على الحزن وانجلى وقد قيل البطا بلسم حسن الصبر طبيب |
ههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ لا تصيبك هجوس الشعر وحشه من الخلا بك خابر رباطة جاش واصبر وخلك ذيب مالك عهد مبرم تدعي به على الملا وتشره على من لا يشرهك عار وعيب كم غيرك تكبد ما تكبدته وسلا اتخم فرحه وضحك وسرور // وبكى حبيب رياح البطا هبت على الحزن وانجلى وقد قيل البطا بلسم وحسن الصبر طبيب |
غصون الشجر تهتز وتداعب الهواء
وتناغم تمايلها مع النسمه الجريد ان ثقلت على الغصن الندي مال والتوى وان خفت رجع في موضعٍ كان له يريد كنه يومي لمن ردها ما (إلك) لوى لهجه محدثه وتزامن المنطق الجديد بعيد المدى لي قرَّبه كاذب المنى عشت بجو جمعة من نبيهم وانا وحيد صياح المشاعر ردت الحدب له صدى مع من لا يسمع الاوماي ما ظنتي يفيد عرض الطيب للمزاد فعلٍ بلا قدى ذا فعل الردي يوزه ابليسه المريد ــــــــــــــــــــــــــــــــــــــــــــــــــ ـــــــــــــــــــــــــــــــــــــــــاي كلام ههههههههههه |
من يصدق اني توي ادري بمعنى بعبسه
او اني عنه متغابيٍ عمد كني ما دريت لي مده افتش بالمعاجم واحلل وادرسه وبانت لي معاني قد تفهمتها لو ما قريت واثر العلم واضح ما يبي له شروح وهندسه اثر القافله تسير في عكس ما اردت وهقيت وانا قلبي ابيض من خُلِقْ ما يحب الغطرسه يستيقظ على احسن ظن في من يخاويه ويبيت هذا فيض من ما دوخ الفكر والراس اعمسه ووالف لساني (لو) ولا فادته لووه وليت لو القاف يتحول شحم شط حاشي واحمسه على نار يا وجداه حتي يصير القاف زيت لذا اقول بسي ليش انا انبش جروحٍ مرمسه كنت اخاف منها اموت لكنني معها حييت |
من قرر ما الومه حر فيما لنفسه قرره
لكن وين من ذاب وتلاشا بلا سابق قرار الا ان الحدث ملعوب مبطي علينا مرره وانا من زمان بشك وابديت ما اظنه مرار |
السلام عليكم
كيف حالكم دعواتكم ل أختي الحبيبه بالرحمه والمغفره توفاها الله من اسبوعين رحمها الله وغفر لها وأموات المسلمين وألهمنا الصبر والسلوان وجمعنا بها في الفردوس الاعلى من الجنان |
انا لله وانا ايليه راجعون
احسن الله عزاكي وعزا ذويها وارحمها رحمةً واسعه ووسع لها قبرها وفتح لها من الجنه والهمكم الصبر والسلوان اكثروا لها من الدعاء وذكر المحاسن الله يرحم اموات المسلمين جميعا |
هي هكذا الدنيا كما قالوا نزولُ وارتحال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ فرحه بمولودٍ وحزنٍ لراحل ودمعة فرح تعصف بها دمعة احزان هذيك مع هذي تسير بتواصل منذُ هبوط آدم الى يومنا الآن |
قامت طواري تلفي من شمال ويمين
ومخباي ماهو طبيعي ولعبت فارته من داخله تظهِر اللي مختزن من سنين وضيق الصدر من سببها بانت اشارته وتذبذب الفكر منها بين شك ويقين من كف من تنصحه تتله أمّْارته وده يطمن فواد اللي حلف له يمين لو هو حنث فيه انا عليِّ كفارته انا ادري ان الزعل يثر بعقل الرزين ويمكن ليا زاد به يشد من حارته هذا لو ان الصدر ما حاش غِلٍ دفين ولا قال انا اعنيه وايده تومي لجارته ــــــــــــــــــــــــــــــــــــــــــــــــــ ــــــــــــــــــــــــــــــ خثاريق دبلة الكبد هههههههههههههه |
اشوف انا الخيال والجوهره فيه
ويجوز الاسما بعدهم علقوها الخاطر اللي فيه ضيقه وينفيه الله يسامح من عليه اطلقوها سن القلم لو ملس الاوراق تحفيه ما كان رغبات البشر حققوها فيه متنفس من زمانه مجافيه ويرسم بقايا نبتةٍ قد سقوها ويفضفض بحبره ليا باح خافيه عن عبرةٍ وده بها وخنقوها |
اقتباس:
آميييين الله يجزاك خير شاعرناا ويقبل دعوااتك ويرحم موتانا وموتاكم وموتى المسلمين ويجمعنا بهم في جنات النعيم |
وصح لسانك ودآم ابدآعك
|
هلابك يالجوهره وصح بدنك ولاهنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ الله يجبر خاطرٍ كلما صح انكسر ويسمح لو انه ما ترجا المسامح كاسره ان حاول يمد الرجا هب ياسه وانحسر تجارته مع من يبي ربح منهم خاسره وانا ادري ان اليسر دايم يجي بعد العسر لكن آفاق الصبر من ساح صدري حاسره واقول بسك ياهجوسي ما ارى شيٍ يسر حرِّج على قاف الغزل وابلص السماسره ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ بالقديم ابلصه يعني إرشه او عطه بخشيش ههههههههههه |
اقتباس:
عظم الله اجرك |
اهلا يالجوهره وصح بدنك ولا هنتي
ارحب يالخيال ــــــــــــــــــــــــــــــــــــــــــــــــــ ـــــــــــــــــــــ عشر الا عشر يعني تسع ضف لها خمسين دقيقه/كذا اراها وان اخطيت صحح لي من ليل الثلاثا تنحسب من نهار اثنين ابا اعارضك ياملهم الشعر واسمح لي بقافٍ من الشعر المنمق او ابــ قافين شيبت في طلاسم منك دور لها حلي انا وين ومنين انتهي وابتدي من وين بعد ما ارتحل باي الدير صاحبك حلي ابو جيد ريم وعود ريان غض ولين وعين اشقرٍ يوم انتهض خيطه انحلي لها حن قلب وسج فكر وتتوق العين وانا اقول مني رغم ما صار في حلي |
الخيال اشوفك ما ودك تشارك بكلمه ولا اعرف السبب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ ابا اطراق مجالٍ غير وتردني له يالهجوس وش لك عاد باقي في قصيد الغزل يا هاجسي بخبر كان كنت وكان ما استحضره شي محسوس قبل مبتسم ثغر الليالي يعود عابسي والايام ذا طبعٍ لها كل ما تبسط تحوس مع اني رغم ما بي تسويه مانيب آيسي يحيي الغيث يأمر الله نباتٍ دخل بلحاه سوس وتمايل غصونه خضر من عقب ماهو يابسي وتطيب الكبود اللي بذحها الجفا في حد موس وعنها تنجلي غمه وتنعد غفوة ناعسي |
الخيال اشوفك ما ودك تشارك بكلمه ولا اعرف السبب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ ابا اطرق مجالٍ غير وتردني له يالهجوس وش لك عاد باقي في قصيد الغزل يا هاجسي بخبر كان كنت وكان ما استحضره شي محسوس قبل مبتسم ثغر الليالي يعود عابسي والايام ذا طبعٍ لها كل ما تبسط تحوس مع اني رغم ما بي تسويه مانيب آيسي يحيي الغيث يأمر الله نباتٍ دخل بلحاه سوس وتمايل غصونه خضر من عقب ماهو يابسي وتطيب الكبود اللي بذحها الجفا في حد موس وعنها تنجلي غمه وتنعد غفوة ناعسي |
اووووووووووووووووووووووووووووف اووووووووووووووووووووووووووف
اووووووووووووووووووووووووف ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ وش اللي طرا حتى تهلين صافي ماك ياعين الشقا عزي لك وعزي لحالي انا كنت احسب إن البطا خفف اللي جاك واثر ما بك من سنين هو هو وما زالي لو زاد الهميل احفى جفون القشر واعماك شوفي حلو عين السالي الداله الخالي كان القلب في خير ونعيم وسعد لولاك ميلتيه في درب العذاب ومعك مالي ادري ما نويتي شر والعلم ما يخفاك سباه وسباك بهمس وبرمش قتالي بحلو ابتسامات اللقاء ورطك واغراك وكلامٍ منه ياسلوة الروح/يالغالي قال محمد بن فطيس للسحر وش وداك غيرك من تورط ما انصت لقول من قالي |
اووووووووووووووووووووووووووووف اووووووووووووووووووووووووووف
اووووووووووووووووووووووووف ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ وش اللي طرا حتى تهلين صافي ماك ياعين الشقا عزي لك وعزي لحالي انا كنت احسب إن البطا خفف اللي جاك واثر ما بك من سنين هو هو وما زالي لو زاد الهميل احفى جفون القشر واعماك شوفي حلو عين السالي الداله الخالي كان القلب في خير ونعيم وسعد لولاك ميلتيه في درب العذاب ومعك مالي ادري ما نويتي شر والعلم ما يخفاك سباه وسباك بهمس وبرمش قتالي بحلو ابتسامات اللقاء ورطك واغراك وكلامٍ منه ياسلوة الروح/يالغالي قال محمد بن فطيس للسحر وش وداك غيرك من تورط ما انصت لقول من قالي |
ابتسام المنحشر تكشير ماهو ضحكه
مثل ترحيب البخيل بضيف جاه مسير ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ انت وش بك دايما عجلان يبي الفكه ويفهم الزاير مراد معزبه ويخير ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ من كذا استخلصت ما شفت وسمعنه هكه والامير اللي يزوم النفس صار اومير ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ لكن هجوسه مريد وفي لسانه حكه ومحرقٍ ساير لهيب الشوق بعد سوير ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ الهجوس يقول للسانه رصيدك زكه وللسان يقول طبعك يالهجوس يحير ــــــــــــــــــــــــــــــــــــــــــ وبسسسسسسسسسسسسسس |
جرتك للنوح في هـ الوقت ماهي عاده
المساء والصبح وقت النوح يالقمريه بدليه بسجع لو بالسجع مالي راده راي من جارك فقط والكل له حريه ضيق صدري يالحمامه منك واصل ماده غصةٍ فيها يبوح وحاجةٍ سريه |
إيوه من لا طاق نسيان ما فات
وتبيه يوم يصدق انك نسيته اقرأ كما هــ السالفه بالروايات ولو شي منها دش فكري محيته ولا هقيت يصير ذا منك بالذات حاولت تصديق الخبر ما قويته تبي الصحيح لما سبيته قبل هات رغبه خذيته/ رده ان ما بغيته |
اقتباس:
الله يجزاك خير خيآل ويقبل دعواتك |
وهلا بك شآعرناا
وصح لسآنك ودآم حضورك ابدآعك |
فيه اشيا توافق في هدفها وفيه اضداد
واوهام وخيالات ومشاعر حقيقيه تظهر في علوم المازح وفي علوم الجاد بصدقه ومزحه وبــ سواليف وديه بعد التجربه قولوا لوقتٍ ذهب لا عاد غبي من تمنى حسنةٍ تنقلب سيه لعل الخيال ان لج بمزونه الرعاد يخص الله الوادي والاصفر بوسميه |
لمن صد واللي كون الكون ما الد
ومن راح قلنا جعلها له سفيره لو ان كبدي له من الوجد تنقد لا عاد ياهجسي له تجيب سيره مع البطا والصبر والبعد لا بد تدله وتنسا جعل بالامر خيره |
لمن صد واللي كون الكون ما الد
ومن راح قلنا جعلها له سفيره لو ان كبدي له من الوجد تنقد لا عاد ياهجسي له تجيب سيره مع البطا والصبر والبعد لا بد تدله وتنسا جعل بالامر خيره |
اكتب ومن بكره اقرا ما كتبته وانفجر ضحك
ما ادري على ويش لكن ياكثر من يضحكوني سود الليالي صحيح انتي مصيبه من يناطحك ارهقتي الجسم مع روحي وغربلتي عيوني ياقلب ماكان يحصل ما حصل لو طعت ناصحك لكن حدث ما حدث/ لله في خلقه شؤوني |
كهكه وابتسام وهنف ووجوم
وتكه وحشرجة عبره ودمعه ما دريت إن يوجد همس مسموم بس يمكن تشب النار شمعه ابتدت وانتهت بعلوم وعلوم بعد ما جاء على الجمهاه رمعه |
يمكن مستشار المنتدى وصله التعميم
ويمكن بدوره عمم العلم لــ اعضاءه واقفوا منكفين شروقهم في ضلال الغيم وكلٍ محى سجله من الفه الى ياءه وانا اقول لحسين اعمل لوضعنا تقييم لجل وجه سجن القاف ما ينتثر ماءه |
اليوم حتى الغصون من الهواء تهاوشت مع بعض
يصفق بعضها بعض في عنف ما يشبه لهوش الجريد اثر العداوت في هالخلق من ناس ونوامي مرض ولكل شيٍ يدب ابــ هالوطا نكبه بحظٍ قريد دع هالخثاريق اليس من المباديْ فيك والمفترض يا هجسي ان تكون لكل خصلة خير ساعي بريد وان المعاني تخليها تذبذب من عفيف الــ حرض من شان ما يقدر الشامت يفسرها على مايريد ترا الفضولي يجي بين اللحا والعود ماله غرض وجهه غسل بالمرق ويطيع شيطانه خبيث ومريد |
حار القدم والفكر محتار من فقده هدب حور حور
اسم استعرته من اسماء والاصل يازول ما دايره الهجس داخل دواير مفرغه شاف القريحه به تلف وتدور هو ما درى ان القريحة حاولت تفتح مخارج له من الدايره كانت فياضه مريفه وامحلت في غمض عين وعادت الارض بور باروا به اهل الوفاء ما علموه ان الذمم بعد الوفاء بايره اصدقهم يقول له با اغيب وارجع وانتظرني بعد تسعة شهور ما ادري تهكم او استخفاف بعقول البشر او سمها مهايره لكن ابا ابقا ما شاء الله وانتظر واخاف صبري بالليالي يخور وكلن على قد عقله مثل ما قالوا مع التيار ويسايره |
مع اعتدال الجو ضايق ولا رقت
وغيري اشوفه مسفهلٍ ورايق ما زان لي وضعي ولا ناسب الوقت عندي كما الاشهر حساب الدقايق ما ادري من الصدمه الى الآن ما فقت او ان عقلي ما قنع بالحقايق مبرراتٍ واضحه كم لها سقت همزٍ ولمز ومبعدات وعوايق وانا كماه لما مضى من زمن تقت لو كان بي هالعلم ماهوب لايق |
شدي على راس القلم يالاباهيم
وحكيه من فوق الورق واكتبي به ما يملي الملهم من الوجد والضيم خيم على نفسٍ ضجور وكئيبه وانشا سحايب بالجفون وهما الديم صافيه زل وصار يعصر سريبه وبسسسسسسسسسسسسسسس |
من لك قال وش علمك بــ هاللون قله بس
مكشر معبس هكذا صايرٍ لوني فقدت وفقدت من ابتسم له ولا به دس زود ضيقي اللي قد حصل ايقض جنوني |
كسر خاطري بالحيل شوف البواقي منه
خبر بعد عين المنزل اصبح وسكانه انا كان ما امره لو اشوف مجنب عنه آقف مندهش واروح والروح تعبانه ما امله قبل كم عام واليوم ما اواطنه بعد ما رحل من كنت احبه على شانه يزين ويشين الوقت دايم وذا ديدنه (خلك في حذر مني) هذا منطق لسانه |
حبه صباح وحبه مساء
ــــــــــــــــــــــــــــــــــــــــــــــــــ ـــــــــ خيال اشوف اسمك هنا وانت وين انت يمكن خبر لــ (انَّ) وغيرك خبر (كان) حرفٍ يونس ضايق الصدر لا هنت وراسٍ يشوش لعالي الراس لا هان تقديم للقاسي من الوقت لو لنت ويا كم له ما ارسلت تقديم ما لان اردت اغير ما ابـ نفسي وهونت وخسرت مع من قرر ونفذ رهان |
| الساعة الآن 03:24 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir