|
اقتباس:
^^^ صح لسانك شاعرتنا ولك الشكر والإعجاب والتقدير . ^ معْ شعاع البدر ذا الليل بسري في عجاله= وأطوي البيدأ بضوحُة ويكفي للنظر يا قمرنا شع نورك ولك ف الجو هاله = وأطرَب الهاجس وصحىّ عيونه للسهر ويا قمرنا تشبه البدر في ليلة كماله = ويا حلا وجهين ذات القمر وقت السمر غبت لي شهرين والحال عرجن في هلاله = كنها عامين طافت من أزمان الدهر والله أن القلب يخفق وينبض في مجاله = والمشاعر تعزف الود من عالي وتر والشعر ينزف ليا شاف له بيت الجزاله = يرتعد له بالصدى والبوارق والمطر |
|
يالله تصبح الجميع بكل خير وتبعد عنهم كل شر
ارحبي شاعرتنا المبدعه وصح الله لسانك على هالبدريه الرائعه النايفه الكايفه ارحب يابو عامر بعد الغيبه الطويله وصح لسانك على هالمجاراه الاكثر من رائعه لاتطولون الغيبات الله يحفظكم لي عوده ان شاء الله |
سحايب روايع هلهلت من جنوب وشرق
ونحى الهجس لاهبت جنوبي وشرقيه اشجى هاجسي رق المعاني وحلو الطرق ومقيم الطواري صار يومي لطرقيه وطلعت وتبينت المهب وزهمت الورق لردة صدا ما اقول للورق احقيه كم جاوبتهن بالسجع والنوح مامن فرق كن اللي مضى لي معهن ايدز برقيه كم معهن تريح خاطرٍ في همومه غرق وكم منهن اوقية ضيقته زادت اوقيه من يرفق بجفنٍ يسرق لحلو نومه سرق كما تسرق ايران المياه العراقيه |
انا لزينات القوافي هواوي لنّى سمعت الحونها احن واشتاق اطرب لها يومن جوي صفاوي وارقا لها لو انها راس مشراق اقودها قود الهواء للشقاوي واسوقها فيما طرا لي وتنساق انقا لها زين المعاني نقاوي واطرق مطارقها على كل مطراق اهيض واغنّي لونّي خلاوي ولاني بشاريها ولاني بسراق مالي ومال اللي لها كم راوي اللي لها مع ساير الناس معلاق ابيت عن حق المخاليق طاوي وتموت نفسي قبل ماكون بواق ارد كيد اللي على الكيد ناوي وعندي لباب اللي يبا الشر مغلاق |
من الارشيف
08-2016, 03:12 am ،، مشاعرنا هواوية ،، تزَهّل بـالْغَلَا وأقْـفَى تِـلاَشَت بَـعْدِه إوعُـودِه آويـيـييلِه !!يِـحْسِبنّي لااارَحَـلْ بَـتْبَع آثَـااارِيّه! قُـولُوا للّي جَهَل حُبّي تَعَب قَلْبِي مِن إصْدُودِه تَـعَب يـمْشِي ورَا الأوْهَااام ويتبِعها بخَطاَوِيّه قُـولُوا لِـهْ غُـصْنِه اليَابَس تَهَاوَى وانْكَسَر عُودِه ووردات الْـغَـلاَ تَـذْبَـل ..مــن الأحْــزَانِ مـرويّه آلــوّح لِــهْ بـإيْـدينِي ورُوحِـي تـطْلُب إوجُـودِه ووجْـهـااااتِـه تِـضَـيّـعْنِي شِـمـااالـيّه وشـرْقـيّـه ولـحْظاَتِي مَعَه كَانت ماهِي من العُمْر معْدُودَه ِنـعـاَنِق كِـلّـنا الـثّاني ... وسِـطْ آجْـوَااا خـيَاليّه رَحَـل والـعَبْره تَخْنُقْنِي وجوفِي زادت إرْعُودِه شِـبَـح لِــفْـرَاق يـرعبـنِي وحَالِي مِـنْه مبْرِيّه تـمـنـيّته هِــنـاَ يمي يِـجِـي ويـجَـدد إعْـهـودِه تِـمُـوت آحْـلَامـنَا بـسرعه وأنْـفَاس الـوَلَهْ حـيّه تِـجَاهَل كـلّ آيّـامِي.. وصِـرْت بحبّي محْسُوده عَـسَى مَـاصابنِي خِـيرَه..وعَساَنِي مِـانِي بِـزَيّه وبعْدِه صِرْت آحِس إنّي بوسْط النّاس مفْقُوده نِـكـاَبِر بـالْـهَوى .. لـكـنْ !!!! مِـشـاَعِرْنَا هَـوَاوِيّه ؛ ريوف |
ياسلام على ذوقك يالخيال /هلابك ودام تواجدك
الليله اظنها 15 يعني(ابدر القمر) و ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ كامل يالقمر بعيوننا لو رجعت هلال نشوفك بدر لو عندك اختلفت الهيه نعرف ان الارض اضفت على جزء منك ضلال كما غطت الغدفه محيا سنافيه انا ضد من شبه بك اللي بخده خال حتى اللي بدونه ذا خطا ميه بميه على وجنتك ما قط كحل النواعس سال ولا انت بتلفت من على جيد ريميه حَمَار ابـ بياض اتذوب به لمعة السلسال ولا لك جاذبيه مثل هذاك سحريه تشرى شوفته لو يمتنع يالقمر بالمال وشوفك بلاش ويحصل بكل حريه |
المشاركة الأصلية كتبت بواسطة ناصر الهواوي مشاهدة المشاركة وين الجماعه كلهم مالهم حس الا الخفير من امس ماغاب حسه ــــــــــــــــــــــــــــــــــــــــــــــــــ ـــــــــــــــــــــــــــــــــــ من غيبت الشعار ابوعبيد محتس كبيرنا مـ عاش من هو يحسه هي تجي كذا يـ الهواوي والا سولت لي نفسي ههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ نعم هي تجي هكذا تسلمين شاعرتنا العاصفيه المبدعه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ هي هكذا يالشاعره ما بها دس نفقد اساس مصخر القاف واسه انتي وابو منصور والهاجس وبس لو غاب واحد صار بالقٍدِر هسه ادير سور السجن بالصبح واعس وامر ظهر وكل ما امسيت اعسه تقول فيّْ إن غابوا ربوعنا مس لكن اشد بطان صبري وامسه اخاف من لايعرف المشكل ايحس وعلى هوى نفسه يسلط مجسه |
ياطيفه اللي رحت وشلون لي جيت
وانا احسب ان روحتك من غير جيه اقفيت يوم اقفوا عن الدار وابطيت رغم ان عندي لك ولهم اولويه اصحي على ذكرى المواليف وابيت وافرك على ذيك الليالي يديه فنجال من عقبه ما اظني تقهويت لو كل وقت اقند الشاذليه تجرح شعور المبتلى مرة البيت ليته بعدهم ما بقي له بقيه |
السلام عليكم ويا سلااااام عليكم وصباحكم فل ويا سمين القمر البدري تو مر من فوق ديرتنا ويسلم عليكم صح لسانك ابو عبيد مجارات وبدع وما فيك حيلة مبدع بكل حالاتك خيال سلمت ودمت ,, إختياراتك فوق الخيال وصحت ذائقتك البقية مالهم حس كما قال ابو عبيد .. يا عساكم سالمين وغانمين لي عودة للعود الزعيم .... |
اقتباس:
^^^ ^ ياليت لي جية على الشرق ياليت = وأعسف رجوعي يم نجد العذيه وأصحب معي روح الغلا لو تعنويت = واسكن بعالي برج للفيصليه وامثّل الحالة بروميو وجوليت = وأخرِج نصوصي قصةٍ واقعيه الصبر جرهد يالهواوي ومليت = والعمر يسرقنا وحنا الضحيه قيس الملوّح مات والحب تشتيت = وليلي تمنيّ لين جات المنيه ^^_^^ |
من ذكريات الهواوي .... قال ::: عبد الله ابن الدنيِّش غاب عنا شهر=قلنا سلا الغامدي ماهو بويا القصيد واثره يكاظم بصدره ما كناه وظهر=الله يعينه على ظغط الغرام الشديد غصه ولوعه وملهاب اشتياق وسهر=هالخمس لاطال حر الشوق الاقشر تزيد من فعلهن ورَّد الحيم الضوامي نهر=وله صدرن ري فوق اكوارهن ما يريد من شان من عينها عين اشقرٍ لاشهر=والخد دارة قمر والعنق عنق الفريد اقفت وصلى على محمد وجت وانبهر=صدرٍ وكتف وردف والبطن غوره بعيد لوقالت الملك بالمخواه هاته مهر=اعذر بخوخه وبرشومه وخضر الجريد ^^ قلت ::: يا ناصر إبن الهواوي جعل عمرك دهر = وتعيش دهرك وتقضيها حياتك سعيد عز الله أنك وصفت الحال بالميجهر = وكن جاسوس وصفك دب وسط الوريد وكنك عملت الأشعة للصدر والظهر = وشفت قلب المعنّى حلّ فيه الوديد أسمه ورسمه تغلغل وأتحد وأنصهر = وصار يجري مع الشريان من دون قيد والخمس في عرض وصفك سببت لي قهر = أحلم بصحبة غرامي دوم وأصحى وحيد ماغير قاف القصايد في غرامه جهر = وأنبحّ صوت القوافي في جبال الجليد لو تطلب المهر شديته بظهر المهر = وإلا تواصلت بالشيلات عبر البريد |
ارحب ارحب يا ابا عامر تراحيب المطر
وصح الله لسانك على المجاراة الفاخره وتسلم على ارجاعنا للماضي في هالصوت والصدى ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ لياقلت انا في صبري اجتزت ما مضى هبتني نسانيسه جنوبي وشرقيه وشمه ذيب صدري عارفٍ ريحه وعوى يقنب وان نهيته جاب عويه الحاقيه اظناه الجفا والبعد والشوق والجوى في ما بينهن سون عليه اتفاقيه تقوقع مابين العوج مقهور والتوي كما تلتوي لو صوبوا راسها الحيه |
تغريده خارج السرب
ــــــــــــــــــــــــــــــــــــــــــــــــــ ـــــ خيال كيف الحال؟اشوف اسمك ولكن انت وين؟ وفلان وفلانه ما نبغى ذكر الاسماء وينهم حتى القريحه(صفر) والهجس ابتلش يبدا منين الوي رقبته ورقبتها بس يمه عينهم ليا ذكرت اللي مضى حنت وهو جاله ونين علي هان الوضع من شوفي لحال اثنينهم اخاف تسترسل وما يخفا عن العالم يبين ويشرشحون المبتلى بافواههم وايدينهم الصمت للي كثر هرجه يعتبر صيدٍ ثمين يغث من يهوى التشمت بالبشر ويهينهم |
ارحب يابو عامر منور السجن بعد غيبه وصحت السنتكم جميع
تســــــــــــــــــــــــــــــــــــــــــــــــ ـــــــــــــــــــــــليه للشاعر :احمد بن عبدالرحمن العريفي واشيب عيني مابقى بالجسم حيل = ولابـقـى بالعـيـن دمـعٍ تـهــلـــــه ولابقى عزمٍ يساعد على الشـيــل = عـزمي تردى والخـفـايف تـفـلـه ولابقى وقـتٍ نعـدل به الـمـيـــــل = والـنـفـس صارت كـل شيٍ تـمـله صارت تمل من السهر والتعاليل = وتمل من شوف الرموش المظله وماعاد تبغى لابسات الخلاخـيــل = ولاعاد له خلقٍ على شوف خـلـه ولاعاد له خلقٍ على القال والقـيل = مـلـت سواليف الـمـخـالـيـق كـلـه ولاعاد له كيفٍ على البن والهيـل = ولاتشتهي قرصٍ على جال مـلــه ولاعاد يعجبها السفر والتراحـيـل = امن الوهن صارت تحـب الأظـله امن اولٍ تسري على النجم بالليـل = ومـافـيـه دربٍ بالخـلا مـاتـدلـــه واليوم ماتشفق على شوفة السيل = حـتى ولا شوف الربيع بمـحـلـه لولا الأمـل في مابـقى من مقـابيـل = مـلـت مـن الـدنيا بـدقـه وجـلــه ولولا صلاة الفجـر بين الرجاجـيل = تصير دنيا النفـس سـودا مـمـله مالـوم نفـسٍ عـذبـتـهـا الغـرابــيـل = دنيا تـقـلـبـها عـلى كـل مــلـــــه تـلـوعـهـا الـدنـيا بكـثـر البهـاذيــل = والنفس ماتقوى على الظيم لـله يارب صبرها على الـظـلم والـويـل = يالله طـلـبـتـك كـل عـقــدٍ تـحـلـه يارب وفـقـنـا لـدرب الـتـسـاهــيــل = يارب خـل نـفـوسـنا مـسـفـهـلـه يالله بحسن الخـاتمه لاوفى الـكـيـل = يامحصي احساب الفلك والاهـله ألا بـذكـر الله وكـثـر الـتهـالـيــــــل = تـسلى النفـوس وتنجـلي كل عله وسلآلآلآمتكم |
صح ذوقك يالخيال ولاهنت ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ يابيه لو تاتي لكلٍ على الكيف صار الوضع للكل يابيه كايف ولاشفت احد يشكي من الظلم والحيف ولا ناحت الورقا لفرقا الولايف ولا اوحيت من هو يفرح بلمة الطيف ومن مقبل الايام ما شفت خايف ولا ابتل منديل الورق بالذواريف ولا زاد رجف قلوب بين النحايف ولا فرحوا بكسر الخواطر ملاقيف ولا احد رقا في راس عيطا مهايف هذي علاماته على قافية (ايف) طنت بفكر مولع بزول عايف |
لانجد مرت به ولاجاء كديميس
ورحيل ما داجت ولا جت جواهر ولا محمدين الله يخز الاباليس ولا الناقد اللي بالمواعيد ماهر وطاري حمد يمرني بالهواجيس الخالدي والخال والظرف قاهر |
صح لسانك ابو عبيد ?/ مقتطافات شاعرة نجد
https://farm1.static.flickr.com/69/2...4610e197_m.jpg ياطير بشرني عسى خير ياطير يومك تعَرْف اللي بقلبي واريده تدري وانا ادري بس انا وانت لاغير حتى ولو يقرأ الفطين القصيده رموز ودي ماتجيد التعابير في تمتمه لو تدخل القلب سيده شعر ومشاعر بددتها المشاوير وان لمّها المشتاق قصت وريده بين الامل والياس من غير تبرير لو كل يوم اكتب قصيده جديده واشرح عليها بعض ماصار ويصير وان بيّحت,سويت نفسي بليده ياطير لك عندي معزه وتقدير بيدك مفاتيح الخفوق وبريده وان جاك في تقرير الايام تقصير غصبٍ علي حكم الظروف العنيده قسم فْراقك من كبار المخاسير والامر لله والمقادير بيده!! _______________________________ https://www.storiesrealistic.com/wp-...M-390x220.jpeg كنّ في خاطري ذالليل حاجه ومْتهيض على بدع القصيد ليش مدري وش مْكدر مزاجه ضايعه بين اريد وما اريد لـ نهض لي فرج صبري حْجاجه جد لي من مقاديري جديد ______________________________ ياحلم كم ضاعت منَ سْنين وايام وانا انتظر ولاتحققت ياحلم الحال مثله قبل واليوم والعام عيت تجي عـ الكيف مدري وش العلم نجري ورى الايام ونْقول قدام حياتنا قصه وانا نجمة الفلم البُعد والحرمان في حكم الاسلام ياشيخ وش فرقه عن الجرم والظلم؟ _________________________ https://encrypted-tbn0.gstatic.com/i...yBWK8&usqp=CAU ياقمر نورك على سطح البحر يسحر ويبهر مع هدير الموج يازين البحر والجو ساكن ودي اجلس طول ليلي لين شمس الصبح تظهر عندي اروع جلسة الشاطي ولا فخم المساكن ___________________________ نمت وُحَلمت وقمت ماحولي الا شالي وجوالي لْحالي وعودت أنام واحاول عساي ولعلا أقطع طويل الليل لو ما تعودت على فرااقه,لين قمت اتسلا بـ ابيات شعرٍ في بناها تجيودت وارسلتها عبر البريد اتغلا واشره ولو طعت اعذب الشعر زودت, _________________________________ http://1.bp.blogspot.com/-hUB3NdjDqK...1276363979.gif يشبهني الموج واشبه جزره ومده زحمة هواجيس تقبل بي وتقفي بي مدري وش اللي بصدري طول ذا المده متى على الله تحقق لي مطاليبي __________________________ لـ ضاق صدري وصب الشعر فنجاله مدّ وتقهويت عذبه,طيّر عْماسي والا سحب ناصر السيحانِ(ي) مواله في شيلةٍ لامست شكواي واحساسي والشوق فرّغ قفص صدري من اقفاله واظهر غزيره وسطّرته بكراسي وجريت قافٍ يصوّر حالي وحاله من صادق الروح حتى يقطع انفاسي أبحر بسطح البحر مدري على جاله مركب غرامي يعوم ويوم غطاسي ياغيمة الود شوفي نجد رحاله مع هاجس الشعر حتى لو وسط ناسي هيَّا امطري من وبل عذبك وهماله لين ارتوي من ضمايه يابعد راسي, | |
ياسلام عليك وعلى شاعرة نجد
ذوق وابداع ــــــــــــــــــــــــــــــــــــــــــــــــــ ــــــــــــــــــــــــــــــــــــــ هد من روعك ترا كل هذا ما يخيف نلتقي اخف ما قيل في لحظة وداع الوداع الجاف ما احد يطيقه يالطيف لو امل كاذب يجي معه لو ماش اقتناع جدب يدهر منه ما كان من قبله امريف ومعه تكبر تكة الصدر ويضيق الوساع |
سبحان مخلف اللغات/ اعتراضيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــ نويت لكن ما اعرف ليه هونت لو ان ماش مبرر لقول هانت من كثر ما يطري ابـ بالي تجننت وجواب وين الابتسامات؟(كانت) في حسبة اللي راح من عام لاهنت وخطا التسامح والتواصل تدانت لو ان جلمود الحجر قال انا لنت ما اظن انا قلوب اهل الحقد لانت وبسسسسسسسسس ههههههه |
هههههههههههههههه ما ادري لكن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ ـالضحك لوهو على الشاشه بكم(هاء)يعتبر تسليه يجي بدل فاقد لضحك الوناسه كان لك ما حصل شفاه من طول ماهي منه محرومه بدت محليه بالكاد تقدر تحركها ترد او تشتهي تتصل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ احتفاظك بالهدايا اكبر مصيبه ذي نصيحه خالصه جت من مجرب ليتني ولعت في كل الحقيبه لي سنه عن ما بداخلها اتهرب لشوفتي للمحتوى اثارٍ عجيبه ما فقدت من الهموم القشر قرَّب والطواري ما تناسيته تجيبه والكيلينكسات من دمعي تشّرْب لوهي بهالعمر من مثلي معيبه ما اقدر امنع هاجس لقلبي تسرب سبب اللي شفت لي صدمه رهيبه انتبه ترا المجْرَب ما يجرب |
عد بي الى الخلف ياهجس القصيد ولا عليك امر
اشوف علي من عقلي وعاطفتي تآمر خذ معه خطوات لكن لاتجاوز بالرجوع خطوطه الحمر ثوب الرجاء ياهجوسي من غثا الايام شامر نزلت وانا احسب اني نازلٍ في مزرعة تمر ابا انتقي من حلا ما تنتجه واثري مغامر وبس ههههههههههههه |
وش عاد لوقلت ابا اجبر خاطره في يوم وش عاد
وارسلت هالكلمتين اللي من اول لك عوايد في ذمتك ماهي احسن من كثيرات المنى وكذاب الاوعاد حتى ولو ما اقتنع فيهن يطفن به وقايد ماعاد ابي منك ردٍ لاعتبارٍ ضاع ماعاد ماغير هالكلمتين لغيرهن ماني برايد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــموزونه والا لا يالربع ههههههههههههههههه |
من اول القا اسمي يمين اسم خيال
واليوم لا ايمينه ولا في شماله غيبه واحبوها صباياه وعيال عشقٍ بلغ بالربع حتى الثماله ههههههههههههههال ههههههههههههههاله اضحك مكظم ما ابي ضحك جهال لو كنت انا غارق فبحر الجهاله ياما تحت ضل ءنْخَلَه شلت موال وياما تلاعا الراعبي في ضلاله للعاطفه مكيال والعقل مكيال والظاهر ان عقلي عطاها وكاله وفيه اسرفت في حكمها مثل من قال بعد حذف فوق الغوارب حباله شطحة دبلة الكبد هههههه |
انا وخيال وبس ولا للبقيه حس وخيال اسم وهو مندس علامه ما يتكلم
وين ابو عامر ما مر عنا بوصلته تفتر اول حر وراح الحر ياراجل مر وسلم قلنا السيحاني وينه كديميس تكرم عينه حشا مَنَا ناسينه ولابنسامح لن ولم شاعرة نجد وش هالغيبه طالت وفيها ريبه صحيح ان فيها طيبه عن مانعها ما نعلم مده ما مرت رحيل لاباليوم ولا بالليل ما اوحينا قول ولا قيل ولاعنها زولٍ علم الجوهره مفقوده ما ندري متى العوده اعذارها مردوده لابالصحو ولا بالحلم وبس هههههههههههههههههههههههههه |
صح لسانك ـــــــ انا موجود يابوعبيد
يقول الشاعر غاب القمر ليته مع الشمس ما غاب وليت النجوم الي بدونه تغيبي يا غايبٍ عني ترى للهوى باب وأغلقت بابه يوم جيتك حبيبي جرحتني جرحٍ له سنين ما طاب عذبتني وأنا من أهلك قريبي الدمع من عقبك على الخد سكاب والقلب من صدك يجي له لهيبي من أول عندك قبل تلبس حجاب نلعب ونضحك وإن سألتك تجيبي واليوم رحت ولا بقى عقبك أحباب والزين عندي صار شكله غريبي يا صاحبي معذور لو قلت كذاب والله عليم بجرحي الي يشيبي كتمت حبي وأحسب القلب ما خاب وأثر الغزال اللي أحبه يهيبي عشق البنيه يا عرب عاشق لعاب وإلا الرجل لا حب حبه يصيبي خسران منهو للهوى ما بعد تاب يذكر حبيبه لين شمسه تغيبي الحب لا جاء ما يجي كله عتاب مره يصيب وعشر فيها يخيبي يا زين يالي ملحك اليوم جذاب لا بد ما ترجع وأنا لك أجيبي |
https://pbs.twimg.com/profile_images...U3_400x400.jpg
ياطير لاتنشد عن الحال ياطير شايب وتو العمر فاول شبابه اكتب صباح الخير والا مسا الخير صبحي وليلي في عيوني تشابه ويقول الشاعر: ياطير ماشفت لي شخصٍ تمنيته ماشفت زوله ولاوقعت في داره مافيه غيرك يجيب العلم لاجيته الله عطاك الجناح وبيدك إطياره و الشاعر الآخر يقول : ياطير ياطير (ياطير السعد) ياللي ترف الجناح لا واهنيك ليا ضاقت عليك الأرض خليتها وإن رحت وإن جيت ياطير السعد تسبق هبوب الرياح وأظن مافيه ديره فوق وجه الأرض ماجيتها ويقول الشاعر : ياطير تكفخ ماتبي كف راعيك وقبل امس تكفخ للعلا فوق كفه لي صاحبن ياطير يشبه مواريك اليا نفر ما ينعرف وين شفه لومنت طير انشهد انه بناخيك ولو هو طير قضيت عمرك بصفه ويقول الشاعر الآخر : الا ياطير خبرني وش اللي صار للأحباب ترى قلبي كثر همّه سبايب غيبة احبابي الا ياطير ماعندك خبر عن عودة الغياب؟؟ ولا تقدر تطمني تجيب علوم غيابي؟؟ ابي ياطير لامر بسماك من الطيور اسراب |
بمناسبة غياب الجوهره
البارحه جاني من الشوق مرسال الشاهد الله يوم شفته تهنّيت من جوهرتنا ذربة الحرف والقال أصدق مشاعرها لمسته وحسّيت أبيات صاغتها جواهر على آل عجزت أنقّي من غلاها ولا بيت عريبة المنسب من العم للخال من طيّب النّبته تبين المنابيت أغليتها لاشكّ والقلب ميّال طبعي إذا حبّيت من قلبي أغليت جت فوق هقواتي على كل معدال الله هداني يوم فيها تهقويت ليت المعاني تنتظم وسط سلسال وانظم ثمين القاف والشعر ياليت والله لالبسها بلا شك واختال وافخر بها بين الملا لاتباهيت يالجوهرة لاتشغلك بعض الأحوال لايشغلك حالي إذا غبت وأبطيت وسط الحنايا لك من الجال للجال سيرة غلا ماتنتهي رحت أو جيت ولك في عيوني ياغلا الروح منزال وداخل رياض القلب شيّدت لك بيت بعض الغلا يثبت كما تثبت جبال حتى ولو أبطيت عنه وتنحّيت ولايشغلك ياغالية هرج جهّال لاتزعجك بعض العلوم الفتافيت بعض الرجال المعذره ماهم رجال ماتعرفين الحي منهم من الميت البعض مايسوى ولايوصل ريال ويخيس لو حطّوه وسط الحوانيت كذّاب في غالب هروجه ومحتال ومايحمل إلا الشر مثل الطواغيت لو بحسب الشينه ترى ليلنا طال أزرى المربّي ( مثل ماقيل ) وأزريت والبعض لا والله صناديد وأشبال يطير لانادوه مثل العفاريت خفيف نفس وللمواجيب حمّال ولايترك المسجد بكل المواقيت ثابت على مبداه لو مات مامالل اشفت مثله داخل القلب سمّيت لكنّهم قلّه مثل حبة الخال في وسط قفرا كلها هيت في هيت ياللي تحسب المرجله هرج وجدال زليت في ظنّك بلا شكّ وأخطيت المرجله ماهي ترى كثرة أموال الفقر ماعيّب قروم وشفاليت والمرجله ماهي ترى بشت وعقال ونتفة شنب لاحكّه الموس صديت والمرجله ماهي خلق ثوب وسمال وشماغ من كثر النشا به تنشيت وتطرد بنزواتك ورا كل خلخال ياكم لقيت من المهانه وهجّيت والمرجله ماهي ترى هرج جوّال وتعيش لحظاتك خداع وتناهيت لاهمّتك زوجه ولاهمّك عيال راحت حياتك بالسخافات تشتيت المرجله صدق المواقف والأفعال وسلوم مايقدر عليها الهلافيت وختامها يالجوهره سترك الفال يحفظك ربي كل مااصبحت وامسيت وحبّك ترى مايثبته قطع ووصال مادام لك في خافقي يالغلا بيت |
هذي يالخيال ابا اخليها لجل ابتدي قرايتها مبكر ههههههههههههههه
صح ذوقك ودام حضورك وانت الكل بالكل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ انا فزتي تشبه ليا دندن الجوال=من اوحى وشيش الهايشه من تحت رجله بمسراه واظناه السرى /قرر المحوال=على راسها متطويه طبته عجله دعاء المنزل اللي ردده دون فمها حال=وسلم يوم من له لقنه دافعٍ باجله كذا افزله واطالع بشاشته بالحال=تزغلل عيوني خوف منه ويدي وجله لوهي وافقت فالي يطيب ويزين البال=ولو ما وافقت مشاعري عودت خجله |
السلام عليكم ورحمة الله
طابت اوقاتكم واسعد الله مسااكم وصحت السنتكم وذوائقكم وسلمتم ودمتم,’’ |
الله يصح لسانك يـ الدنيش
مجاراة كايفه ونايفه وابدااع مميز كـ عادتك لاعدمنا حضورك وفاخر سطورك وتسلم يـ الخيال ولاهنت على نقل المقتطفات من روعة ذائقتك لاعدمنا التواجد والمعلقات الممتعه وصح الله لسانك شاعرنا وزعيمنا الهواوي ولاهنت على هـ الروائع والحضور الراائع,والسؤال عن الغياب ولاعدمنا ابداعك العذب والممتع دام التواجد للجميع,’’ |
تسليه مرسول شوقي ورَى ماجيت ليلي سرى البارح انتظرك كني على الغيم لو فـ البيت مـ عاد صبري على خبرك عجل علي باح ماكنيت ياقاسي القلب ياصبرك أما الوصل والغلا ياليت والا حلَم وانتهَى اعتبرك بنيت وانت بْيَدك هديت برج الغلا وانقصر شبرك أخطيت واقديت ثم اخطيت الى متى وُنجد تختبرك !! |
اقتباس:
عن مانعها مانعلم ههه رووعه مسافره للرياض وعدت ولله الحمد صح لسانك شاعرنا ولاهنت على هـ الرائعه والمفردات الممتعه ههه دام تواجدك,’’ |
صباح الخار.
وشلونكم عساكم طيبين مريت اسلم واتطمن علاكم (: برجع في القريب العاجل ان شاء الله وصح لسانك مدد شاعرنا ابو عبيد وصح لسانتس نجد |
اقتباس:
هههههههههههههههههههههه |
اهلا بشاعرتنا نجد بعد هالغيبه وصح لسانك وصح بدنك
من مرسول الشوق ذكرت اغنيه قديمه للدوكالي اعتقد انه ليبي ايام عز ليبيا (مرسول الحب فين ءمشيتي وفين غبتي علينا؟خايف لاتون نسيتينا وهجرتينا وخايف لاتعود) اغنيه رايعه/والاروع منها عهد الشباب هههههههههههه اهلا يا رحيل وصح بدنك ودام تواجدك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ ما احلاك يالليل لاضاعت تحت مشلحك شم الجبال ناسٍ يقولون ياقصرك وناس اتقول ياما اطولك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ حاول تخفي ضيقتك عن شامتك وان قال كيف الحال قل وضعي تمام مهما حصل لك لا توطي هامتك ومن لابك اهتم لاتوليه اهتمام ومن قال حمد الله على سلامتك وانت اتعرف مقصوده/اكتف بالسلام لاترعوي لو ان نفسك لامتك لعزتك مهما فعلته ما تلام ــــــــــــــــــــــــــــــــــــــــــــــــــ ــــــــــــــــــــــــــــــــــــــــ تسجيل حضور فقط هههههههههههههههههههه |
(بالخار)ما بين الحضاره والبداوه يا رحيل
لنا جذور بعمق تربتها وفوق هضابها من ما مضى تمر بالصدفه على هيئة رسيل من نافذة(ما قد نسينا)ما يسكر بابها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ |
شطحة نعسان/خارج السرب
ان جيتنا من ما مضى سلم على شرخ الشباب وان عدت له قل له مواليد القوافي شايبه نطرب ونكتب والنتايج تجي شرهات وعتاب ونلقا ءعذاب المفردات اللي نقينا ذايبه بمحلول قال وقيل وشكوكٍ تشيِّب بالغراب واسباب ذا كله ثقتنا في بعضنا غايبه يعني سوالفهم على مقولة المصري(هباب) مطعم اطايب ما تهيت للزبون اطايبه متى يصير لوبل لاهنا ولا هنت انسكاب وان مات مخيول انتبه تدفن معه معايبه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ |
يالهجس وش بك كل يومٍ تنشد=اعقل لو انك غبت ما احد نشد عنك
جابك خفاف بكل حاجه تغرشد=ما كان هذا يا ابيض الوجه ديدنك خابرك عن من بك يهلي تحشد=نوبٍ تحادا لو بغى يقترب منك يمكن بك اخْلَّوا بالارخاي والشد=واصغايك لهمسٍ كما الشهد يفتنك |
مساء الخير والسعادة ..
يا سلام عليك يا ابو عبيد صح لسانك شاعرنا وعلى البركه الجوال الجديد تتهنى فيه وتكسره بالعافيه (: |
| الساعة الآن 01:27 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir