|
لو ما بقي بالهجس واهس ما الومه
ولو فيه واهس من بعض ناس مليوم اوحش من الوحده وباخت علومه حتى حسين ايقول ما فيه معلوم لو ينشرى لقول يامن يسومه ماعاد انا به عقب هذاك ملزوم اللي ابـ بهو الصدر ثبت رسومه وازال من صدره لي اطلال وسوم كنسل مواثيقه ونفَّض كمومه ونقض العهد في كل قانون مذموم |
ممممممممممممممممممممم
اثرك لو انك بطل ما تجسر لحالك في كل غرفه تخيل وسطها بعبع تشوف فيها شبح والا يتهيالك خطوه تقدم وعشر من الخطا ترجع يصيح واقول فال الله ولا فالك ان كان بك خير ابا آخذ ما اقدره وإطلع |
السلااااام عليكم ورحمة الله وبركاته .................................................. ................................................. .................................................. ................................................. .................................................. ................................................. وسلاااااامتكم ،،،، ^^ رمْضان رمّض ثم شوال شوّل = وذي قعدة الحادي وتحتاج قعده ون كان وقت الهجس للبال طوّل = هذا هو الهاجس ويوفي بوعده أمرّ بعض أحيان وأنا أتجوّل = وأقول بكرة .. ثم يقفي لبعده وياكم تغني جوف صدره وموّل = والهجس يرزم تحت برقه ورعده وليا تذكر ما مضى به تهوّل = ذِكراه تسري بين نزلة وصعده ووده يقل للصف.. وقّف يالأوّل = جاك المجارا جاء لمن هف جعده ويا هاجسي بنخاك وأنت المخوّل = هوجس لمن ف البال وأسعد بسعده وياكم هجوسن فيه قيلت من أوّل = ما همها طول المسافة وبُعده والمعذرة وأمدّ يد التسوّل = ومنه السموحة والوفا شهر قعده ^^ وسلامتكم ،، |
ياصباح الخيرات والمسرات
ارحب يابو عامر بعد الغيبه نسعد بالجيبه صح لسانك ولاهنت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ يامرحبا لاشك ما انتم كما اول=مهر الحضور ليا مشى فيه رِعده ودي لكن ما نيب بالحيل اعول=على الزمن من كثر شره وسِعده اركب على صهوة جواده واحول=والليل يمضي بين وقفه وقَعده ان جيت امد خطاي قِدم اتحرول=واللي وراي ايقول بكرونه اعده هجسي من البير الروي ايتمول=ومن عروه بالبنى وهذا بدعده الزبده ان الطرق هذا ايهول=في كشفة بروقه ودوي رعده ــــــــــــــــــــــــــــــــــــــــــــــــــ ــــــ ههههههههههههههههههههههههه |
تبي الجد عيت تنمحي صورةٍ له بالخيال
مزيلات الالوان اعجزت لا تخفي صورته وقبل الصوره حروف ابجديه بقلبي ماتزال تهدي مزاجي نوب واحيان تحدث ثورته تهز الكيان وهو قبل ما بقي فيه احتمال ويفز الجفن من لذة النوم لامن مرته تصيح وتنادي له طواريه في بعض الليال لو ما كان له نيه تطري له امر وسرته |
من بعد ما قررت اقفلك وامشي
لعت على الكينه حمامه ورديت وعاد الهجوس لما طرا معه ينشي لطاروقه المعتاد بيتٍ يلي بيت وللحديث تتمه ان شاء الله ما كنت للمكنون في صدري افشي وبعد تكدس ضقت به ذرع وابديت بالمحتوى لقيت خدره ورمشي ولولو وتوت وردٍ من العطش ميت وخمش شعوري مخلب الهجر خمشي ولما مضى ثار بكياني ديناميت |
صحت الالسن
ارحب يابو عامر ................................. ما عاد له داعي تجيني ولا أجيك ما دام رحت وخاطرك طاب مني ؛؛ يا صاحبي قلبي ترى اليوم ناسيك خاب الرجا منك وخيبت ظني ؛؛ غدرت قلبٍ كان بالحيل يغليك غرّك كلامي العذب مع صغر سني ؛؛ كنت أحسبك سيفي إذا ضقت أناديك أثر البلا سيفي هو اللي طعني ؛؛ احذر تفكر بَتبعِك في خطاويك لي عزتي يا النذل لا تمتحني ؛؛ إن كانك مصمم بكيفي بمشيّك بهجرك ثم أوصلك وأبعدك عني ؛؛ زي ما أخذت القلب لعبه بيديك أنا بعد بلعب بقلبك وأغني ؛؛ بَذَوِّقك حرمان قلبي وأورّيك نفس العذاب اللي لقيته لأني ؛؛ ما أرضى أعيش الذل والعار بيديك وما أرضى أكون العبد وأنت تحكمني ؛؛ أنا كذا إذا أجافيك أجافيك وإذا وصلتك بَوْصِلِك طِيب مني كنت أحسبك سيفي إذا ضقت أناديك أثر البلا سيفي هو اللي طعني |
|
السلام عليكم ورحمة الله
أسعد الله اوقاتكم وصحت السنتكم ولاعدمنا روعة الذوائق والتواجد الممتع وصح لسانك يـ الهواوي على هـ الابدااع وعليكم السلام ورحمة الله يـ الدنيش وعودا حميدا وصح لسانك, منور وحياك شاعرنا وسلمتم ودمتم,’’ |
جديدي من زان جوه زاان,لو جمرة الصيف يحرق لهبها والسمايم زْياده ومن شان والله لو يسافر الى جْنيف ماينفعه لاضاق صدره, براده مدري متى بتْجي ظروفي على الكيف والا متى جفني بْيَحْلا رقاده يالله يارب القلوب المواليف لاتحرم الصافين طعْم السعاده اللي هواهم فوق روس المشاريف ماهوب من تحت الغطىَ والوساده تثور في سكة غلاهم عواصيف مدري عجاج الصيف والا قراده قافي ومجدافي ودله من الكيف لاضاق صدري عـ البحر,صار عاده على هدير الموج مدري على السيف يبلغ هجوسي في طقوسي مراده ويْرووح بي من غير زحمه وتكليف ممتع ولو ماخَذْت منه استفاده! |
ارحب يالخيال وسلم ذوقك /روعه هالتسالي كروعة حضورك
اهلا بشاعرتنا صح الله لسانك الى مالا نهايه إيه انتم على بحر تزبنون ليا تضايقتم لكن حنا بوسط نجد ماهنا الا الطعوس اللي كنها الجمر هههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ ياصباح مهيلة /فنجال مع تمرة حسا بفية اشجارٍ يداعبها هبوبٍ بارد قالوا ارتحنا/وقلنا يالعل ويا عسا ماش شي مستحيل وكل شيٍ وارد هي كذا الايام ديدنها ليونه مع قسا نوب لك تنقاد واحياناً تثنى حارد بالصباح بوجه وبوجهٍ مخالف بالمسا نوب فكرك يستجيب ونوب مخك شارد والله اني مانسيته واغبطه لي لو نسا بين عقلانيتي والذكريات امطارد وبس |
اللي هواهم فوق روس المشاريف
ماهوب من تحت الغطا والوساده ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ لله درك شاعرتنا على هالبيت الاكثر من رائع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ هجوس الشعر انا ودي اقيِّل وودك ياهجوسي بالقراده وش مصلحتك على فكري تحيِّل وهو ماله بكثر الحكي راده تلهلهني انا مانيب عيِّل تمنيني بقافك بالسعاده انا ادري بالحقيقه ما اتخيل وداعا نشرب الفنجال سادههههههه |
بربسه
،،،،،،،، كلامه احلا من طعم جح ساجر ومن العسل سيِّح على خبز تنور والريح دهن معتقٍ عند تاجر وريح الخزامى فاح في روض ممطور تقتل برمش عيون سود المحاجر وسهيفٍ من غدفته شع له نور اعلاه ورد احمر تفتق بحاجر والقحويان بقرمزي تقل بللور هاجر وانا لولا الحيا كدت اهاجر ومن يتبع المقفين ماهو بمعذور لي باشتهار السالفه خير زاجر وللسالفه معجب وناقد وجمهور ياما رواها لسان بَرٍ وفاجر وكم لصقو فيها من العمي والعور واللي رفع قدر الذهب والبناجر ويبعث جميع الخلق في نفخة الصور بغير الثلاث بوسط سوقه ما اتاجر قول الصدق ما احد على الكذب مجبور ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــمن شطحات القوايل ههههههه |
لا شيء مستحيل
نعم ها انا هنا السلام عليكم ورحمة الله وبركاته |
مافيه شيٍ مستحيلٍ بهالكون
ليا قدر المولى حصوله واراده احلا طعم كوكتيل نعنع بليمون مرورك اطعم منه واحلى زياده يامرحبا تعداد من هم يلبون واعداد مالناقد يمر الحماده لاشك وش كانو عربنا يقولون جيب الغنايم بعد غيبات عاده قيل الشقاوي زارنا ما معه لون قلنا معه لكن ما تم اعتماده بس امهلوا له ساعتين وتشوفون رياضهم صفره يذعذع براده ــــــــــــــــــــــــــــــــــــــــــــــــــ ـ ههههههههههههههههه حياك الله يابو زياد وعوداً حميدا ولا تقلطعنا |
ههههههههههههههههههه
يا اللي من الدار البعيده تغنّون دام البقاء فيكم من ارض القيادة عداد ما اهل العلم ف العلم يسعون واعداد ما عند (المطوّع) شهادة وابشّرك بالخير والخير مضمون عند الذي يختص به من عباده وانا على خبرك محنّك ودندون ما اشب ناري والشويّة جرادة سيّر مع افروع الرواسي يا ابن عون وتبا تحصّل كل مالله اراده وباقي العلوم ايام يا اللي تسالون لان ايتواسى الشيخ على شداده |
صح لسانك يابو زياد ولا فض فوك
حنا البارح عند اهل الرفيعه وعلمت الناقد ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ يامرحبا وإبك البقا يابن لعبون يامن كما حرٍ على اول هداده انا على الابداع شاكر وممنون لمصدي ذوايقنا اعتبرها عياده دكتورها عنده تجارب ومامون لو يستمر انا علي الإشاده |
وين ابو عامر ؟وينها شاعرة نجد
ووينتس رحيل وين راحت جواهر ياكثر وين ووين اثر وين ما تجد لو إن من ينشد بها استاذ ماهر ياليتهم يمدون من غثه الوجد الحظ دون شوي والظرف قاهر اتصبح ملقف طواريه وتهجد نومه كوابيس وهواجيس ساهر(ماهوب مقطوع الطاري) ههههههه |
صح بدنك يا استاذ
وصح لسانك اول وتالي اي نعم صار تواصل وبلغوني انكم اجتمعتوا عند ابو محمد الله يجمعكم على العز |
ان كان نار الشقاوي ما تشب الا لبُرق وعدن
ويرا ان نيران غيره ما يشلوط جمرها الا جراد قولوا تحيزم بمحزمك القوي وشد عزمك وإدن اما الضحى الضاحي او بعد الغروب ليا لفحك البراد صبرت لين ان طفقات الهواجيس اسكتن وهدن ورسنت ريمه بعد شدو عليها للمغير الشداد وابا اجعل الهجس لاشرد شارده لو يسر الله خِدن وابا انهم الفكر يرسل للقريحه من بناته امداد واهل القرى النائيات افصح بلهجتهم من اهل المدن ويعلمون العربيه حتى ابدعوا في قول(بانت سعاد) ذي شطحة القايله ما ادري سرقها ملهمي من لدن جنية المزرعه/ هذا هو اللي حسب ظني وكاد |
https://encrypted-tbn0.gstatic.com/i...vgUZ0&usqp=CAU
يا ناقش الحنا على الكف من فوق النقش ماهو نقش بيض الأيادي النقش نقش الحب في القلب ياشوق وأنته نقشت الحب داخل فؤادي يا باهي الأوصاف يا عالي الذوق كل الوصايف فيك غاية مرادي انا اشهد انك زاهي اللبس والطوق طوق الذهب طوق الشرف والعنادي لا يا شبيه اللي بالاعجاب مرفوق كل النجوم تغيب لا صرت بادي قلب العنا يمك يسوق القدم سوق والرجل ما تعصاه لو كان غادي كله من اجل ارضاك يأعز مخلوق ولو كان سموك البدر حتى عادي يحول من دونك مطاليب وحقوق والألسنه مثل السيوف الحدادي الشاعر محمد بن طحمي الذيابي |
|
اقتباس:
هههههههههههههههه يحسبون كل صيحة عليهم بنات فكرك يـ ناصر ردّهن ترى بناتك غدن نشّبتهن في شخانيب الجبل والنبت وسط الحماد واطيور شعر الغبيوي لا اعرضٍ لك في سماك وشدن ماهوب شرط انّها توعدك في صباح ولا هجاد لا تعترض للورود اللي على عدود نجد اوردن امسك طريق السعة يالعود لا تعطي الطريق الحشاد وحرب القوافي معي لا غيّمت ماعاد فيها هدن تاتشتبك من ضريه لا طويق اغيومها با الوكاد وانا حزامي جويد وسيفي اتعرفه ماهوب امعدن ايّات حزّه أسلّه للخصم، أخليت سرج الجواد حتى ايش لو جن مزرعتك وجن الهضب كله حدن عليهن امر الله اللي يرجع النار الموهجر رماد |
صح لسانك يابو زياد وهذا الهدف الاول والرئيس تحقق بفضل الله
والمقبلات افضل ههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ انا معي علم لا ترفع لشيطان القوافي ردن والرد في حد ذاته ياعميلي رغبتي والمراد وان كان ذي تعتبرها كبش انا اعتبرها بدن لو كنت انا العامل المسكين وانت السداد مالك ومال الركايب ليه تشعبهن خطير يغدن لاجيت فالمزرعه عندي عن الهجمات سو ارتداد للحرب نيران من مية سنه ممنوع ما يوقدن أمان وإيمان وانت الشيخ لا تشعل بقدح الزناد |
اسعد الله ظهيرتكم
وكل أوقاتكم وصحت الالسن والذوائق ودآم حضوركم وابداعكم وهلا بك شاعرنا سلطان الغبيوي عودا حميدا وآخر الغيبات ان شاء الله |
|
شوية عنصريه
هههههه نسناس نجد اللي نضج تمرها فيه.. يسوى براد الطايف وسودة أبها . يقوله : اللي بيّح العشق خافيه .. ونجد العذيّه بالحسن عنده أبهى متنبي نجد |
وتم الرد من فهد العتيبي
رايك ونحترمه.. لكن ما نكافيه الغيم للطائف عشيق وطلبها عشقك أظنك تالي الوقت جافيه شبيت نارك وأحترق في حطبها ،،،،،،،، لاصار عشقك طول عمرك مصافيه.. الخلق جنّب عن حماها ونشبها . و" نجد العذيّه " سجتي في فيافيه.. علاج روحٍ تشتكي من تعبهاا متنبي نجد كم من مريض نقول ربي يشافيه العشق روحه من يدينه سلبها أنتم كفو .. وجوكم البلاء فيه العشق للطائف وسكر عنبها فهد العتيبي |
لبيه يانجد وهواها مغرمِِ فيه
يحتار فكري في هوا الطايف وابها وسودة عسير وحسنها ذاع طاريه و هواك يالشرقيه عنه مااسهى وهذي الشمال بيت للجود معطيه لبيه ياديار تختال في حسنها وتبهى غدي الأجمل |
يالله حي الجوهره وما جابت
بصراحه مبدعين ولكن كل شبر من الوطن له مكانته في قلوب المواطنين ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ نوب استنجد الذكرى ونوب ارغب النسيان ولو بينهن ساحه يسج الفكر فيها وش له باستعادة ما محى رسمه الزمان والنسيان لجروح الزمن ما يداويها الذكرى لها الورقا معينه مع المكان لامن الصدف بك سيرت في روابيها تنوح وينوح لنوحها المغرم الولهان يحزن حزنها وبزعمه انه يحاكيها |
ياهلا بك شاعرنا
والله يبقيك ويسلمك وصدقت شآعرناا الله يحفظ الوطن وولاة أمرنا ويكفيهم شر الحاقدين وصح لسآنك ودآم ابدآعك |
اووووووووووووووووووف يابه اوووووووووووووووووووووف
إقس وتجبر خاطري لا تكسر شف كم خواطر بعد لانت كسيره لهم تغاب بقول بكره تيسر قل ننتظرك وفضها معه سيره يمكن ييسر خالقك ما تعسر عليه ما بالكون حاجه عسيره المشكله ماهي بحلمٍ يفسر تلقى بما لك قال كشف السريره وسع بطانك ويش يفيد التحسر وقل للرجا معهم يواصل مسيره |
هيظني انسحاب الصدر من مجلس النواب
لكن الهجوس ايقول لي ليش هالعجله انت بنجد من حره ظهر للتراب إلعاب وهو ملّْ وبيوته على قارعة دجله لاشك التمس كم عذر مقنع عن الغياب لو هي واهيه تدخل علينا وهي خجله كمن قال وااا رجلي بعد عدت المرقاب (يذكر فضل رجله من بعد ما انثنت رجله) بعده ياهجوسي عِد لمن له ثمان ءعذاب مادام ان نفسك من بعد غيبته وجله الذكرى تفك بسور ماقد مضى لك باب في شاشة خيالك تعرض رموشه ونجله ان كان الرجا به رغم ما قد حصل لك خاب من الياس لا تقنع باساليبه ودجله هذا بيت قديم لشاعر ما اعرفه يقول من قصيدةٍ له وارجلي اللي بعد مبدا المراقيب نابي قدمها عن العرقوب متحادي |
يسعد مساكم
كيفكم والحر اللهم أجرنا من حر جهنم. بمناسبة الحر الشديد الذي نعيشه هذه الايام ،، هذان البيتان للشاعر المبدع / مهنا السعدي ،، ِ احدٍ يســـافر صوب باريس وجنيف في كــل عـــام في بلدهــــم يصيف واحدٍ يحاول يقتصد في المصاريف لجــــل يــــوفر يشــــتري له مكيف |
يا صاحبي كسر الخواطر من شهاويها حرام
والحب يحييه الوصل والروح يحييها الغذا كل الجوارح فيك تنطق لي من عيونك كلام يا حبذا لو من لسانك تنطقه يا حبذا |
يقول سعدي
الليله القلب بأطرافه هناديب هنداب قوم تقفوا حاكمٍ عادي عادين من ثرب وايمنهم وطا الذيب يبون عباب ولا الحسو ميرادي وهيض عليه ثماثيل وتعاجيب فيّه لقوها العيال وبنت الااجوادي امكبراً شيخته عند الخراعيب وعند العرب مايدوّر جفره الغادي وارجلي اللي بعد مبدا المراقيب ماطا قدمها عن العرقوب متحادي مشيتها في مواري الخبث والطيب لين اعطبوها رماة الاد عبادي فاللي مضى اقنصبها صيد الاشابيب ارهي على القايده ولا ليا عادي ابديبها المرفعه وام المشاعيب وابديبها في طروق الهضب من غادي اهذل هذيل الفهد وبري كما الذيب وارقى مراق الطيور الشقر الافرادي كله حشايم بكار وفطرٍ شيب ماهيب حشمتك يامركوز الانهادي |
من الارشيف
https://www.youtube.com/watch?v=xOLtFlhWE0g&ab_channel ____________________________________ |
الجوهره هلابك وصح ذوقك ودمتي وسلمتي والحر هذو هو نجد من شقة القرنين ههههههههههه
ارحب يالخيال ماقصرت الله يسلمك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ ابا انام والهاجوس يرفض وانا عييت اطيعه لكن كم مره الهجس طاوعني لذلك ابا اراضيه مني بكمٍ بيت لعل وعساهو يفتهم ما صدر عني ذا قاف الغزل يحمل عتبهم منه مليت كم شال الاثير ولاش مخلوق يسمعني ليا قلت له منكم تجرعت كيت وكيت قال المقبل اعظم/لاتجزع وروعني وللحديث شجون بس ما تناسب اللي ينعس هههههههههههههههه تصبحون على خير هههههه |
هلا بك زوود شآعرنا
وصح لسآنك ونوم العوآفي وأحلام سعيده وهلا بك خيآل ويسلم ذوقك ويعطيك العآفيه |
الليله النسناس يغري يغري..
نسناس برّ ديارنا النجديه . متْولّعٍ في نسمته من صغري.. ومحبّة المربا ماهي عاديه متنبي نجد |
| الساعة الآن 09:00 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir