|
اقتباس:
صح كلك ولا هنت دمت بخير ، ،، ، |
ياليل ياليل,امانه ودّ مكتوبي مـ عاد من خدمة الارسال عانيّه على نسيمك خذ المضمون بـ اسلوبي ياقو باس الفرااق وشين طاريّه عجْز اتصالي وحَفْيَت رجل مندوبي وعوّد على ماش لاهذي ولاذيّه هبوب هبي وربي ضاق بي ثوبي من ضيقة الصدر مابيّنت وش فيّه |
https://www.alriyadh.com/media/thumb...170ae7df1d.jpg
لا والله إلا الطير قفّى هداده ولا ينقل قدّام حسبة عبوره إلا إليا هَب النسيم بْرَده والوسم دش وراح وقت الحروره يابو سعد هذاك وقته وعاده الله يلحقنا على خير دوره دورٍ له الصقّار ينقل مراده وينادهه عند احتراه النقوره وقتٍ به الطاروح ينقل مهاده راع الولع طيره يبدّل سيوره يابو سعد شوف الفياح وْحمادِه أخير عندي من مساكن قصوره شعر: عايش بن مرزوق الجويسري |
شاعرة نجد
بعد ابيات الاسهم هههههه عقب الخسارة ف الاسهم كيف صار الرصيد ؟ المال غالي ولو نافست بنك الرياض الله يعوّض عليك بكل سهم ٍ جديد وفي سوق الاسهم دهاليزٌ طوالٌ عراض و من يخسر المال لا يبخل بجزل القصيد ولا تنهر السائل اللي بالقصيد استعاض |
اقتباس:
ههههه صح لسانك شاعرنا ابشرك ماخسرت,السهم اللي ينزل الحفه واسمي عليه نفسي طويل لله الحمد واخليه لين يصحصح رووعه هـ الابيات هههه |
اقتباس:
ههههههههه صح كلك ولا هنتي الله يبشرك بما يسرك ما شاء الله عليك الله يزيدك ولا ينقصك اذا انك في الاسهم مثلك في القصيد ما ينخاف عليك ما شاء الله تبارك الله ، ،، ، |
من الارشيف
http://i4.ytimg.com/vi/wg2kmMF6b64/mqdefault.jpg أقنب عسى مايجيك خلاف .. ترى المحطات مقطوعه حملك على الخانتين خفاف .. واللي على الباب دلوعه صورته معي دايم ينشاف .. الا منه كوع على كوعه خل الشفرات يرصن خلاف .. وعن المشي قدام ممنوعه صوتك يقارب لصوت الهاف .. بس ان نوعك يغلب نوعه ............................................. من ألأرشيف ............................ صمت الزنازن وازدحام المساجين = صوت السلاسل طير النوم عني اسهر اليا نامت عيون الملايين = لين النجوم الساريه يذبحني في غرفة ومزرفلة بالكوالين = في وسط سرداب الشقاء والتعني مساحة الغرفه يابوي مترين = فيها الذنوب المرمسات حذفني اسهر طوال الليل والدمـع بالعين = واقول يااربي ذنوبي بلني يااربي غفرانك وعفوك عن الشين = اللي سبق في ضيعة العقل مني انا اشهد ان السجن عز المساجين = اللي بطاعة ربهم في تمني كم واحد ماعاش عيشة سلاطين = ولاتهنى في حياته بدمي واليا بغيت انظم من الشعر بيتين = قام الخفير المستلم وامتحني يقول صوتك ازعج اهل الزنازين = مايدري ان هموم بقعه لفني هم البشر ينفد وهمي بلايين = والنار في صدري تزيد التجني ولاهمومي مفارقي قرة العين = ام على شوفي تون وتحني اقول يا يمه اصبري لاتهلين = عبـاير مثل الذهب لامشني و انااحمد الله ماهوت نفسي للشين = واقدام رجلي للردى ماوطني نفسي عزيزة مارضت عيشة الميل = ولاخضعت لغير رب كفلني جريـمتي حرصي على نصرة الدين = وحور حسان بالمحاسن سبني يامرحباً بالموت في نصرة الدين = واهلا وسهلا ياحياة التمني |
من الاوراق المبعثرة
إن زدت يـا راس مالي قلـت لـك فـوق = لاتـلتفـت في صـعـودك للـرعـيـة ياالله عسى إعـمار يعمر سعـره السـوق = و يـزود سـعر السهـم ميـه بمـيـه انا مـنول فـقـيـر ولا اعـرف البـوق = و مـن عقب الأسهم تبنـيت القضـيـة أشـوف نصح المشايـخ صـار مفهـوق = بـعـد انكشفـنا و خـطتـنـا بـريـه خطـه قديمة و كرت(ن) صـار محـروق = دور بـدلها خـطـط و اقـبل هـديـه تخـطـيط هامـور والهامـور لـه ذوق = رجـل إقـتصـاد و تحـاليلـه جـليّـة مصـدر ثقـة مركزه عالي ومـرمـوق = و يـحـلـل السـوق كـلـه جاذبـيـه اسلـوب ناصح و ذرب وزيـن منطـوق = عـامين عـط توصيه تكـسب خـويـه عمـران جيبه بـلاش نقـول مطفـوق = ونطمـعّه لـيـن يطـمع لـه شـويـه و بنـوك تعـلن بربـحٍ غـير مسـبوق = و تـوّزع اربـاح والنـسـبـة قـويـة ومستثـمر أموالـه بـوحدات صـندوق = يغترّ بالإسـم و الـنـيـه مـطـيـه إحصـر سيوله و سوق البورصة طـوق = حـتى ذهـب بنت حـواء جـبه لـيـّه خـطه خمـاسيـّة الخـمسين وفـروق = مـنها ضـرايـبـك لبـنوك اجنـبـيـه رسـم الوكـالات و التوزيع مخـنـوق = وكسب الفرص عـنـدنا بكـره ضحـيـة الـلي يـبا يـنافس التجار مـمحـوق = اليـوم صـارت تـجـاره عـالـمـيـة وش جـابه لسـوقنا ياجعلـه العـوق = راكـم عـلـيه الديـون بحـسـن نـيـه شرايـح المجتـمـع تشريـح برفـوق = لا بــد الأمـوال تـبقـى فـي يـديّـه والمجتـمع لو تطـوّر يطـلب حقـوق = يبـقى المـواطـن مع التـاجـر سـويـة و تصـير ياالتاجر المرمـوق محقـوق = مـن بعـد ضاعـت فرصنا السـرمـديـة لابـد لابـد بأخذ الطـاق مـطـبـوق = الـنـار حيــة تعيـش الـنـار حـيـّة الخـوف لا يصبح السـرّاق مسـروق = و تضـيـع مـنا الكفـوف المخـملـيـه ، ،، ، صح لسانك ايو منصور وبيض الله وجهك يقول الشاعر ياناس مزيونه وتحب القصايد غنجه .. ونعومه وزايد. ترفها فيها الحلا مغروس والملح زايد حتئ العسل والتوت جاع وقطفها |
اقتباس:
استلم:smile: أختك قويه قويه ذاات باسٍ شديد كم قبلها بسوق الاسهم والتجاريب خاض ماينقص المال من فضل الكريم ويزيد الا بتقدير حكمه ماعليه اعتراض وابشرك ناجحه والفكر حيّ وسديد مبسوطه ورابحه والسوق فيه انخفاض |
خذ الكيف من فنجال بنٌ على المشهاه
يزيل العماس و شيّد البيت باطنابه صدوق المشاعر غيم ٌ ليا تحدّر ماه يعل الفياض و زخرف الارض يزهى به و انا كل احاسيسي تورُدك من مضماه و تقطع ضماك بمفردة نوب تتشابه وليفي نحل حالي وانا اعيش في رجواه و انا اظن ما صاب المعاليق ما صابه اذا كان حكم اتلاف حالي بسر امضاه حلفت ان حكمة قايد الغيد لارضا به ، ،، ، |
اقتباس:
لا شلّت يمينك ولا انثلم قلمك كفيتي و وفيتي |
من ألأرشيف الطير حوران يامـرحـبـا واعـــداد مـــن مـــر ضــرمــا واعداد مايسقـط مـن اوراق الخريـف الـشـعـر دوبــــه زان والــــرد احـتـمــا والـمـخ دوبـــه قـــرّ يـالـحـظ الـمـريـف من لايجي بأخلاق انا اشوفه عمى حـتـى لــو انــه مايسـمّـى بالكـفـيـف زرعـــت زرع الـصــدر فـالـصــدر ونــمــا والـحـمـد لله نـاتـجـه مـالــه وصــيــف ومـن لايـبـادر ب الـغـلا يصـبـح كـمـا من هاب من صوت المحبه والحتيـف والارض من تحتـك ومـن فـوق غمـا ومعـك مجـال مـن المحـازه للقطيـف |
صوت وصدى
يقول ناصر الهواوي عليك الله اكبر شـاعـرتـنــا عـلـى هالقاف لي شـهور عـن نـضم الطـلاسـم وطاريها عسى الهاجس المبدع ابد ما يجيه خلاف غثى الكـبـد فـي عـذب الـعـبارات يـجـلـيهـا ثـــبـت حزبــنــا واحزابهــم عــودت لـخـلاف بــدون الــشــواهـــق قضهـا مـن معالـيها على لـوحـة حـزيب الـسـعـد كاتـبـيـن اتـلاف تــمــر الـــبــلــديــه عـلـيهـا وترمـيهـا ومن حزب المدمر من شهر ما احدٍ ينشاف نـجـولــه اتـحـوم مـــاش حــيٍ ايـحـاكـيـهــا مـن بـه رحمـه فـواده على وضعـهـم ايـنـلاف علـى ســوره الــغـــربـــان يــنــعــق مـلالــيـهــا ومن طول سـجـن ابــن رتـيـق غـدا مـيــلاف يــقـول الـكـلـبــشــه والله انــي مـا اخــلــيــهــا غـزوة هـاجـسي يـالـشـاعـره عـودة بـانـكاف بـذتـنـا محاويس الطلاسـم باماليها قافي مـع هـوامــيــر الـقـصـايــد بــدا يخاف مـن الـــلـي كـتـبــهــا ازكـى تـحــيه لـقـاريـهـا ................ شاعرة نجد هلا,مرحبا يالشاعر المبدع العراف شعتني حروفك واجبرتني اجاريها هنيك تصوغ القاف من هاجس لاحاف هوى خاطرك حاجه,على الكيف تبديها تغني لو ان كل الملا حولكم وقاف تسمّع قصيدك,ماتهمك حكاويها كتابك تفله لاكتبته بدون غلاف ويغريك شلال القريحه وتغريها تغني بعيد مْن الطلاسم على مشراف على مايريد الهجس تنظم قوافيها بلاش الطلاسم,خلّها لي بسين وكاف تضيع المعاني تحت اوامر مباديها واصوغه جديد وعذب ومطلسم وشفاف وعساه يْتجمّل فـ الذواايق ويرويها ولوكان ياما كان,الالوان والاطياف والاحزاب والاحباب,جفّت موانيها تنافس ومتعه وانسجام وحضور اضعاف وهنا العاصفه تعلن عليكم تحديها يـ احزاب الرواسي للتحدي بدون اسراف طعم غير,يحلا للقريحه ويشهيها |
يسعد صباح اللي عن الهزل راقين
اهل القلــوب الصــافيــات النظيفه اللي من كـنـوز الـقـنــاعـه غنيين ونـفـوسهم عن الـصغـايــر عـفيفـه صبآح الخير |
تسليه
الطيـب قصـر ما يشوبه عذاريب والتربيه هي سور قصرك وساسه ومن لاتربى في شبابه على طيب ماهـو بـ متـربـي ليا شـاب راسـه ِ ِ ِ عبدالله_بن_شايق رحمة الله |
صح ذوووووووووووووقكـ يالجوهره
.... تبوح جدران وتفكّر غُرَف من بعد فرقا عيونك (يامها) ياسيدة حسن مقرون بْترف ياشوق روحي وجور هْيامها احبك اكثر من ( اكثر) والشغف يحكي لي حْكايتي.. وايامها تناثرت من طرف حتى طرف بين الصحاري وبين حْيامها احبك بْطهر وبعز وشرف يارشفة الروح بعد صْيامها حب الحضر للنخيل وللسعف حب البدو للفلا وخْيامها https://www.alsh3r.com/files/imgs/20...poets/3331.png معيض الزهراني |
|
السلام عليكم واسعدكم الله بالأولى والآخره
ابشركم انا بخير وعيني سيمه والله الحمد مريت على ما دونتموه فاعجبت به كثيرا ابو منصور صح الله لسانك وصح كلك ولاهنت شاعرتنا هلابتس وجزيتي خيرا وصح لسانتس وبدنتس ودام هالحضور المحفز ولاهنتي اهلا يالجوهره وصح بدنتس ونقلتس ودام تواجدتس انت من ركائز المنتدا الهامه ارحب يالخيال ولاهنت وصح بدنك ونقلك ولا هان راسك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ ـــــــــ |
ياليل الشتاء قصِّرعلى ممتطيك الطول
على من بلبل القيض ويصيح من طوله ثانيته دقيقه منتظر ساعته مذهول لأن النتايج باغلب الظن مجهوله خذته الاماني واستساغ النبا المعسول وسلب ناظره تحالف الجمر مع لوله لا هذا شكى هذا ولا ذا لذاك ايقول حالتنا لمن لا يفتهم غير معقوله عن سهاد عين المشتقي من هو المسؤول بعد جابهت ليل الشتا عرضه بطوله |
ظهر الخير (:
صحت السنتكم مبدعين وجزلين وابياتكم روووووعة وانتم روعة (: اقتباس:
سلامة عينك شاعرنا الف سلامة سلامة عينك للي تكمل زينك ههههههههه اكتحل بالعسل الأصلي خفيفه قليل ماء اقتباس:
والجميع يارب (: ولا زال هههههههههههههههههههههههه |
ياحظ من سج رجله فالخلا الخالي
وأبراج الإرسال للجوال مقطوعه في خايعٍ من توالي الوسم قد سالي وتشوف نبت الوسم كلٍ على نوعه شوفه علاج الكبود وراحة البالي وخوّة ثلاثه طبايعهم على طبوعه |
يسعد مسآكم وكل أوقآتكم
والله يبشرك بالخير شآعرنا وسلامتك ماتشوف شر ان شاء الله وصح لسانك ودآم حضورك وابدآعك وهلا بك رحووله منوره ويعطيك العافيه ويسلم ذوقك الجميل ياجميله خفيرناا خياال هلاا بك ويعطيك العافيه ويسلم ذوقك الجميل ياجميل عشان ما تزعل يا الاقششر هههههههههههه |
الجو رايق والهوى فيه نسناس
والغيم متجمع بـوسط السما فوق يالله ترحم ميت الارض والناس وتشفي قلوبٍ مسها الضيق والعوق . ،،، يا طير شف درفة الشباك مفتوحه تركتهالك مثل ماكنت خابرها لامن خذلك الزمان وكثرت جروحه لاتنشد أول جروحك وشهو آخرها تعال شف صاحبك قافل على روحه بيبان الأيام والدنيا مسكرها ينسى له عيون بنتٍ طارت بروحه والمشكله لاتناساها تذكرها الناس تشره علي واقول مسموحه مشكلتي اني مااعرف اخذ بخاطرها ،،، إبعدي مثل المتاهات في حلم اليتيم و إقربي بين السوالف وكتفي والذراع و إنظري لي نظرة الشوق للشيّ القديم وإغرقي بالدمع الأزرق مظاليلٍ وساع إقبلي مثل التباشير في وجه الكريم وإرحلي مثل التعازي على موت الشجاع |
مبرووووووووووك
للجمييع وللأمه الهلآلييه فوز ممثل الوطن الهلااااااااال تسآلي هلاااالييه يافخر جمهورك العب.. من نوى يجاريك يتعب كم لنا رايات زرقا.. رفرفت في صدر ملعب كانها صعبه قويه.. الهلال اقوى واصعب ،،، ان فرح تفرح معه أكثر الناس و إن زعل تباشر اللي تبقّى هذا الهلال ونظرته دوم للكاس يوم إن غيره في دروبه تشقّى ،،، |
هلا بالجميع والله يمسيهم بكل خير
اهلا يارحيل لا ابشرك ما فيها لون/اقصد عيني ههههههههههههههه حيالله الجوهره رائعه هالتسالي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ياحارس السجن وان شرقت دور لي كديميس وهاته برفق وليونه لا تعود فض قاسي ليا وصل للسجن مرتاح ما حسه حواسيس رايق مزاجه تبا لهجوسه اتطيب الاماسي وقامت طواريه وهمومه تجي مثل الوساويس لو ان كلش نساه ايصير له مذكور اساسي وطرت على الذاكره غيداً تطق اصبع إلـ لاميس وقزت عيونه عن المرقاد لو فيها نعاسي وتكا على الكوع يضرب له تخاميس بتساديس ومن دلته صب له فنجال جلاي العماسي وقامت له الملهمه تدق بالكف المراويس وسوى هجوسه لنا القيفان في وقتٍ قياسي بساحل خليج العرب ما سويت حتى ابـ باريس وطرا على بال كل مغربلٍ ما كان ناسي |
ارحب يابو منصور في سجن الابداع
مليت انا وابطيت في قبو سجنه القلب ضمي لحلو منطوقه وجاع وعين الشقا تاقت بعد فقد وجنه اثر الجفا يحسب من اسباب الاوجاع يلهد وخاطر من يجي به يعجنه وادهي الدواهي كان ما فيه مرجاع وقرب غراب البين للبين هجنه وبسسسسسسسسسسسسسسسس ههه |
السلام عليكم /وينكم
انا غبت ليلة من الثلاثاء ورجعت اليوم والا الكل غايب عسى ما باس بالجميع او الاجازه؟؟ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ ساكن وشامس ما تنسنس هبوبه جو النخل لا راعبي لا عصافير واليوم فكري للطواري ركوبه تهاجمه من طلعت الشمس واتغير لطفق الهموم القلب صاير إلعوبه ياخذ مع الذكرى القديمه مشاوير ما موقع الا وجهت فيه صوبه وبانت على وجهه لوضعه تعابير قول البطا يمحى الغلا اثره اكذوبه وما فات مات اكبر خديعه وتزوير |
وعليكم السلام ورحمة الله ابو عبيد
ذي الايام مسير علينا الزكام ههههههههههههه واليوم كنا اشوى شوي الحمدلله وصح لسانك شاعرنا السجين وينه ): |
الله يبارك فيك جوجي (:
والف الف مبروك ———> قلوووووووووووب زرقاء ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،، لاتعتذر لي عن الغيبه . كل المعّاذير كذابه ،،،،، يغويني بحلم الليل واليا اقتربلي تاه وارد بمنامي واقضي الليل ماجاني اشوفه ينادي وانتبه واللتفت مالقاه واسمع صدى صوته اليا نمت صحاني كذا كل مامات الهوى زارني وااسقاه وصال الخيال وشوفه احلام واماني |
الشاعر أحمد عبدالرحمن العريفي (نديم المجرة) يضع بين أيدينا قصيدة المقارنة تلك وهي إحدى القصائد التي توجد رؤية الشاعر في أي مسيرة حياتية، وعلى المتبصر أخذ الحيطة وعدم تجاهل الواقع.
https://www.alriyadh.com/media/thumb...77897dc0b3.jpg يقول في القصيدة: واشيب عيني ما بقى بالجسم حيل ولا بـقـى بالعـيـن دمـعٍ تـهلــه ولا بقى عزمٍ يساعد على الشـيـل عـزمي تردى والخـفـايف تـفـلـه ولا بقى وقـتٍ نعـدل به الـمـيـل والـنـفـس صارت كـل شيٍ تـمـله صارت تمل من السهـر والتعـاليل وتمل من شوف الرموش المظلة ولا عاد تبغى لابسات الخـلاخـيل ولاعاد له خلقٍ على شوف خـلـه ولا عاد له خلقٍ على القال والقيـل مـلـت سواليف الـمـخـالـيـق كـلـه ولا عاد له كيفٍ على البن والهيـل ولا تشتهي قرصٍ على جال مـلة ولا عاد يعـجبها السفر والتراحيـل من الوهن صارت تحـب الأظـلـة ومن اولٍ تسري على النجم بالليل ومـا فـيـه دربٍ بالـخـلا مـا تـدلـه واليوم ما تشفق على شوفة السيل حـتى ولا شوف الربيع بمـحـلـه لولا الأمـل في ما بـقى من مقـابيـل مـلـت مـن الـدنيا بـدقه وجـله ولولا صلاة الفجـر بين الرجاجـيل تصير دنيا النفـس سـودا مـمـلة ما لـوم نفـسٍ عـذبـتـهـا الغـرابيـل دنيا تـقـلـبـها عـلى كـل ملة تـلـوعـهـا الـدنـيا بكـثـر الـبهـاذيل والنفس ما تقوى على الضيم لِـلَه يارب صبرها على الـظـلم والـويـل يالله طـلـبـتـك كـل عـقدٍ تـحـلـه يارب وفـقـنـا لـدرب الـتـسـاهيل يارب خـل نـفـوسـنا مـسـفـهـلـة يالله بحسن الخـاتمة لا وفى الـكـيـل يا محصي حساب الفلك والاهـلة ألا بـذكـر الله وكـثـر الـتهـالـيل تسلى النفـوس وتنجـلي كل علة |
https://www.alriyadh.com/media/thumb...291870d9c5.jpg
___________________________ يقول الشاعر: مهلي مسعود الدلبحي. والله إن القاف يوجعني براسي كان ما رافقه معنى له خويه نوب بأسلوبه يرغّب غير قاسي ونوب في وضعه يحذّر من رديه وكان شاف الرأي تعميه الحساسي يكرّه الموضوع وأنكفّ بالمطية ما عرف قدره بمعيار وقياسي غير من يفهم حروف الأبجدية يقول الشاعر سعود بن حماد: بيض الله وجه صكات الليالي بينت معدن قليلين المروة الله أكبر كم واحد كان غالي انقلب ميزان قدره من علوه يوم جاء للموقف الحاسم مجالي بان راع الزيف والوجه المشوه ويقول الشاعر بدر الجميلي: من يدعي بالطيب بين المخاليق وقلبه مثل ليل ٍعتيم ٍظلامه الطيب يبغى متن للكايد يطيق وراس ٍيشوش من السطر والزعامة ومن عزنا ما هو بيحتاج توثيق دارين به لو ماسمعنا كلامه كم ساعة ٍفيها يبين المطاليق وكل ٍمواقيفه تحدد مقامة ويقول الشاعر دخيل الله عامر المتيهي: الفقر مهوب فقر المال يا ناسي الفقر كانك على الدنيا بلا ديني إن كان مالك ضمير وعندك إحساسي وعقلك يميز ما بين الزين والشيني منته صميدع قوي عزوم وسياسي ارتاح لا تشغل العالم يا مسكيني ويقول الشاعر مهنا السعدي: ما طلبت إلا أنت يالرب الجواد المعطي واطلبك هديي وتوفيقي وحسن ختامي ولا خبرت لـواحد منه علي من مبطي حتى لو ماحققت في دنياي ربع أحلامي واعتذر من صاحبي حتى لو أنه مخطي والخطا لاجا من الغالين تحت أقدامي بس تدري وش يجنني ويرفع ضغطي؟ واحد يحكي وراي ويبتسم قدامي ويقول الشاعر علي الشناني: وجودي وجود اللي زرع له جميل وضاع تذكر جميله يوم شاف الزمن حده لكن الجميل اللي زرع في ردي أطباع تناسى جميله لا احتفظ به ولا رده على هقوة شدت شديد البدو نجاع تلاحوا صلاة الصبح والشدة الشدة تعلق رجاء المخلوق بين السماء والقاع ولا زالت حبال التوافيق ممتدة |
صباح الخيرات والمسرات
اهلا يارحيل اجر وعافيه ان شاء الله وصح ذوقك ودام حضورك ولاهنتي ودمتي وسلمتي مرحبا بك يالخيال وقصيدة العريفي كل بيت عن معلقه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ دندن وخليته بكيفي بلا رد= وغصبت نفسي بعد ما شفت رقمه واذني تتوق لصوته العذب واتود=لاشك ماسويت لي فيه حكمه الدرس الاول يعرف الصبر له حد=ولا احد يطيع ارغام في فرك خشمه وان الغلا نضامه الجزر والمد=وبين الجزر والمد قدرٍ وحشمه وان كان كلٍ يمته للحبل شد=يمكن تحول كل نعمه لتقمه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ |
مساء المسرات من رب السماوات
هلابك زود الله يعافيك يابو عبيد صح بدنك ولا انت شاعرنا وصح لسانك مدد وصح ذوقك يا خيال واختيارك |
https://www.alriyadh.com/media/thumb...e3bdf6c495.jpg
يا باب يا مصعب مفاتيح درفَتك من هيَبة أهل الدار عالي وقارك لو كْثرَوا الزوار ودروب حِفّتك يبقى شموخك من مباني عمارك يا باب وإن مرّيت ثُم شِفت لَفّتك أجر بالونّات يا ليت جارك تشوقني زين الزخارف بطوفتك زخارفٍ تحكي لجودة عقارك نادر ومربح للبلد يوم ظَفّتك أنا أشهد إن يوم السَعد في مدارك يا باب عيني تمتني دوم شوفتك إن جِيت لك بالليل وإلاّ نهارك لك هَيبةٍ يا باب بشموخ وقفَتك حامي وحارس من حَويتَه بدارك شعر: طلال المسيمير العصيمي |
يسعد صباح الجميع
كيفكم عساكم بخير كيفكم والبرد والاجازه تسالي للسجين غيابي ههههه وللجميييع الصمت يكفي ويشفي صدر راعيه لاصار كل الحكي ماله معاني والقلب ما عاد تعنيه المشاريه والعين ماعاد تغريها الاماني ،،، الفرحة اللي تجي من غير ميعاد افضل من الفرحة اللي تنتظرها ماكلفتك انتظــار .. ولا توجّـاد مثل السحابة .. ليا هلت مطرها ،،، حزين شارعها ومظلم وخافت ما تدري إن غيابها يكسر الورد يا ليتها من قبل لا تروح شافت وشلون سوّا البرد بضلوعي الجرد ،،، صاحبي زين الوصايف وصفه اقرب للخيال طلتـه مثـل الصبـاح وبسمته مثـل الـنسيـم والمـلامــح بين نـجـد وبين ورد ٍ بالـشمـال فيه من وردة تبوك وفيه من تمــر القـصيـم وبس ههههههههههه <<<< ماتقلد أحد هههههه |
مرت سنين العمر يا ساقي الورد
والورد من برد الشتاء مات لونه مسآء الوررد للي هنا واللي مش هناا هههههه |
يارب صبحهم بصحه وعافيه وامن وايمان وبكل خير
اهلا يارحيل وصح الله بدنتس ودام تواجدتس ولاعليتس زود ودمتي وسلمتي اهلا يالخفير وسلم ذوقك ودام حضورك ارحبي يالجوهره لابالله ما قدتس احد كان شي من هالدرر لتس وسلم ذوقتس ما نعدمش هالحضور ومساتس ياسمين وفل/ما شفت الاخيره الا بعد ما نزلت هالخثاريق ههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ قلبٍ عليه اعتى الطواري تآمر=وما راح من همٍ عليه ارسل اخوه من حبهاله معه تبغى تسامر=واتوهه باجواء الخيالات واتوه في ماضيٍ به كان ينهى ويامر=قبل نعرف المسج والواتس والووه اخذ وعطا بالحال حاضر بحاضر=على النقا ما جال بالفكر قالوه وادرج شريط الذاكره بالمناظر=ايوه لو ما فات له عاود ايوووه كم له بكت عين وله انهد خاطر=وكم كاس علقم من بلاويه ذاقوه |
تغانمت تالي مابقالي من أتلا الليل
وعطيت الرجاوي واحدٍ ما يخيبها ليا شحّ فيها من وجيه العباد بخيل تجي من كريمٍ مدته .. ما يشح بها (: الله يمسيكم بالعافية والستر (: ارحبي ثم ارحبي جوجتي وصح ذوقتس يابعدهم صح لسانك يابو عبيد ودام هالابداع منقطع صح اختيارك وذوقك خيال |
لي كم ليل ارقد لي شوي واقوم
مدري خطاي احب والا خطاهم اضحك على من يشتكى قلة النوم حتى بلاني بالهوى ما بلاهم امسي ولي خلان واصبح وهو قوم ولالي حاجة غير ادور رضاهم لانيب مستانس ولانيب مهموم احر من جمرة جفاهم وفاهم وصل وجفى واسرار وافكار وعلوم لا ركد ماهم مالي بشرب ماهم تسالي (: |
|
| الساعة الآن 11:18 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir