|
هلا بك خيالنااا
وهلا بك رحولتنا هههههه يعطيكم العافيه ويسلم ذوقك رحووله وصدقتي والله حي الشتا وحي ما جابه... |
وين السجيين
موو عاادته عسى مانعه خير ان شاء الله |
ليل الشتا قآمت تبين موآريه
حييت ياليل السهر والتعآليل |
اقتباس:
جايه .مغص . أسهرني معه وجب تله يانسون . شكل اليوم خميس , ويسوي علينا حركات مشتهي العجوز العود هههههههه هههه ههه جاك العلم ياجهير |
|
اقتباس:
ويمسيك بمثله .. مهب قالين بس هذولي مجرمين مايقولون .. بس ... الين خيال يقول بس جاك العلم .ههههه هههههه |
اقتباس:
|
السلام عليكم ومساكم سعيد وطابت اوقاتكم
اهلا بشاعرتنا وصح لسانك ولا قصرتي اهلا يارحيل وصح بدنك وذوقك ولاهنتي ودام تواجدك ارحب يالخيال وحضور ما نعدموهش/صح كذا هههه اهلا يالجوهره وصح نقلك ودام حضورك ولاهنتي هجوس الشعر مع هالروايع نبي مرواح مع روعة نسيم البرد لـ هب نلعبه مادام القوافي قصدها طيب ومباح وقرايها ما يلعب الفار في عبه عطني ما ترا ان الخاطر لطرقها يرتاح له يدق في صدري من الماضي منبه ذكرني بطله كنها شقة الصباح وسهيفٍ لخاله به حسب قولهم حبه حاز البيرق بملحه واخذ بالجمال وشاح رشا ذيره صوت التفق من طرف خبه اتلى العهد به عامٍ بعد عامٍ آخر راح ياويحه لهيب الكير في خافقي شبه هيظني وبيح ما خفا بي حمامٍ ناح وبذح فيه جرح مبطيٍ ما لقي طبه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ وبس ههههههههههههه |
الديره خلا والجو عجعج ولا من ناس
من البارحه بهو السجن ما احدٍ طبه ولا صب فنجالٍ قناده يزيل عماس يسوا له مية فنجال لوفي يده صبه ولا دق جوالي برقمٍ نبيه اجراس من حبه بنى يوم انتوى ينسحب قبه بنى كل ماسوى على علم ماله ساس عسى ما تشيل مروج الكذبه اركبّْه |
|
الله يسعد مساكم بكل الخير
صحت السنتكم واذواقكم ••• هلابتس زود جوجي اي والله حي الشتاء الجو اليوم خورافي برد خفيف لطيف (: اقتباس:
مانبيهم يقولون بس |
خفّي على قلب العناا ياحمامه
ياللي نغم صوتك يثير الجريحين على غصن دوحٍ سقتْها الغمامه.. وكنّك على أوتار المشاعر تنوحين ومن غلّ مافيني رميت العمامه من طاريٍ عرّض على كنّه الحين ويوليه قلب العشق جل إهتمامه وأنتي لا زلتي ياحمامه تبوحين |
حل الرحيل وزلّت أفراح الأعياد
وكلٍ بكَت عينه على من بكاها لا عاد تفريق المحبِين لاعاد يامازعٍ نفسٍ وبيّح خفاها وياما شكوا من لوعته من زمن عاد حيثه سبب كل الصدوف وْبلاها شربت مُر الما على علقم الزاد وعفت الكرى حارب عيوني كراها بأسباب فرقا من وفالي بميعاد وحقق لنفسي كل غاية مناها عشنا لذيذ العيش وأيام الإسعاد في ديرةٍ علّه يبكّر حَياها ومن عقب ساعات المعزّة والأمجاد واللّذة اللّي مدرَكٍ منتهاها شعر: عبدالله بن عبدالرحمن السلوم (رحمه الله) |
ما نخلا ولا نعدم هالحضور والكرم يا رحيل هلابتس وصح الله ذوقتس
اهلا يالخيال انتقاءات رائعه تسلم ولا يسلم ردي العزايم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ أفيه من ما يكسر الخاطر افيه او كلمةٍ لأضوق مساحه تدفه دايم توحى لي حلاوة تحفويه يهمس بها لسانه وعينه وكفه ذا كان من قبل التغلي يدهويه ويصير باسلوبه مع الوقت حفه ويجيب لي غريب هرجٍ يلويه شيٍ له يوضح وشيٍ يلفه واقفيت يوم اقفى وانا ابيه واغليه من خوفتي تزرا عليِّ المسفه |
السلام عليكم ورحمة الله وبركاته
مساكم الله بالخير دام تواجدكم و ابداعاتكم وسلمت ذوائقكم وصحت السنتكم دمتوا بخير |
اقتباس:
هجوسه كثيره تشغله عكس ما وده واقول لك شكرا في رواسي بعرض وطول جهودك مميّز عطرها عنبر و ندّه |
ليا طال قيد السجن بيّح خفا المسجون
بقنّد له الدله بقيفان منقيّه ترادم غيوم الوسم يا الخاطر المشحون بوقت العصر كن المساء حاجبٌ ضيه رذاذه تغشى الارض من قبل لا يمسون و نسايم ليال الوسم هيت جنوبيه تصافق سحابه يسلب الباب قبل عيون ولو كان ما قالوه بارصاد جويه ، ،، ، |
من التجوري
تسليه للسجين يا ملـذات الصـدور ويـا متاهـات الليالـي = ما بقى الا غيض صدر وزفرته يحرق سناهـا لو بغيت الصدر فيضه وصف الأيـام التوالـي = في هوى شبه المهاة اللي تغطرس من صباها نقّض جروح (ن) قديمه و الا أنا صدري شمالي = والجروح الغايرة عايشتها مـا اطلـب دواهـا بين صلـفات الرياح و بيـن همّـال الخيالـي = و الكبـود الناشفه من وبل مزنه مـا رواهـا و استكـن الحر في وكره على روس الجـبالي = لو يشوف الصيد في الريضان ما يتبع ءخطاها إيتعلا ما ينزّل هـامـته و العـز غالي = يوم بعض الروس تنزل لجل يُرفع مستواها و المثايل عهدهن لي ما تحرّم ما طرالي = و انتقل من ضفّه لضفّه ليا نسنس هواها و ياسهام اللحظ لو تفتك بهيبات الرجالي = هد ما كل الرجال بنظرتك تبحث خفاها كم صدور همومهن فيهن تزود الإجتوالي = والبشاشة في محيا الوجه ما يفقد ضياها و كل ما ناظرت لي فنجال من بن الدِلالي = ا تحلا ما يحلا في المداين مع قراها و اتخيل ناسع المجدول مع زود الدَلاَلي = و رفرفت جنحان فكري لين يسبح في فضاها و اردعه عن جوّه اللي ما حصل لي به مجالي = بين ترحيب الكفوف اللي قواها ولا قواها و انتظر وش يحتويه الغد من شمس وضلالي = لو غيوم الوسم بارقها تلاعج في سماها و مع متاهات الليالي عشت الأيام الخوالي = و زفرة صدور الخلايق كنها عندي لضاها |
مسيكم بالخير يالعمال العماليه
عطونا بنتكم الحلوه الجميله (: مانعطيكم هيا الا بألف ومئة ياعيشتن قشرا الف ومئة بس ههههههههههههههههههههه صحح بدنك ابو عبيد وصح لسانك مدد شاعرنا صح الذوق خيال وعليكم السلام ورحمة الله وبركاته شاعرنا كديميس وصح لسانك مدد شاعرنا |
اقتباس:
صح كلك ولا هنتي ههههههههه خيرهن من قل مهرها 😝 ، ،، ، |
فنجال قهوة قبل النوم :)
ثورة مشاعر عقـب مضمـاة عبّـت= وفاضت حياض لمـن ترجـى زلالـه نسمة عصر مع هادي المـوج هبّـت= معها مـن العـود المعتّـق رسالـة ارسلتهـا لـك و استدلـت و نبّـت= بحروف مـن رسمـك عليهـا دلالـه ذكرى بالاسترسال مـا عنـك جبّـت= توصـل مداهيلـك وكـل(ن) بفالـه ونار(ن) من الأشواق في الجوف شبّت= يـا داعـي الأشـواق يفـداك حالـه نـار الغـلا والا بشعـر استطـبّـت= لو بعض الإستطباب تقصـر حبالـه نفسي علـى سلـم البـداوه تربّـت= غموض عقل , ولا فضايـح جهالـه وحروف شعري لـو خطاهـا مثبّـت= دمح الخطـا منـك اعتبرهـا جمالـه في خط سيري يا نظيري تثبّت = و كلٌ عن الزلات يدرى خماله والسفن مع كل المحيطات عبّت = تنقل حمول وراعي الدين شاله ، ،، ، |
ارحب يابو منصور وصح الله لسانك
ارحبي يارحيل وصح بدنك وذوقك اهلا بالجوهره وصح بدنك الا البرد هو عدوي اللدود يغث ههههههههه ارحب يالخيال ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ هلا مرحبا كثر اسطوانات نجديفون لحجاب وخلف بالاغنيات الطروبيه لمن قرب الدله على قافه الموزون عقب شاف ما سوا العمس والضرم بيه ومن بعدها ياوجد عيني لشوف عيون لشيهانةٍ ميكارها بالعسييبيه لكن تفرق برمشٍ ليا سلهمة مجنون به قلوب مجروحه له قلوب مسبيه وخدٍ وقد وسلة الصارم المسنون وثمانٍ كما الؤلؤ ورا جمر مخبيه مراض القلوب ليا اصغو لهمسها يشفون باذن الشافي بليا علاجات طبيه وبس ههههههههههه |
اسعد الله مساكم
صح لسانك شاعرنا كديميس بليا علاجات طبيه يا سلام ياسلام صح لسانك يابو عبيد اما البرد عدو يازين البرد زيناه ويازين شعور الدفى بعز البرد ههههههههههههههه اقتباس:
بس يمكن مئة الف هههههههههههههههههههههههههههههههههههههههههههههههههه هههههههههههههههههههههههههه |
تغانمت تالي مابقالي من أتلا الليل
وعطيت الرجاوي واحدٍ ما يخيبها ليا شحّ فيها من وجيه العباد بخيل تجي من كريمٍ مدته .. ما يشح بها |
اهلا يارحيل وصح بدنتس ونقلتس دام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ سقيا لدارٍ جيتها دون ما اريد وانا قبل كنت انبسط حين اجيها وللحديث تتمه/اليوم اطرفت عيني نخله ومع النظاره تتعبني |
اقتباس:
لا شلت يمينك ولا انثلم قلمك ابدعت و امتعت |
اقتباس:
صح كلك ولا هنتي يا رحيل دوم الضحكة ان شاء الله مئة الف ههههههه دا كان زماااااان ، |
يا نجوم الليل طلّي على دارٍ سكن
و وصليه ازكي تحية و جلّ الاحترام الشتاء ليله يطوّل علامه يستكن ما يساهر عيني اللي جفت حلو المنام اشهد ان وده بقلبي وليفي قد مكن ما يزحزحه النوى لو بخل يرسل السلام ، ،، ، |
السلام عليكم ورحمة الله
وصحت السنتكم شعراؤنا المبدعين وصحت ذوائق المتذوقين ودام الحضور,’’ |
اقتباس:
صح لسانك وسلامات شاعرنا ماتشوف شر ان شاء الله وبانتظار التتمه,’’ |
اقتباس:
عليكم السلام ورحمة الله وبركاته صح كلك ولا هنتي ومن طول الغيبات جاب الغنايم ، ،، ، |
قهوة منتصف الليل
من الاوراق المبعثرة و ادري ان السجين في سابع نومة هههه سالف نداء الأشعـار يا قدس يا عراق = ويرجع صدى صوتي والأسماء أحرقَنّي و اليوم في طـرد الهوى جيـت سبّاق = و فـي ما مضى مقفي ولو يَعشَِقـنّي ومـن يطـرد المقفـي يلاقي لـما لاق = و الـذكـريات أوراقـهِن يُحـرَقـَنّي و بين الغـروب و بين ومضات الإشراق = شـابت نواظـر بالسهـاد أرهقـنّي و داعب هوى الغربي سماء ليل الأشواق = وأهـتزّت غصـون الغـلا و أورقـنّي و تفـجّـر الينـبوع و أخضـرّت أوراق = مـن زم ينـبوع الغـرام و سـقـنّي سـقيا حنايا صـدر مغـرم و مشـتاق = عقـب انتـظاري و اللـيال إسرقـنّي وللشـرع حكم الحـد في جُـرم سـرّاق = لـكـن لـيـال العـمر ما يُلحـَقَـنّي يا غِيـرة العِشـّاق في عـين عَـشّاق = و أمواج غِـيـرة في بحرها أغرَقـَنّي هي عشقـتي مـنزالـها قوع الأحداق = و نظـراتـها في شربة الماء أشرقـنّي نظراتها غيـض وعتـب همس ينساق = يـا كـم ؟ عـذارى في غزلك إسبقـنّي؟ و جاوبتـها انتي لك عهـودي وميثاق = لـو إنـهـن يا عـشقـتي شـوّقـنّي يا عـشقـتي ما كنـت للعـهد بـواق = وعـن عِـشقـهن مقـفي ولا وهقـنّي يفـداك مـن جنسك طويـلات الأعناق = مـا صـرت مملـوكن لهـن يعـتقـنّي ردت و قـالت غيـرتي تحـرق إحراق = ونـواجـذي لـك بالـغـلا يـشرقـنّي وضـميتها لو ما حصل بـعـد و فراق = و سحـايب لـقـاح ارعـدن و ابرقـنّي و ساقـن مطهرهن ديم هماله (ء) رقاق = اسـقى الـورود الفـاتحـة و (ء)غمقـنّي ثم فـاح ريـح الورد بـلسم و تريـاق = لجـروح من قـال السـهوم (ء) درقـنّي و غـفيت مـن ضمي لها عقب الإرهاق = حـتى نـواظـرها الصـباح ارمـقـنّي و صغـت القـوافي جل ما فيهن دقاق = ويـا كم جـباه(ن) من حياها (ء)عرقـنّي اطيعها لو قالـت أنـفُـذ لـلأطـباق = و أطـرق جـراهـيد الفـلا وإطرقـنّي وعبوسها حـزن (ن) له الصدر ما طاق = وحـروف شعري عقـب صمت إنطقـني و يا من يقول إن الغزل كذب و(ء)نـفاق = للـدّر غـيصـه و العـقـول (ء)فرقـنّي و للـصيد قِـنّاص و للأسمـاك حـدّاق = و أنـا اتـنـقى فـي الـدّرر ما انتقـنّي ، ،، ، |
تسليه نسيم الهوى لـ هبّ عقب المطر يـ سْعود على الورد وغصونه نديّه ورويانه تمايل معه مدري تراقص بلين العود بصوره جماليّه من الرب سبحانه يهيض وربي خاطر المشتحن ويْجود رقيق المشاعر كان شاعر بقيفانه على روعة الجو وجماله وجَت عـ المود نوادر خواطر جات مِنْه وعلشانه على الواقع المشهود والعب بدون حْدود بلاش الطلاسم يتعب الصّدْر كتمانه |
اقتباس:
مجاراة ع الطاير هههه بعد منتصف ليل الشتاء ثار هجس العود تخيّلت جوٌ صاغه الريم با لحانه علامك تهيّض بنت فكري كما المعهود بروعة لحونٌ غيضها وفيض طربانه وانا يوم اغني في الغزل كني المحدود تثير المشاعر نجد و الاعب الدانه وليفي غلاه بخافقي كل يوم يزود ضلوعي سياج لقصر ولفي و صيوانه عطيته عهودي لو منه ماخذيت عهود و انا راضي بحكمه و جوره وسلطانه ، ،، ، |
^
^ الله الله مجاراة كايفه ونايفه وعذبه صح لسانك شاعرنا مبدع مبدع أتشرف بمجارياتكم شعراؤنا المبدعين واتعلم منكم اساتذتي,’’ |
يسعد مساكم وصبآحكم
وكل أوقاتكم منوورين جميعا وصحت الالسن والأذوآق ودآم حضوركم وابدآعكم |
اقتباس:
الله يشرّف مقدارك وانتي يا شاعرة نجد بدون مجاملة مَدْرَسَة للشعر مبنى ومعنى لله درّك ، ،، ، |
اقتباس:
وصباحك مراقبتنا وصح بدنك وتسلمين وتدومين,’’ |
صح الله الســــــــــــــــــــــــــــــنتكم جميع
https://www.youtube.com/watch?v=QhkeCpzBMXw&ab_channel ______________________ |
اقتباس:
صح كلك ولا هنتي دمتي بخير ، ،، ، |
| الساعة الآن 04:59 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir