|
ارحب ولا عمرك تمادا بالغياب
ياشيخ ابو منصور لاعمرك تغيب ياما لقيفانك همزنا اصبع إعجاب ومع كل ذا نفقدك ذا شيٍ عجيب ومن بعدها يامنشيٍ غر السحاب يامن رجاء راجيه عنده ما يخيب افتح لنا لحصول عفوك كل باب واجعل لنا من فضلك الواسع نصيب لا ضيق لا تكة صدور ولا اكتيئاب لا كسره لخاطر ولا فرقا حبيب |
هلا بالجميع
منوورين يا مبدعين وصحت الالسن والأذوآق |
اقتباس:
اللهم آمييين وصح لسآنك ومين السجين أنا او حضرتكم شآعرناا هههههههه |
تسالي
للسجين الهواوي او السجينه اللي هي أنا ههههه أرقب غروب الشمس وارآقب عقارب ساعتي.. في حزّةٍ روحي طواريهاا تزيد أوجاعها . والشوق لا من هزّ وجداني سلب مناعتي .. على سنينٍ ماضيه يصعب عليّ إرجاعها . سنين عشقٍ خالده أصرف لها أغلى بضاعتي.. عيني تخيل إرسومها والفكر قافه جاعها ،،، يا شيب عيني من مقابيل الايام غربال حاضرها يبرر نكدها واقع وفيه الفرق مع مر الاعوام نمدح سنه من ضيقة اللي بعدها رحلة عمر تمشي وتنسف بالاحلام احلام ليل وكفنت في مهدها ،،، ننوي ننام وروسنا حزه النوم تبدا بسرد علومها للوسايد |
بروتكول #مساعد_الرشيدي رحمة الله:
لا غشاك البرد .. يا سمح المحيا أحطب الطارف من ضلوعي وشبّه! هات من عذب السوالف ما تهيا ودي أمسك صوتك بـ كفّي وأحبه |
اقتباس:
لافض فوك ولا انلجم لسانك فيك البقا يا امير مقبول العتاب لو ما الظروف اجيب و اقول ءلك جيب اُعذر لياقصرت عن سرد الخطاب يمكن بنات الفكر ما جاهن نصيب احيان ابوج الدرب لو جوي ضباب واحيان اكع وكن قدامي قليب يسري بي الهاجوس و اعوّد شباب و مع انبلاج النور اعوّد للمشيب و عسى دعاك اللي دعيته يستجاب آمين من رب على خلقه رقيب |
تسلية منتصف الليل
كريم من منشاك يا سـاري البـرق = اللـي مقاديـم المخيلـه تلـوحـي و ليا انهمر شلال جاء خاضع الطرق = وتسترسل القيفان مسـكٌ يفوحـي وعلى ضفاف النيل يا ساجع الورق = غن اللحـون ولا تـزوّد جروحـي لحن الفرح والحزن ما بينهن فـرق = والفرق في التوقيت ساعة تنوحـي احيان إذا غنيت سببت لي حرق = على شرايين الخفوق اللحوحي و احيان إذا غنيت سرقتني سرق = تسرق سويداء القلب وتسر روحي مابه شبيهٌ لك مع الغرب والشرق = تجفل ولو طبعك أليف ٌ مزوحي ، ،، ، |
صباج الفُل للكل
ياسلام ياسلام صح الله لسانك واعتلى شانك يابو منصور لكذا ننشد عنك ههههههههه ارحبي يالجوهره وصح بدنك وذوقك الفاخر والجواب ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ انا السجين اللي من سنين محبوس بحبسٍ سياجه هدب طحت متواسي برنامجي بالمعتقل غير مدروس احس بعض احيان وافقد احساسي فيه انبسط ويحوسني لا اصطفق حوس واحاول اطلع منه ما حني راسي كنه يشذب ثومة الكبد بالموس لاقلت انا والرد جا منه ناسي |
اروح وارجع ماش احد وين هالناس
وانا على الساعه عشر بي نعاسي لليوم ابو هنود ماجاء/بمدراس وخضر النخل جريدها به يباسي تعب وهم وضيق بالصدر ونعاس وفي وحل ياوجداه صار انغماسي وبس |
تشلية منتصف الليل صمت القلم مع طول غفواته ايفيق = وليا نزف حبره يعزف اشتياقي الهام ذكرى الوجد مرسال تصديق = ويعانق حروف القوافي عناقي طلسم وبلسم شعر من ناشف الريق = شعر الغزل عنده يضيق الخناقي يخرج من اسرارٍ بوسط الصناديق = وفي عالم الاسرار صمتي رواقي لابد ذكر الرمز و اخشى المطافيق = لو يحترق كل القصيد احتراقي في حضرتك للشعر لا بد تدقيق = وفي غيبتك زرعٌ سقته السواقي اسوق ركب القاف لو مابعد سيق = والعب معه شطرنج واللعب راقي انظم قصيدٌ فيه شكٌ وتبريق = واسرج خيول الشعر وارعى نياقي ويبقى الوفاء شامخ شموخ الشواهيق = ما اهتز عهدٌ ما دخل به نفاقي و اليأس لو يحكم جميع المخاليق = يبقى الرجاء عندي هدف لإنطلاقي وغلاك من بين الحنايا المغاليق = مازحزحه طول النوى والفراقي ولا تقطع حبال الوصل والمواثيق = خلك على عهد الوفاء معي باقي ولا بد طول الصبر يحرز لتحقيق= بعض الأماني لو بقى ءلهن بواقي وزود القهر يجرح قلوب العشاشيق = وقت الفراق اللي وسيع النطاقي ، ،، ، |
الفكرة اللي تسرج ءقطيها الروح =
من قبل لا فكري يسلّم رسنها ثم امتطاها الفكر و افضى لها البوح = خيّالها فكري وراسي وطنها قافي بها استرسل يناجي بها الدوح = و غصون دوح اوتارها في لحنها كله على شان الغلا يعالج جروح = مستدميه في جوف صدرٍ دفنها لا حي فرحني ولا نيب مذبوح = اسرف بحالي لين حبّه مكنها ولا كل من بيّح للاسرار مبيوح = و الا اشتكيت لشامها مع يمنها والشرق هو والغرب واجاوب النوح = دام الجنازه ما غطاها كفنها لو له ليا اسرف بي غلا الروح مصلوح = الصدر قلت إله الجروح احتضنها وبينت له جرح (ن) خطير(ن) وذابوح = لا هو ورى الثومه ولا دون منها متمكن (ن) بي حب مترف و مملوح = شبه الكحيله والتغطرس فننها فيها جمال اوصاف عالم ولد نوح = يافث وسام وحام , طبع و بدنها ، ،، ، |
مساء الخيرات والمسرات
وصحت الالسن والذوائق وداام الحضور صح لسانك يـ الهواوي ولاعدمنا حرفك المنهمر وابداعك المميز وصح لسانك ابومنصور ولاهنت على هـ المعلقات العذبه وسلمتم ودمتم رواسينا,’’ |
تسليه بعض مماقلت في سوق الاسهم:smile: أرامكو واردىَ من ارامكو زين سَهْم الفلس ياليتني ماشريته وصاني ادخل فيه طلق الحجاجين ياليتني يومه دعاني عصيته والا العقاريه عسى ربي يعين وكيان والكهرب خذا ماخذيته والاتصالات وطمع والطمع شين حتى شرقت بْقول ليته وليته والا بلا,ماينفع الليت ذالحين الصبر زين وعون ربي رجيته |
من الارشيف نعيش حالة دفاا والناس بردٍ شديد نار المشاعر تواقد مثل جمر السمر وارواحنا تلتقي لو المسافه بعيد من فوق سطح السحاب وتحت ضو القمر نبني من احلامنا والذاكره تستعيد مابين مسرَى الهجوس وبين صالِ الجمر والشعـر يرسـل حمام الشوق عبر البريد شعور بين السطور يْطيب فيه السمر خذنـا من ايامنـا عبـره ودرسٍ جديد والصبر محمود واللذات فرصة عمر |
اقتباس:
لا فض فوك ولا انلجم لسانك هههههههههه يا ما نصحت الناس من بضعة سنين عن سوق الاسهم من خيالي قريته البورصة فيها هوامير جشعين ياكم مواطن لجلهم باع بيته ما عاد خلو لو طعام الوراعين و ان قال ليه يقال ماجاك ، جيته ، ،، ، |
^
^ الله يصح لسانك شاعرنا مجاراة فوريه ممتعه ههه |
اقتباس:
زعيمكم جيبوا له من التسالي حتى يفيق بداخل السجن و يروق صدره منول خابر انه شمالي لكن ببعض ابياته يقول مخنوق عنده نخيل و كلهنه غوالي و الهندي مسافر و في رجعته عوق هههههه |
ياموج لاجيتك على الهون ياموج واسمع قصيدي مثل مـ اسمع هديرك قلبي حماه الله بضلوعي العوج لولا ضلوعي جاا مصيره مصيرك شفته على الشاطىء يباريك ويدوج والا معك فـ ادناك واقصى غزيرك لونك ولون الشمس,بالحس ممزوج خلطه,تثير جْروحي الله يجيرك |
 المعذرة / سرقت الصورة ههههه اشهد ان الموج يشبه للهجوس يوم جات الفكر في وضح النهار حاست التفكير بالوجه العبوس تشبه بمركاضها قحص المهار |
اقتباس:
صح بدنك وصح لسانك واستلم:smile: زعيمنا رايق من اول وتالي يَطْرب ويطرب فالسجن كل مخلوق صحيح مايسهر طْوَال الليالي لكن الى اضحَى جاب من كل منطوق فالمزرعه تحت النخل فـ الظلالي يسمع لحون الورق ويهزه الشوق ويجيب من عذبه ومن كل حالي سالي,يسلّي حرفه الرايق الذوق |
صح الله الســــــــــــــــنتكمم جميعع
................................... تبي الكلام اللي بنيته على ساس كـلام ماجـبته علـى غـير سبه من كثر ماخاويت بالعالم اجناس عرفت لي علمٍ وابعـطيك نـبـه اللي يخاف الله مـاهمـه الناس واللي يخاف الناس ما خاف ربه درس عرفته من زماني بمقياس الادمي خـوفه مـن الـرب طـبه تركي العريدي |
https://www.alriyadh.com/media/thumb...9d8b608386.jpg
يا ونّتي ونّة خلوجٍ من النوق على ولَدْها بالتهاليك معتاق أقفَوا بها رَبعِ مَعَ كل حنتوق وقامت تلَفّت للحوَيّر بالأشفاق قامت تصَعفِق بين صافي ومصفوف واحفاه من ضرب العصا كل مرهاق https://www.alriyadh.com/media/thumb...9d8b608386.jpg مْن أولٍ نقطف ثِمَر كل زملوق واليوم صانعةٍ خبيثات الأوفاق جسمِه مثل جِسمي من الحال مسروق يشدي لغصنٍ يبّست منه الأوراق أهي تعرّضها لوابيث وصفوق فرقا ولدها من خبيثات الأوفاق https://www.alriyadh.com/media/thumb...9d8b608386.jpg .................................................. ....... شعر: مسلط بن عصمان الخالدي |
https://www.alriyadh.com/media/thumb...9661142de1.jpg
يا عقاب شِب النار بين الصلاتين بين العشا والفجر زوّد حطبها وقرّب لها الرسلان يا قِرّة العين وعبّرلها بن الحبَش واعتمدها يبا يجيك مسيّر الرَبع الأدنين أهل البيوت اللّي مشَيّد عمدها وافرش لهم من غالي الزل زلّين ورحّب بهم يا عقاب والنار زدها هذي وصاتي حِطّتها بين قوسين افهم معانيها ووثِّق سَندها الله حفيدٍ للرجال المسمّين من حَدّته سود اللّيالي وجَدها شعر: حسين بن زيد الزراقي |
ياهلا بالجمييع
ويسعد مساكم وكل أوقآتكم وصحت الالسن والأذوآق ودآم حضوركم وابدآعكم يا مبدعييييين. ومنور السجن شاعرنا وابشر بالتسالي |
صح لســــــــــــــانك يابو منصور
ابوعبيد اذا طلعت من السجن لاتـــــــــاخذ فراشك خله عشان ترجع له |
مساء الخيرات والمسرات
شاعرة نجد وابو منصور انتم اهل بحر وتحاكون الامواج والمد والجزر وانا من فقار نجد جبال واوديه وعبال ونفود لكن صحت السنتكم ودام حضوركم اهلا بالجوهره والمهلي ما يولي ارحب يالخيال من قال لك ان عندي فراش فيه دكه بطحاء اتمرغ عليها ههههههههههه إي والله لي ايام ما عندي عامل وبلشان وانا زرعت المحميات كلها احسب ان عمالنا يجون وتورطت تركها غبينه وشغلها كايد والله المستعان ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ ليِّن جريد النخل ماهزتك ورقا=لي عدة ايام ما ازعجني لها نايح وانا اتمنى انها سلمت من الفرقا=واكثر عنا الوجد عن مكنونها طايح وانا الطواري اتحدر فيني وترقا=ليا ضوى الليل قالت روح يارايح اسرق ليا داهمني غفوتي سرقا=ابريق شوقي على نيرانهن فايح غول وخليلٍ وفي والثالث العنقا=والرابع اوعاد خلٍ يسفه الصايح عليه رمد العيون بدمعها غرقا=الموق يشكي دفاه ليا اندفق سايح |
^
^ حتى انا والله من نجد قلب الوطن داري ودار هلي واجدادي البحر جابني له ربي ثم النصيب والا ماني من اهله صح لسانك شاعرنا وصح بدنك,’’ |
صوتية // الفكر العنيد من ألارشيف شاعرنا الكبير . كديميس ابو منصور أهداء خاص يــا قـطـوف القافـيـة يــا عناقـيـد القـصـيـد كـل مـا يقبـل لـي الليـل هوجاسـي ضـوى و العيون الساهرة جاوبـن هـل مـن مزيـد و الصـدر يـا نسمـة اللـيـل يعـشـق للهوى والسهاد ارهـق لـي الحـال والفكـر العنيـد و الهدف من دونه ظـروف ويحـد النـوى يـوم احاسيـس الغـلا مـا تـوصّـل بالبـريـد ياقطـوف القافـيـه مــا غـويـت ولا غــوى كل مـا هبـت هبـوب الشمـال يصيـر عيـد جاب من نفحة عبيـره ومـا صـدره حـوى معه جاب لنغمة الصوت و العزف الفريد ما يبرد به ضمى الـذوق عنـدي وارتـوى و اتشفـق للهبــوب الجنـوبـي مـعـه اعـيـد الصدى من قطوف قافي نغنـي بـه سـوى ومن عناقيـد القصايـد نظمـت إلـه الجديـد والخيال وما مضـى مـن العناقيـد انطـوى كني اشوفـه وسـع عيـن معهـا طـول جيـد وايتغطرف كنه الغصن مـن ساقـي روى وكني اشوفـه يغنـي علـى خضـر الجريـد مع حمام الورق ميلاف , عـال المستـوى وكني اشوف الخجل منـه يخفـي مـا يريـد وكني اشوفه مذيّـر سمـع ذيـب(ن) عـوى و كنـي اشوفـه يـنـادي عـلـيّ يـقـول هـيـد و إن بغـى يغضـب يـرده حنانـه مـا قـوى و لـــو احاسـيـسـي تـبـلّـد ومـثـلـت البـلـيـد العتب في طبعـه إيحيـر اصحـاب الهـوى و ليـت قطـف القافيـه مـع عناقيـد القصيـد تحتوي كل العتب والغضب لا من ضوى شبكةة رواســـــــــــــــــيــــــــــــ نجد ألأدبيةة https://image.winudf.com/v2/image/Y2...rl=1&type=.jpg |
تسليه مع الكيف الكايف لـ حضرة السجين
جيبوا لـ ابوعبيد صافِ البن فـ الدله رسلان والهيل ريحه يقعد الراسي قهووه خلوا القصيد يْجي على حله من صادق الروح والا عذب الاحساسي |
مساجلات خفيفه من جيرانكم بسجن القوافي
كديميس الطير غرد على غصن الهوى والغرام و حمامة الدوح تشعى القلب بلحونها و بنت القريحة تبجح ما عليها ملام تلعب طرب لا لقت ناسٌ يلاحونها ناصر يذكرني الماضي و عنده كلام و الشاعره نجد بابداعات مخزونها مما يخطون عاد القاف للانتقام من عين شعري بعد ما كحلت نونها " " " " لهواوي ازكى تحيه بريح الورد بعد السلام لقريحة الشيخ من هاجوس ممنونها من عاش بالذكريات الماضيه ما يلام لو يصهره حر ليلاها ومجنونها يحول بين العيون وزول ليلى عسام في حالةٍ مذهله(غشوه)يسمونها يقال بخشوم عشاق الغواني عِرام مع هبت النود رياهن يشمونها وختامها صح كلك بالوفا والتمام بسبكك وحبكك لمعناها ومضمونه شاعرة نجد ياروعة الشعر واسلم واستلم ياسلام من جزل الابيات والا عذب مكنونها بسجن القوافي ليا جتنا على مايرام صفت حروف القصيد وهزت مْتونها مابين عشق وغرام وبين هم وهيام والناس كلٍ على جرحه يغنونها حمام مع وافر التقدير والاحترام متّع بعذب اللحون اللي يحبونها خل القريحه تولّع في هشيم العظام اللي براها الهوى من بُعد مضنونها كديميس ساقيت زرع القوافي لين صار انسجام و ولعت من مفردة والقاف غليونها ءجنونهم حضّروا عندي و قلت الهمام لا تطفي انوار سجن القاف و حصونها يا زين جُن القوافي في دجيّ الظلام تنفض غبار السنين اللي بُهت لونها و يازين شوف الديار ليا سقاها الغمام و صافِ النوايا مبادينا و ديدونها لو ان عظمي هشيم ولا تبعت الجهام من صغر سني و نضم الشعر لعيونها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ الهواوي دام المجال متوفر والعطا مستدام وقوع المحيطات للولو يغوصونها سباح انا محترف فـ البحر طبح وعام ما يرعبه مفترس قرشه ولا نونها لو الذهب كونته الشاعره من كلام وبالفضه الشاعر اغرق من يبيعونها لجيب الالماس ملفوفٍ بريش النعام ليا طرت لي حواجب ذيك وعيونها لمنطوقها يفطر اللي عاقدٍ له صيام لكن يقول الضحى ياحمض ليمونها كديميس الطير غرد على غصن الهوى والغرام و حمامة الدوح تشعى القلب بلحونها و بنت القريحة تبجح ما عليها ملام تلعب طرب لا لقت ناسٌ يلاحونها ناصر يذكرني الماضي و عنده كلام و الشاعره نجد بابداعات مخزونها مما يخطون عاد القاف للانتقام من عين شعري بعد ما كحلت نونها " " " " لهواوي ازكى تحيه بريح الورد بعد السلام لقريحة الشيخ من هاجوس ممنونها من عاش بالذكريات الماضيه ما يلام لو يصهره حر ليلاها ومجنونها يحول بين العيون وزول ليلى عسام في حالةٍ مذهله(غشوه)يسمونها يقال بخشوم عشاق الغواني عِرام مع هبت النود رياهن يشمونها وختامها صح كلك بالوفا والتمام بسبكك وحبكك لمعناها ومضمونه شاعرة نجد ياروعة الشعر واسلم واستلم ياسلام من جزل الابيات والا عذب مكنونها بسجن القوافي ليا جتنا على مايرام صفت حروف القصيد وهزت مْتونها مابين عشق وغرام وبين هم وهيام والناس كلٍ على جرحه يغنونها حمام مع وافر التقدير والاحترام متّع بعذب اللحون اللي يحبونها خل القريحه تولّع في هشيم العظام اللي براها الهوى من بُعد مضنونها كديميس ساقيت زرع القوافي لين صار انسجام و ولعت من مفردة والقاف غليونها ءجنونهم حضّروا عندي و قلت الهمام لا تطفي انوار سجن القاف و حصونها يا زين جُن القوافي في دجيّ الظلام تنفض غبار السنين اللي بُهت لونها و يازين شوف الديار ليا سقاها الغمام و صافِ النوايا مبادينا و ديدونها لو ان عظمي هشيم ولا تبعت الجهام من صغر سني و نضم الشعر لعيونها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ الهواوي دام المجال متوفر والعطا مستدام وقوع المحيطات للولو يغوصونها سباح انا محترف فـ البحر طبح وعام ما يرعبه مفترس قرشه ولا نونها لو الذهب كونته الشاعره من كلام وبالفضه الشاعر اغرق من يبيعونها لجيب الالماس ملفوفٍ بريش النعام ليا طرت لي حواجب ذيك وعيونها لمنطوقها يفطر اللي عاقدٍ له صيام لكن يقول الضحى ياحمض ليمونها |
لجيب الالماس ملفوفٍ بريش النعام
ليا طرت لي حواجب ذيك وعيونها لمنطوقها يفطر اللي عاقدٍ له صيام لكن يقول الضحى ياحمض ليمونها كفو يالذيب |
هنيّ الحمام اللي ليا من تهيض ناح على الغصن مـ احدٍ ينشده وش تهيّض به وانا بري حالي كل ما فوح صدري فاح كتمته ولو يستنجد ابياتي العذبه على ريش ذاك الطير لامن فَرَدْه وراح وحلق ووسع خاطره من فضل ربه عليه الله اكبر كيف ماباح,واستباح! رفيفه خفوقي واحترق والهوى هبه |
مساكم الله بالخيرات و المسرات
ابو عبيد شاعرة نجد صحت السنكم ابدعتوا و امتعتوا خيال الصقري الجووهره دام تواجدكم وسلمت اذواقكم وطاب حضوركم تحياتي |
طاير الاشواق دام الليل راح
لا ترف جناح لو طال السهر يكفي ان الشوق له بسمة صباح ينتشي منها العبير ليا عبر النوى كم سبب لقلبي جراح و الضماد الوصل و يزيل الخطر كم رجيتك ساتر الفرقى يزاح يا غُصين البان يا شبه القمر |
مساء النور والسرور شآعرنا
وصح لسانك ودام حضورك وابداعك |
تسآلي آخر الليل
للسجين وللجميع من لا يحس بقيمتك وأنت موجود ما هو بناشد عنك لا صرت غايب حاول تفرق بيض الأيام والسود يا قلب ما كل الحبايب .. حبايب ،،، ما عاد صدر البسيطه ياسع المتعبين و أرصفة الأحزان ما تاسع لـ ماطئ قدم تجنب الحب و دروب الهوى و الحنين ما خلفها غير وعثاء السفر .. و العدم بتروح حامل طموحات و حياه و سنين و بترد حامل مشاريه و جروح و ندم ،،، عسى مقبلة الايام وصلٍ على الغايات ومن جود مدات الزمن خاطري راضي على الله يحقق حاجةٍ فالزمن ما جات فلا غيره الحاكم " ولا غيره القاضي ". ،،، الناس والدنيا منازل بلا ساس رحيلها وان طولت مقتفيها هذي هي الدنيا. وهذي هي الناس خسران من علق هقاويه فيها ،،، |
............
|
ألله يمسيكم بكل خير ويسعدكم قولو امين (:
ما شاء الله اهنيك على الابداع صحت السنتكم لين تقولون بس اقتباس:
على هالترجمة (: هههههههههههههههههههههه |
اقتباس:
امين امين حبيبتي تقبل الله دعواتك اقتباس:
ابتس لا لا ): |
فصل الشتا ردّ السلام وساق ذعذاع البراد
ورحّبت به وأنا الهبوب البارده محتاجها ——————————— اقبل شتانا وقفى الصيف والجو زانت تعاليله هبت ولا عاد به تكييف والغيم صبت هماليله (: |
| الساعة الآن 05:11 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir