|
نيِّف وعام العهد في رقة القاف
وسلس اللغه والمفردات الدقاقه اوقفت انا مسترسل بيوتي اوقاف حتى افهم المتغيرات برواقه وقررت اعدي من على راس مشراف وادش بالصيوان وارخي رواقه بامرٍ خفي لا من توحى ولا شاف لو مالي بكشفة خفا الناس فاقه لكن من فعلة بعض ربعي اخاف ما ساق ذاك اومى لهذا وساقه |
الله يخليك يوم انه هدا لا تستثيره
توه بحالة نقاهه ما يطيق الاستثاره خايف ومن خوفه يوم زبنه عيا يجيره رحل عنه واهلكه بالبعد والا كان جاره يقص الآثار والاخبار من ديره لديره عصا النوى في يده من حين خليت منه داره |
|
يا ليل البركه يالعذب وش هالحجي الله يهداك هههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ يالعذب لاتربك مشاعر شاعرٍ طفق الشعور قد ارهقت سود الليالي خافقه لا ترهقه سبح محيطات الغرام وغاص في غبة بحور ورياض ريفٍ مورقه وشموس هجرٍ محرقه فطين لكن ضاعت الفطنه بعد جدت اومور ما بين سندان الحقيقه والخيال المطرقه يقرأ ويشطح به خياله ويتجاوز فيه سور وتلعب عليه الذكريات اتفل فيلم وتطرقه |
ياقاسي الوقت لاتقسى على القاسي
اللي قسى غصب من قسوة مقاديره لاحول,لاقول,لاقوه ولا احساسي الا بلطف الكريم وحسن تدبيره مايدري اللي بصدري لو هلي وناسي همي,معاليق جوفي بيته وبيره |
يامرحبا فيك يا طيف تقول انك لهذاك
حبيت ما شفت من طبق الاصل ياصورةٍ له لي هكذا قلت ياطيفه وانا من شكلك ارضاك ما اظن انا للطيوف بمذهب الكذبان مله ان ازدروني فهذا ياهجوسي من سواياك وان صدقوني فـ صدقي بي كما تعلم ءجبله خيال وارخيت بعنانه وغربلني ودهواك بلغزٍ مطلسم هجوس الشعر ما يقدر يحله |
صح لسانك يالهواوي وتسلم على بوحك الجميل يالعذب لاتربك مشاعر شاعرٍ طفق الشعور قد ارهقت سود الليالي خافقه لا ترهقه سبح محيطات الغرام وغاص في غبة بحور ورياض ريفٍ مورقه وشموس هجرٍ محرقه فطين لكن ضاعت الفطنه بعد جدت اومور ما بين سندان الحقيقه والخيال المطرقه يقرأ ويشطح به خياله ويتجاوز فيه سور وتلعب عليه الذكريات اتفل فيلم وتطرقه ياصاحبي بعض المشاعر تنكشف بين السطور يشوفها من عاشها مثل الشموس المشرقه وراعي الهوى لو يكتم اسراره يجي يوم ويخور دام المحبة يالهواوي نوم عينه تسرقه تحياتي للجميع عذب |
يامرحبا ما جن ليلٍ خرمسي وشق نور
ما شال غصن من الورق واعداد ما حت ورقه الله ينجي ملهمك يالعذب من كل العثور مع ساقته هجس الهواوي من تعب فاح عرقه |
| الساعة الآن 08:37 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir