|
جف القلم حبره غدا اشكال والوان
وكراسة الرسام مطوي ورقها |
لا لاتزيد الجرح ياسبّة الجرح بـ أسم الغلا والود والشوق,كافي محتااس بين الضرب والجمع والطرح وانا أحْسبك تمشي على الشوك حافي وانا أحسبك تفهم علي,ماتبي شرح تقرأ بعيني ماعلى الناس خافي وانا أحسبك تبني لنا فالهوى صرح من ذوقك الرااقي بشكلٍ خرافي خلاص كافي واسترح يالغلا وارح قلبي,وشكراً ماحصل شي,وافي |
يا عنودٌ قادت الصيـد فـي روس التـلال
لا تـذيـرك البـنـادق ولا تصويبـهـا و يا الهنوف اللي زهاك الحيا كنه جلال ءلك امانٌ في العوارض و زخرف شيبها والله انـي ودي اجـاري بيـوتٌ جـزال والمحاذيـر امنعتنـي وانـا ودي بـهـا يوم تحقيق الاماني ليـا صعبـت محـال العب القيفـان و يهـون لـي ءصعيبهـا لكـن التشبيـه للشـي جايـز بإعتـدال و إن طغى التشبيه قالوا هذا يهـذي بهـا يا سيوفٌ تشهر بوجـه مرويـن السـلال ينثلم سيف انشهر في الوجيـه و طيبهـا ويا رماة ٌ للقنابـل علـى روس الجبـال لا تشبـون الفتايـل و يقـنـب ذيبـهـا ما منع ذيب الغدارى هديرك يـا الجمـال و كلمـة العاقـل يميّـز بعقلـه عيبهـا للحدود رسوم ما به ورى الحـد احتمـال و كلمـةٌ مـا عربـت ينعـرف تعريبهـا ومن سعى بالسوء لا وصل معه ولا اتصال و القرايـا مـن سكنهـا يـدل شعيبـهـا و هبة الريح إن تنادوا لها جالـي مجـال ولاني مودي هذاري ولا ارضـى اجيبهـا ذمتـي مـا ابيعهـا بالمصالـح و الريـال و ذمتي مـا اهفيتهـا للنوايـا وغيبهـا استحوا لا رحم الانذال وانا اخو العيـال كل مـا بعّـدت عنهـا يجـي تقريبهـا عزتي للي تعنّـز علـى جـرفٍ هيـال السعـة فزعاتهـا ذا وذاك ءصحيبـهـا إن تنـادوا للهزايـل وعقـدات الحبـال لفّت ارقـاب الـردى وانعقـد تأديبهـا لو تجمع جمعهم من جنوب ومن شمـال سمهم في سمنهم والعـدو يحـري بهـا و ان بغيتوا ما قف الجد في وقت الفصال فزعة الميقاف تعـرف ويعـرف شِيبهـا |
من الارشيف... ياطير ياللي تصفق الريش بشويش شعيتني ياطير والله حسيبك وأنا من الفرقاا عْروقي معاطيش يالله عسى ماصاب قلبي يصيبك تعبت أهدّي ضيقة الصدر وتْطيش وين أنت ياللي عَجْز حدسي يجيبك نطرد ورى الايام مدري على ويش ونصدّق الاحلام عيبي وعيبك كافي شبعنا من شقى العمر,بنْعيش كافي علينا فاض جيبي وجيبك! |
ومازال النت سيء
يعين الله سجينه ماعندي منفس الا هو.. أحاول بشتى الطرق ههه |
الله يازمن..من سجن السلاطين والله يرحم ابن طلال ويذكر من ذكرته بالخير سجن السلاطين هيضني وبكاني قامت توارد هواجيسي بزنزانه مدري وش اللي على مبناه وداني مكتوب والا جذبني الشعر والحانه هبوب هبي طلبتك لو علشاني ودي وحيفك يجيني بين جدرانه عسى برادك يطفي لاهب أشجاني سجينه وُلي ثلاث أيام طفشانه لا بأس ماقصّر أبو عبيد سلاني جاب الكرامه وغنّى جزل قيفانه صاغ الجديد وتكرم في وجاراني مبدع يصوغ القصيد وُيتقن أوزانه وناقدنا يشكي الظروف وجاا وحياني والتسليه جابها صح الله لْسانه ونجلاء لها فالتسالي طابعٍ ثاني يزهَى الشعر ذوقها لوله ومرجانه وأبن طلال الكريم وبااقي اخواني ماقصروا بالتسالي جاات مليانه وألحين لازم مكاني واحدٍ ثاني مبدع وتستمتع الزواار بـ ألحانه لا للحين ماطفشت هههه |
هذا فنجال قهوه للسجينه
توي فهقت دلته عن النار توارد خواطر عابره بين شرق وغرب تنادي قوافي شاعرٌ هاجسه رجه وانا كل ماغنيت لي طرق طال الدرب بالارسال من صلف الهوى وثارت العجه وعبرت البحور المظلمة لجل بعد وقرب بلا بوصلة وجهات ،، وانذار و موجّه يهاجر حمام الورق سِربٌ يتابع سِرب و تزايد على اذني سمع سجعه و بي سجه افز لْه فزت غافيٌ ، من تعب ف الحرب على صوت صفارات الانذار مرتجّه ، ،، ، |
من الذكريات القديمه فـ السلاطين
مجاراة راائعه بين الهواوي,كديميس,ابن طلال وفيه للدنيش معي وكثيييير ممتعه لكن النت مايشجع للاسف |
اقتباس:
الله يرحم ابن طلال بواسع رحمته ويطول بعمر الباقين ويذكرهم بالخير |
اقتباس:
الله الله عز الله فنجال كايف ونايف صح لسانك صح لسانك,مبدع شاعرنا وغني عن شهادتي دام البوح وطيب الروح,’’ |
تصبحون على خير متابعينا
وصح لسانك شاعرنا وتصبح على خير شكري وتقديري,’’ |
وانتي من اهل الخير
وصح كلك ولا هنتي |
من التجوري الى سجن القوافي
هو صدق الايام ماضيها و حاضرهـا يوحي بمستقبـل الايـام و جـداده ؟ ليـت الثريـاء تزاورنـي و ازاورهـا و اقرب من ارصادها واصدق بميعـاده وإن هجرس القاف واشعل فكر شاعرها دار الكواكب وسجل بحـث لأرصـاده يا ما اذهل البحث يوم ارصد مناظرهـا و الذبذبه ترسـل الشـارات لإيفـاده يا الدمعة اللي ذرفتي مـن نواظرهـا الخـد لا تجرحينـه يصعـب ضمـاده طيحي على كف من يدرى مشاعرهـا و ارسمك بسمة فرحها و زندي وساده ويا حـزن الأيـام تكفـى لا تكدرهـا مابه حزين ٌ فرح فـي عيـد ميـلاده و يا هجس الافكار تكفـى لا تسهرهـا ترى سهر عينها فـي قلبـي أوتـاده حتى الأرق ما يبيّـن فـي محاجرهـا لا بـد مـن نونهـا يرتـاح برقـاده ويا حدس الافكار عن نجواي خبرهـا عهد الوفاء بالوفاء في الضيق واعياده مشاعـري هلـت القيفـان ماطرهـا من قلب صافي يـداري هـرج نقّـاده يميـن ماجيـت بالحيـلات احاورهـا لكن عايشـت مـوقٌ يشكـي سهـاده والعام كنـا سـوى واليـوم ادورهـا ومرصد فلكهـا لمـن ناجـاه مافـاده وياليت الايـام ماضيهـا وحاضرهـا يسوق بشـراه فـي مستقبـل جـداده |
ليـه الحيـا دام الامـر بالاسـم والدنيـا زوال
وين الميانه ياشبيه الريـم والطـرس انطـوى ياليـل لا ياصبـح والا اقـول ياوقـت الـزوال ان كان دربي طال والطرقة, ترى الحال انطـوى ، اعيش غربه في زمان الصمت واحلامي خَيَـال حتى مع احلام الزمن يصغر خيالي في الهـوى احلم بوصلـي للثريـاء فـوق غـرّات الخِيـال واعيش معها في مدار الكون بأنفـاس الهـوى ، وفي العلم يابعد الثرياء ماحصل معهـا اتصـال لـو التناجـي بيننـا قصـة بــلا راوي روى ولو جيت احاول لإستماع الصوت في علم إتصال اشوف ميرادي بعيد وصـدر ضامـي مـا روى ، البن يحمس في المحاميس ويقـدّم فـي الـدلال مقياس كيف لزعفران وهيـل للـراس الـدوى ياقايـدة للغيـد زود الجـرح مـن زود الـدلال والنبض في صدري من سهوم الموده لـك دوى ، اما اسعفي مجروح روح الحال ناحل ماش حـال بالوصل عن قرب وظلام الليل من نورك ضـوى ادني وخلي كل بعـد وكـل ظـرفً قبـل حـال ينزاح من دون الحدود , ليا بغى وصلك ضـوى ، قلبي تجـرّه يمـك حبـال السوانـي والمحـال لو قلت عل بصمت ما قلت إلك يالغالـي لـوى وإن كان للضامي تقول اليـوم ميـراده محـال مانيب منهو ساعـة الشـدات لذراعـك لـوى |
تصبحون على خير
|
يالله صبحهم ومسهم بالخير والعافيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ تت من المنقول يا(نور) التسالي ترانا ربعتس من اول وتالي عسى مابتس زعل من غير ندري تعالي زيدي الجمعا تعالي هذا تقديم والشكوى على الله على مالي طرا يا بري حالي خفير السجن وينك لا عدمتك وش اللي لك حصل كنت المثالي تفضل فك باب السجن فكه وفك الشاعره وانت الموالي ما اظن القيد لك يالقرم حارم ولك بالحبس يالشاطر مجالي تمدد فوق هاذيك القطيفه(تذكروا القطيفه)هههههههه وتاتيك الموايد والتسالي نبي نسعد معك ليله وليله والاولى بك تشرفنا ليالي بصدري يالخفير من امس حاشر يضكه لاذكرت اغلى الغوالي ليا استيقضت من نومي ذكرته وطيفه لو نعست شوي جالي |
وهاي اول تسليه للخيال المعتقل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ ليش مريته وانا كنت ما ابغى مرته=اتجنب مرته من حوال اربع سنين رجلي اللي له بلا قصد قلبي جرته= وزودت حزنه بشوفه وهو قبله حزين يوم قلت اشوَت جروحه لبيته فرته=وشاف به ما عاف واحيت بداخله الحنين يشرب الماء ثلج عله يبرد حرته=وانثنت رجله وعند العتب باح الكنين ايتسمع ويتلذع ايدور جرته=هو ظنينٍ له وله كان هذاك الظنين جيب صبره شهب الايام فيهم قرته=ويتصبر والله اللي يعين الصابرين |
أبدعت يـ السيحاني
صح لسانك وزادك من الابدااع والامتاع لاهنت,’’ |
اقتباس:
تفضل فك باب السجن فكه وفك الشاعره وانت الموالي ما اظن القيد لك يالقرم حارم ولك بالحبس يالشاطر مجالي ياصح لسانك ثم صح لسانك يـ الهواوي فخر وسند واكثر بعد يازعيم العاصفه ماقصرت ...وحيالله الخفير والايام تستدير ههه |
قبل الظهر جاني يقول الكفاله يـ نجد جتْكْ مْن الهواوي ابوعبيد كريم سبلا جمّل الله حاله ياطيب طيبه مايجي للمناقيد روحي لمن ترجين دايم وصاله حرهـ طليقه واسرجيها مع البيد وغني على موال يالا يـ لاله قافٍ نعَرْف وقاف نقراه ونْعيد وهذا الخفير اليوم تم اعتقاله بزنزانته حطوا في يْدينه القيد |
صح الله السنتكمم وبيض الله وجيهكم
بس لاتخلوني من التسالي والوجه الحسن |
|
|
خلك مع الواضح بفعله ومبداه لو كان مابه غيره إنسان / خلك إقرب من النشمي وفي ّ المخاواه اللي معك في خوته مثل ظلك وإبعد عن اللي سبعة وجيه وياه اللي بدرب المصلحه / يستغلك ولاتقصر برايك ،،، ولاتبخل بجاه وإقنع لو إن اللي تبي ،، ماحصلك |
الله يرحم ابو مشعل ويسكنه فسيح جناته ولاهنت يالخيال على هالتصالي
اهلا بشاعرتنا وصح الله لسانتس وبدنتس ولاعليتس زود ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ مسا الخير ياطيفٍ على خاطري عرض بساعة اصيل اهوجس وجاء على بالي لو المامة الاطياف بالنوم مفترض مع اول نعاس وكلش انحاس من تالي لكن يمكن لطيف الغلا يوم جاء غرض للتذكير يحسبني عنه داله وسالي لكن والذي ندعيه يشفي من المرض انه هو عديل العين والروح والحالي اسلوبه فريد وطبعه اللي علي فرض له الاحترام وحط له منزلٍ عالي جمع الذكريات اللي تزاحم هنا انقرض وبقى ذكره من سنين لاوقتنا الحالي ــــــــــــــــــــــــــــــــــــــــــــــــــ ـــــــــــــــــــــــــــــــــــــ وبسسسسسس ههههههه |
ياهلا يانور ولله درتس على الذائقه الفاخره ابيات في غاية الروعه صح لسان شاعرها
وسلم ذوق ناقلها وخصوصاً آخر بيت فاخر بالحيل |
منكم نتعلم يا زعيم العاصفة
أغلب وجيه العرب ماهي حقيقيه الواقع المر خلف المظهر الوهمي لو يدعون الثقافه و المثاليه مخالب اخلاقهم فالمجتمع تدمي و لو للبشر مختبر تحليل شخصيه شخصية المحترم فالعالم الرقمي ( حقيقته )فـ أربع ٤ حسابات وهميه ( وأحساسه المصتنع )فـ حسابه الرسمي |
|
خيال من قده بعد جات له نور
وجابت معاها مكسرات وتسالي وقدوعه المعتاد بقله وشابور بشاهي يغمسها ليا صار حالي |
صح لسانك يـ الهواوي وصح بدنك
ولاعدمنا ابداعك واقامه سعيده حضرة السجين وصحت ذائقتك نور,روائع منتقاة من ذهب لاهنتي,’’ |
أنا أحــيــان ماتـاسـعـنـي الارض واحــيـــان يضيق بـي الكـون مـن ضيـق صـدري ليت الحمام اللي على الغصن طربان سـجـعـه يهيضـنـي,عـن الـحــال يـــدري وياليت لـي مثلـه مـن الريـش جنحـان واطـيـر لامــن شعـشـع الـصـبـح بـــدري الهواوي.. يـــــاذا الـحــمــام الــلـــي تــلاعـــا بــالالــحــان تــلــعــي ولــــــه والا بــــــك الـــنـــوح فِـــطــــري لـيــا اسـفـهــل الــبــال لــــه جــبــت الاحــــزان ما ادري وش اسباب الشقى فيك ما ادري مـشـرطــك جـريـتــه عــلــى جـــــرح وجــعـــان وفــطـــرت فــيـــه الـمـنــدمــل مـــنـــه فَـــطْـــري تـــــــوه مـــــــوادع لـــــــه حــبــايـــب وخــــــــلان مـنـهـم بـقــى لــــه طــيــف غــفــوه وعــطــري |
مناسبة الابيات عندي خادمه فلبينيه دائما تغني بصوت حزين وعذب وممتع والى شافتني سكتت... قلت... غني لو ادري وش تقولين جاريت مـ الوم مثلك من دياره تغرّب أما صغيرٍ تذكرينه وفـ البيت يبكي عليك ايلين دمعه تسرب والاحبيبٍ عيت عْيونك تْبيت من بعد داره مايلومك مجرب لـ شفت دمعك هل دمعي وصديت كني اشوفك كل مـ الليل قرب يسري بك الهاجس وانا كم تمنيت أبعد همومك عنك بس اتهرب من عبرةٍ لامن رحمتك وُّاسيت هيضتك بدمعٍ سكب ماتورّب |
السلام عليكم وفجرية هانئة مبروك الحرية شاعرتنا نجد وصح لسانك ومبروك القيد مستشار الرواسي وبالعافية والهناء وصحت السنة الجميع على كل حرف وبمناسبة إنفكاك الشاعرة نقول : ^-^ مبروك يا نجد تسريحك وفك اليدين = من سجن الإبداع ، وإبداعك رماك السجون سجنك مؤبد في الأشعار طول السنين = ما عاد تفرق مدامك تطرقين اللحون والشعر ترفيه للخاطر وفض الكنين = وأيضا رياضة تحث الفكر لأحلى الفنون وحنا الأسارى لما تلقي وما تكتبين = وليا قريناه نشعر ب إننا هايمون صح الله إلسان حالك والله اللي يعين = والشكر ينصاك م الأعضاء وم الزائرون وسلامة الجميع ،، |
ذكرتنا يا خيال بالسلاطين وبن طلال رحمه الله وغفر له وأسكنه فسيح جناته. مناقرات كانت بالسلاطين مع الهواوي يقول : راع الذود ماله حس يطرب ولا له رمس=ما اعرف ليه قرر يتبع هكذا سياسه يرخي شد حبل الصمت مره وعاد ومس=له اسبوع من برادته ما امتلى كاسه وانا اللي مزاجي به تعكر وراسي عمس=واعرِّض بوجهي للجنوبي ونساسه يمكن مع هواه اشم ريا خضيب الخمس=لو بس الهواء مرت بنشارة لباسه لو القاه حركت اسودٍ دق سلفه لمس=من المغسله توه طلع كنه الماسه تصاميم فنسان الخشوم وعيونن همس=ليا شد حيله راكبه طير نعاسه لين الليل عنه يشيل بشته شعاع الشمس=وشيل البيوت ايزيل عن راسي اعماسه ^^ قلت : تذوّقت قافٍ كنه البن بعد الحمس = مبهّر بهيلٍ ينعش الشارب أنفاسه على جمر شوقٍ واهجه ما غشاه الطمس = ليا صب في جوفي تخيلت حمّاسه دِلال القوافي صبها بالحكي والهمس = ومع رشفة المعنى يكيّفك بإحساسه مجاهر بقافه ما يحسّب هروج النمس = ليا هز شوقه يبدع القاف من رأسه حرث بذرةٍ في الصدر واجرى عليها الدمس = وفي غصنها المياد علق لي أجراسه على الطايرة وإلا على طارة الجي إمس = نويت أرفع الطاروق وافكك أقواسه يمينٍ على ما أقول ما هي يمينٍ غمس = نصلْ له ..وإلا نقطع العرق من ساسه ^^^^ ^^ |
من ذكريات السلاطين ^^-^^ شعشعي بالنور يا نجمة الصبح العليل = زيّني وجه السما بالسنا والشّعلله طالت العتمة وتاه العشم في جوف ليل = وطلّتك مثل الفلق والرياح المرسله كم لعيني تحتري لك وكم قلبي يشيل = وكم وكم في البال دارت حروف الأسئله وكم درج في خاطري غير ما غيرك بديل = عدّ نجمات السما ،غير ما له منزله صدري الصبح المعتّم وبه ليلٍ طويل = وأنت مشكاتي على الصدر درة مذهله ينشرح صدري ويصبح وجودك لي جميل = وأنتظر في الكون ، يا للعجب ما أجمله أنت نجمي وانت نور الدجى وأنت الدليل = وأنت مصباحي على الصدر داخل منزله يا وجود الشوق يا منبع الحب الأصيل = يا مثار النقع للشعر وقت الزلزله هاجسي يوحي بالأبيات والشعر الجزيل = وفيك تتنزل صور بالمعاني وأجزله تسري الفكرة وتعرج على خيل المخيل = وأرسن المعنى على القاف وأحْبُك وأفتله ون حجب نورك غمامة فعيني لك تسيل = ودها تقشع سحاب الجفا وتسيّله يا نديم الشوق زاد الشقا والله وكيل = وكلما عدت مراحل تجينا مرحله وأعلم أن الشوق في خاطري ما هو قليل = وأنت بغيابك تشب الحنين و تشعله ما قدرت أمحي خيالك وفي عيني مقيل = كنه المِروَد على جفنها ويكحّله ^^ |
[IMG]https://h.top4top.io/p_2098nb4yw1.jpg[/IMG]
|
الصيف ودّع شمسه.. و عوّد البرد
وعادت صباحات المطر والنسايم قم يا صباح الغيم والعشب والورد شف وش كثر نشتاق لك وانت نايم صبآح الخير والجو الرآيق وصحت الالسن والاذوآق ودآم الحضور والابدآع ومبروك الحريه شآعرتنا المبدعه ومنور السجن مستشارنا وخفيرنا خيآل وابشر بالتسآلي والعلوم الزينه ومنوووره يانووور تسآلي رائعه يسلم ذوقك الجميييل ياجمييله |
ازامل الطيّب لو انه لا قريب ولا زميل
ولا الردي لو هو قريّب مستحيل ازامله طبع الردي لو تغسله وتلبسه ثوبٍ جميل اما يورّد فاضيه ولا يصدّر خامله والطيّب الطيّب يميل الحمل ولا ما يميل ان ما بغيته فـ الصغيره تذخره للصامله |
يااااللروعه
شاعرة نجد الله يرحم من عقبوتس وصح لسانتس بس ما ادري وش جاكم من امس على مقلبات المواجع انا اظاهر اني كبرت صرت اتأثر من الماضي هههههههههه ابو عامر هذا اللي محليك والا الشعار واجد صح الله لسانك ولا فض فوك ارحبي يانور وسلمتي ودمتي ابو منصور ماله ريغه عسى مانعه خير وقت مع خلول باب السجن ما شفت الاقشر ههههههههههههه الخالدي له مده ما شفناه رغم ان ما فيه لا قنص ولا قلص هههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ انا بالبصيره والبصر ما التفت ورا=انظر للثريا كلما ضقت بالثرا لجل ذكري لما فات يلعب بخاطري=وهل ما مضى يرجع لنا اليوم ياترا قريت وسرح بي هاجسي دون رغبتي=وباقفايته بي يعلم الله ماجرى اصعب ما على الرجال يسمح لدمعته=تطيح قدم الناس لو جيبه انفرا من اهل الوفا ياما فقدنا وغيرهم=ويا قُل من نسمع كماهم ومانرى |
يالجوهره شوفي الخيال هو بالسجن
والا يموه حذف بشته على شنطته قلبه صخيف اخاف انه بلحظه ايجن لوبسة السجن تطرد فارته ووطته لاخيل لا ليل لا شلفا ولا من هجن ناديه بالاسم يمكن مات في غطته ماجت لغيره فلا يطبخ ولاهو عجن ماقصَرت نور جابت عيشته وعطته |
| الساعة الآن 02:39 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir