|
دندنة سجينه بـ آخر الليل الصبر محمود والحاصل يكفّيي مـ أظن غير الصّبَر فـ إيدي ولاحاجه مدري المقادير والا المشكله فيني عيّت تعـدّل واعدّلها ومنعاجـه جفيت قلبي عشان الوقت جافيني وانهكت روحي ونار الشوق وهاجه |
وين السهارى اللي على لحن الحروف يسامرون
و ياوين من نوح الحمام يهيّض اللي يكتمه سمعت لي ورقى تنوح بنغمةٍ فيها شجون و كتبت قافي يا نجوم الليل والحرف ارسمه و لي مع نجوم الليل عهدٌ من قديم وله نصون ابقى سهير الطرف واراقب من الليل انجمه ولي معك يا موج البحر ذكرى وترانيم اللحون كم قاف صغته مثل ما صيغ الذهب في منجمه |
من الارشيف...
للورد والليل وامواج البحر والنجوم مساحةٍ في سماي ومصدر الهامي ونور القمر والمطر والباديه والغيوم تجتاح روحي وترفع نسبة هيامي |
اقتباس:
ابدعتي وامتعتي مافيكم حيلة هههههه واشوى انه على الاحزاب ماهو على المستقلين 😀 |
هبي هبوب الشمال وُسّعي صدري في خاطري يالهبوب البارده ضيقه مركب غرامي غدابي فـ البحر مدري والشوق والوجد والحرمان مـ اطيقه وابحرت واحترت واستسلمت من بدري وافحمني الموج والشعر وطواريقه, |
الشعر منْفَس لـ الصدور المغاليق ياما وياما فرج الهم عنها يشكي علي صدري من الحزن ويضيق ودْموع عيني يشكي الخد منها والله لولى الله ثم الطواريق اللي على صوتي يبكّي لحنها لصيبني حالة كآبه,ولا أطيق نفسي ولا الديره ولامن سكنها |
ياليل ماكل ضايـق جـاء لـه مسلـي
وحروف شعره تضيق إن ضاق له خاطر اروح كلـي بضيقـة والا اجـي كلـي إن كان ما هل من غيم السمـاء قاطـر ويا خاطري وإن زعل يوم انـي اهلـي وراه ماقـال عمـا يزعـل الشـاطـر |
لاهنت ابومنصور
وصح بدنك وصح لسانك ولاعدمنا ابدااع المبدعين وتصبحون على خير تقديري,’’ |
اقتباس:
بابيات شعرك والمشاعر ثمنها بالشعر كم حلقت ف الجو تحليق خوي جنب احيان يأمر وينهى مستودع اسرارٌ بليا صناديق غبة بحر به كل درّه خزنها خمسين عام اغفي مع الشعر وافيق حتى حروفه طاوع ءليه رسنها |
اقتباس:
وانتي من اهل الخير |
ليت الهجوس بخاطري يوم ما دك
و بقى بطي الصمت ما جاء و دكه ياليل سامرني على ثورة الشك و حاول تبرر ما ينافي ل/ شكّه في الصمت قدمه كني موقّع الصك و في كل كلمة قال الإثبات صكّه |
بوح القصيد ومسرح الفكر في جو
ما كدّره عاذل ولا حاف جوّه وبنات فكري تنهمر كنها النو في أول نجوم الوسم لا هل نوّه ياليل شد القاف في ليل يحلو و درب التفاهم معك ياليل سوّه |
تل قلبي تل جمسٌ يوم تلاّ
سايقه هارب من السجن ءمحدود باع نفسه بيع ما يرضى بذلاّ دون عرضه قاتلٌ سبعة جنود طالت الأيام في سجنه و ملاّ و انتظاره طال وادمته القيود وهربوه بليل من سجن المُكلاّ وسلموه الجمس والعالم رقود ما يبي صاحب ولا دوّر لخلاّ مايبي ياكود دار آل السعود واقتفوه اهل الطلب من عقب فلاّ وكل ما ارخى للقدم عزمه يزود وبس ( على قولة ابو عبيد هههه) |
يسعد صبآحكم ومسآكم وكل أوقآتكم
ودآم حضوركم وابدآعكم يامبدعيين |
السلام عليكم ورحمة الله
ليلتكم سعيده وخواطركم ممطره بالابداع صحت السنتكم ودام حضوركم وهاي تسليه بدون مزاج هههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ من اول ليا سمعت الصوت منه الضيقه اتروح وهلحين لااوحيت صوته زادت الضيقه بصدري وانا اعرف اسباب ذلك بس ماودي بها ابوح وهو يعرف اللي يصير ولو نشدني قلت ما ادري اكاظم العبره اللي سببتها بنيت الدوح حسبي عليها وراها تزعج الونات بدري كم عكرت لي مزاجي وانبشت بالخافق جروح ما عند هالراعبيه يابشر للجار قدري ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ |
واول التسالي لجميلتنا وشآعرتنا المبدعه
ابتسم في وجه الايام والكون الوسيع القدر ما انت بـ مغيّره لو تحبي حبي ،،،، تدور الليالي والعرب بين حال وحال وتبقى النفوس الطاهره نهجها بيّن . ،،، لا ضاق فيك الدرب لا ترجع ورى إصبر وغامر والعمر حظ ونصيب أحدن لقى في مقبل أيامه ذرى و أحدن رمى لكن عيا لا يصيب ،،، ابلغ من التعبير يشــرح لك الصمت شــوقٍ عــن عيـون الخـلايق كتمته عين العواذل تحتـري فرصة الشمت وانا عــذولي في غموضي هــزمتــه ... لا يابعد لندن وباريس وجنيف ماهيب تسوى ذرة من ترابك حنا نحبك حب في كنة الصيف وشلون لا حوًل علينا سحابك الله يجيب الخير والمطر |
اقتباس:
وعليكم السلام شاعرنا ويسعد مسآك وصح لسآنك وسلاااامة مزااجك ههههههه |
السلام عليكم
وصح لسانك ابومنصور,أبدعت وامتعت ودفعت ثمن غيابك طول الفتره اللي راحت بـ هـ الدرر الفاخره وصح لسانك يـ الهواوي لاعدمنا حضورك زعيمنا ولاهنت على هـ العذبه وتسلم اناملك مراقبتنا على هـ الذائقه الفائقه شكري وتقديري للجميع,’’ |
تغرد عند نافذتي امانه ليش ياعصفور الآ تدري تغاريد الطيور تْجيب مكنوني! سجينه في امان الله بس انطر ظهور النور لعل وياعسى ناسي من حْساسي يزوروني يضيق الخاطر وُمن ضيقته ياما تضيق صْدور أجل وشلون لو شافوا غزير الدمع بعيوني تهيضني عليك الله,لامُلزم ولامجبور توكل للحدايق رفرف الجنحان بالهوني وانا بزنزانتي بـ اكتب شعر وارسل على الجمهور وابطربهم وابحزنهم وابي منهم يَعَذْروني, |
صح لسآنك سجينتنا الجميله
وأحلى غدا بحري ل أحلى سجينه وسامحينا ع القصورر https://l.top4top.io/p_209536kpm0.jpeg ويالمناسبه غدانا اليوم صياديه سمك بالعآفيه علينا وعليك ههههههههه |
https://h.top4top.io/p_20958s2vd0.jpeg
انعزل عن زحمة الناس والهرج الكثير السعادة بعض الاحيان فنجال قهوه |
ويسعد مسآكم
وينكم ؟؟ |
يقول
ماقول بانّك هوى .. اقول بانّك نسيم لا هب ف نهاية الكنّه ولاهوبها ماقول بأنّك وبل .. اقول سيلٍ كريم لا مر جرد الاراضي عاشت جدوبها |
مساكم الله بالخير
الله على هالجمال والإبداع (: صحت السنتكم شعارنا وصح ذوقتس جوجي |
ياشبيه الريم في وادي محايل
دارعك زينن فغيرك مايطرا!! العيون الدعج منسوع الجدايل القوام الغض والخصر المبرا الفخامه والطخامه والـ ستايل غرو بدو يقضي المصياف برا 😁 |
السلام عليكم
مساكم الله بالخير الهواوي شاعرة نجد الجووهره رحيل صحت الالسن و تسلم الذائقة دمتوا ودام تواجدكم |
فجال قهوة
صحيح البعد من بيني وبينه,, و دوم الوصل من بينه وبيني= ولا يقدر يجي يمي واجيله,, تواصل من سماي ليا سماها لقيت الخيزرانه في يدينه ,, وشلت الخيزرانه في يديني = خفيف(ن) وزنها لكن ثقيلة,, ذهب بالوزن و الثقل بغلاها من التوصيف يكثر حاسدينه,, تثير شعور كل الحاسديني= وصايفها مع العالم قليلة,, سواد الليل من لونه كساها |
فنجال قهوة والليل توه ، ،، ، طرى على البال طاري كل ما يطري تبين عندي على الوجه ابتساماتي احد(ن) سأل ليه و احد(ن) مابها يدري و الفكر يرسم ثمان الإتجاهاتي ياسامر الليل لو تسهر ليا الفجري حالك ظلامه من بعيد المسافاتي والا بقرب المسافه يظهر البدري نوّر مداين سهير الطرف ماباتي يستألفه من تمنى منه ما يسري يعشق بروزه مع نجومٍ رفيعاتي ما اقول ناصع بياض,(افتح من الشذري) و باقي وصوف المجرّة في بياناتي ويا طاري البال لا ترحل مدى عمري بدت لنور البدر في الوجه ضحكاتي و لو اعرف اوقاته بميلادي وهجري معه اختفائي و أظهر حين ما يأتي احيان الافصاح صار بدمنا يسري و احيان شبه التحفظ يخدم الذاتي ليه المواثيق ما اكفت ؟ والزمن يجري ياسامر الليل لا تعشق متاهاتي ولا ودي اغيض طرف من الخجل خدري و الا تهامي دعد تراه ما ماتي |
مفعول سحرك ما ينافي القوانين و تلقى له بحكم الشريعة إباحه لكنه أدهى من فعول الشياطين في الفكر والمنطق له اعظم مساحه اسرت به قلب(ن) قبل , يجحد اللين و مفعول سحرك طوّعه واستباحه ضم لحدودك سور برلين والصين مستسلم (ن) يا من نويت اجتياحه |
قد شعبت مْع الدروب الموعرات ركابي
و قد طويت رشاي عن كل العدود و ساهي و حلّني و ابيحني في نظرتي مرتابي كان رفضي للغرام الراي مني راهي و سامح الله حظي اللي في طريقي جابي فتنة اصحاب الهوى, ماكن فيه الا هي وش برود اعصابك اللي تحرق به اعصابي كيف عما اريد أنا وعما تريده لاهي !! كل هذا من دلع يالمترف اللعابي تدعي إنك ما فهمت ؟ من الفخر متباهي !! في تصنعك الف معنى لو تثير اعجابي و من غلاك البّسك تاج الغرور الناهي و لجل ما اصير بنظرك الشاعر الكذابي اتغزل نظم قاف , و في مشيبي جاهي |
👆🏻
الهواوي شاعرة نجد رحيل الجووهره جمهور متابعين المرسى اربع دلال الكيف فيهن مناويع توزعوهن بينكم حسب الاذواق حسب اجتهادي جبتهن دون تلميع لكن وزن الكيف له عندي وثاق |
السلام عليكم .. مسائكم سعيد وسلخير على قول رحيل رضي الله عنها . الشاعرة السجينة ما قصرت وصح لسانك ودام بيانك أبو منصور ما شاء الله سيل من الإبداع صح لسانك ابو عبيد يا حياك الحيا وصح لسانك الجوهرة شكرا على القهوة والغداء وبالعوافي رحيل يسلم ذوقك الراقي الجميع شكرا كثييييير ،، |
والدله الخامسه لعيون ابو عامر
يا شوق عيني بعينـك لا تزيـد المـلام تلومنـي دون لا تـدري و أنـا لايمـك في بعض الاحيان لو سلمت وين السلام ؟ الفكر عندك اسيـر , وخافقـي هايمـك اشوفك الموج في وصلك وعتمـة ظـلام و اشوفك البحر لإغراقـي وانـا عايمـك واشوفك الجو عندى في الصفا والعسـام واشوفك النود وجنـاح الصقـر حايمـك واشوفك انت الغرير اللي بنطـق الكـلام تعجز تبوح المشاعـر والغـلا ضايمـك |
ذكرني ابو منصور بالتجوري .. ولقيت فيه حكايات وروايات قديمة .. ! منها : ذات المكان إلاّ الزمان اللي جمعنـا مـن سنيـن تـتـكـرم الـصـدفـة وتجـمـعـنـا عــلــى ذات الـمـكــان كـنّ الصـدف تولـد وتنجـب مـن صوادفهـا بنيـن وكنّ الزمـن يثبـت لنـا العـودة علـى مَـرّ الزمـان الــركـــن والـقــهــوة ومـوسـيــقــى وجــــــوّ الـحـالـمـيــن والــبـــهـــو والــــردهــــة وزوّاره وقــــاعــــة لــــيــــل دان كانـت علـى الركـن الشمالـي وأستـدارت لليمـيـن ثـــــمّ أســتـــدارت بـالـنـواظــر كــنــهــا تــلــقــي بـــيـــان تـرامـقـت مـنــا سـهــام الـشــوق مــــن عــيــنٍ لـعـيــن والقلب مثل الطالب اللي في فصول الأمتحان تـلاحـمــت نـظـراتـنــا بـالـحـيْــل وأغـرقــنــا الـحـنـيــن وتـقـاذفـتـنـا أمـــــواج تـتــلاطــم وحــنّـــا فـــــي أمــــــان يالرّبـع.. تربيـع القمـر ماثـل علـى مبـدأ الجبـيـن والـوجــه وجـــه الـبــدر زايـــد بالشـفـايـف والـلـســان والـخـد يـتـلألأ مـثـيـل سـهـيـل فـــي لـيــل ٍ مـبـيـن حـتــى الـثـريـا نـاصـعـة بــيــن الـشـفـايـف بـالـثـمـان والشعـر يتـجـدّل ويتعـطّـف عـلـى صــدرٍ سمـيـن والـثـغــر مـابـيــن الـشـفــق لــونــه وورد الـديــدحــان والقـدّ مـا طالـه خـيـال الشـعـر لــو يحـلـف يمـيـن فـيــه التـنـاقـض يـتّـحـد بـيــن الـضـمـيـر وعـنـفــوان غمضت عيني وأحفظ الصورة وراحت للخزين وساعة من التأريخ راحت من زماني في ثـوان رشفـت كـوبـي وأنتـهـى المشـهـد وفـرّكـت اليـديـن عـلـى أمــل تتـكـرر الصـدفـة وفــي ذات المـكـان ** كانت تحت معرفي ( الهاجس ) |
ازعلتي الورق حتى عافن شبوك الدرايش
واليوم موجتس وش فيها تحول للعصافير الراعبيه اليفة طبع وتحب التعايش لو حصلت بالنوافذ ما يومنها من الغير بالسجن هالعصر راستس يافتاة الجود هايش ما ادري لكن حرتس صبت على راس العصيفير |
اقتباس:
^^ صح لسانك ابو منصور ودام تواجدك وبيانك كان ودي أتسلى معك على هذا القاف ..لكن والله جاني أتصال وجارج الحين ولي عودة إن شاء الله .. وعاسك والجميع سالمين ، |
الا ياقلب بدّل كل هم (ن) يدهلك بمزوح
يزول الهم بأمر الله ويترك يوم مدهاله لو إن الفكر محصور بهواجيس ٍ تجي وتروح لقيت الناس كل (ن) منطوي بهمومه لحاله |
اقتباس:
معذور يا ابو عامر وما منك قصور دمت بخير |
ماضي العهد ليته يا وليفي يعاد
يوم وقت التلاقي به طراوة قطوف عقب ما كان وصلك لي نسيم البراد لو بوصل ٍ محدد ما لمحت الوصوف قل وقت الوصال و زاد وقت البعاد و صار بعدك و وصلك تحت حكم الظروف لا يغيّرك ظرف , مع الليال الجداد جد بوصلك مع اللي ينتظر للطيوف يوم حطيت لك في وسط صدري شداد ترقد آمن بظله ما تفكر بخوف |
يا للي تسلطن غلاك و حلّ بين الضلوع
حـالي تـلف والمولع ضايقً خاطره عـليك دم الوريـد من ارتفاعه يفـوع العـمر دلـبح قطاره وانتي القاطره يا قو سهم (ن)من اهدابك بفعله بتوع حصن الصدرسهم عينك بالصورفاطره اودعـتي الحال من كـثر التغلي جزوع وليا بغيتي ثبوت الحـرف جا ماطره هذي حـروف القوافي جات من كل نوع وان ما بغيتي قوافي,, تنكتب خاطره تعـالي استرسل التـعبير واوقد شـموع وان كان قلتي بدا قلت إلك ياشاطره ابـني ضـريح المولع قبل دور السبوع ورشي على القبرمن ديم الغلا قاطره |
| الساعة الآن 05:42 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir