|
لو كشفنا الهموم الي ورا الاضلع سِجينه
يمكن تهل العباري يارفيقي دون إراده خلنا نضحك وكلٍ يكن ماكنه كنيينه مالنا في نبش الصدر ي رفيقي إستفاده )))((( الله ياما قصرت النفس دون الشفوف واليا بغيت انتهج عيت تزوع القدم !! الله يصيب العدم والله يصيب الظروف الله يصيب الظروف اللي تجيب العدم انشهد |
صحح لسانك شاعرنا
|
لايغرتس يارحيل المستقل المستهيش
انفضي عن هالنمونه مشلحتس وانحاشي شاعر ومبدع ولكن فيه زوم وفيه طيش ما يفك اخصامه الا بغرفة الانعاشي المغول جيوش واخرجهم من اخرجهم بجيش وانت راسك من بيوت الشاعره منداشي فات له سبعين عام وكثرها جعله يعيش ودنابه يوم ما عاصرناه فيما عاشي حرٍ اشقر لا ارتفع في صايده موت الخريش بس لاشاف العقاب ايزيد فيه خراشي ــــــــــــــــــــــــــــــــــــــــــــــــــ ــــــــــــــــــــــــــــــــ امزح هههههههههههههه |
اقتباس:
هلا بك شآعرنا وصح لسآنك انا اقصد في الكتابه وليس المعنى اقصد نادراً تنوين بالفتح او نادرٍ. او بالكسر. ومشكوور ماقصرت |
وهلا بك رحووله منووره
ويوم وطني سعيد عليك وعلى الجمييع |
|
ايه يالجوهره بالنبطي لا تقيد بالاعراب
ولكن كلمة نادر هنا صفه لفاعل مرفوعه مثله يعني لا فتح ولا كسر (ضمتين)لكن ما تجي مع الشعر الشعبي ثقيله بالنطق والله اعلم هههههههههه |
من غير سين و جيم مافيه تحقيق
نظمت قافي تسليه ف الظهيره اليوم عيد و صه نقض الطواريق لو كان مابه قافيات عسيره نصفح عن الاحزاب و نعدي طويق و عليها آمان الجادل المستديره و اخيل غيمٌ في السماء له تصافيق يمّة شمال لشرق شبه الجزيره عساه يسقي الدار مزنٌ تصاديق و يطهّر ارضٌ عقب قيضه غبيره و تزهر به فياض وتميل الزماليق و يشم اذا مره روايح عبيره يستاسع الخاطر ولا يشكي الضيق و انغام صوته يشرحن السريره تعبير احاسيس وحدس دون تدقيق ارسلت له حمامة الورق اسيره ، ،، ، |
صحت السنكم
وجادت قرائحكم وسلمت اذاوقكم كل عام والوطن في عز وامجادٍ وهيبه يمتطي سنام شرع الله ولا يرضى بداله |
|
|
ياسلام ياسلام
صح الله لسانك شاعرنا اهلا بالجماعه كلهم وصلى الله على سيد المرسلين ــــــــــــــــــــــــــــــــــــــــــــــــــ ـــــــــــــــــــــــــــــــــــــــ انا ودي ارسل واتخوف من المرسول وعلى النت منهم ما يجي رد مرسالي وانا بين شمت وصمت ومراوغه مذهول لكن الصبر محمود في كل الاحوالي انا ما بغيت اسلك طريق يراوح حول شكوك ونوايا الداله الخالي السالي مبنيه تحاليله على الماضي المجهول يحسب ان شحن صدورنا لعب جهالي جمل لا مفيده قالها مالها مدلول لقنها له والواشي ولاجت على بالي |
اكيد ما ودي عليك اتمنى=ولو مات منك الوصل ما ودي اتموت
ولا كنت فيما قلت عنك اتجنى=لكن لا فات الفوت ما ينفع الصوت هذا المثل من قبل غزوة مهنى=معروف من قلوه الى باب تاروت يمكن باسم عرقوب ودك تكنى=وتدعي مودك بين مبعد ومشموت عن ما يكدر خاطره ما تونى=وتشوت ما يرضيه في صدتك شوت |
أنا اللي و إن تعكر صفو جوي التزمـت الصمـت
أميّز فـي الأمـور و مـا يعكّـر جـو صافيهـا احاول بالركـاده قبـل أقـول انـي أنـا عزمـت احـب العـدل وشهـود القضايـا عنـد قاضيهـا لو أشرب من أجاج البحر قبل اثبت ما اقول اطعمت ولا اقيم الحجج من قبل اعـرف إن الـدواء فيهـا اساير جيل فاقـد جيـل بالقانـون مـا حاكمـت على سلوم العرب سلمي و أمور الشرع راضيهـا |
هاجسي لمعة بروق المزن فـي مسراهـا
لو دوى صوت الرعد سمّا المطر وبروقه لين يجرف وابلـه كـل المـدن وقراهـا و الهشيم اللي حمسه الصيف شال عروقه والجمال اللـي تحـن وتـرزم بمفلاهـا ترقب بروق الحيا يوم الريـاح تسوقـه وابل الغيث إن تحدر من عـلا واسقاهـا الفياض الممحلات تصيـر لـه معشوقـة و المغيث الله ليا مـن الفيـاض احياهـا من مراويح السحايب وانبتـت زملوقـه |
تسليه للسجين اشعل الليل الطويل بنـارك المشبوبـة ومن لجاء لك من سهاده لحفه بأهدابك انت لك حوبه وانا لي ياوليفي حوبـه من صلو جمرة غلاك اللي سببها غيابك من لضاها خافقي يادوب صبره دوبـه والحذر يعقد لساني يـوم مـا هلابـك انت لك قدر ومكانة شافعـة مكتوبـه ما تلاحظ يوم ما بادرت لك بعتابـك ؟ ما تمعنت المشاعر جات لك مصبوبـة صب مسكوك الذهب في قالبه بكتابـك واينعت عندي ثمار الأبجدي بإعجوبـة يوم صغت القاف وارسلته لشرفة بابك ما استدنته من هل التطوير للأكذوبـه ولا شريته من احاسيس الغباء لعنّابـك |
وكمان هاي تسليه ، ،، ، ياصاحبي خذ من الجـزلات مـا طابـي وما لا يطيب لجنابـك نطـوي أوراقـه كلمـة تدلـل وكلمـة زود الإعجـابـي ما تورد الضامـي اللـي جفـت ارياقـه ما اطرد ورى كلمةً في صفحـة كتابـي عقلي معي , فرق بين البـاب والطاقـة من دون لا اسمع نداء يا هدي الاعصابي وليـا سمعـت النـداء ميّـزت ميثاقـه ليل الثلاثاء بـدا فـي الصـدر هندابـي وعلقـت بالنظـم والكيبـورد معـلاقـه في ركن مرضي القوافي وأرضي اصحابي سوق الضعن بالحـروف يمتّـع احداقـه ، ،، ، |
فنجال قهوة للسجين ، ،، ، ياهاجس الصدر وش علمك لقلبي خصيم إن جيت افل الحجاج اثعيت به قربعه إليا متى الصدر من هجسه جزوع وكظيم اما اني اطاوعه والا اني اقوى اردعه شعر الغزل كل ما في الليل ذعذع نسيم إيسلي النفس لو هو من خيال ابدعه يا حبني للسفر والسهر وقت العتيم و ياحبني للقصيد اللي حوته اضلعه غنى الترانيم و أطربني بصوتٍ رخيم وليا تخيلت صوته قلت له ما اروعه واعزف لحونه على لحن ابعد الجو غيم و طيوفه الشمع للسهره وانا مدمعه ، ،، ، |
وهذا فنجال عن الشكة 😀 الروض يشفق لهمال المـزون الحـدور يستبشر ليـا سقـاه الله مـزون ونمـار تسقي شهاليلـه الـودان نبـت الزهـور حتى تشكّل مروجه فوق غصن الخضـار متعة نظر للبشـر والماشيـه والطيـور و إن جف يصبح هشيم ويمحلـن القفـار تشبيه صدر المولـع يـوم دمـه يفـور وصلك شهاليل مزن وقل وصلـك دمـار يالريم لا لا تذيّـر كـل مـا شـق نـور جد في وصالك تراك اوقدت في الصدر نار لو أني اعلن غلاك و كل الأمـه حضـور الشيب ما عاد له يالريـم قـدر و وقـار |
للسجن فكري يوم جد بمسيره
يزور للمسجون مع من يزورون و اخاطب الصفحات بأشياء كثيره من ماضي الذكرى وما جد بفنون ف الليل والا ف الضحى و الظهيره ما فيه سجّانٌ ولا فيه مسجنون يالله يا من مستجيرك تجيره بأمرك تغيث الدار بالرحمة مزون غيثٌ مغيث يعم شبه الجزيره خمسين ليل الديم متواصل بهون سقيا من الرحمة تشوق البصيره تهتز تربوا تنبت تفيّض عيون على عجل سبعة بيوتٌ يسيره استرسلت زفرات والصدر مشحون ، ،، ، |
السلام عليكم وطابت ايامكم ولياليكم
لله درك يابو منصور وصح لسانك مليون ولا يكفون اهلا يالجوهره ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ ياخفير السجن لي هات مفتاحه=وخل كل ابوابه اليوم مفتوحه نفسي من الصبح ماهيب مرتاحه=ومثلها الخاطر ولا اعرف وش نوحه ذكرهم في خافقي شب قداحه=ومن قبل كبدي من الهجر مجروحه قبل عام وعام وشهور مرواحه=لا رجع غايب ولا لي حصل روحه كل ما اوحي بالنخل صوت نواحه= مخطرٍ صدري يذيب النحر فوحه غيبته طفت من الحي مصباحه=وعندي ان البدر عقبه خفت ضوحه وزرعه اللي بالحشاء فيه لولاحه=إيه!!صفَّر /نوهم قل منضوحه يا سقى الله ذلك الشعب وطلاحه=وضلعه اللي عنه من غرب وسفوحه ياعسى سيل اول الوسم يجتاحه=ولشهر من شاهده يحسبه لوحه ريحة خزاماه لاامسيت فواحه=ريح غيداً قد ربت فيه مملوحه الشفا بالهمس والسحر بوشاحه=ورغم جرمٍ سوته في مسموحه |
أسعد الله مساؤكم وطابت اوقاتكم ودمتم بخير,’’’ سلام ياسجن القوافي ومن فيك شعار,جمهور وحضور ورواسي أروح مهما اروح وارجع واحييك ياروعة اوقاتي وذاتي وناسي أروَى شعر واقرأ من العذب واعطيك مع مبدعينك قدرهم فووق راسي ياما وياما جيت افضفض واناجيك واصب واكتب من حْساسي بكاسي |
يازعيم العاصفه مدري زعيم الشعر كله ألف شكر لحضرتك يالقرم ياسمح الجناب اطلع مْن السجن ماقصرت بس الكيف خله خلها دْلالك لاني ادري دلالك عْذاب خاطري عمسان ابغلي البن ينعشني وازله بـ اتقهوَى وابقهوي من دعيته واستجاب للقصيد اللي ليامن قام صواغه يهله يطرب السامع ويفتح للهواجس كل باب لو غرامي حد سيفه في ضلوع الصدر سله وشقق عروق الخفوق وزااد من وهج العذاب عادي بْزنزانتي واحط من همي واشله خلوَه بْروحي ومع روحي كأني عـ السحاب بعد ماكنت بْوناسه واحتفال ومسفهله جيت برجولي لسجن القاف واخشى الاكتئاب كود ياسجع الحمام نحط جو السجن فله مع جزيلين القوافي,طاب عزف الشعر طاب |
اقتباس:
^^^ يا مرحبا مليون يا الشاعرة والحمد لله ع السلامة والله كنت غايب ليلتين أوثلاث ، وأشتقت للدخول لكن جتنا بالوادي أمطار وسيول وتقطعت بعض الطرق والتيار الكهرباي أنفصل لمدة عشرين ساعة تقريبا بسبب صواعق ضربت بعض المحولات .. ولكن كانت ليال فريدة رجعتنا لأيام الشمعدانات والإتاريك .. ولكنها كانت ليال مضيئة بليالي النص والحمد لله على جزيل نعمه . وأسأل الله أن يعم بها أرجاء البلاد وخاصة ضرية ههههه ويا مرحبا بك نورت السجن .. ^^ يا مرحبا بك عد نقلة خطاويك = ويا مرحبا بك عد ليّن وقاسي يا شاعرتنا بالتحية نواسيك = وبالسلامة جعلها لك لباسي شرفت سجن القاف والمنتجع ليك = غني وشيدي وأطربي بالمجاسي وحنا ليا جينا نجاري قوافيك = عز الله إنك تلهبين الحماسي ^^ |
اقتباس:
^^ صح لسانك ابو عبيد .. وصح لسان شاعرنا كديميس أثريتم السجن بهذه الروائع فلكم وللجميع كل الشكر ،، ^^ آقووول .. وهذا الطاروووق عاجبني وأطربني :- من تهامة وأرتفِع لا شفا الباحه= هب يا نسناس سلم على بوحُه الهواوي شرّع الباب ع الساحه = ضاق من قيده وملّت منه روحه حنّ للطاروق والسجع وصْياحه= وهاجسه غنى يقل وين صبّوحه ون تهيّض قام يومي بمسباحُه = مرة يْسبّح ومراتٍ يْلوحه ليتني وإياه في شاطي الراحه = وأصعد الأبراج وأشرف على الدوحه ون درجنا العين فالعين نضاحه = والجميرة تشبع الكيف بالسوحه والمناجع زودوها بمسباحَه = وكل سايح عاش وقته ب بحبوحه هاجسي نادى الهواوي وبإلحاحه = من زمانٍ فات ماجاب صحصوحه كلما صحنا يقل فاتت الصاحه = حدني ضريا وشقرا ومنفوحه يا خيال أسرع بمتكى وطراحه = وأدعنا نسمر مع الشيخ ف صْروحه ومن صريم المزرعة تمر وبلاحه= هاتها نقدع وبنّه على الفوحه ^^ وسلامتكم وإلى لقاء |
اقتباس:
^^ يا سلااام يا سلام وحياك ملاك رائعة وفائحة صح لسانك شاعرتنا وعز الله ما تنسين الجميل .. فكك الهواوي وجيتي برجليك لرد الجميل .. جمّل الله أحوالك كلها . |
ابو عبيد
كفيت و وفيت ابدعت و امتعت صح لسانك وجاد بيانك |
اقتباس:
اسعدك الله في الدارين الحمد لله على السلامة ومن طول الغيبات جاب الغنايم وهذي من اول الغنايم صح الله لسانك وجاد بيانك وابشري بالتسالي الكايفه ، ،، ، |
اقتباس:
صح بدنك وصح لسانك ابدعت لاهنت |
فنجال قهوه
من الاوراق المحفوظة في التجوري هههههه اخذي من الابجدي , للقـاف صنّاعـه واشجار عود,الغصون اخذي عتايقهـا لو لحظة الصمت تحسب كنها ساعة قلت الحسابات تخطـي فـي دقايقهـا إليا انطوت صفحه , الأقـدار جمّاعـه و الورد حذراك يذبـل فـي حدايقهـا ولو طال صد المداد و شـح بشباعـه صاح الورق للقلم و اظهـر حقايقهـا من مَفجَر النبع يرويك الندى الطاعـه ولا كـل من يسقي الوردة بذايقـهـا ما يجحد العهد غيـر قلـوب خدّاعـه يبقى وفاء الروح لو للموت سايقهـا في المد والجزر مـا تتغيّـر اطباعـه و لو ماتطاق العلوم يصيـر طايقهـا يجوب معك البحر باليخـت وشراعـه أمرك ينفـذ ولـو كثـرت عوايقهـا والله ما ارضى عليك تكـون شمّاعـه لأخطاء البشر بين جاحدهـا وبايقهـا وشلون ابا اصرم حصادك وانت زراّعه واعطيك مني شواهـد مـع وثايقهـا والهوش به نـاس فراعـه وفزاعـة وانت ءلك فزعة ولو ياطاء حرايقهـا ، ،، ، |
فنجال ارتجال ، ،، ، يا مرحبا بشاعرة نجد الشقرديه ترحيبة من ضمير الشايب الصافي الليله السجن قيفان ارتجالية يستاهل اجزل قصيدٌ ينظمه قافي بالطوع جت للسجن من غير جبريه دليل منها الوفاء للضامن الوافي لعل يفدونك ذكور الحونشيه من يجحدون الجميل بكل الاطيافي لك من يسليك بحروف الهجائيه رد الوفاء سلمنا من ماض الاسلافي لو حزبكم دايم افكاره جنونيه طاغين بالقاف ، والله منكم الكافي ، ،، ، |
لو جبت من ماضي حروف الشعر والا الارتجال ، الليل طال =
وانا وقاف الشعر في خلوة رواسي ننتظر ،، طال الصبر السر في ليل الشتاء ؟ والا السجينه في ارتحال ،، هنا السؤال = والاان نظمي مايناسبهم ابد بالمختصر ،، ما اكتب سطر |
لله دركم مبدعين بلا منازع
شاعرة نجد/ا بو عامر /ابو منصور لاهانت روسكم دمتم وسلمتم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ ــما قلت هالابيات عني كفاله= لكن شـ اقول ليا بغى سعيِّد البيع رمز الوفا لا اتيح قِدمِك مجاله=جيتي بطوعتس له وانا لازم اطيع روت ذوايقنا لحد الثماله=تنهل من الابداع ماهو قراطيع كديميس لاجاء قلت هذا لحاله=وللهاجس جيوب القصايد مداليع وللشاعره هداج تضرس محاله=غروبها عليه دايم مشاريع ومن بعد ياهجس الشعر جب مقاله=لقيفان وجدك هات فيها تناويع ابيات عتبى في مثابة رساله=منديل لطف لهالعيون المداميع يمكن يقول اللي قرا القاف ماله؟=ويقال طيب والمشاعر مواجيع |
يسعد مساكم
سالخيرات والعافيات ومنورة السجن يا اجمل البنات 😁 مبدعين جدا جدا (: صحت السنتكم على هالابداع ،،،،،،،،،،،،،،،، ،،،،،،،،، ،،،،،،،،،،،،،،،،، سجةً في نجد تبري معاليل القلوب في فياحً قد حصل دونها وقعً قوي مدهل سحج العشاير مخايلة النصوب ديرة يطرب لها كل مصلاح بدوي في سباريها الوناسة وتشتيت الكروب والله انك ماتبي لك ونيس ولاخوي لابديت الرجم من عصر قدام الغروب كنه يضمد جروحك بدافع معنوي |
حمم بركان في صـدري تفجـر،،
من حـروف القوافـي واتصبـر ،، ولا ضنيت موقـف منـك يقهـر،، ولكن عهدي لوعـدك اصونـه ولو بركان صمتي فيـه تـدري= عرفته يحرق الاخضر و يابـس .=. شهقت الغيض واستوطن بصدري،، وتمنع زفرتي واحتـرت بامـري ،، ليالـي سرمديـه ويـن فجـري،، قتيل الصمت عهده مـا يخونـه ومهما اكظم لغيضـي بصبـري= حرام تشوف مني وجه عابـس .=. تـوارد للخواطـر فـي محلـه،، ولا به لغـز حتـى انـك تحلـه ،، و اداري خاطرك ما هـان لِلّـه،، و لو منك الغلط تنـزف طعونـه ولا ارضى اتهيـن لِجُـلّ قـدري= ولا ارضى للفتن نـار ومقابـس .=. طيوفك في طوافي يـوم جتنـي،، سعيت بها ولـو مـا حججتنـي ،، بغيت العـذر منهـا وازعجتنـي،، تعاتب والعتـب شتـت ضنونـه علامـك ليـه ماتقبـل لعـذري= و صمتك صار لأعذاري محابس |
الله عليك شاعرنا
صح لسانك مدد |
ياهلا بالجميييع
وصحت الالسن والاذوآق ودآم الحضور والابدآع ونورتي السجن شآعرتنا المبدعه وابشري بالتسآلي الجميله ياجميله |
اقتباس:
تسلم شاعرنا وتبقى طال عمرك والنور نوركم وصح لسانك على هـ المجاراة الممتعه ولاعدمنا تواجدك ومبروك الامطار, الله يزيدكم من فضله وعقبالنا ان شاء الله تقديري,’’ |
كنت ما اضن ابجدي حرفي ينام
لين غنا الطير و حروفي سكوت و احتسبت الوقت كني في المنام و اثر ليلي سرمدي من دون صوت و كل ما تلمع بروقك يا الغمام ما بغيت الوقت مع برقك يفوت منظر مزونك وبرقك يا سلام = من نظرهن ما يبي مشرب و قوت |
اقتباس:
^ وبْك البقا,حيّ اخوي العود ياحيّه ياللي قصيده يسر السمع ويْشافي جودوا علي كلكم نخوه وحنيه دمتم معي ماعلي في سجني خْلافي أبغَى امسيات وشعر ماقد شِعر زيه يجلا العماس ويرد الروح ويعافي وشيلات نجديه وشيله جنوبيه وابدااع يـ اهْل الابداع الوافي الكافي وانا بـ اغني واجيب اللي طرى ليه لـ صار سجن القوافي يبحث الخافي والعاصفه حزبنا واحد وعن ميه عن جملة احزابكم في قمته نافي |
| الساعة الآن 09:41 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir