|
اقتباس:
صح لسانك مبدعنا وشكرا جزيلا على اهتمامك وسؤالك عن الجميع من طيبك طال عمرك وماتفقد غالي رد ع الطاير:smile: يحّول يـ ابو عبيد يحّول يحّول هيضتني والشعر شبيت ناره وانا بسفره ودي اني على طول أعيشها ماهو مجرد زياره واليوم عدت وجدت والحرف معسول باللعب من جزل القصيد بجداره تاخذ بنا الايام فـ العرض والطول ونْعوود لو طال الغياب ومساره,’ |
تاخذ بنا الايام فـ العرض والطول
ونْعوود لو طال الغياب ومساره هلا بك شآعرتنا المبدعه نورتي بعد الغيبه سلآمة الاسفار وصح لسآنك على المجآرآة الرآئعه ودآم حضورك وابدآعك |
وهلا بالجميع منوورين
شاعرنا الهواوي صح لسآنك ودآم ابدآعك خيالنا هلا بك ويسلم ذوقك ودام ابداعك وهلا بك جميلتنا رحووله منوووره |
شاعرنا الخآلدي
وعليكم السلام ورحمة الله وبركآته هلا بك يسعد أيآمك وعودا حميدا بانتظار ابدآعك |
اسعد الله جميع اوقاتكم/رواسينا وراسيتنا الغالين
الخالدي وعليكم السلام ورحمة الله وبركاته وعودا حميدا طمنا عن صحتك ومن يعز عليك لأن غيابك مروع هههههههههههههههه شاعرة نجد وعليكم السلام ورحمة الله وبركات وحمدا لله على السلامهوصح الله لسانك على هالدره واللي نعتبرها السبب الرئيسي في فقدنا لك مع حب الجميع للجميع من باب زمالة الحرف التي استمرت لوقت طويل حتي وانا اتكلم عن نفسي اعتبر كل واحد وواحده اخو واخت واحس بوحشه لفقد اياً منهم ارحبي يالجوهره والله يحفظك وصح بدنك حيا الله رحيل ودام تواجدك وصح بدنك حيالله خيالنا وسلم ذوقك وصح لسانك وبدنك بس عندي سؤال من القصيده يتضح انك شاعر ما انت هين ولا مره وانا احيانا اسند عليك اجبت او جاريت احد؟؟؟؟؟!!!!!!!!! ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ سبحان من نجا الكليم من الغرق=وله انفلق ماء البحر كالطود العظيم وجا يتبعه فرعون طغيان وغرق=ومن ماءه البارد الى سوء الجحيم وبصومنا عن كل مبتدعه فرق=نعمل على السنه ومنهجنا قويم |
حيالله الشاعره بعد السفر= وحييت يالخالدي بعد الغياب
بهم التراحيب ما منها مفر=والشعر بالصوم ما ظني يعاب ليا اشملت خلت ايمين الحفر=وبشط نصف القمر حطت ركاب لـ فاح كيل الغيابات وطفر=خلوا لنا في جدار الياس باب حتى لو السود حاستها العفر=كلٍ مع وجودكم يصبح شباب يكر في سوق الابداع ويفر=ويشري غواليه ويجاري عذاب ما ودنا تاصل لرقم الصفر=كيف انتصدق ولا يوجد نصاب ــــــــــــــــــــــــــــــــــــــــــــــــــ ــــــــــــــــــــــــــــــــــ وسلامة الجميع والله يتقبل منهم |
يحّول يـ ابو عبيد يحّول يحّول هيضتني والشعر شبيت ناره وانا بسفره ودي اني على طول أعيشها ماهو مجرد زياره واليوم عدت وجدت والحرف معسول باللعب من جزل القصيد بجداره تاخذ بنا الايام فـ العرض والطول ونْعوود لو طال الغياب ومساره,’ صح لسانك شاعرتنا .. |
صح لسانك يابو عبيد
وصح لسانك يالجوهره وصح لسانك رحيل وذوقكم الراقي |
|
|
يقول خيال
وتل قلبي تلته مني عجايب تلة الهافات للديار المخفيه كملها يابو عبيد |
ويقول خيال
خشمان ياخوي جودلي درقسونه واحذر من النوم عان النوم ماجاني امس الضحى من دون ضلع طويق من دونه واليوم عانه يسير يم ندياني |
يالله صباح الخير (في خير الأيام
واللي طلب رحمتك تغفر ذنوبه وصلى الله وسلم على خير الأنام لعلنا ننهج....... ونسلك دروبه يسعد صبآحكم وطآبت جمعتكم بذكر الله والصلاة والسلآم على رسول الله اللهم صلّ وسلّم على نبينا محمد وعلى آله وصحبه أجمعين |
وصح لسآنك شآعرنا الهوآوي
وصح لسآنك خيآلنا ويسلم ذوقك |
اهلا بالجوهره وصح بدنك وصح ذوقك ودمتي وسلمتي
ارحب يالخيال وتكرم عينك هاي مجاراة ــــــــــــــــــــــــــــــــــــــــــــــــــ ـــــــــــــــــــــــــــــــــــــــ وتل قلبي تلته مني عجايب تلة الهافات للدار المخيفه ــــــــــــــــــــــــــــــــــــــــــــــــــ ـــــــــــــــــــــــــــــ تل قلبي يوم تلوه الحبايب تلته للهاف للدار المخيفه باللزوم اللي طرا ماهو بهايب صملة الملهوف وارسل له وليفه الهنوف مسرحة شقر الذوايب بكيفها يمشي ولو خالف لكيفه حب لول وجمر فيه الشهد ذايب لسان حاله قال من يقدر يعيفه مهرةٍحين اسرجوها للحرايب وعين حرٍ هِدْ هجماته عنيفه كان هذي تصلح اوصاف لعجايب وكل ليله بالمنام اتشوف طيفه بس طيف/انا اشهد ان خيال خايب وقاتله من حبها قد سل سيفه |
انا والله ان في خاطري شي يالخيال
يثور ويتك الصدر ضيقه وينفشي يناديه ليلي كل ما اظلم ولا يزال حتى يبهته فاضح بنوره وينخشي لجل من تخفي بدر خمسة عشر بالشال دقايق قليله من حيا قبل ينطشي يفرّْق خصايل من ذهب عن شبيه هلال ورمشٍ تشكى وجنته منه ما غشي يفصل بين سود عيونها صارمٍ قتال ولها خاتمٍ منه المعاليق تنحشي بلى عهد كل اللي ذكرته على ما قال غروره نكب عفشه وحاس الجفا عفشي ههههههههههه=هههههههههه |
ظهر الخير (:
صححت السنتكم واذواقكم و دام هالابداع عساه ما ينقطع دخلت آلا جاني مشوار ): آلمهم منورين جميعًا |
تقصدين عساه ما ينقطع ههههههههههههههه
حياك وما تشوفين شر |
كلٍ يحاول يعدل نومته للدوام=لكن لي نومةٍ ياصعب تعديلها
كملوها ههههههههه |
الله يصح لسانك يـ الهواوي
مبدع بلا منازع,داام حضورك وفاخر سطورك وشكرا جزيلا على هـ الترحيبيه الكايفه وصحت السنة الجميع وذوائقهم ولاعدمنا تواجدهم الممتع وصحت ابدانكم,الهواوي,خيال,الجوهره,رحيل وسلمتم ودمتم |
اقتباس:
والجد جد ومدارسنا على مايرام والحجر ولاّ والازمه ربك يزيلها واللي جفى النوم عينه من عذاب الغرام يكتب حروف القصيد العذب ويشيلها |
تسليه من جديدي يازينها يازينها رااحت البال مْن الوله والشوق لـ ايّست وارتحت ماكنت اظن اني على الصبر بـ احتال إيلين قمت وطحت ثمْ قمت ثم طحت وجريت لي من صادق الروح موال لولا القريحه فضفضت ضيقتي صحت حمام ياللي كل مـ الغصن بك مال وهب النسيم وجاز لك جوّك ونحت تعال شف دمعي على الخد (يُم)سال فاحت دْلال الوجد من نوحك وفحت |
اقتباس:
هاك ارتجال الشعر ماهو بمنقول قولي ومن هو ينتظر له وقاره نغيب لكن معكم نعيش بعقول و نتابع المسجون داخل دياره منك السماح و مننا العذر مقبول عسى تصلي لك صلاة استخاره 😁 و ان ما بغيت تقول يا راعي القول يُعلن حداد السجن في كل حاره مع تحياتي للجميع ، ،، ، |
اقتباس:
و غفوات عينه يعاند عدلها ميلها و من شاعرة نجد ف آخر بيت ثار العسام و اهل القلوب الخضر تشعل قناديلها يا ليل ياليل ليش الطرف عيا ينام حدوووه يم السهر يوم انتصف ليلها و انا اخبر الليل مايوحى لسجع الحمام حتى تهيض المشاعر مع مواويلها في عالمي صمت و الانفاس صارت صيام و ما كل زفرة تخفف من غرابيلها و يا حرف شعري ليا سلمت قبل الامام مرسى هجوسي وروده فاح اكاليلها و سجن القوافي لو اشكي له علي الحرام ليقول تباً ل ليل الصمت يا ليلها |
اقتباس:
ابداع يتجدد كالعادة لا فض فوك ولا انلجم لسانك دمتي بخير اخوك العود |
ياهلا بالجميع منووورين
وصحت الالسن ويعطيكم العافيه على الابدآع والحضور الجميييل |
اهلا يابو منصور وصح لسانك وبدنك
حيالله الشاعره ومرحبا بالجوهره ورحيل وخيالنا يامرحبا ياهلا من بعد رد السلام=سلَّمت لين افختت دلوي محاحيلها حتى صدى الصوت مني صار فيه انعدام=اصخّْر اذني لمردوده واوحيلها بيطارنا شيخ قاف وشاعرتنا مدام=معها ومعه آخذ الدورات واحيلها لهم ومنهم عساي اظفر بكلمة تمام=ءشروق انحي له الصوغه وانحيلها اثر ابو منصور مشتقيٍ بنوح الحمام=يطرب على السجع وان ناحت يلاحيلها والشاعره مغرمه بالورق ما به كلام=تقسي عليها ونوب اتقول ياحليلها مادامهم هكذا مثلي حرامٍ يلام= رقيت في قمةٍ كادت محاوليها لاوقت لي من مطفه شفت تحتي غمام=وان صحت رد الصفا وش حدك اتجيلها |
مساء الخيرات والمسرات
وصح بدنك يـ ابومنصور والابدااع تواجدك وصح لسانك على هـ الدرر وصح بدنك الجوهره لاعدمنا حضورك والله يحييك ويبقيك يـ الهواوي وصح لسانك على الكايفه النايفه ولاعدمنا ابدااعك تقديري للجميع,’’ |
اقتباس:
صح لسانك يابوعبيد ع هـــ ألمجاراة الفخممه . صح الله الســـــــــــنتكم جميع |
https://www.al-jazirah.com/2015/20150904/lp878787_2.jpg
أركب على اللي جديداتٍ مساميره شاريه كاشٍ بليّا ديَن وأقصادي زعلني الكهرب إن جتني فواتيره باروح للبَرّ وبنزل عند الأجوادي مالي بقصرٍ تمدد به مواصيره حس المكيّف بوسطه تقل رعّادي والله ما غبطْ الذي شيَّد مقاصيره لو فرشته زَلّ روميات وجدادي من طلعتي ما أشرب البيبسي ولا البيره ولا نيب أحبْ شوفة الكوره ولا النادي أحب شوف الصحاري وأبغض الديره ماني من اللي بوسط المدن قعّادي البَرّ هو منوتي مالي هوىً غيره أحب شوف النفود وشوفة الوادي وأحب شوف الربيع إليا سجع طيره فيه أم سالم تجرّ الصوت وتنادي وأحب شوف الدبش ورده وتصديره وأحب شوف الغضي مركوز ألانهادي فالقيظ كلٍ تشوفه قاطنٍ بيره تلقى الرواوي على الماء جمع وأفرادي لا جا التويبع وهبت به معاصيره تلقى على الماء بنات البدو ورّادي ينساح بالي ولو كثرت مشاويره هذا مناي وهواي وغاية أمرادي عبدالرحمن بن محمد بن قاسم العنقري |
|
تسالي ياليل لاتكشف خفى الروح ياليل خل الظلام يْعم حتى الخفايا أعشق سكونك مع جميل التعاليل هي غايتي هي متعتي هي منايا واميل للخلوه وللشعر واميل للصمت لاعكر عجاجي سمايا لقيت في صمتي لذاذه وتفضيل على النقاش مْعْ العقول العمايا وابهر الدله واكثر من الهيل واصب للهاجس ويشرب معايا |
تسالي للسجين اللى توارى من ورى القضبان
نغنيها على المنكوس ولحونٌ هجينيه ، ،، ، يا زياد ان كان هيضت بي خافِ الهجوس خذ صدى البيتين يوم انطلق محبوسها الليالي يوم تقبل لها وجهٌ عبوس يصبر المؤمن و لو شاف حد ضروسها و الليال ليا اقبلت باسمه مثل العروس ما تغر اللي خذى من قديم دروسها هي دول بين المخاليق كم تعطي دروس من صفاها ومن كدرها بتُشرب كوسها لو عطاها الله حُكم ، كم قيام وكم جلوس عند ماطاها طمع في رضاع ديوسها خذ قياس من البشر بين حارس و محروس و روس منهانه و روسٌ تعز نفوسها |
في عالم الصمت شفت النجم وهاج@
و ما شفت لو عُشر ربحي ف التجارة و ابي انشد الليل ، كسرة عاج تنعاج@ هو يُقتل الفيل في عصر الحضاره؟ ياليل عطني جواب و لو به احراج@ و معك العوارف وتفهم بالاشارة و يا بحر يا اللي تلاطم فيك الامواج@ ما عاد به در في وسط المحارة القطر ما لقّح المحار لو راج@ و ماء القوع يا بحر ما ركد غباره على ضفاف اللحن مع شوك ديباج@ يضفي ستاره و لو زاحوا ستاره اشوف كل عطى فرجه و منهاج @ والسلم الاول بدا خط اندثاره و ما يُذبح الفيل لولا كسرة العاج @ و الزند ما غير يقدح له شرارة و منه الفتيلة لهبها كنه سراج@ و كم منه زبن الكرام تشب ناره |
لازم نعلم بها شيخ القبيلة
يوم مرينا هنا لاجل الزيارة كيف سجن ومالقينا فيه زيله لا السجين ولا نبشتيّ الخفارة !!! ؟ ؟؟ ؟ �� |
السلام عليكم وأسعد الله صباحاتكم وجميع أوقاتكم صفحات مملؤة ماشاء الله بإبداعاتكم .. ما أقول غير صحت ألسنتكم ودام إبداعكم .. ونرحب بشاعرنا الشيخ كديميس .. نورت السجن مرحبا بك وبالجميع .. ولكم جميل الثناء على حضوركم كلكم ،، |
أبو عبيد حط بيت عن النوم ويعاتبنا .. ومن طفشه قال كملوها وهذا بعض التكميل .. وقد سبقني من سبق .. يا سبقوا بي هههه & سلام يا صاحبي وأقوول لك يا سلااام = خليتنا نبدع القيفان ونشيلها مرة نغني على طرق الهوى والهيام = ومرة نتمتم بوسط الصدر ونقيلها وأحيان نبدي ولكن ما نطيق الكلام = نحتار في رفعة الشلة وتسجيلها إنبح صوت الغناوي ما يجي ع المقام = من كثر شد الوتر رخت محابيلها واليوم شديت حيل القاف بأقوى حزام = وقلت يا قاف قف وأنظم حروفي لها ريانة العود زارتني وأنا بالمنام = وقمت أسوجع غناويها وتمويلها موالها بان حتى لو تميط اللثام = وعيونها الدعج سودأ قبل تظليلها والخد صفحة قمر ساطع بليل التمام = ضوّى على شمعة الجلسة وقنديلها طربت حتى الثمالة وأسكرتني غرام = وطرت في جو يرفعني خيالي لها هي كوكب الشرق حازت من شعوري وسام = كني مع الكوكبة تومي بمنديلها يا ليل الأحلام طوّل لا تجي بالجهام = وتكفى تفسر لها حلمي وحبي لها ^-^ وأحلااااام سعيده |
ياصباحات الخيرات والمسرات ع الجميع
لوعلمت بوجودكم ما نمت لكن ما عودتونا بهكذا صولات وجولات اهلا بشاعرتنا تسالي روعه ابا انسجن لجل تلك التسالي منك ومنهم تصير من نصيبي ههه ابو منصور يالروعة الابداع والامتاu لكن روعتني بالفيل وعاجه وتاجه الخيال لاشكر على واجب ابو عامر حياك الله وبياك وصح لسانك مليون ولا يسدون وهذا اللي محببني فيك والا الشعار كثر وين الجوهره ورحيل غابن عن السهره ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ يابو منصور حارس سجننا له راتب ماسد=قصر عن سد مصروف العيال وراح للخضره وحنا عاذرينه لو تغيب نعرفه محتد=لكن بريهته والقايش الماخوذ فـ الحجره وقبل لاتلد فينا راح وقت ولا حدٍ به لد=وكلٍ من كرونا صار به يامسندي دجره بغا يدهر وكلٍ نوخ ابعيره وشال وشد=ومن لا له جمل له نوخو ريمان بالاجره |
إي والله صحت الالسن
ــــــــــــــــــــــــــــــــــــــــــــــــــ ــــــــــــــــــــــــــــــ هبوب الجنوب اتهز خضر الجرايد هز=ومزعج لذات الطوق قوة تهزهزها وفي مجلسي ومقابلٍ للنخل واقز=بعيني هزيزه قد عجبني تعنزها تخم السعف بجناح وجناح فيه اتكز=عسيبٍ عليها ادوى بشوكه يطززها وخف الهواء والراعبيه بمجلس عز=تحت ماء وفوق التمر لاشي معوزها بعد ما استقر الوضع قامت علي اتدز=ونينٍ على كبدي سهومه يغززها ليا استتبعت وناتها بالنواح تحز=مشابك عروق القلب خطرٍ تنقزها استرجع بصوت وصوره اللي مضى وافز=طفقات المشاعر ما طرالي يحفزها تقول اوقدت بين المحاديب شعلة قز=وكل الطواري باشرت في مراكزها |
ابومنصور,الدنيش الهواوي
صحت السنتكم شعراؤنا المبدعين وعودا حميدا شاعرنا الدنيش وصح لسانك على هـ الابداع والامتاع دام الحضور ,’’ |
| الساعة الآن 10:08 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir