|
السلام عليكم ورحمة الله
اسعد الله مساكم بالخير والعافية ابو عبيد يابو عامر صحت السنتكم خيال ،جوج ،مهوره صحت الاذواق (: |
إن بقا لي حب جعله في قلوب اخواني
وان بقا لي ذكر جعل السمعه ابرك سمعه عايف لذات بقعاء كلها .. من داني زاهداً ماعاد لي فوق البسيطه طمعه غير دعوه مستجابه من حدا شيباني بين زمزم والحطيم اخر نهار الجمعه |
لا شفت لك دمعة رجل شوف الأسباب
لا تقول عيب.. ولا تشمّت بحاله ودّه يخبيها وخانتْه الأهداب وتفجّرت من يوم شيٍ طراله ما طاح دمعٍ كنه الوبل سكّاب إلا من اللي داخل الصدر شاله رجال تبكي دم من فقد الأحباب ورجال تبكيها حياة الرزاله |
البارحة ضج الحنين ودعاني
يم السنين الماضيه طاري أحباب قمت آتوارى عن جليسي وأعاني فيضٍ من العبرات حرّق لي أهداب رمت الصبر عنه ولكن قواني شوقي لقربه في وسط لمّة أصحاب عفت المكان وقمت أعاتب زماني واتجرع الحسرات.. وأدوّر أسباب يالوعةٍ تملأ رهيف المحاني ياحسرةٍ غطت على الجرح ماطاب |
|
https://www.alriyadh.com/media/thumb...8e0d5ec552.jpg
يــابنـت يـاللي تبـيني اكــسر الـجره اللي تبـينــه مـن الجـــره مهــو فيها مــاعــاد لي بالـهوى غـايـات بالمره ماغير بعض المشاعر قمت اواسيها مـاعـــاد نفـسي بها مــخـــلوقٍ امره وبعض الاحاسيس مدري وين اوديها مـن دون خيـره ابــيــه يـفـكني شره مـهـي دروبــي ولا هــذي مـحـاريها فريــت مـن بـارده ومصد عــن حره واشـيــاء كانــت طبــيعــية اســويها حلــوه ولــذة مشــاريــعه غــدت مره مــن ايــامــه اللي بلـشنا في تــواليها ومــرات يجــتـاحـنــا وحـنا عـلى غــره بمـحــاولاتٍ اتـخـادعـنـا ممــاســـيـها والصاحــب اللي زمان اغـلــيـه وابـره خربت علـيه الموازيــن وشــطح فيها مـــاعــاد بــاقي لنــا مــا يـازن الــذره مــن رغـبــةٍ ضاقـت الدنــيا بمـوانيها |
السلام عليكم واسعد الله جميع اوقاتكم
الخيال رحيل المهره الجوهره هلا فيكم ودام حضوركم وصح ذوقكم ولاهنتم ودمتو وسلمتم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ ياقلب هون هالغرابيل وتهون=كم ضيقةٍ هزت ركونك وهانت طنش تعش تنفع مثل ما يقولون=ولف ما يكون اليوم في درج كانت ارمه مع اللي فات والرزق مضمون=وبحول ربك تنفرج لو تدانت لاتعتمد كيف ومتى هو ووشلون=ولا يشوف احد ضيقتك بالوجه بانت |
ارحب تراحيب المطر يا خياله=فرحت بك من يوم لي جبت طاريه
فداك سهر الليل هو كيف حاله=تسعد له ايامه وتسعد لياليه لوهو من الحنظل سقاني بياله=بكاس العسل لي صبها ما اعرف ليه كاسيك ياطيف الغلا من جماله=ومن الجمال اليوسفي ثوب كاسيه وللحديث تتمه هههههههههههه |
ارحب تراحيب المطر يا خياله=فرحت بك من يوم لي جبت طاريه
فداك سهر الليل هو كيف حاله=تسعد له ايامه وتسعد لياليه لوهو من الحنظل سقاني بياله=بكاس العسل لي صبها ما اعرف ليه كاسيك ياطيف الغلا من جماله=ومن الجمال اليوسفي ثوب كاسيه ياطير خذ لي في جناحك رساله=بالفكر موضوعٍ على الهجس ابا امليه ودي ليا امليته يجي به جزاله=ومعنى قوي يرق به قلب قاريه |
https://www.alriyadh.com/media/thumb...c07b885a18.jpg
تحرِّيتك وفي صدري لشوفك شلفتين وفاس على رمضا زماني واقف أبغى فيَّة وصولك أحبك كثر ما عانق شجر هـ البيد من نسناس وأحبك كثر ما ماتوا عشاشيقك وهم حولك وأحبك كثر ما رفرف جناح الحر والقرناس وأحبك كثر ما تقسى علي بفعلك وقولك وأحبك كثر ما يعشق بخيل المال حب الماس وأحبك كثر ما يشرق على طول الجفا زولك أنا اللي جا فـ مرباعك لشوفك باحثٍ عسّاس لقى يستقبله لوم المكان وصدّة حلولك أنا اللي قد غدى قلبه ربابه والوفا أقواس عطاك من العمر كلّه، وتَحمَّل شاقي حمولك نشدتك: وش بقى فيني؟.. نحيلٍ في وزن قرطاس تلاعبّه هبايب حبك اليا من صفق جولك.. |
https://www.alriyadh.com/media/thumb...fb4c434e32.jpg
يابريم وش علم العرب بإختبابي هذا نهارٍ خبث لي منه ماطاب شد الشديد وْصمّلَوا ياعذابي وتفرق المقطان يافجع الأحباب أتلا العهد به يوم شال الزهابي من جال عدّ ٍ قِشعّت منه الأطناب مظهورهم قفّي مع العِرق شابي وحنّا تصابينا على دار الأجناب قلبي رعى فيه الجراد المدابي يرعاه رعي العشب مخّتلف الأسباب أعوي عُوى ذيب بُروس الهضابي وإلى قنت لجّت ضلوعه والأرقاب كم دونهم من روس طامن ونابي ومن مردقٍ دَو الخلى يسرب سْراب ........................................ شعر: بطي بن مغرس |
https://www.alriyadh.com/media/thumb...ba1387c610.jpg
يقول الشاعر إبراهيم بن عبدالكريم العتيق، رحمه الله. قالوا العيد؟ قلت: العيد بالديرة اترك اللي إلى جاء العيد ما جاها من جفا ديرته ما يرّجي خيره حالف إني فلا أنسى ملحها وماها دبج ماها بريقي كنّه الشيرة أبهج الكبد من جمّة ركاياها شوفة الجرف والعود ومقاصيره عندي أحسن من الأهرام وبناها عاش من هو على الديرة ضفى خيره القصب مثل باقي المدن ساواها يقول الشاعر عايض الميلبي: يا عيد قلبي فاقدٍ فرحة العيد ليتك تعيده للفرح يوم عيده أبغاه يسلى همه اليوم ويعيد ذكرى مضت واعياد كانت سعيدة كان الهلال يزف أجمل مواعيد والصبح شمسه تنثر اعذب قصيدة والحين كل ما ذيع للعيد تاكيد أشعل لظى قلبي بصدري وقيدة يأتيه طيف انسان من قاصي البيد ميت وتذكر له مناقب فريدة في جلسته للضيق والهم تبديد كريم وافي سمح خلْق وعقيدة يا عيد زيح هموم جتني مواريد واستوطنت حول الخفوق ووريده https://cdn.sabq.org/uploads/sabq_ol...0828_48522.jpg |
حضرنا مناسبة عند ضيف الله الهواوي وفاجأنا أبو عبيد بقصيدة جزلة وغير مستغربة من أبو عبيد ترحيبية منصيها الوالد وسأقوم بتنزيل القصيدتين
يقول ناصر الهواوي بسم الذي ماله شريكٍ ولا ند=جل وعلا شان الكريم الجوادي يالهجس من ما يسر الله لنا جد=خل المقوَّل جب بيوتٍ جدادي ياصل لها نقد النواقد ويرتد=رتب حروف القاف فكرٍ سدادي نقد الفلوس اللي بصراف تنعد=ايداع دوله في رصيدٍ سيادي تشدي لغيداً عرسها ليلة الغد=من عصر تزهم ناقشات الايادي الليله ابرك ليل بالعمر واسعد=نعدها ثالث ليال العيادي يامرحبا ترحيبةٍ ريحها ند=وعنبر وكمبودي امعتق وكادي للي نوده ساقها خاطر امود=يقول شوف الربع غاية مرادي لضيوف ضيف الله مع الطيب تنمد=لشرح الصدر مفعولها غير عادي شروى الرجال اللي ليا وصلت الجد=يشفون غل الكبد علمٍ وكادي مكرمين ضيوف ومنزحة ضد= ليا زلزل الميدان دبك العوادي خيلٍ تهد حصون من صبحت هد= شهب المهار الصافنات الجيادي وشَف الشباب لبيتٍ بعرضها لد= واشوف بعيون العواده تحادي قاف الغزل بابه امسايف ولا سد=واخاف ادش يقال وين انت غادي اما بنبذه عن وصف باهية خد=او عين مثلوثٍ بوقت الهدادي ويمكن عوض لو صادفه فارع القد=عصير لاسير بوقت البرادي دارس هجوسه لاشعاه ايتجدد=ويسعف بقافٍ في حدود المبادي وصلوا معي بالختم على محمد=مالاح بارقها وما سال وادي ____________________________________________ وهذا رد الوالد يـامـرحـبــا تـرحـيـبــةٍ مــالــهــا حــــــد=بـالـلـي زهـمـنــي بالـمـثـايـل يــنــادي شاعـر بجـزل القـيـل صــاغ وتـفـرد=إنـتـاجـهـا تـصـديــر فــكـــرٍ ريـــــادي مـن فيـض عقلـه نـاحـتٍ لــه زمــرد=من حسنها تغتاض منها الأعـادي شـهــمٍ وأديـــب وبالمـحـافـل مـســدد=فــي كــل منـهـاج الـمـراجـل قـيــادي جعـل المحـل عامـر وقصـره مشـيـد=مدهال لأهل الطيب حضر وبـوادي يـــاعـــزوةٍ فــالــكــون نــــــارٍ تـــوقـــد=أرواحـهـم مــن دون قِـطْـم الـتـوادي لامــــن وِلْــــد الــــلاش ذَل وتــراعـــد=يردون حوض الموت يوم الطرادي يـابــو عـبـيـد الـعـمـر مـاعــاد يـنــرد=البِيض صارت فـي محـل السـوادي امجفِّلات الصيـد لاحـن علـى الخـد=ولابــاقــي ألا عــفـــو رب الـعــبــادي قلبي يلد خـلاف وعْـن العـرب صـد=صـارت لـي الـذكـرى شـرابـي وزادي كم ضاق بي جولي ولاباح لي سد=لو كان حاديني من الضيق حادي وإن قـامـت هجـوسـي علـيَّـه تـــوارد=والنفـس ملـت مــن كثـيـر القـعـادي وصار الفضا عندي كبر راحة اليد=ونجم السويبـع بـان والوسـم بـادي يازيـن تـل الجيـب مــع حــزمٍ أجــرد=أزور دارٍ مــانـــســـاهـــا فـــــــــــؤادي لـو كـان أهلهـا راحـوا أقسـام وابْـدد=مـتـفـرقـيـنٍ فـــــي نـــــواح الـــبـــلادي مــاكــل جــــرحٍ يـالــهــواوي يـضــمــد=ولاكــل طـيــر بـحــزة الـهــد صـــادي أتعبـتـنـي مـــع درب قــــافٍ مــشــدد=يالـشـاعـر الـفـنـان والــكــل شــــادي مايجتمـع لاهنـت فــي سـاحـة الــرد=دكـتــور قـافـيَّـة وطــالــب اعــــدادي |
ماللسهر فرحه ولا طابلي جو
من يوم حال البعد بينك وبيني ومن راح بعدك فالمخاليق وان جو ماهمني منهو يروح ويجيني لهفه عليك اجتاحت القلب من تو وشوقٍ حرم من لذة النوم عيني اشعلت من شوقي قناديل والضو أحرق خفوقي والالم يعتريني غير الهدايا والصور بعدك اضحوا ذكرى تزود بالخفوق الحنيني حتى مرايا البيت حست وحنوا جدران بيتي من كثير الانيني وشلون بأسلى في غيابك انا لو لحظه وروحي غايبه ياضنيني |
اهلا وسهلا بالجميع
الخيال وفيت وكفيت لله درك على هالحضور الرائع والذوق الاروع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ خيال انا الليله وباكر وبعده=ان قدر الله حول يومين ابا اغيب ما طاق قلبي يا احمر العين بعده=ولا اظن في شوقك لمن تعشقه عيب خيال خلي ما وفا لي بوعده=ماهوب هو من يوم طالع بي الشيب برق الجفا لي لاح وارتج رعده=من حين راع الصدق أجاد الأكاذيب |
تروح وترجع بالسلامه ابو عبيد
أنت رح ونا بنشب في حلوقهم |
|
يسعد مسآكم
العمــر غـالــي لا تضيّــع ثـوانيــه اغنــم مــرور الـــثـانــيه والـدقيقـه ،، لـولا الامـل ما أحـــدٍ يحقق امـانيه اسعى لعـل الحلـم يصبح حقيقـة ،، واللي زرعته بارض الاحلام تـجنيه غصبٍ على الاشواك تجني رحيقه عآيد بن ضلعآن توقيع حضور فقط <<<<< ماتقلد أحد ههههههههه |
اقتباس:
تروح وترجع بالسلامه ان شاء الله |
هههههههههههههههههههههه
ليش تنشب بحلوقهم ما قصرت يا خيالهم ارحبي يالجوهره وجزاكم الله خير انتي وخيالوه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ سافرت وانهيت المهمه وعودت=وقطعت حول الالف روحه وجيه مهر الطواري بي جمح بس جودت=بكف العقل لعنان مهري شويه وللحديت تتمه ان شاء الله |
https://www.alriyadh.com/media/thumb...11d2f00dda.jpg
القَيظ ركّب علينا حَر ملهابه يا سِرع الأيام يا مِكثِر نقَلّبها مبطين ما عاد شِفنا البَر وترابه والطير مربوط والأيام نحسبها وسهيل كِنِّه من الأحباب في غيابه وإليا طلَع فرحة الصقّار يجلبها وجات الهبايب بنو الوسم جدّابه وصارت علوم الحيا كلٍ يجيك بْها لَعل سيله على الصمّان وحرابه قمّة سنام الدّ ِيَر والكل يرغبها وإليا كِساها الربيع تشابه الغابه جِيّانها والفياضُ وْما يحيط بْها |
اهلا بالخيال
ــــــــــــــــــــــــــــــــــــــــــــ ياعين عن ماهو يتعبك جوزي=وذا يعتبر عند المشقى اكبر انجاز مالك بما يحرق مدامعك عوزي=وانا بعد للسهر ماني بمعتاز فيما مضى لك ما فرحتي بفوزي=حطمك بصخور التغلي ولا فاز |
السلام عليكم ورحمة الله
سالخير (: صح لسانك ابو عبيد صح ذوقك خيال صح ذوقتس جوجي |
أنا فدا وجهك الطاهر وقلبك السمّح
ي اغلا من الروح وابدا من ملذاتها ي بهجة الخاطر المضنوك والمنهمك واعظم حروب المحبه و انتصاراتها ترا انشراحة ضميرك و ابتسامة فمك احلا المحطات في عمري ولحضاتها ي جعل عمرك مديد وجعلني م اعدمك ي اول فروض المحبه و اعتباراتها . |
اهلا يا رحيل هذي والله التصالي الاصليه
صح بدنتس وذوقتس ودام حضورك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ عِد ما بان نجم وعِد ما برق لاح=وكثر ما اشجت هجوسي بالنخل نايحه حل في خاطري طاري ضبي البراح=ولجله هموم فكري مقبله رايحه ان ضوت ليل اقول اتروح عند الصباح=وينتصف يومها وامسي وهي طايحه |
https://www.alriyadh.com/media/thumb...0d59f69a99.jpg
قلت أبا شوف البيت قالَوا خرابَه سقفِه وِقَع ومصدّعاتٍ مبانيه قلت أبا شٌوفه وآتعَفّر ترابه وأذكر زمانٍ يوم شيخ العرب فيه يوم إننا نلعب بِظلّه كعابه والصبح ندرس والمسا نجتمع فيه جيته وشفت الطير عشّش ببابه وشف العناكب بانِيَه بيتها فيه يا حيف ماله عقب خبري مهابه ياشين شَوف البيت من عقب راعيه شعر : سعد بن راشد الشعيفان الدوسري |
ياهلا بالجميييع
ويسعد مسآكم وطآبت جمعتكم بذكر الله والصلاة والسلام على رسول الله اللهم صلّ وسلّم على نبينا محمد وعلى آله وصحبه أجمعين |
اهلا بكم
حيالله الخيال ومرحبا بالجوهره واهلين بمرور الصقري إي والله (((((((())))))))) ــــــــــــــــــــــــــــــــــــــــــــــــــ ـــــــــــــــــ مريت واشجت هاجسي مرتي له=وحاست مزاجي شوفته حين مريت خبري قصر واصبح سواة النثيله=تقول به ما اوحيت ساكن ولا ريت الا اليمام بما بقى اسمع هديله=وطارن بعد ما صحت عنده وناديت يابيت وين اللي ينقض جديله=ويغنيك بالظلمى عن اضواية الليت اللي بعد فرقاه روحي عليله=وللورق اناوح واقرن البيت بالبيت وللحديث شجون هههههههههههههه |
هلا بك زود شآعرناا
وصح لسآنك ودآم حضورك وابدآعك تدور الليالي و العرب بين حال وحال و تبقى النفوس الطاهره نهجها بيّن ،،، القلوب الصافية ما يكدرها الغبار لو يثور العج بالجو تبقى صافية . .... بينك وبين اللـــي تعـــزه وتغليه اترك مسـاحة تقبل الجزر والمد حبل الوصل لاتقطعه بالمشاريه ترى العتب يثر على صـافي الود |
صبآح الخير
لولا الأمل ماعاشوا الناس سالين ولولا المـواقف ماعــرفنا بعضـنا نكسب ونخسر والتجارب براهين وياليتـنـا ممــا نشــوف اتعــضنا ،،، من عطاه الله محبه في القلوب اشـــهد ان الله معطيه الكـــثير جعلني لا جيت للناس محبوب وجعلني لا غبت مذكـــور بخير ،،، ما دام فيني نفس يذري وفيني جموح بــاب وراه اعـــتزازي طـــارقه طـــارقه عزيمتي ما يحطمــها الزمــان الشحوح والشمس بكره رغم أنف الدجى شارقة |
ارحبي يالجوهره تراحيب المطر وصح بدنك وسلم ذوقك ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ يا قل ما صدقت ما لي تقوله=ويا كثر ما حاولت اصدقك وازريت اقرب وعد ما صح ذا دور حوله=ولا به يمينٍ لي قطعته وبريت |
البقااا شآعرنا
الله يسلمك ويطول بعمرك وصح لسانك ودام حضورك وابداعك |
اقتباس:
^^^^^ يا صح لسانك وبدنك أبو عبيد .. والحمد لله ع السلامة شكلك رحت الرياض ورجعت ما شاء الله .. ومحاكيك راح لجدة وتأخر في العودة وعلى الرد عليك .. ع العموم الله يحييك في أي وقت والمحل محلك .. وتكفى تصطحب معاك خيال مطير عشان ما تضيع في الضلوع على ما قال ههه وأنت تدري أنه هو من بيضيع ولكن تحمله وأحمله وطلعه راس شدأ وخله يطيح ويصيح ههه. & والله أعز من يشرف يا شيخ خيال شد حيلك بس ويا مرحبا ، |
صباح الخير
صح بدنك ابو عبيد وصح لسانك مدد شاعرنا ارحب الدنيش حياك الله صح ذوقك خيال صح ذوقتس جوجي ولاهنتي |
يازين نوم الليل للي لقى نوم
لكن نوم الليل ماهوب حاصل راعي السهر من نومة الليل محروم تطلع عليه الشمس وعاده مواصل (: |
أحيان ودك تشرح الصدر وتقول = وأحيان ينطقها ترى الصمت حكمه ؟؟!! السلام عليكم وأيامكم ربيع ودفأ & سلام يا صل ربعنا والربايع = ربيع حياكم وجتكم دفاته وقفىّ شتأ ذا العام والبرد ضايع = وأبو عبيد اليوم ضيّع عباته وخيال طاحت فروته وسط خايع = ما بين ضلع طويق حتى سراته والجوهرة غنّت وصاغت روايع = هي شاعرة وأعدها من رواته وإلا رحيل اللي تجيد الصنايع = لا حاكت الأبيات نسمع غناته وبنت يام أم الكرم والفزايع = كلن تمناها تكن من خواته والغايبين أهل العذر والذرايع = لو غاب طاريهم فهم من ذواته & سلامتكم .. والله يعين على هالشبكة عندنا هه |
يسعد صبآحكم وكل أوقآتكم
هلا بك رحوله منوووره ويسلم الذووق ياذووق |
اقتباس:
وعليكم السلآم ورحمة الله وبركاته وأيآمك شآعرنا وهلا بك نوورت وتسلم ماعليك زود طآل عمرك وصح لسآنك على الأبيآت الرآئعه ودآم حضورك وابدآعك |
يامرحبا بكم واسعد الله جميع اوقاتكم
اهلا يابو عامر وصح لسانك وبدنك مرحبا يارحيل وصحيتي كلتس ولاهنتي يا حيالله الجوهره وتساليها وحضورها ارحب يالخيال ــــــــــــــــــــــــــــــــــــــــــــــــــ ــــــــــــــــــ يقول ابو عامر من ديركم تولى البرد=وحدتكم سياط القيض يم الجنوبيه وانا اقول مرحب فيك دامك صخرت الشرد=كما تصخر البرقا صقور العسيبيه ولي عوده ان شاء الله |
صح الالسن والاذواق
|
| الساعة الآن 08:36 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir