|
مريت بشويَّة تعب قلت دامني مداوم في المستشفى خليني اكشف لكن الدكاتره كبروها و تحاليل و اشعه وكلام كثير الحمدلله طلع مافيني الا العافيه المهم سحبوا مني دم و وديته بنفسي للمختبر و كان هذا النص الجديد أربــع بــراويـــز مـن دمّـي خــذهـــا يـ ريَّـــان حلِّلهــــا و من قبـل تحليلهـــا سَـمِّـي و هات النتيجـــه بـ كاملهــا مـانـي بهــا حيــل مهـتـمِّـي ادري بهـا قبـــل اوصِّـلهـــا خـذ علمهــا الحـق من فمِّي قبـل الدِّمــا تجيب سـائلهـــا بــرواز ( حبِّي لـ ابي و امِّي و آيــآت للـــرَّب ارتِّـلهــــا ) و اكيــــــد تلقـى بنـي عـمّـي فــوق الثريَّــــا منــازلهــــــا و بـرواز بـه ( غمِّي و همِّي و دنيــا كثيـــره مشاكلهـــا ) فيهــــا زلآلـي غـــــدا سِـمِّـي و الـــروح مـأكــول داخلهـــا و برواز ( للدَّمــع في كُـمِّـي ) غرقـــان مـن حــرّ وآبـلهـــــا فيه الوفـا الصــادق الـ جَـمِّـي فيــه المَحبَّـــــه و حـاصلهــــا و الرابــع ( اشـلآئـي و لَـمِّـي و احـداث يصعـب تأمُّـلهــــا ) من قلـب في الحـب ما ضَـمِّـي إلا الـجـــروح و هـوآيـلـهــــــا وسلامتكم ريــان / ممرض المختبــر في المستشفى |
جدي و ابو عامر و خيَّال و الجوهره و نجد و رحيل بستان يسقى من الزلال جنه من الورد و نخيل الشعر واحاته ظلال غيمه بها الظل الظليل و النور عادت في سؤال و ابيات مثل السلسبيل قالت نسيتوا؟ لا محال نفقد ولا ننسى الخليل |
ــــــــــــــــــــــــــــــــــــــــــــ
للصقري هجوس الشعر وش قلت بعد ارتعت يستسمح وصفحات النقط جد روعنا قل يوم انك بسوق الجوازي شريت وبعت افدنا يوم انا قد شرينا به و بعنا انا جدك بلمعة سرابه ضميت وجعت صارت دخلته شوم وتقلب مواجعنا ليا شفت لي مَن سنحته ما يبي له نعت عيون الوحش بالخزر فيها يطالعنا لماضي سحيق فات من قبل افيق اقلعت على مدرجه من دون طياره اقلعنا بجو الخيال اغيب لي ساعتين وفعت خطوه للامام وكم خطوه تراجعنا وبس هههه ........ حلوه و بس هههههههههه صح لسانك ملايين و سامحني حاولت اجاري هالبحر قد ما اقدر و انت خابرني ما اعرف الا بحــر جـــدَّه ... نعم جدي اللي خوف لا ابطي عليه اسرعت ابي امســح دمـوعـــه و يمســح مدامعنــــا سبب فرقـة الخـلان بـ احلى القصيـد امتعت تنــاجي تنــادي و صــدّهـــم عنك يوجعنـــا الا يا سقى الله يـوم ريـــم الفــلا نـــازعـــت و حزب الرعـــد من دونهـــا ما تَـراجعنــــا تسطِّـر من الخفــاق جـور الغـلا و اسمعــت جميــع البشــر و لـ هجسك اصغت مسامعنا جلبت الــدرر من غبَّــة البحـر و استـرجعت لما فــات من صـافي الوصــال و لك ابدعنـا وصار الغيـاب آفـه تزيــد الوجــع و اوجعت و صــار الجميـــع يـلـبِّــس اعـــذاره المعنى يجمِّـل غيـابـــه و انت الادرى به و طاوعت و عـدّيـت يـامـا و مـا طــرى لـك تِراجعنــــا و صرت الشفيع لـ ظرفنا و كم سببنا ارتعت و كـم لـه حمـــام الــــدوح ينعــى مجـامعنـــا يهـزّك جريــد النخـل يــوم الله استـــودعــت تهــــزّك نـقـــوشٍ خـلَّـفـتـهـــــا أصـابـعنــــا و لـولاك تغلينــا مـن القلـب مـا تـواضـعـــت و ما كـــان صفحــك دايـــم اول مطــامعنــــا أحبَّــك من الله حب صـــادق و لك أبــدعــت و حقّـك تـــراه اكبــــر و مـزهـــر مرابعنـــا وسلامتك يا عسل |
كلمة ( حفيــدي) لي تسـاوي ملاييـن وش عنـدي اغلى من منـادات جــدي جـدِّي الهـواوي راعي احلى البساتين بيـرق ضريَّــه و فوح عـودي و نـدِّي |
مع من تبي وش ماتبي بـ ارسل غرامي والجديد اللي يجيبه واهج الاشواق مع مُر الغياب واشرح لك الحال وعلى الموال واسمع واستعيد اللي مضَى واللي بقى,واسأل وتبشر بالجواب صبري قضَى وانا رهيفة حس ماني من حديد مـ فادني كثر الغنى مافادني كثر العتاب سلّمت واستسلمت اريد ان كان والا مـ اريد أنا بـ اعيش بْراحتي,خذ راحتك فـ الاغتراب, شاعرة نجد ** ** ** ** انتي شذا الورد الندي و شريان جدِّي و الوريد انتي غــلانـــا كلنــا و عــــلاج كـل الاكـتـئـــــاب احسـاسـك المرهـف دفــا و يرجِّــع الميِّت وليــد و حروفــك تخلي مشيـب القافيــه يرجـع شبــاب ان قلت انتي مبـدعـــه ما جبـت ابــد شيٍ جديــد ينقــاس بـك ابــداع كل الكــون يـا كـل النِّصــاب القافيه تشهــد و بحــرك يغــرق ليـا مــاج بيــــد و الجود في معناك يبني ما انهدم واصبح خراب الشعــر ينبـع من ضميــرك كـ القـلاده فوق جيــد متشبِّـــع بـ طـاهـــر تـرانيمــك بلا زيـف و نقــاب خالص كما الشَّهـد النقي صافي كما الجوهر فريد اشهى لمن ذاقـه وعانـق صَفــوَه و بــارد شـراب انتي مكـانــك في القلــوب اللي بهــا حبِّــك أكيـــد اللي اذا جيتي تفــزّ و تَطعَــم حـضــورك رضــاب انتي سنـا شمـس الفـرج في ليلنـا الـداجـي تقيــد و الصُّــوُر في بـثَّ الحيــات لمن يواريهـم تــراب |
| الساعة الآن 10:52 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir