شبكة رواسي نجد الأدبية

شبكة رواسي نجد الأدبية (https://www.r111n.com/index.php)
-   الـــركــن الــهــــادي (https://www.r111n.com/forumdisplay.php?f=171)
-   -   مرسى ( هاجوس فكري ) الرواسي (https://www.r111n.com/showthread.php?t=9220)

كديميس السيحاني 13-09-2010 09:35 AM


بالخزامى والنفل والعود الأزرق هـب نـودي=لا إلـه الا الله المعـبـود هــذا مبتـداهـا
افتخر بك يـا وطنـا مـن زمـانٍ للجـدودي=قبلة الاسلام وامجـاد العـرب فيـك تحماهـا
دارنا مثل الهنـوف ولا شروهـا بالنقـودي=رافضـة خطّابهـا والعاشـق بدمـه شراهـا
امتطى درب المخاطر ساهر وغيـره رقـودي=شايلٍ روحه علـى كفـه وبالمولـى رجاهـا
والمخيلة خايلتها برق سيـف بـلا رعـودي=ومع صلاة الفجر رعّاد النـدا داخـل خِباهـا
بيعة إ ل/عبد العزيز وقال ياشعبـي عهـودي=ماتسـاد الدولـة إلا بالعقيـدة مـن غلاهـا
واحد الميـزان والتوحيـد وتحـد الحـدودي=دولة التوحيـد تعلـن بيعـة لرجـلٍ بناهـا
الشهادة رمزالأمة رايـة الشعـب السعـودي=والقيادة شعب والشعب القيـاده فـي ولاهـا
اسس وعم الجزيره سلم ثم وصـى الفهـودي=واستلمها سعود والسيرة على النهج امتطاهـا
واستلمها واستلمها من صعود ليـا صعـودي=بأمر إله الكون يـوم الفيصـل بيّـده لواهـا
له وقار وله قرار وله على افعالـه شهـودي=نقش علم بذاكـرة طفـلٍ معايشهـا وقراهـا
بصمته في وجه مارد يوم ناصـر لليهـودي=لو نساها يعٌربي خـوّان/ خصمـه مانساهـا
لين سلمها ل/ خالد كل جـود يـزود جـودي=عم خيره كل الأمـة والمكـارم قـد حواهـا
ساسها بقياسهـا ماترتخـي منـه الزنـودي=واستلمهـا ماظلمهـا قايـد العًـرب وذراهـا
الفهد رجل المواقف في الزعـازع والركـودي=ماتزعزعه الزوابـع/ دارنـا زعـزع عِداهـا
خاض في خضم الحوادث لين حط إلها بنودي=رجل عزم ورجل حزم بليـن الأيـام وقساهـا
للصديق الشهد صافي لين غطتـه اللحـودي=وللعِداء سم ٍ ذحاح وكلمتـه يسمـع صداهـا
وسلم الرايه ل/ عبد الله وقال ارقي سنـودي=خادم البيتين من شعبه وفـي شعبـه تباهـا
حد سيف ارخى ل/كيس وبلسم الجرح اللهودي=للفتن مايرخـي الهامـه ولا يقبـل خطاهـا
يا ملكنا لك ولانـا لطمـة لخـد الحسـودي=قايد الأمة والأمـة معـك ماشقـت عصاهـا
معك من يمشي على نهجك وقوة للعضـودي=معك سلطان العرب عضدك ليا دارت رحاهـا



كديميس السيحاني 16-09-2010 10:47 AM




كل وقت اجي و اعسّ رياض مرتاع الجوازي=و اتشوّف للجليلة مثل مـن يقتّـص جـره
مالقيت لها مقيل و لا الأثر في ارض ٍ عَزازي=ذيّروها وطيّروها عـن غديـر أول , تمـرّه
و لو بغيت أواصل المشوار يتعطّل جهـازي=شفرة احداثية الموقـع لهـا تسعيـن فـرّه
دونها الليل وظلامه مع دروب (ن) ما تهازي=لو بغيت اسريه تاه الفكر مع نجـم المجـرّه
و معه سن الشيب حاديني ويفرض لإحترازي=التهور راح في عصر الصبا ما هناش كـرّه
و يا ظلام الليل ليه تصير للظرف انتهـازي=تخفـي دروب الوصـول لـسـاري ٍ لله دره

كديميس السيحاني 25-09-2010 10:33 PM

,





اذا هي من الاسرار ما ابحث عن الاسرار = بغيت الصحيح وجاب لي عذره الواهي
و خواطر خيال الشعر يا درّة المحار = تكيفني رموزه بمعناهن الراهي
و اقول إن ينبوع القراح إن سقى الازهار = يفوح الشذى و اصير في عالمه ساهي
و اعاند خيالي لين يسبح مع الاقطار = و اجمّع خواطر و اصبح الآمر الناهي
تماري خيولي سابق الخيل في المضمار = ولا قد كسبت الفوز بالمال والجاهي
بنات الفكر ما تنظم الا اجزل الاشعار = ولا نيب مكلوف (ن) بنقدٍ من الفاهي
و هذا اللي بغيت اقول فيما بحثت وصار = ولا كنت عن تحليل ما ترمزه لاهي

كديميس السيحاني 27-09-2010 09:05 PM


الـورده اخذيهـا بـدال انزعاجـك=واستبدلي ضيقتك بملاعـب الـورد
ونامي قريرة عين ,, فلّي حجاجـك=وما زعّلك , منه المشاعر ترى شرد
يستطرد احساسي معك لابتهاجـك=ويستنفر احساسي معك لعبة النـرد
والا ليـا منـه تعـكـر مـزاجـك=أنا لك الفيّ وذرى , الحر , و البرد

كديميس السيحاني 29-09-2010 10:44 PM

,
,,
,


,
,,
,


غدا بالقلب ملهوف الحشـى والسـد منـي بـاح=هـذا دور السنـه مـا راف بالخـافـق ولا ردّه
عليه الله و اكبر كيف يضحك لـي وهـو ذبـاح=سقاني كاس من سم الغـلا والحيـل بـي هـدّه
اساهر كل ليلة طرفـه الناعـس ليـا الاصبـاح=و اداري خاطره , و ازعل ليا اطرى البعد و الصده
تلاعب بالمشاعر لعبـة الشاعـر مـع المسبـاح=يلـوّح بالخـرز وليـا تقالـل للـخـرز عــده
على شانه معاليـق الخفـوق تشـادي الملـواح=ترجى الطيـر يرجـع للحنايـا ميـر مـا هـده
بغيت انه يجود اللي لبـس للجـود كـل وشـاح=و لكـن مـن دلالـه قـال تفكيـره علـى قـده

النجلاء 19-02-2015 09:00 PM

صح الله لسانك شاعرنا
مدونه فاخره تستحق المتابعه والتقييم والتقدير
تقديري والنجوم لسموك
النجلاء

كديميس السيحاني 29-03-2015 11:23 AM


العبي يا الراعبيه على خضر الغصون = والقلوب الخضر ترقص طرب متمايله
و كل عصر وليل لو ترتدم دهم المزون = من يشوف البرق يبرق لزوم يخايله

كديميس السيحاني 22-09-2015 01:53 PM


يا اللي رسمت الوان حرفك بالاشواق = لا تمزج ءمع الوان حرفك رمادي
ولا تمتطي صهوة ندم وانت مشتاق = درب الوعر يقداه للشوق قادي
كم لي وانا مجروح ما شفت ترياق = بلسم لجرحٍ ساطيٌ في فوادي
عطني تباشيرٌ بها تُحكم اعناق = ما دنقت لرضا الحضر والبوادي

,
,,
,


الساعة الآن 05:14 PM بتوقيت السعودية

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir

Ads Management Version 3.0.1 by Saeed Al-Atwi

هذا الموقع يستخدم منتجات Weblanca.com

new notificatio by 9adq_ala7sas
الشركه المالكه