|
صح لسانك ياالهوااوي
لاهنت يالجزل |
اقتباس:
|
تسليه بسيطه للسجين
أقول بنسى وأحسب انـي نسيتـه الحب الأول صعب نسيان راعيـه عانيت في بعده كثـر مـا هويتـه لا احتلت في قربه ولا نيب ناسيـه لو اني أقـدر جيتـه كـان جيتـه اللي بقوله آآآآه ويلي علـى أجيـه بس البلا أنـي كلمـا جيـت بيتـه أخذ ثلاث أيام مدري (شنـا) فيـه |
روووعه صح لسانك ي المهره ولاهنتي
|
صحت السنتكم جميعاً
حميعكم شعراء مبدعين على راس كبيركم اللي علمك الشعر /أبو عبيد بس مادام السجين ولد روق خلوه يجلس فالسجن لين تخرث عظامه انتبهوا لا احد يكفله ولاتقبلون منه كفاله واقطعوا عنه الكهرباء والمويه ههههههههههه |
ياالجميله شوفتك عندي مسره=ابرك الساعات عندي يوم اشوفك ماشكيت من الليالي .. والمضره=دام اطالع فيك واقرا في حروفك مانويت اعطي ولو مثقال .. ذره=فالهوى والحب من يشبه وصوفك انتي احساس الغلا وانتي مقره=منبعه عندك وعشقه مايطوفك كيبورديه .. على الطاير |
الله الله عليكم وعلى تساليكم الروعه ابداع ي شعراء رواسي ~
ودي وتقديري للجميع ~ |
اقتباس:
الله الله ي سامي رووووووعه صح لسانك واعتلا شانك ~ راقت لي كثيرا ولي عوده ان شاء الله ~ |
السلام عليكم وصبحكم الله بالخير جميعا وصحت السنتكم وابدانكم وطهرت اردانكم
من متى والبشت مسكوب ياعايض جزاء=يالسنافي نظرتك فيه نظرات الامير من لبسته والقوافي يساق إلها العزا=ما قرينا لك هنا لا قليل ولا كثير ولد روق صويحبك فالسجن ذاق الوزا=لاصبوحٍ له تجيبه ولا حتى مضير مار لد إله النظر والشياطين اتخزا=وكان ماضي منك حلف اذكر الله واستخير |
. صح لسانك ي الهواوي ودام بوحك الراقي ~
تسليه للسجين مع مشاوي وورق عنب وعصير كوكتيل بصراحه عجبتني ابيات سامي وجاريتها وعساها تعجبكم ~ ساكن ن قلبي إنت وللعشق إتجره ~ ولا يخطر في بآلك أبد إني أعوفك.. دآيم ن خاطري شوفتك إتسره .. يشدني للوصل حرصك على وخوفك.. إيه أبيك بدنيتي وأنا بحيآتي حره.. ولاأبي هالعالم تدري عنك وتشوفك .. وسلامتكم جميعاً ~ ودي وتقديري للجميع .. |
اقتباس:
ياهلا ومرحبا .. ي غزلاان .. وصح الله لسانك على المجاراه .. ي بعدي مبدعه .. مبدعه كل الشكر لك ولا هنتي وفالك التوفيق |
سامي
الهواوي غزلان ابدعتو يعطيكم العافيه |
الهواوي
سامي غزلان صح لسانكم مبدعين عايض انت توصي علي الهواوي ههههههههههههههه العود عايض والهواوي كفيله =اخوه فالاسلام ومن الرضاعه يشكي على هاذا وَذَا يشتكيله=وكلن يدور عند الاخر شفاعه عوادتن معاد فيهم عقيله=بـ اول زمنهم لاحقتهم مجاعه لا شاف نك ام الرموش الظليله =معاد عنده يالنشاما مناعه امسا يمثل دور مجنون ليله=وقام يتصنع للمشاعر صناعه وانا عن الزلات رجلي ثقيله =مالي ومال اهل الغنج والمياعه الطيب لي مبدا ولا ارضا بديله =واغلا كنوز النفس كنز القناعه |
الله الله عليك يالهواوي وَيَا عايض ابدااااع~
وصحت ابدانكم جميعاً ي رواسي ~ ودي وتقديري للجميع ~ صح لسانك ي ولد روق ابدااااااع ~ ودي وتقديري لك ~ |
كفو ياولد روق والله يزيدك قناعه وعفه وصح الله لسانك
وابا انتظر رد ابو جزا هههههههههههههههههههههههههههه |
سامي الغنامي
غزلان ولد روق الهواوي صح السنتكم ياشعراءنا المبدعين لاهنتوا |
تسليه للسجين
جعلني ماذوق حزنك على طول الزمان = ياسبـب بـدع القصايـد وياطاروقهـا اعتزيبي وارتفع بك عن دروب الطمان = دامني مـن لابـةٍ ماتضيـع حقوقهـا من عوايدنا نخضّـب مقاديـم السّنـان = مزنـةٍ ينبيـك رعـادهـا وبروقـهـا مانعرف نقول زلـه ولاكبـوة حصـان= روسنا تقدم على الموت قبل نسوقهـا اعتزي يام النواعس ويالعـود الليـان = رددي ياشوقـهـا رددي شـوقـهـا اعتزي وان قالو الناس ماعندك اخوان = قولي ان العاشقـه تنتخـي معشوقهـا وان نظرت العلم فعيون خلق الله بـان = قلت بنت اختارت اسمي وذامن ذوقها والله ان اقوم معهـا عقـل ولا جنان = وان تطيب اوفوقها وان تطيب اوفوقها ثم اردد ثم اردد وحـان الوقـت حان = تمرةٍ من دونها السيف كيف يذوقها أقسمُ بالله ول يخسئ الـلاش الجبـان = لا تهقوى النايفـه مايطـول عذوقها عارفٍ معنى القلاعه ومعنـى الأتزان = وسوق هذي سوقها وسوق هذي سوقها |
صح بدنك وصح لسانك ونعم فيك وفي عزوتك وربي يسلمك ي المهره ذوق وتساليك ذوق
|
صحت السنتكم جميعاً
مبدعين ورائعين شعرائنا الكرام |
|
اقتباس:
|
تسليه للسجين يا من ذبحت المحاني من غلاك الجموح مرابطك في خفوقي ليه .. خليتها !! نسيت مفلاك في ضلع الغلا والسفوح اللي على طارف اضلاعي تخطريتها فوحت دلة غلاتك .. والمشاعر تفوح وبن الهوى يحيي الاذهان ويميتها !! |
|
الله الله ي مهره روووعه اختياراتك ي ذووق وصح الله لسانك وبدنك يالغلا ~
ودي وتقديري ~ |
ياللي سجنت الروح في سجن المعآنآه ~
وش جآك وش أسبآب هالخطيه .. غدرك سرق صمتي والبوح أشقآه ~ ليه تحدني للحزن وأضمه بإيديه .. بقلمي ~ واعتبروها تسليه ~ |
اقتباس:
البقا يا بنت ذربين اليماني بنت شيخ ً سل سيف المجد سله أشهر من الجدي وسهيل اليماني يشهد التاريخ والله شاهد له وقتنا الحاضر وفي ماض الزماني الزعامه والشجاعه راية له شيخ من يام العريبه له مكاني المراجل حازها والطيب كله ماتوفيه القصايد والمعاني لو بحثنا في الكتاب وفي المجله |
روعه ي المهره وصح لساانك ولاهنتي
صح لسانك مبدعه ي غزلاان ولاهنتي |
صح بدنك ي ولد روق ~
ابيات راقت لي من موضوع السهر لخيال مطير واعتبروها تسليه للجميع ~ جيتك أجر خطاي عاني ومنضام جيتك وجسمي دم الاوهام مله اسهر طوال الليل صاحي ولا انام اكف سيف الهم وارجع واسله احيان اقول العمر باقي لقدام واحيان اقول العمر ضيعت كله العمر كله هم وجروح واوهام ضيقه وحزن وغم دقه وجله حتى السوالف صارت سموم والغام ماعاد يعرف قلب الاحزان خله جرح من الحاضر وجرح من العام هم وألم والفين عله وعله مما راق لي ~ ودي وتقديري للجميع ~ |
روعه ي غزلان صح لسان شاعرها وتسلم يمين خيال ويمينك
|
صباحكم خير وورد وشعر
قصيده اعجبتني ونزلتها قبل يومين بقسم الشعر واعتبروها تسليه او كفاله اللي تبون ههههههه للي لهم بالقلب حشمه ومقدار ناس ٍمن الطيبة كسبنا غلاهم الهم بروحي جملة قصور واسوار حب ٍتعلا فوق طيبة نباهم حب ٍختم بالنبض بصمات الاسرار الهم مكان ٍمايجي له سواهم مرفوع بالعالي مثل طير صقار طفيت شمعة واشعل نوره سناهم ما يلحقه شك ٍ و لا بالوفا عار عليه قلبي راضي ٍ من عطاهم صافي صفى السما بلاعج وغبار مزروع وسط الروح بالدم داهم ابيع لـ جله كل ماكر وغدار واشري غلا اللي قد سكني هواهم ناس ٍبهم صدق ٍمع الثقل قنطار طيب ومراجل للمواقيف فاهم قلبي فتح لعيونهم داخله دار بالصدق شفته في خبايا خفاهم مايلحقه لومي ولاني لهم ضار عند الوفا صادق وطيب ٍحكاهم ياللي تغنون القوافي بالآشعار حرفي نظمته في مداره غلاهم الطيب معدنهم على كل دوار محمي بعهد الود جاني صفاهم اطلب من الله حامي ٍكل صبار تعوض تعب قلبي بلحظة لقاهم وترزق بروحي فرحتي بكل الآنوار تشرق سماء روحي بطيب ٍكساهم بنثر ورود بكل شارع و مرار تزهر مداينهم وينْور سماهم وسلااااااااااامتكم |
الله الله ي المها تسلمين على هالذوق الرائع ~ راق لي كثيراً ~ ودي وتقديري ~ تسليه صباحيه مسآئيه مع كابتشينو ~ صباح الخير عدد ماهل مزن السحآب ~ صباح ن يزيل الحزن من دآخل الروح .. ومسآء الخير كثر مامر على قلبي غيآب ~ مساءن يشفي الصدر من حرة البوح .. ب~ قلمي ~ ودي وتقديري ~ |
البقا يا بنت ذربين اليماني
بنت شيخ ً سل سيف المجد سله أشهر من الجدي وسهيل اليماني يشهد التاريخ والله شاهد له وقتنا الحاضر وفي ماض الزماني الزعامه والشجاعه راية له شيخ من يام العريبه له مكاني المراجل حازها والطيب كله ماتوفيه القصايد والمعاني لو بحثنا في الكتاب وفي المجله صح لسانك ياولد وماعليك زوود ياولد عتيبيه يعطيك العافيه تقديري لك |
صح لسانك يامهاوي
على التسليه الرائعه صح لسانك ياغزلان تسالي روعه تقديري لكم |
كفاله لولد روق ودخول الطير حوران لسجن الابداع
أهلاً وسهلاً صباح النور ]من نورك ما أحلى صباحي مَّ دامك من يصبحني كثير قالو صباح الخير ب حضورك بس أنت منك صباح الخيرتذبحني شباكك اللي يغني فيه عصفورك فرحوا بقعدتك مثل مَّ تفرحني مسرحك يشتاق في طلتك وظهورك عطني يدك واسدل الستره وصارحني يامبدع بدلع ارفق بجمهورك بسمتك بذات تجمعني وتطرحني سبقتني بالزياره قبل مَّ ازورك بغيت أداعب عيونك قبل تلمحني أكتبني .. أكتبني العاشق اللي زين سطورك أيه بالله أستاهلك من غير لا مدحني أنا الوحيد الذي يرضى على جورك وأزعل وأصالحك قبل أنك تصالحني الصبح مفتون في شوفتك وعطورك والورد مجنون قال العطر يجرحني |
بصراحه من جمال ما دونتموه تمنيت اني كاتبه كله
صحت السنتكم وذوائقكم جمال فاق الوصف مبروك الحريه ياولد روق واهلا يالطير حوران هاهنا نورت السجن وابشر بالخير والتسالي والعلوم الطيبه ــــــــــــــــــــــــــــــــــــــــــــــــــ ــــــــــــــــــــــــــ فكيتو قياد المشقى ولد روق=لكن قيدتوا به الطير حوران امر من المهره مصدر بلاعوق=وجيب السجن وقفل السجن سجان نبيه يركد بالسجن يوم وايروق=ويهجرس ونطرب بعذبات الالحان ان كان قلبه من هوى زيد مطروق=طرقة صميل اقرع على متن ضميان |
صح لسانك غزلان
صح لسانك مهره ومشكوره على الكفاله صح لسانك الهواوي الطير الله يعينك على السجن ههههههه |
اقتباس:
صح لساانك يامبدع لاهنت على الحضور الفخم احترامي لك |
غنيت ياناصر من الشعر طاروق ...جبته من اقصا الضلع وافي ومليان
ان قدّر الله غير اسيطر على السوق....واختارشرّدها على كيفي سمان من شاف نفسه فوق ناتيه من فوق ....نجيه بخيار السوالف يابلهان وان جا لمعناها رعاعيد وبروق...اقلط على الميدان كانك حميدان هههههههه |
مايفلح ...ألاّتقياً ......لله اعماله
والكلمه اللي بوجه الحق يظهرها عن سؤ .الاعمال فقفايه. وفقباله ثوبٍ مفصل على روحه وساترها |
استلذ الشوق فالارض .الخلي
وقصتي ...فالباديه ..سميتها عين. شيهانه ..برجمٍ ..معتلي من أحاسيس الجسد .غذيتها |
| الساعة الآن 07:36 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir