|
ياصباح الخير ياسجن البديع كفالتي الجمعة أو السبت إن شاء الله المهرة أنا ماأحب الآيس كريم هذا ماهو حزبنا هههه أبو فيصل منور السجن يالقرم أبو عبيد ليه ماتحب تغريدات النقد،أجل أنا طاري علي أخلي التسالي اليوم معلومات مختصرة في علم القافية! ايش رأيك |
الناقد اذكر مره بدوله خليجيه كنت في مجلس انشد واحد
وشلون الوالده يافلان انتفخت اوداجه ورد علي بغضب مو مكانه يابو عبيد ههههههههههههههههههههه ــــــــــــــــــــــــــــــــــــــــــــــــــ ــــــــــــــــــــــ رحيل لا يابعد العربان اسمك بالصداره وما سقط سهو اللي ذكرتهن كانن موجودات فقط من ناحية ظهور الصور انا كذلك بس القاهن في متصفح ثاني ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ اهلا ياشاعرة نجد وصح بدنك ماودنا نقاشرهم بالحيل لعلهم يستمرون لو بعض الوقت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ ريم حسبي الله على اباليسك ابك البارحه حين سهجت عيون النعاس واشوف راعي ددسن حاطني بكرتون مع النفود ورابطه بالددسن ويمشي 120 ههههههههههههههه اهلا يالجوهره وتسلمين على هالمطولات الظاهر اعداك الخيال ههههههههههههههههههههه |
اهون عليكم يالرعد حبة الكوع=من قول بعض الناس هالربع فازوا حبل التحدي لكم مثني ومربوع=حنا وبس اللي على الكاس حازوا نكفل ونروي عِطَّش ونقتل الجوع=وعن معتركنا جِلَة الربع جازوا اللي يبي يشرح لنا الكيف والنوع= واللي بنا في سخريتهم تهازوا |
يسعد مسآكم جميعااا
شاعرنا الهواوي هلا بك وصح لسآنك أجل صرت مثل خيال هههههه. وش اسوي من حبي للشعر والله استمتع وانسى نفسي مع اني ما اشوفها طويله مررره. ربي يسعدك ويحفظك ويطول بعمرك نائبنا الناقد هلا بك. ويعطيك العافيه على التغريدات الرائعه والمعلومات المفيده وبانتظار معلومااتك ومنكم نستفيد استاذنا وشاعرنا القدير. ودام حضورك وابداعك |
اقتباس:
|
هذا مهو سجن , صار فندق 5 نجوووووم . طبقو شرع ألله . كل شوي كفاله ,
|
اقتباس:
اقتباس:
|
اقتباس:
هذا ممكن وضعهم بعد عشرين سنة |
الناقد عطنا الدروس
ومنك نستفيد بيطفش الهواوي (: |
اقتباس:
هههههه إياك أعني واسمعي ياجارة وصح لسانك على عنفوانيتك على حزبنا وأنا كتبت أبيات العصر وكل ماجيت أكملها جوني مسايير لكن تو قاموا من عندي وأبا أحاول أنزلها بعد شوي هلا ياريم بحاول أغرد بها الليلة بحسابي وأنسخها لكم هنا إن شاء الله وهي مختصرة عن القافية! الجوهرة منورة يالقرمة والله يسلمك وإن شاء الله خير,, خيال كيفك,وحياك مولاك,, لاهنتوا جميعا ,, |
مساء الخير والسعاده على الجميع
ياخيال الزرقاء ياولد=خذني معك ع الزرقا للبلد= واردفني لين الحق ضعنهم= انا على افراقهم مالي جلد ياولد يولد ياولد ههههههههههههههههههههههههههههه اذكر مره كنت بالبر بخيمه وكان عندي غنم ورقدت بعد الظهر بالخيمه ومادريت الا واحد يغني يقول يا اهل النضا خلو قنيص على البال= ان كان سندتو شعيب المزيله ومره كنت بالشمال جهة العلا ووقفت بقريه صغيره اغير زيت موتري طبعا انا ما احب الخوي ابدا يالله اصبر على الناقد بمشوار مستعجل جابلي العامل كرسي وجلست جا راعي جيب قديم ووقف بسرعه ونزل بسرعه وقال انا اريد اغير زيت جيبي واسافر به/ تمها يارجل قلت ابا اقطع به الفرجه ليا حدني حادي لراع العيون اللي عيوني لهن طربه= ونسيت الباقي من كلامه وكلامي مجرد تداعي معاني |
ليش صفحتنا صايره قضيفه يعني ضيقه اي مستطيله عموديا
ـ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لاتضيقين الصدر ما فيه كافي=يزعل من ازحف جعل ربه يعافيه تعكروجوه قبل كان صافي=ادري واعرف وفاهم اللي حصل فيه مفتاح سره صار عنه امتجافي=واللي نقص من ذاك هذا يوفيه |
اقتباس:
|
ياصالح أنته شاعرٍ مبدع وهذا العلم أكيد=مدري علامك ماتغنِّي هو بخل ولَّا عناد ياشاعرٍ في بنك جزلات المعاني لك رصيد=خل القوافي تلتهب والنار من قدْح الزناد عان الهواوي فالسجن يْقول أنا باسي شديد=شايب وظهره ملتوي بس الشجاعة فالْفؤاد ماني موصيك انحره مْن الوريد ليا الوريد=وأنا بحطه فالرحى ثم أطحنه طحن الجراد وأعرِّضه صلف الهواء لاقام تيَّاره يزيد=يذراه لين يطير كله مثل مايذرى الرماد سادات حنا ماخضعنا روسنا مثل العبيد=ولاخضعنا غير لِك ياسامك السبع الشداد لاثار دخَّان الوغى نضرب بكفٍّ من حديد=أسيافنا للهامة اللي ترتفع مثل الحصاد وختامها بإيجاز للي قال أنا راسي عنيد=نْقول له ترى الجمل مايوجعه قَرْص القراد |
صح لسانك
|
تسليه , من الخفير
سلام والمبدأ على الزين بالحد نجما ليامن شع غيره تجلا ياثابت السيسان بالعز والمجد ياموقع بين المواقع تعلا من جاه يشكي لوعة البين والوجد عود بلوعات الزمان يتسلا أشم ريح المسك ويشدني شد للخاطراللي له زمن ماأسفهلا يشرب قراح اللي وصل جمة العد مثل العسل صافي وزلال محلا مثل البحر جزره يلاطم به المد وش يجذب اللي منجم ماأستدلا غبة بحرفيها من الدروأزيد ياجوهره فيها عيوني تملا وهذا محلي منتدى الزين من جد إن كان لي بين الشواهق محلا سلام والمبدأ على الزين بالحد الزين باهله لجوه رحب وهلا الحوراء بنت نجد |
غريبه كيف افكر به وتموت لشوفته عيني
غريبه كيف اهو يسكن خيالي ويشغل افكاري غريبه كيف احس اني هويته وصار يعنيني وكيف انه غدى بوحي وحبه جوهر اسراري غريبه ثورة احساسي وش اللي صار وش فيني والاغرب حالتي لما يجي عنه ولو طاري اشوفه دوم باحلامي يجي يركض يناديني واقول امر تدلل ياحبيبي جيت لك شاري عشقته موت واحبه .. وحبه حيل مشقيني ولا ظني ابد فكر او انه صار بي داري وكل هذا غلا نظره أجل لو هو محاكيني ؟!! وش اللي يصير باحوالي لو انه صار اقداري ! ياليت انه يبادلني الغلا والحب يعطيني يا ليته حس باشواقي قبل تعلن بالاخباري وعلى كيفه يخاصمني .. يزعلني .. يراضيني واذا يزعل علي نذر اجي له واحمل اعذاري ابيه يكون لي بسمه .. ابي حزني ينسيني وابيه يعرف اني فيه دايم اكتب اشعاري وعلى الله مايجي احساسي وهم كاذب يعنيني وتصير احكايتي قصة وهم كاذب من افكاري الحوراء بنت نجد |
اليوم انا قلبي على خف وجناح ما عاد يبغى مصر شطه ونيله حتيش لو يطلع بمنجى وتفاح وحتيش لو فيه العماير طويله دارٍ ابها المشهور مصري وفلاح ما حدٍ يعد اصله ولا له قبيله ربعٍ تضيف ضيفها رجل وجناح واطيبهم اللي جاب ديكٍ يشيله اشتاله البركان والصبح منباح وعوض مبانيها الرفيعه نثيله ويصبح صحن صاحي من النزل صحصاح وينجابه اللي خالقة يعتني له ينجابه اللي فيه يأمر بالاصلاح ومن لايخاف الله عسى الله يزيله دارٍ انساها لبسها شرب وشباح واللي يحاكيها تقف وتحكيله يمشن والاسلاب من قدم فتاح وانا دخيل الله منجي دخيله ماجيت له ياسيد البيض سواح ولولاك والله يا الغضي ماعنيله ولو قلت لك مرتاح ماني بمرتاح يعلم به اللي كل همٍ يزيلـه وصبرت لاجل دواك ياضبي الابراح هذي من السفره ثلاثين ليله اقعد من المغرب ليا نور الاصباح القلب كنه فوق حامي المليله قلبي قفل وله الهواجيس بمفتاح ليا صدر هاجوس الاخر يجيله صبرت صبر ايوب لين الصبر راح راح الكثير ولا بقى الا قليله قلبي كما طيرٍ دعيله بمرواح هواه نجد وجلستي ويش هيله وجداه يا شمة ذعاذيع الارياح في نجد غب مروحٍ سال سيله من الحجاز ليا شروره والاسياح ما به شعيبٍ ماتدارج مسيله ديرة مكسرة الجنابي والارماح ماهو بدار مصلحين البليله دارٍ بها عشنا شريفين وصحاح ما قيل ذي جربا وهذي عليله يازينها لو عيشها صعب وكفاح وياحلوها لو شربها حنضليله وياما حلى فيها ولد باش سراح سجه ومع بعض الرجال تعليله في مجلسٍ هرجه سواليف ومزاح والنار تشعم والمسير يجيله والكبش جابه من هل المرح الاشحاح من ضان رباط العصا في صميله وقال اقلطوا ياعيال عن الشبطاح ورمى الشوا بين الحطب والنثيله لا من طير النبت غب النبا ناح هذي طرات العمر والله وكيله ويازين فيها جلستٍ قبل الامراح صافٍ قمرها غب نو المخيله فالعبله اللي رملها تقل مسباح ابيض كما اللولو والاحمر مثيله يعطيك بألوانه تشاكيل وألماح مثل الخرز ومشاركه دق نيله ارضٍ عليها مشي الاقدام يرتاح سجتٍ قدم بالنعل ماتحتري له ليا ذعذع الغربي وريح النفل فاح سقوى سقى الله سجت فيه ليله بأطراف قطعانن تمرجح تمرجاح ترعى فالارض قفرٍ خلا مولفيله يقهر له المقهور سرحه ومرواح وتكسر على صوت الحوار وعويله وترازمٍ لفواق من ذود مصلاح ودرهم بمحلابه ونفذ شليله وقرب لهن ماعون لين الرغو ساح ما كنه الا بالوقايا يسيله اثن البطون السداس مجهم ومضياح ومن لا كسبهن ساعته عزتيله حتيش لو يكسب ملايين الارباح تعبان قلب وراس يومه وليله يتعب وتاكلها قليلين الافلاح ناسٍ تجي بعده وتنسى جميله ومرقد العمر الفنا وين ماراح فراشه الطين وغطاه النثيله وتطلع ملايكة العمل بيض الالواح وتخسر بها اعمال اليدين البخيله ويخسر بها اللي يعمل الجرم منزاح توه بدا ولا لياله طويله مثل البهيم ليا شبع فالحيا صاح لمتلى بطنه تزايد صهيله وليا غاب بطنه صار للحق نفاح مايكتب الا الناقصه والفشيله لاخايفٍ ربه ولا طاع نصاح يلعبه الشيطان بيا وسيله نذل يبى بالجرم شهرة ومداح يرضى شياطينه ويزعل كفيله وهذاك حظه لو صعد للعلا طاح جزاه نار ما عمل تحتري له شقير بن عقيل الجذع الروقي العتيبي |
ويقول شاعرنا في مدح محمد بن قشعان العتيبي
ترى المال زوده نقص ماغير ابن قشعان ياكود الرجال اللي تثمن مواجيبه اقوله وانا مانيب مجامل ولا غلطان اجيب الدليل لكل من هو يغني به وانا ما بديت البيت الاول بلا برهان وانا ممدح اللي جزمته مطلعت طيبه محمد نزله منزل يتعب الرديان صعيب على ولد الردى ما يهقوي به ربط طنب ابن جهجاه في طنب ابو فيحان وبنى البيت فالقمه وثبت مناسيبه وترى البيت مايقف اليا اختلت العمدان وترى مايشده للعمد غير اطانيبه بنى بيت عزٍ للرجوله على سيسان طويل الذراع له الفخر لو يماري به ولبس جوخةٍ للحرب تضفي على الامتان ورمى الحبل في عزٍ طوالٍ مجاذيبه اعدودٍ غزيرٍ جمها يبهج العطشان ليا غثبرت بعض الليالي مشاريبه ليا صاح صياح الضحى واشتبك دخان يبا من جحيم النار يقبس مشاهيبه وترى من قبس من نار طيب شعم نيران وترى من قبس من نار خايب نقل خيبه وترى الطيب عزٍ للفتى والضعيف يهان وترى النعم ما كل يحوشه ويحري به وترى ما ياقف في ماقف الحصن غير حصان ولا كل من وده برجم يعدي به وترى الطيب لاهل الطيب مهما يصير وكان سوات الذهب معروف من غير تجريبه مجالٍ كتبه نعم والعلم له نيشان اقوله وغيري من يقوله ويمشي به ماسوى سواة فلان وفلان وابن فلان اضعوف الرجال اللي مراجلهم الغيبه هل الزوم نمات بومٍ ورث عقبان لو انه يجر الصوت دقمٍ مخاليبه يبا الطيبه لكن وانه وطيبه وان حرامٍ عليه البشت الابيض يصلي به وترى المال ما يتعزبه فالحياة اهدان يموت البخيل وكرمة النذل في جيبه خسارة ولو ان البنك من ثروته مليان حصيله منه ذنبه وشدة عواقيبه اقوله واقول النعم يثنى لابن قشعان عدد مادارجه الهبايب وتجري به لحيث عن الجزلات ماسكر البيبان محله سلوم الطيب تصبح وتمسى به شجيع كريم يكرم الضيف والجيران كسبه نعم مافيه شكٍ ولا ريبه |
مساكم الله بالخير جميعآ
صح الله لسانك يابو عبيد ناقدنا صح الله لسانك خيال لاهنت على الحضور والتسالي لكن للاسف الطويله ماقدرت اقراها خف علينا من هالمعلقات منورات شاعراتنا القديرات بنات رواسي لاعدمناكم يارب |
اقتباس:
خليكِ في حالك لو سمحتي |
|
بسم الذي بامره يسوي مايشاء ومايريد=اعز جند برحمته واهلك بسخطه قوم عاد يامرحبا ترحيبةٍ بيضاء وسوداء بالعميد=فيها بياض بطيبهم/من خبثهم فيها سواد صياحك لصالح ما ارا به يالبطل شيٍ جديد=حزب الرعد يومٍ عبوس ويوم نلبسه الحداد اتكبر علومك تحسب العازمي مخه بليد=ما هج صالح غير من حر المطارد والجلاد ذاق بشتانا زمهرير وقيضنا حرٍ شديد=ماشيف من يوم الخفير اطلق من يديه القياد والا انت خيالٍ تذايخ من بعيد ليا بعيد=يجزعك حر الشمس وتهايت بحزات البراد كم راعدي جا فازع وخلي بميدانه وحيد=للجلد والتكبيل واودعناه في سجن انفراد ريم الفلا والجوهره دحدر بهن حظٍ قريد=وش عاد لو شيخ العرب من طخفه لمنشاه عاد اكتب ومليساي حول النار في جنبي امسيد=تبي الدفا اثر الضعيفه ماتحمل هالبراد |
السلام عليكم ورحمة الله وبركاتة
اسعد الله صباحكم بكل خير ويعطيكم العافية حبيت اسلم وعساكم على القوة |
ارحب يابو محمد وعليكم السلام ورحمة الله وبركاته وعودا حميدا واجازه سعيده
لو اني درست الطب لو لو من الشيطان=وحضَّرت ماجستير بالفصط والتطعيم ودكتوراه من لندن بنفسية الانسان=واستاذيه بو ضع الشواعير والتقييم عالجت الهجوس المرهق المتعب المرضان=من باب الهياثم لين ظلم وربى القصيم ابا اكوي هجوس اللي يشحون يالقيفان=وقديم الهجوس احب اسوي لها ترميم وهجوسٍ بطعمها عن الكبر والحقران=وهجوس تحلل ودي اعمل لها تصميم وشهادات تقدير لهجوس بقى طربان=يغني بموالات واجيبه النسيم > < > لفتة انظار الرواسي والراسيات الاعزاء انا متأكد ان كل واحد/هـ دولابه يطقق من كثر الملابس لذلك ادعوكم الى اخذ الزايد منها معكم ليا خرجتوا للبر ستجدون رعاة شبه عراه عند من ليس فيه رافه ولا رحمه اهدوها لهم وستجدونها ان شاء الله (من تجربه) |
مساء الخميس الونيس
ويكند سعيد للجمييييع وصحت الالسن والاذوآق ودآم الحضور والابداااع هلا بك هزاع العاصمي منور السجن والله يسلمك من كل شر ودآم حضوورك وبانتظار ابداعك شاعرنا الهواوي صح لسآنك مليووون والله يجزاك خير على اللفته الطيبه ويجعلها في موازين حسنااتك |
اقتباس:
هههه هذا اللي يخلينا نركّد الرمي معكم ياحزب الفلس لأنكم تنشحنون ثم تنفجرون التحمل عندكم منسوبه منخفض قل خيال تهايط حلوة هههه |
اقتباس:
عليكم السلام ورحمة الله وبركاته هلا ياهزاع منور حياك مولاك والله يسلمك،،، |
اقتباس:
صح بدنك ياخيال البارحة قريت مشاركتك وش طولها واليوم كلمتين الظاهر سرى ليلك وأنت تكتب وتعدل،، |
اقتباس:
صح بدنك يالنجلاء ومساؤُكِ سعيد ____________ |
اقتباس:
وصح الله لسانك |
اقتباس:
صح لسانك ياابوعبيد يالجزل وجزاك الله خير وجعلها الله في ميزان حسناتك هلا هزاع ارحب منور السجن هلا الناقد منور السجن وصح لسانك يالجزل هلا شاعره نجد منوره وصح لسانك ملايين هلا نجوله منوره السجن صح ذووقك ياخيال منور السجن جوجو ورحيل منورات صح ذووقكم |
مساء الخيرات والمسرات
اهلا بالواسي والراسيات تحملوها مثل ما تحملنا الرماد والقراد والجراد ههههههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ وين الشاعره تاتي بما يرضي الزعلين=اثر هالربع نبثه ليا جمهم طالع يخلوننا مده وعادوا وهم صلفين=واثر غازهم بادناة قدحه وهو والع لكن في زعل هالحزب يامرحبا واهلين=لعله يحركهم ولا عندنا مانع |
تسالي للسجين الناقد والزوار
يا لحون العود وإلا يا مجارير الربابه إختلف معنى القصيد وضيع الفنان فنه حلم مدري علم مدري نوض برق في سحابه أثرها طلة جبينه يوم زاح الليل منه أقبلت مثل الفرس لا سمعت طبول الحرابه مقتفيها ليل أسود والنجوم يفرقنه النهار يمر ويعدي وليله في عقابه النحر صبح تجلى والجدايل كنهنه مخمل يلتف فوق الجيد الأتلع بالنيابه عن سلاسيل الذهب والماس خوف يجرحنه |
الغلا جسم رقيق ومرهف إحساسي ثيابه
مثل غصن الورد يوم الهبايب يطرقنه ما زرعت إلا غلاه ولا نقلت إلا صوابه والحشا ماضاق من خضر الطعون المستكنه ياحبيبي مازها كف الخضاب إلا خضابه فيه نظم المفردات وفيه للعشاق عنه الظبي ماله شبيه وبينك وبينه تشابه إلتفت بشويش وألقى فيه منك وفيك منه |
وين انت ياللي ما تزعلني وانا ما ازعلك=اقصدك ياقاف الغزل واللي لعينه نقتنيك كم لك تعللني وانا من كم عام اعللك=افيض الضيقه من الخاطر واسندها عليك انا اشهد انك في مجال الشعر مقدام وملك=ماتحتري مردود من ينصت بسمعه يحتريك قل للغلا تراي اعاني من بعد فقده ظنك=وقل للجفا بعد الوفا وش رجعك تبت يديك ماقط ساورني قبل ماصار يالمجمول شك=ولا هقوتي من يمتي ايات ريبه تعتريك |
مساء الخير
وصحت السنتكم ولاهنتوا على هـ الابدااع دام التواجد,’’ |
اقتباس:
صح لسانك شاعرنا :smile: ترى يازعيم العاصفه كلنا دارين بحال الرعد ونْشوف وندرّج الضالع نبيهم ياعل وياعسى ربعنا حيين يجي مايجي منهم,ولو طيرهم شالع حنا العاصفه نمْهَل ولانهمل وراضين عن اوضاعنا وابليس في قلعة القالع |
يقول وش ودك وانا اقول ودي اللي تْعَرْفه يوم ودي و ودك العام يُم وصلك مع الريح ردي وبيحت من كثر المراسيل سدك وانا قفَلت وضاع مفتاح سدي من كثر مـ اشرد بين مزحك وجدك واحكي على نفسي واسولف بـ يدي واروح مع هاجوس قلبي لـ حدك واطلع على سطح القمر واستعدي بموال شعرٍ كل ماغبت ردك موال فيه مْن الغلا والتحدي لـ وهج المشاعر,والهوى صار ضدك لاضعت في موجي بجزري ومدي وبْعذب قافي لاقريته وشدك وانا على روحي بروحي واهدي كني ولاهمي فراقك وصدك ويالله من دمعه جرت فوق خدي وياشينها شيناه لـ الشوق حدك |
تسليه من ألاقشر
يقول الشاعر : الكبير / عبدالله بن لويحان رحمه الله هاضني وابدا كنيني يــــوم طبيت المنــامـــــــه = ديــــرة مـــــا طبهـــا جدي ولا ابوى القريبي يـــا ولي العرش منهـــا كف رجلي بالسلامــــه = قبــل مــــا يلحق جديد العمــــر فلاَّج الطليبي اتنحــر نجد حيث ان نجد مضبــوط كمامـــــــه = ضابطـــه مقدم هل العوجا منزحـــة الحريبي والله ان ركبي على هرش ومن فوقه مسامــــه = اشهب ذيلـــــه مشلوط كن جلـــده جلـــد ذيبي في هبايب نجد وارقى من عدامه في عدامـــــه = شربي الما الهمج بأوطاني كما شرب الحليبي انه اشوى من ركوب الغوص مع خطو الفدامه = ما يحوش الليل معهم غير مقــــرود النصيبي ويقول شبيت واليوم شايب والهدف واحد واعرف السّلوم مــا حب هرج القفا ولا انقل (النمّة) ولا امشي بها ما اصادق الاّ الرجــال إلاّ يفكون الحسب واللزوم مـــا اني بصــادق طيورٍ مـــا تعشيهــا مخاليبهـــا ويقول الله يرحمه شعرٍ مثل يا فاهمين التمـــــــاثيل = كلٍ يجي شعره بحسب اقتــــداره من عاش ينظر بالسنين المقــــابيل = يذوق من عقب البروده حـــراره الطيب يخلق مع قلوب الرجــاجيل = ما هوب في بنك التجاره تجــاره والرزق من عند الولي بالتســاهيل = ماهوب بالقوّة ولا بالشطـــــــاره من عاش في حيله وكذب وتهاويل = ياسرع من عقت الطلوع انحداره والشور ما ينفع قلوب المهــــــابيل = كالزند وان حرّك تطاير شــراره لو تامره بالعدل يعرض عن الميل = بستل على رايه بربح وخســــارة والطبع مـــــــا ينزال غيره بتبديل = مثل الجدي مرساه ليله نهــــــاره والحنظلة لـوهي على شاطي النيل = زادت مرارتها القديمة مـــــراره هذا مثل يـــــــــــا فاهمين التماثيل = كلٍ يجي شعره بحسب اقتــــداره |
| الساعة الآن 03:00 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir