|
اقتباس:
عز الله يشوش له سامعه ماشاء الله تبارك الله وتستاهل الكفاله شاعرنا ياما كفلتني وانا مبطيه من السجن ومشتهيه الزنزانه هـ الويكند ههه,’’ |
صح لسانكم يا مساجين
وطابت ايامكم |
مساء الورد
صح لسانك يالهواوي مبروك الكفاله وصح لسان شاعره نجد ومنوره السجن يالعاصفيه وابشري بالتسالي والاكل الزين هلا سعود منور السجن صحت الاذواق |
السلام عليكم والرحمة
وينكم ؟؟؟هدوءكم مايطمن |
اقتباس:
الوضع ممتاز والاخلاق ممتازه ولا فيه شين يعكر جوها الصافي |
سجين القوافي لامقيد ولا مفكوك
طليق ورهين وحالته شبه عاديه لكن القوافي يطربه قافها المحبوك خصوصٍ ليا صارت عن الشوق حصريه |
السلام عليكم ومسيتو بالخير
ارحب ياسعود طولت الغيبه الله يهديك افتقدناك وايد اهلا يانور يوم شفتي الوضع راكد ليش ما حركتينا لو بقصيده اهلا ياشاعرة نجد ما عليش ما رضيت ان بعضنا يكفل بعض وحنا اللي ساجنين انفسنا ارحب يالذيابي وجرب السجن ونبا نشوفك ليا تخلويت مع نفسك وش تقول نعم كل ما قلته صحيح ولافيه اشكوك=تسعدنا سواليفك اممازح وجديه نقنع عن ملي دفتر لوهو في كراب البوك=نعرفك شقردي من رجالٍ شقرديه والدعوى تقادي مفرداتك ورحم ابوك=لاتوقيع شيك ولابه فلوس نقديه هات القيد يالحارس وعان الذيابي دوك=حبلك في كراعه والكلبشات بيديه تكفل عاصفيه عاصفي /وتحدا مفكوك=تهكم بنا كنك بسوق الحميديه عواصف وكم خشم اشمطٍ قدمنا مفروك=قبضة عاصفتنا اليوم قبضه حديديه وابشر بالعشا مفرود ماعاد هي بديوك=لهالحين ضايق من دجاج الرعيديه ومن بعد ذا يالهجس لو انهم لاموك=بقاف الغزل سوي زيارات وديه للي من سبايب غيبته صاحبه منهوك=ابو ناعسٍ يضفي على اوجان ورديه نهارٍ عرفته فيه ياهاجسي مبروك=ويومٍ فيه ودعنا الغلا تبت ايديه |
مساء الخير
وصحت السنتكم وابدانكم والنور نورك مهرة يام وصح لسانك يـ الذيابي ومرحبا بك الف في سجن الابداع والمبدعين وصح لسانك يـ الهواوي, وتسلم على هـ الكايفه النايفه والبركه في بيتين الذيابي واختيار موفق كلنا بغاية الشوق لابداع شاعرنا وابشـر بالعشـا مفـرود ماعـاد هـي بديـوك لهالـحـيـن ضـايــق مـــن دجــــاج الـرعـيـديـه:smile: |
مرحبا يـ الذيابي فـ السّجَن يوم جيت غن فاخر جديدك بين شعر وشعور كلنا نستمع في صمت لامن بديت من متابع ومن زاير وحضرة حضور سلنا لو تكرم بالدرر بيت بيت وادخل بْقاف شعرك عـ الصدور السرور هات صادق جديدك والقديم ان بغيت أنت مبدع وحنا ماعلينا قصور أبشر بْفايق الشعْر الجزل وان سليت ازرع السجن من عذبك بورد وزهور |
سلام أحلى من عبير زهر النواوير
للي غلاهم دآخل الدم جآري يسعد صباحكم وكل أوقآتكم وصحت الالسن والاذوآق يا مبدعين ودآم حضوركم وابدااعكم ومبرووك الحريه الهوواوي ومنور السجن الذيآبي وبانتظار ابدآعك وابشر بالتسآلي |
اقتباس:
|
ليت عقل العود في سن الشباب وحكمة الستين في عشرينها .. كـان ما جـرّ القدم درب العذاب وانتهزت ظروفها في حينها .. |
أول التسآلي للذيآبي
هز السّما يمكِن تطيح السحآبه .............على كفوُف مصافح الوصل يَا ديمْ تنبتْ على الأرض الهشاش الكِتابه .............تنتِج زهر بين إختلاف المفاهيمْ ما عافت الشّمس القُمر فيْ غيابه .............لكنّها صدّت ، ( عن اللّيل والغيم ) .... نصبر على وقتٍ به الزين والشين لان العمر مهما حصل فيه فــاني وإنغيّر الروتين من حيـنٍ لـ حيــن لاجل السعاده ماتجافي المحاني ..... |
تهديني الـوردات ؟!! أبهديـك باقـات
والورد لو مـا ينهـدا لـك ..حسافـه لنّ الحقيقه .. أنتي بالـذات .. بالـذات بينك وبيـن النـاس يوجـد مسافـه أنتـي هنـاك ومنزلـك بالسمـاوات فـوق النجـوم ولـك مقـام النيافـه تلفيـن واوقـف أستحـث التحـيـات تقفين واسهر بين أخافـه .. واخافـه البعـد يذبـح والتجـافـي عـذابـات وانتـي فراقـك يعـلـم الله أعـافـه لك في عتيـم القلـب عـدة اضـاءات مـن زاويـة همـي لآخـر ظفافـه أصبحت اشوفك مع ضياعي .. اتجاهات ولجسمـي البـردان صرتـي لحافـه وان كان للـوردات عنـدك حكايـات انتـي حكايـة هالخفـوق وغـلافـه هاتي يدينـك واشعلـي هالمسـاءات ورد الهوى ( قَد حانَ ) موعدْ قطآفه |
اهلا بالجميع ومساكم رشاش وسحب متفرقه وكل ما مرت سحابه رشرشت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ هج الذيابي والخفير امتهاون=حارس بحاجه والعرب تدهن السير من قال للحظ الردي ستداون=وهو دوب ياقف مافعل بالردي خير من العام لازم في وقوفه يعاون=تقول بركبه تغزز مسامير والقلب رجفه يشبه لرمي هاون=تجهز عليه القف طواريه واتغير الوصل والصده ما اظن يتساون=وصلك عمار وصدتك عنه تدمير |
السلام عليكم ورحمة الله وبركاته تسجيل حضور ،عدنا والعود أحمد! الحمد لله انتهينا البارحة من الاختبارات ! الله لايهينكم جميعا وصحت ألسنتكم،وصح لسانك خاصة يابو عبيد الذيابي هلابك منور السجن يالقرم الله يحييك يالحصان في محلك |
وعليكم السلام ورحمة الله وبركاته
هلا بك نآئبنا الناقد وعودا حميدا وآخر الغيبآت ان شاء الله وان شاء الله موفق باختباراتك وكل أمور حيآتك وبانتظار ابدااااعك. |
ويسعد مسآكم جميعااا
وطآبت جمعتكم بذكر الله والصلاة والسلام على رسول الله اللهم صلّ وسلّم على نبينا محمد وعلى آله وصحبه أجمعين |
اقتباس:
عرفنا , بعد الاختبارات , وين تسافر , , |
مسالورد
صحت الالسن والاذواق مبدعين الله يعطيكم العافيه ياهلا بالناقد منور السجن والله يوفقك بالاختبا رات ماشالله عليك وش تدرس يالناقد |
اقتباس:
مرحبا وعليكم السلام ورحمة الله وبركاته من السجن والسجان ياخاطري مدكوك تهيض وتغيض وتحلم احلام ورديه انا ماني بجاني ولا ولد صعلوك هجوسي حجازي لو الافكار نجديه أهنيك يالهاجوس دام السجن مبروك عسى افكارنا تختار هذي وهذيه |
اقتباس:
مساء السعاده والامل |
اقتباس:
دام نظم القوافي في لقأكم فخور عن محل المعالي كل مارحت جيت يحتويني من الإبداع بعض الامور ليت قافي يسلي كل ماجيت ليت ذايقة من بعينه كل ماقلت نور الجديد القوافي تحتوي من هويت كيف اعبر عن اشعوري عنه في سطور جعل عزك يدوم ومن هجوسك رويت اهتواني من ابداعك شوية غرور |
مرحبا بالجميع
تشرفت بكل من مر من هنا دام ابداع الجميع وحضورهم |
اهلا يالجوهره ويومك اسعد
ارحبي يالمهره الناقد يختبرونه بصف تالت مكافحة الاميه بنظام التجاوز ام نجح وانا اشك في ذلك ينقل لاول متوسط الله يوفقه اهلا يالناقد والله نويت اسير عليك الارح جاي من عفيف بس قلت يذاكر وتندبل كبده ليا جاه احد ارحب يالذيابي معجبين بافكارك ان انجدت وان اتهمت لذلك حبينا نلزمك حتى نسولف معك وتسولف معنا وصح لسانك ولا فض فوك ــــــــــــــــــــــــــــــــــــــــــــــ |
اسمع اسمع هههههههههههههههههههههه
متى بقلبك يالغلا جاء قساوه=ومن اولٍ تبكي لموتة عصيفير ولا ادري متى جابك غرور وشقاوه=ومن قال قل له هفت الدلو بالبير رشا ودلو وعِد وايضا حساوه=من عدهن لك هالعشي لا جزي خير بالجسم لين وبالملامس طراوه=ما تتفق ويا الدلي والنواعير عز الله انك قبل ما انتي لعاوه=معدن وفا وايضا صبية مخاسير النطق بلسم والتبسم حلاوه=وعين اشقرٍ مهديه ابن عون لامير روضة خريم ليا اصبحت غب ناوه=تشبهك في ريح الزهر والنواوير ادفع لسلطان الرموش الاتاوه=لهن حليف الجسم والخافق اسير ماهي الغراره/ القلص/غِبْ |
الغرارة :كيس خيش يستخدم لوضع الحبوب والقمح >>>يارب تكون اجابتي صح
غشيتها من قوقل القلص >>مدري فيه كلمة يستخدمونها بس ماودي اقولها |
اقتباس:
وعليكم السلام ورحمة الله وبركاته سعدنا بتواجدكم وحضوركم نحن بدونكم لاشي لاهنتم على الحضور |
ارحب يالذيابي لاهان راسك يالقرم انت الكل بالكل ومنك نستفيدههههههههههههههههههه
ارحبي يانور وحييتي والله ما ادري عن قوقل لكن مالك لوى يعني ماوفقتي بالاجابه والقلص ماهي كلمه شينه من الادوات المستخدمه قديما ويقولون بالامثال حط راسك بالقلص اذا كان واحد دليله واحد ما يدل يعني لايهمك ادلك الطريق ههههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــ وين اربوعنا ويا الربايع عسى يحيون=يغمرهم تكاسل ياجعل نارهم حيه جواهر ومهرة يام مع نور جونا هون=وانا والذيابي وناقد الحزب ياحيه على عادته مر الكرام ويقول اتنون= وتنينا وكلٍ من طفش عوَّد لحيه على جمر سمر اذكر قصايد لبن لعبون=ان غيبت معها صحت الناعس اسحيه صوت الحاضر ايرده صدى الماضي المكنون=وردي الحلوم اتصير من غبن قمحيه خوال القلوب اللوَم ارجوكم وتكفون=انتم في نحيه واخضر القلب بنحيه ماشفتو جمالٍ ساحرٍ يشفي القيلون=ولا اوحيتو عباراتٍ كما طعم برحيه بنيات شفة قرمزي دافي ومدهون=بحبات توتٍ تشرح البال صحيه |
مساء الخير صح لسانك سجيننا المبدع مجاراة فاخره وحضور فخم,لاهنت وصح لسانك يـ الهواوي على هـ الروائع الممتعه دام الابدااع,’’ |
تسليه من جديدي يا غايتي مد حبل الوصل وامده مـ عاد باقي معاي مْن الصبر ذره خلص تقلص قضى يُم زااد عن حده وانا على البوح يامشكاي مضطره لا آبو التحفّظ ولا آبو عمه وجده تْعبنا وذبنا وحنا نتبع الجره عادات وظروف تقصَى المرء وتضده مـ عاد يقدر يطيق الصبر بالمره واعاتب القلب والحاصل كشف سده حبس المشاعر وطول الصبر ماسره كم وده تْجي على كيفه قسم وده لاشك عزي لمن طول الامل غره مرسول الاحباب خذ مكتوبي وُّده وقل للحبيب الغلا عج البطاا ضره |
يابنت وش علمك تويقين في عين=وعينٍ حياويه لماذا تخفا اما على ما قيل ويقي بثنتين=والا الاسم يابنت كفا ووفا البارحه يابنت بين العشاوين= وانا على نار الشليخ اتدفا من جمرها سافر خيالي على وين=ولشارةٍ به رامش العين رفا عهدي بهم من عام ويزيد شهرين=هو حي يرزق بس وصله توفا |
صح لسانك شاعرة نجد
صح لسانك ابو عبيد ............................. أنتم يالعواصف بشوف لكم دبره ,, |
العاصفه
العاصفه ماهيب من برق ورعود من رمش عينك يا جنون الطبيعه في غيبتك كني مع الموت موعود ضاق الفضا بي قبل وجه الوسيعه محلاك يوم ما تغيب يا زين وتعود والقى عيونك ببتسامه سريعه فرشتلك درب الغلا فل ورود لبيه لك كل المشاعر مطيعه ادري على حبك من الناس محسود واللي شرانا عمرنا ما نبيعه غالي ولا من غبت في القلب موجود واسوار حبك في خفوقي منيعه يالراقي يالجذاب ياسيدالخود ياجنة احلام الغرام وربيعه مادام حبك في حشى الروح مفقود مالي بحب اهل النفوس الوضيعه دام المشاعر كلها تنقض عهود لا للجفا لا للزعل والقطيعه انت الوحيد اللي ليا غبت مفقود صوت الجفا راعي الغلا ما يطيعه بدت في شف اللقا كل مجهود اصبر وكبدي من فراقك وجيعه اشتاقلك والشوق ما يعرف حدود ولشوفتك ما اصدق القى ذريعه الحب غاية قلب والزين مقصود عفيت عن بعضه وجاني جميعه الهاجري .. هزاع |
تكفى كان عندك حلول لاتذخر ههههههههههههههههههههههههههه
ارحب يالخيال وصح بدنك خفير السجن لا تذخر ان كان عندك حل=على الخير توجر والبخاشيش مضمونه على الطيبه من يطلب الطيب ما يبحل=وانا اعرفك نمس وعندك افكار مجنونه والا البس ثيابك وافصخ بدالنا وارحل=حنا حزبنا من غيرنا ما يبي عونه |
تسآلي للسجين والجميييع
لـ( الحب ) .. لذه في عيون المحبين وانتِ .. بـ( قلبي ) : لذة الحب ، دايم [ خطوات رجلك ] ، تستثير الرياحين وانفاسك ، ألطف من عبير النسايم صرت اشعر : ان الناس ، بعدك / بعيدين يا اقرب لي .. من الحلم لـ( عيون نايم ) سنين..! اقول : الحظ وينه ؟ وانا وين ؟ كأني ، عن الفرحه من سنين / صايم و من يوم جيتي .. قلت : يا فرحة سنين ( من طول الغيبات ، جاب الغنايم ) ........ حـرام الوصـل مايجمع قـلوبٍ عـن هـواها بعـاد وبعـض البعــد لـو عــــذب يجمـع بين خــــــلاني تحـسب ان الهوى ضحكة دقـــايق عشتها فميعاد الى مارحـت تـنساها وتـنـسى الوعـد وتــــنساني الا ياصاحـبي الرفـقة تـرى ماهى ثـياب إجـــداد تـبـدلها مـتى ملـيـت وتلــــــبـس غـيــــرها ثــــاني .............. بنيت لك من زود عشقي لك خيام .......... ومسيًت حبل الوصل طنب ٍ مع طنب لا درهمت نوق الغلا صوبك حيام ........... قوم أروها لا يلحقك في الوفا ذنب ........... جرّب .. تراقب .. تفاصيل الامور راح تلقى .. في وسطها / حلّها ! آمن .. تفائل .. وبااالغ في الشعور ( شعور إمتنانك ) , والمآسي .. خلّها ! بس ! لما تحس .. بـ احزانك تثور جمّع شجونك .. توضّ .. وصلّها ! تمتلي عتمة مشاويرگ بـ نور قِس بهذا , على حياتك .. كلّها |
اقتباس:
روائع الشعر نمت في قلوب المبدعبن حيث تنم عن مواهب مخمليه في ذهنون الرايعين .. خالص الود والتحايا .. |
اقتباس:
مراااحب ملاييين انتم اهل الإبداع وانا ليس الا تلميذ لكم لا عدمت حضوركم وشاكر ومقدر لكم |
السلام عليكم وياسلااام عليكم
ما قصرتوا كلكم ما شاء الله عليكم روائع من روائع وبالمنسبة .. أرحب بشاعرتنا الأصيلة بنت أبوها ويا هلا ويا مسهلا والحمد لله على السلامة والعودة بعد إنقطاع طويل .. وشرفتي الرواسي .. ونرحب بك بالعاصفة يالعاصفية ،، والشكر لشاعرتنا الفدائية نجد التي حطت القيد لنفسها بنفسها والشكر للكل للمشاركات الرائعة ، والذوائق السامية ،، والترحيب الخاص للسجين / الشاعر عبدالله الذيابي وإقامة ممتعة وصح لسانك يالسمي .. ولا ننسى الزعيم في إدارة المعركة الشعرية وصح لسانه وبنانه،، والسلاااااام عليكم ..:
سلام يا نادي الرواسي سلامٍ يشرح البال =تسليمةٍ تاصل مداها وتشفع لي غيابي ^^ودي نصافح ذايقتكم ونسأل كيف الأحوال= يا علّكم في ستر والحال يكفي عن جوابي جلسة وناسة ناسها أغلى لنا من صفقة أموال= هرجة ودرجة كنّكم يا عرب في وسط لابي والسجن فيه المنتجع والتسالي وأحلى الأقوال= من شاعرتنا نجد عن عاصفتنا للذيابي وسلامتكم |
اقتباس:
^^ أنا يالهواوي جيتكم ماسح الطبلون = بسرعة تجاوز فوق مية على ميه نشارك ونكتب شعر وإبليسنا ملعون= أذا أنت الهواوي كل بونا هواويه على بحرنا المنكوس دايم نجر ألحون= وتسجع حمام الدوح باللحن عصرية ووو.. وبس وسلامتك هههه |
| الساعة الآن 04:49 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir