|
الاخ والشاعر لقيت روحي خلك معنا في حزب( القمه )حزب جديد وبيصير له شأن بإذن الله انا ..ومحمد الغنامي.. والنجلاء ..صدود.. وغنج ..وسجين رواسي اذا ماخنتني الذاكره واسف اذا نسيت احد وكلٍ على حسب رغبته ما نجبر احد
حزب القمه على ماقيل ..رايع ورايق وفي القمه واللي يتحدى يذوق الويل...يا ربعنا شدوا الهمه وسلامة الجميع |
اقتباس:
صح لسانك يابن عبيد على الأبيات المجرمة ههههه وصح لسانك ياعاشق المقناص ربعن تعاونوا ماذلوا وصحت ألسنكم جميعا والله لايهينكم ياناصر ابن عبيد لو تركد شوي=تجمح وطاحت من سببك الضعوني ياخي قلي بس وش فيك ياخي=هن موجعاتك يالهواوي طعوني؟ انا اكتشفت إن حزبكم أَمحق وعي=يلعبه النسناس مثل الغصوني مادام قلبي ينبض بداخلي ني=يبا يخوِّر حزبكم واسمعوني انتم كما دلوٍ على حافة الطي=ضاعت رشاه ولالقاله زبوني دهوركم التطبيل وأعماكم الغي=بالغطرسه, يمكن لبسكم جنوني لاواحليلك صدق يالابس حلي=تبا تناغشني وياوسع كوني ماتدري إني كاويٍ حزبها كي=عند العلابي فوق حد المتوني كية عطب ماتبرد بثالج الري=عان الهواوي من سببها ينوني لاأحدٍ يقول العازمي فيه! وش في؟=أشرب من الدله وأجر اللحوني |
ارحب يالعاصمي ومبرك الحزب الجديد لكن سجين الرواسي عاصفي يالقرم وصح لسان
صالح صح الله لسانك شاعر متمكن لاهنت بالحزب ياصالح مورط ومبلي=تسل من ضيقتك بالعاب سوني وين الزعيم وناقد الحزب واللي=اطلقتهاتنفض طوال الردوني لاتحسب انك بالفعول امتعلي=خلوك بمضحى قراش العيوني انسلو من ايمنك وايسرك سلي=بالطيِّب إلهم عادةٍ يلعبوني يالعازمي بالمزرعه فيك اهلي=سير علي واستل منك الضغوني بعين البصيره شوف حزبك وقل لي=حزب الرعد ياطيب الذكر دوني |
مساكم الله بالخير والامطار والاجواء الجميله
صح الله لسانك يابو عبيد ابو بندر ياهلا ومرحبا وصح الله لسانك على هالرائعه العاصمي صح الله لسانك شاعرنا المبدع العازمي صح الله لسانك شاعرنا عاشق صح الله لسانك مبدع وجزل شاعرة نجد صح الله لسانك ودام ابداعك شاعرتنا ريم الفلا لاهنتي على نقل المجاريات وابداع شعرائنا المهره دام حضورك وتواجدك |
ياهوه لادقيت الارقام هونت=عقب البطا ما ادري وش ايصير ردك انت تعرفني ما ارغب اكلم الا انت=وانا اعرف انك رغم ما صار ودك ان كان ذلك هوكذلك فلاهنت=على الجفا ومقاطعي وش يحدك ما اسررت به من ما جرالي به اعلنت=لي سر لكن بيح السر صدك اشغلت بالتشبيب بك صفحة النت=بمعلقات ولابهن بيت شدك |
البارحه صار فيه احداثٍ مهمه=تطبخ على نار هادي من مباديها ليا تجاوزت مشكل طحت بمطمه=لو تقفي المشكله حظي يناديها العاصمي قالو اسس حزبه القمه=حاديه هو/ والمدير اظن شاديها وقلنا لعل وعساه وليت به همه=واعضاه كلٍ عباراته يقاديها نعم عدود رهى ومياهها جمه=تروي حيامٍ تردها من مناديها وهداجها العاصفه يا عارفه سمه=(واحزابهم لو تبي ماعاد يمديها) |
مساء الخير ،،
وطاب حضوركم الجميل |
محمد الغنامي منور السجن بعد الغيبه
وصح لسانك شاعرة منورة لاعدمتك الناقد ابشر بشوف لك هزاع ننتظر حزب القمة لايروح مرواح الجلاميد بس اشوى الاسم حلو وصح لسانك عاشق صح لسانك الهواوي لاعدمنا الحضور الطيب وصح لسانك لقيت صح لسانك ولا تردد حياك في حزب الرعد |
العاصمي وش قال ياطيب عينه=بزيارته للسجن فرحٍ وممنون لو قال مهما قال ما كنت ادينه=ضمن الضحايا لو بكو ما يلامون فرصه اضافيه توفر ايلينه=يشيد القمه حسب ما يقولون اكتب كفالاتي واكلبش يدينه= بالليل كان امهل لنا خالق الكون وفطاحل القمه يسار ويمينه=ونشوف لاطاح البطل وش يسوون |
ونشوف لاطاح البطل وش يسوون
بنشوف /مبدع مبدع ياعاصفي الله يصح لسانك وصحت ابدانكم والسنتكم شعرانا المبدعين بعضكم متحمس وتحمس قبله لين ضاعت علومه قداام موج العاصفه تحياتي'،، |
صحت السنتكم شعرائنا وشاعراتنا
مبدعين دوم ماشاء الله عليكم |
مساء الخير
صحت الالسن ياشعرائنا المبدعين ودام حضوركم الجميل هلا هزاع منور السجن ولقيت بحزبنا ليه تاخذونه هههههههههه هلا نجوله وشاعره وريم منورات السجن صح لسانك ياابوعبيد بطل وعاصفي ماينخاف عليك ههه |
اهلا بالعاصفيات طال عمرهن على الطاعه ــــــــــــــــــــــــــــــــــــــــــــــــــــــــــــــــ يحمسن العاصفي عاصفيات=ولجل يحمسنه يجيك امتحمس ما قط مر الا كتب عدة ابيات=مره يثلثهن ومره يخمس تحدث بميدان الخصوم انفجارات=ماهيب تقتل بس تدوش وتعمس تلحظ على وجيه الشيوخ انبهارات=ولاشفت شمطا قلت في هالمره مس ولا عاد بيدين الرواعد خيارت=اطيبهم اللي حامسه حزبنا حمس والقمه اللي ليتها كان ما جات=يمكن بعج خيولنا تنرمس رمس هيهات ياهزاع يمديك هيهات=اقولها بالجهر واضمر بها همس انته وابو بندر وسمو البنيات=على الكثير اسبوع يحدث لكم طمس لاتحسبون الامر كله سهالات=ترا الوعد مابيننا حموة الشمس |
العواد ابن عمك يوم صاحت له الشمريه وهو بالعراق وهي بالغزاله كان مرتكي على الشداد يوم جاه الخبر متأخر
قال يالربع من هو شد من نقرة ايوب=في رايكم يمديه يمسي الغزاله؟؟ ومات طنا من الغبن لانه مايمديه يفزع وسميتو الطنايا ههههههههههههههههههههههههه وينك |
اقتباس:
يالعاصفي حزبك أشوفه مولي شعار حزبك وينهم مايجوني ماشوف غيرك بالقصايد تسلي وعز الله إنك شاعرٍ ماتهوني أنا كما ضلعٍ مقيلك بظلي لاصحت لي بالصوت لجت ركوني منزلك ياذيب الخلا منزل لي نبا نجيكم جعلكم تسلموني إن جوك شعار مسايير قلي أجيك معي اللي يساوي عيوني عبدالله الروقي رفيقٍ يهلي وأنته رفيق له عليكم يموني |
تسلم يالعازمي وصح الله لسانك وكفو ما انت بسهل لكن ياطول ليلك ان طاولتك العاصفه هههههههههههههههههههههههههه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ حضور واحد ينوب عن العواصف جميع=ولا اشتدت المعركه نجي لها كلنا نخاف لو كلنا جيناك زبدك يميع=وضيم الفريد الوحيد ماهو بطبعٍ لنا استهد بهداية الرب البصير السميع=وانشق عن حزبك الهالك وميِّل لنا ان كان لك حظ يارجال يمكن تطيع=وان كان ما طعت ماحظك بحظٍ لنا |
كفالتي وامر اعتقال للقمميون الجدد لتدشين الحزب بالمعمعه ههههههههههههههههههههههه
قمه كيانٍ ياعسى الطيب فاله=ولعل من له ينتسب طيب الفال اللي سمعنا فيهم اهل الجماله=وان قلت فيكم نعم/قولوا ومن قال على الخفير اوعز يولم حباله=ومن حزب قمه جيب حرمه ورجال جبهم وكلبش كل واحد لحاله=نجلاء جنوبيه وابن عاصم اشمال العاصمي قل له يودع حلاله=ما ادري عنه لو ان امد حبسهم طال نويت ابو بندر بهلة هلاله=وعدلت تاليفٍ لقلبه بالإمهال |
مساء الورد
صح لسانك يالهواوي كفاله رائعه مبرووك الحريه يالزعيم وحياكم العاصمي والنجلاء بالسجن ههههههههههههههه منورين وابشروا بالتسالي والاكل الزين هههههههه العازمي صح لسانك يالجزل |
لا لا وش العلم يابو عبيد هاذي جريمه كبيره
لكن قدها وقدود والعاصمي ماقدم عليكم الاناويكم وابشرو بطيب الفال يالعاصفه صحت السنتكم شعارنا المبدعين ودام وجودكم لاعدمناكم |
صح لسانك يـ الهواوي
ولاهنت على هـ الكفاله الفاخره والاختيار الموفق للمساجين,مرحبا الف العاصمي والنجلاء وصحت السنتكم شعراؤنا المبدعين ودام الحضور المميز,’’ |
جيبوا لريس حزب قمه نواشف=جبنه ولبنه مع زبادي وزيتون وسفن اب دايت /خبز مفرود ناشف=بزود الحلى نصف الاوادم يونون وجيبو لنجلا من ذوات الحراشف=فيليه يصلح للذي فيه قولون ولثنينهم زيدوا من احلى المراشف=اخاف منهم واحدٍ ماله سنون ياهجس دع هالعلم خل انتكاشف=وشلون ما طريت ثلاب وشلون اللي عليه الدمع ملا المناشف=ابو ثمان ورمشٍ دقاق وعيون ما افشيت سر ان قلت شوفه لنا شف=ولاهو خضوع ان قلت للترف تكفون عقب البطا عرّْض علي وانت كاشف=لو الرواعد في ما اقول ايتزرون |
عاد استلمي مفتاح مكتب العاصفه ياشاعرة نجد وانتبهي للجماعه وشوفي من ينشق عن العاصفه عشان ننشقه البارود ههههههههههههههههههههه
|
الهواوي مسرع تطلع كان قعدت كم يوم هههه
هزاع منور السجن ومنوره نجوله وصح السنتكم |
حياكم ياحزب القمه للعشاء بناءا على طلب الزعيم ابو عبيد ههههههههههههههههههه
باقي المراشف هذي ماعرفتها عشان اجيبها ههه https://encrypted-tbn0.gstatic.com/i...8LZxYkn-HcJgmw واحلى فيليه للنجلاء هههههههههههه https://aleppofood.com/media/%D8%B3%...9%8A%D9%87.jpg https://encrypted-tbn0.gstatic.com/i...D_n2Sfnk93kElg https://www.r111n.com/data:image/jpe...BAEAQBAEAQD//Z |
اقتباس:
القوافي بالتوفيق للجميع أن شاء الله مثلك تعلم على القانون ويهمه = ياشاعرٍ جادلي بعذب معانيها وسلامتكمخلك بحالك مدامك راعي الهمه = وعطنا الخبرولمعاني لاتداريها حنا هل العرف والمعروف والقمه=وكل المعاني عليك الله بنسريها وإن قاله الله بنشرب صافي الجمه=من غيرنا ياولد يجذب سوانيها ان حاول انجنب المشروه والغمه =ياربعنا مثلكم عيبٍ إن عاديها |
اقتباس:
|
تسليه للمساجين:smile: مرحبا مرحبا مليون حزب القمه أبشروا بالكرم والكيف والتسالي أبشروا بالحضور وبالشّعر واللمه وكل ماتشتهونه من رخيص وغالي خلوا الحزب يالقمه خفيفٍ دمه واطربونا بشيٍ مايجي عـ البالي عاصفتنا من احوال الرَّبع مهتمه تطرب لكل من يطرب وذوقه عالي بريَ حال الرعد في ذمتي ذمه لو يغيّر بْحاله مايدوم الحالي كل مازان بدعه يقْصره ماتمه واكتفى واختفى كنّه عليه ضْلالي |
اقتباس:
تصبح على خير شاعرنا وازهلهم:smile: زعيمنا عنّا جميعاً تْكفّي لو ماكتبنا غير ماتكتبه حرف وشعار حزبك بالجزايل تْوفّي نجوم مايعْرفْهم الا هَلْ العرف وانا نقشت العاصفه فوق كفي أفخر بها وارفع يدي لاحصل ظرف معارك الجزلات كيفي وشفي من قو قافي خصمنا مْن القهر هف وان سلم واستسلم و وقف بصفي والا بيبطي دمع غاليه ماجف |
:::::::::::::::::::::::
|
اقتباس:
ياهل القمه طيبكم جيت المه اهلا بكم ياكل خير وغالي من العاصمي للاخت نجلا المهمه البال لامن شافكم صار سالي من طيبكم صرتو على راس قمه ارداكمم اللي لا طلع كالهلالي هزاع لو يرفع لنا طريف كمه تجيه فزعات العواصف ثقالي ونجلا مخليها مثل تارك امه لو اشرت افزع لوني لحالي يالله عليكم كل خيرا يتمه والله يحقق بالسعاده امالي وعسى المطر والخير ربي يعمه على هضاب القاع هي والسهالي اقولها ولا كل هرجا اخمه يا صار ماهو يقترب للكمالي والعاصفه من خيرها مدلهمه لها بكل الطيب اول و تالي |
اقتباس:
هو ليه تجحدني يا صالح وانا اللي من البيت الابيض لموسكو يعرفوني ابو ايــــــــــفنكا لا راني يـــــــــــــهلي والكنقرس لا سوو عشا يعزموني وبوتين وان تكيت عنده محلي اقط شماغي وارتكي يسمعوني ومن المنامه لين اقادير ظلي واهل زلامسي بشوفتي يفرحوني يالقرم سيفي بالمعاني يسلي مافيه حـــــــــــــزبا بالعرب يجهلوني ان جيت ما جيتك من اقصاي كلي وقفت ابا اعطي نظرتن من عيوني حزب الرعد من دون غيثا يبلي يرعد على الفاضي بليا مزوني والعاصفه لا قرشعتكم تخلي بيبانكم من ريحها يصفقوني وحتى الدرايش تهتري يامل اللي صفقت صفير اصواتها تسمعوني والعاصمي هزاع جاء فزعتلي اهل القمه بالوفا بنزلوني نصيحتي كانك لحزبي تدلي ان كان يا بو صلوح شخصي يموني خل الرعد والبرق عنك يولي واعزف مع صقور العواصف لحوني |
صحت السنتكم شعرائنا وشاعراتنا
مبدعين لاعدمنا حضوركم |
اقتباس:
ماعليك زود ياناصر وصح بدنك وصح لسانك |
اقتباس:
وانت سالم وصح لسانك ياهزاع على المجاراة |
اقتباس:
صح لسانك يالشاعره بريَ حال الرعد في ذمتي ذمه الشطر هذا في رجه يبا ترصيص هههه لو قلتي بريَ حال الرعد في ذمتي بالذمه يضبط الوزن ومعناه الله اعلم به لاتحطين في الذمه شيء ههه |
اقتباس:
صح لسانك يالرويلي ماجحدتك يالحصان لكن والله ماادري حزبك وشهو قريت لك تقول خلوني سنه هههه أنت في اي حزب؟ وترى عندك بويتات انتبه لوزنها |
الي اصطفاقه مثل الموج عليكم مدري متى ههههه |
الصيف ودّع شـمـسـه وعوّد البرد
وعادت صباحات المطر و النسايم قم يا صباح الخير و النور و الورد شف وش كثر نشتاق لك وأنت نايم صبآح الخير والنور والورد للجمييع وصحت الالسن والأذوآق ودآم حضوركم وابدآعكم ومبروك الحريه ريووم والهوآوي ما أسرع طلعتو من السجن ههههه ومبرووك انضمام حزب القمه للأحزاب ومهما كثرت الاحزاب يبقى الرعد في الصداره هههههه هزآع ، النجلاء منورين السجن وابشرو بالتسآلي |
اقتباس:
لو نبغي ندقق علي الوزنيات بعمق ما نخلص ولا نشارك باي قسم يا كثر مالاحضنا وسكتنا الهدف وانا اخوك التسليه والوناسه وهاللمه الطيبه واختلاف اللهجات احيان تشعر ان الوزن يرقل بينما هو بلهجتنا يجي مناسب الشي الاخير اللي ابغي اوصله للجميع هو اني اكتب كيبوردي ولا انتظر يوم او يومين انقح واعدل بل اجي بالليل من الاستراحه وارد على المشاركات مباشره ويكون التركيز علي الفكره قبل كل شي تقديري لك وشكري للاهتمام يا ابو صلوح |
قل صباح الخير أو صح بدنك ههههه كلامك صحيح يالحصان وعلى العين والراس وحنا هنا نتعلم من بعض وأي ملاحضه من محبه وليس تصيد أخطاء وأنا ماأعرف نظامكم تونا مستجدين لكن غنوا على كيفكم أجل هههه |
| الساعة الآن 06:55 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir