|
|
مداعبه للشاعره الراعديه غمام
خل الاحزاب جنب وناد الابله غمام=ودي الليله اتغني واغني لها المساجل بشرع الله ماهو حرام=بالكتابه ولا شالت مواويلها اسمعي وانصتي لاجبت جزل الكلام=خلي القافيه تدرج محاحيلها بالرعد زلت اقدامك بليلٍ ظلام=حظ لوما لفت له لازم ايجيلها والله اني ما اسب الربع ناسٍ كرام=لو ماقامت قوايمهم على حيلها ريسه شايب ومريوس واربع مدام=كل وحده من الاربع طفح كيلها وانتي اشوف وضعك مع كثير احترام=كاحله واعمت العين بطرف ميلها مشفق وقال ما يضمر ورد السلام=وما يجي من ردود الليله اصغي لها |
مساكم الله بالخير
وصحت ابدانكم وصحت السنتكم ودام حضوركم الممطر درر,’’ |
صح لسانك يالهواوي مابك حيلة ماشاء الله تبارك الله
. هاك عذب القوافي ياكبير المقام واشرح القاف خل الصمت يصغي لها منك جزل المعاني يالهواوي سلام حكمة تعجز الأبيات تفصيلها ! سلّمت لك بحور الشعر يعني احترام تشرق بحلّها وتغيب في ليلها ! مادرت بالعواصف ياسليل الكرام كان اقفت توادع والاسف حيلها بسألك وانت تدري هالسؤال ب ملام مقصده فيه .. هالغيرة طفح كيلها !؟ من يحل الاماني بعد عثرة حطام !؟ والعواصف تلوف الروح وتشيلها ؟! دام حظك رثع بك في شديد ومقام عزوة الوسم غيمة يرتعد سيلها شايبٍ فيه حكمة لو بداك انهزام راعديّ له الجزلات ويشيلها يالهواوي توقّع بعد هذا الكلام الرواعد تصدّر .. هاك تأويلها ! |
ناصر الهواوي
صح لسانكـ يالمبدع سعود العتيبي صح لسانكـ على الرد الكايف شيخة الغيد صح لسانكـ على التسالي مبدعه رحيل الجوهره المهره دام حضوركم |
يابو عبيد ان شفت من نهر تقصير
لو انْك في صدره ياناصر تخايل! آثار قصرٍ زلزلته المقادير وسهول جدبٍ خيبتها المخايل لا تحسب اني يوم انا ساكت بخير لو تكشف ضلوعي تشوف الهوايل |
اقتباس:
الله الله صح لسانكـ يا غمام على الرد الكايف مبدعه قليل في حقكـ بعدين اكوي العواصف لا تهاونين معهم هههههه |
تسليه.. للعواصف مواقف معروفه مهما كان للسجين عندهم قدر وشان:smile: كلٍ يزور ومن كَرَمْه يْجودي للمعتقل,للشاعر الجلمودي بنشوف حزبه وش يجيبه حزبه هو مثلنا والا علينا يْزودي بحلو التسالي والكرم والحالي والطيب والتعقيب والكمبودي والا مثل حزب الرعد قام وقعد بالحكي ماشفنا وراهم زودي تكفون ياحزب السجين اعتبروا لاتتركونه ماعَنَهْ منشودي سلوا خويكم واطربوا من حوله بشعرٍ صدااه يْروح له ويعودي حنا هُنا زوار نبغَى نسمع والكل منا حاضر وموجودي غنوا لنا عذب القصيد الفاخر والله يعْمي عينه الحسودي وانا بـ اغني القاف فزعه مني واقول نودي ياحمامه نودي |
ههههههههههههههههههههههههههههههههههههههههه
صح لسانك غمام مبدعه وطفح كيلها الراعديات ريم الفلا والجوهره والنجلاء على ما اظن وانتي رابعتهن من ما شفتن من زعيمكم وناقدكم وغيابهم وصمتهم وانهزاميتهم ماعاد تحملن تدهور الحزب الماخوذ وهذا معنى طفح الكيل اي ما عاد فيه تحمل بغيتها بابيات وهونت هههههههههههههههههههههه ارحبي ياشاعرة نجد وصح بدنك |
صح لسانك يـ الهواوي وصح لسانك غمام
صوت وصدى ممتع وابدااع لايستغرب من المبدعين وصح بدنك شاعرنا,’’ |
ارحب ياحضرت السجين ــــــــــــــــــــــــــــــــــــــــــــــــ يامرحبا ماهل وبله شخاتير=ماجاء قصورٍ منك والشك زايل احب انا مزح الرجال المناعير=و(سوالفٍ من ناقضات الجدايل) هي هكذا الدنياخطوط ودواوير=تبي لها صبر وصمود وتحايل وتعلقٍ في حبل وال المقادير=وايمان ذا محرم وهذاك نايل ومع العسر يسرين آي وتفاسير=واعلم بان الصبر وافي شمايل |
انا لو اني فاضي شوي لكم
ماكان منكم واحدٍ عد الشعر ان جيت صوب السجن احكم اسركم واحدكم من درب سهلٍ للوعر المشكله لاني انا احبكم ماودي ارخص شي غالي بالسعر |
وين غمام ما قلته اثبته زعيمك
دخل وش سوى اخذهم ضلع ضب صح لسانك يافلان ويافلانه وبسسسسسسسسسسسسسسسسسسسسس عاد لاتلومني هههههههههههههههههههههه اهلا يابو فيصل صح بدنك ياخي كلمه ولو جبر خاطر للراعديات والا حنا غاسلين يدينا هههههههههههههههههههههه |
ياسلام ياسلام
صحت الألسن والابدان اخوان والشك زايل لكن مايمنع من التحدي �� |
اثر السجين شوين ومخرم خشوم=يحلف ويستغفر ويطعن وياوي لكن ما عاد اصدقه بعد ذاليوم=وانا على ذبح المراوغ رهاوي عنده خطط واسلوب وافكار وعلوم=ما يدري ان اللي وراه الهواوي |
ي اهل السجن ذالسجن لله دره
سجينكم مثل المحيط الهادي يلقى به الضايق قصيد يسره حتى لو ان الوضع ماهو عادي |
لاوالله يانهر الوضع عادي واكثر ــــــــــــــــــــــــــــــــــــــــــــــــــــــــ كان اللي بقا لي منك كلمه عبر واتساب=وهاءات تسرد ضحك عن ضحكه بسنك فانا اعفيك من حلو العبارات والالقاب=وعذب الكلام اللي يجي بالوتس منّْك بعد جا مصيري من تغليك قوس وقاب=من التهلكه فانا نويت ابتعد عنك لاترهين انا من رومةٍ تفتل الاشناب=من اول تقولين ان بغيت اتركك(هنك) اراقب غرورك عن كثب وادرِّق في باب=منه جيت واطلع منه لو ينفرط جنك باوزع محبتنا صدقةٍ على الاحباب=بعد خاب ظني فيك ابا اخيب لظنك |
لاتحسب انك يافتى سيد القوم
لاتوهم العالم بأنْك العطاوي اسبر طيور المنطقه وابعد الحوم مالي شبيهٍ غير حرٍ نداوي له ضربتٍ من مخلبٍ كنه مسموم بتموت ماتلقى الطبيب المداوي |
ههههههههههههههههههههه
اشهد ان مافيك حيله هههههههههههههه |
يالهواوي
مدري ماانشوف اللي أنت تشوف الوكاد مرايتك مغبشه عقب المطر المتابعة هي أسّ الاهتمام الباقي يجي تبع وفي وقته جعل عمرك طويل والمعنى وصل من الأول بس مالها أساس من الصحة الراعديات يكفي وجودهن جعلنا مانخلا منهن |
استراحة محارب :)
|
تسـليه,,, لـيــت الـحـمـامـه مـثـلـنـا تـسـهــر الـلـيــل تسجـع مـعـي لـ ضــاق صــدري وغنـيـت تــثـــيـــرنـــي واثـــيــــرهــــا بـ الـــمــــواويــــل واروي لـهــا قـصــة حـيـاتـي بـكــم بــيــت واهــــلّ مـعــهــا سـبـحـتــي دون تـمـثـيــل واكشـف لـهـا ســرٍّ عــن الـنـاس خبـيـت وابــهّـــر الــدلـــه واكــثّـــر مــــــن الــهــيــل لــــو مـاتـقـهـوى تْـشـوفـنــي لاتـقـهـويــت واســوق مــن روحــي لــ روحــي فنـاجـيـل ماهوب كيف,الا من الشوق مـ امسيت, |
اقتباس:
الحزب حقه علينا نرفع ركونه =حنا له حماية من كل ختاله حاميه كل ليلة سهرانه عيونه =ومن حوله جنود رجليه وخياله ياناصر انت الذي كلمتك موزونه =النفخ خله لحزب حالته حاله الوقت للعاصفه لو تضحك سنونه =حزب الجلاميد له سطوات قتاله واللي يتطاول ترا ربعه يخلونه= وراع الجشع والطمع ما فاده رياله |
كفو كفو ياسعود
وافي عز الله ابداع وجزاله حبك وسبك لله درك وماعليهم زود شعارنا ولا يهونون باقي الاحزاب المتهالكه هههههههههههه |
اقتباس:
صح لسانك وبما ان زعيم العاصفه سرى وجب على العاصفيه الرد:smile: جعله عسى والقصيد اللي تغنونه يرفع له العاصفي من طيبه,عْقاله غنوا عسى دوم عذب الشعر ولحونه ومن حبّط العزم فال الله ولافاله لاشك حزب العواصف ماتعرفونه تقصر يدين الخصم لو مدّد حْباله علّم حْزيبك غَصَب يمشي على هونه العاصفه حزبها ياويل من جاا له |
صحت ألسنتكم
نهر .. سعود .. الهواوي .. شاعرة نجد ابداع |
ماعليك زود نهر وصح بدنك
وصح بدنك غمام وصح لسانك وحالك شاعرة نجد |
اقتباس:
ارحب يابو عبيد العواصف تسدنا فيهم غمام تكفي وتوفي انتم ما تحملون يجونكم الرعد كلهم اي واحد يسد عن البقيه ههههه |
الله الله الله
ابو عبيد سعود العتيبي شاعرة نجد صحت السنتكم على المجاريات والله ابداع نهر صح لسانكـ يالمبدع ومبروكـ السجن ههههه |
الله نورٌ للسموات والأرض=نوره كما مصباح في وسط مشكاة وزجاجة المصباح بالطول والعرض=الكوكب الدُّرْيّ بالوصف بالذات وقودها نبت تبارك به الارض=زيتونه بالشرق والغرب ما جات زيته يضئ وعنه النار تقرض=لا ماتمسه حق والحق آيات نورٌ على نورٍ والامثال للعرض=ويضرب الأمثال رب السموات خصت بيوت للصلوات والفرض=فيها رجال ما أشغلتهم تجارات يخشون يوم فيه الاعمال تعرض=يومٍ يبيّن للبرايا مطمات يجزيهم الله باحسن أعمالهم قرض=مثل السنابل حبه تصير حبات وختامها صلوا على خاتم الارض=نبينا المختار بازكى الصلوات |
ابو عبيد ، سعود العتيبي
نهر ، نجد ، غمام صحت السنتكم الفراج صح حضورك (: انا صح ذوقي هههههههههههههههههه |
\\
الله يصبحكم بالخير والطيب كله أبو عبيد سعــــــــــود نهـــــــــر شاعرة نجـــد غمــآم صحت الألســــن جميعا ولاهنتم على روائعكم الجميلة الفراج - جوجو - رحولة - مهرة - نجولة دام حضوركم وعذب حروفكم راس وووووووووينكك ياريّس !! نفتقد أبــو بنــــدر - ريم الفلا - الناقـــــــــــد - هزآآآآآآآآآع - الدنيش - الغبيوي - و العازمي |
\\
تسآلي فجررية راعي المعـــروف والفعـل الجزيل إگـرمـه بآخـــلاق أصلگ وآشگـره . مَ فيه أحـد ملـزوم في رد الجميل لگن جميل النآس إحذر أن تنگره \\ اياك تبدي حبك ....... لشخص تغليه بعض البشر لا مـن .. منحته غلا صد خل الغلا سر ٍ عن ....... الكل تخفيه حتى على مـن كنت .. تحمل لهم ود آخير مـن تكشف .... غلا واحد ٍ فيه لا غاب قمت تقول ... تكفى علي رد |
\\
الصاحب اللي خوته شيك مفتوح شيك الوفا ماهوب شيك الدراهم هذاك عندي بالغلا كنه الروح على المعزه والشرف والتفاهم \\ نخسر بشر بس مانخسر مبادينا ودروبنا صوب فعل الطيب مندفعه - ما نلتفت لـ الكلام اللي يجي فينا نفوسنا عن كلام الناس مرتفعه |
\\
الا ياقلبي العاشق خذاك الوهم والاوهام من اول وانت مالك في ضمير اهل الهوى خاطر . تعال نغيّر الواقع وننسى ماضي الايام مادام ان الغلا مفقود في الماضي وفالحاضر . ولو ما طاعنا النسيان نصبر والهوى ظلاّم ونبكي والبكى يمكن يخفّف لوعة الصابر . لو انّ الدمع ما يبري الجروح ويغسل الاثام ذنوب الحب في شرع المحبه مالها غافر \\ للشاعر / علي السبيّه |
\\
الفطوووور يانهـــــــر والقهوة https://scontent-bru2-1.cdninstagram...37063904_n.jpg https://cdn.akhbaralaan.net/2017/01/...0_original.jpg \\ يقولون بررررد في السجن جبنا لك هذي والكرم حاتمي في الجلاميــــــــــــــــــــــــد https://www.thaqafnafsak.com/wp-cont...8%B3%D9%83.jpg https://www.almrsal.com/wp-content/u...rian-scalp.jpg |
|
ماشاء الله تبارك الله امطار غزيره على النخل من الصبح بدون رعد وبرق وجلاميد ههههههههههههههههههههههههههه
صبحكم الله بالخير ــــــــــــــــــــــــــــــــــــــــــــــــــ ـــــــــــــــــــــ اعتبر حظٍ بعث لي نهر وايا غمام=اطيب حظوظي واظنه ردي حظوظهم شايبٍ هاري وذيك آنسه والا مدام=ينطحون طويق في روسهم وش قومهم العصا تكفي لهم ما يحملون الحسام=زاملوني في رواسي الادب من شؤمهم من بغى صافي لحم شايلٍ منه العظام=يجي لاعلقت لثنينهم ويشوفهم والله انها من حموله وهو حامي جهام=صافيات افكارهم حاذقات عقولهم وذبحهم في هالوضع لا حلال ولا حرام=لكن ابا اوفر دماهم بوسط عروقهم لجل ما احد ايقول ما صار من نوع انتقام=وقبل ما يلحق ملامه يرد ايلومهم |
صح لسانك رحيل
ابداع كايف يامبدعة ومو غريب منك .. ويعطيك العافية شيخة كريمة وقلبك طيب فطوور دسم وماشالله ...... اهم شي البطانية ههههههههه |
ماشالله
امطار خير وبركة ان شالله |
| الساعة الآن 03:00 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir