|
اقتباس:
عبد الله الدنيش صح لسانك واعتلا شانك عندي موضوع بشرحه على هالقصيده خاص بالتنسيق اخوي عبد الله الدنيش لو حاول ينسق هالقصيده ماطلعت منه لان فيه اخطاء ماتقبل التنسيق والاخت المهره كذلك وهي اللي ارسلت لي وقالت حاولت انسق هالقصيده ولا زبطت اكيد ماراح تزبط لان فيه اشياء خطاء وهي ان بين اخر حرف من كل شر وعلامة = مسافه وهذى خطاء واكثر من مره نقول لاتحطون مسافات بين الصدر والعجز نهائي والاكتفاء بعلامة=فقط هي اللي تفصل انا بنسق القصيده وانزلها |
اقتباس:
لاحياة لمن تنادي شاعرنا وصح لسانك على هـ الدرهـ الممتعه وعلى هـ الروائع والابدااع وتسلم وتدووم نهر وصح لسانك غمام مبدعه مبدعه شاعرتنا وصحت الالسن والذوائق الفاخره وداام الحضور,’’ |
اقتباس:
وهذي القصيده بعد التنسيق |
تسليه كيبورديه خاصه لـ السجينه:smile:
مرحبا ياغمام بسجن الابداع هلّي من جديدك وحنا نستمع ياغمام وابشري بالتسالي واطربي واسفهلي وابشري بالكرم والطيب والاحترام حزبي العاصفه يابنت طبعه يهلي بالسجين ويرحب لو اشدّ الخصام وحزبك اللي تخيّرتيه يابَعْد من لي حزب ميّت وحظك دهورك ياحرام وينهم ماحضر منهم ولا من يسلي لاقصايد ولاحتى طبق من طعام اسمعي لاعدمتك فـ آخر الليل صلي واستخيري وقولي يـ الرواعد سلام وارحبي شاعرتنا حزبنا لك محلي نجمه ومع نجومٍ لامعه فـ الظلام |
شاعرة نجد الله يسعدك وين أروح منك بس
لك من القلب صادق الدعوات محملة بباقة حب . مرحبا بالحياة وبالشعور المهلي من نفودٍ تعلّى وارتداه الخزام بك تراحيب قلبي أقبلت لك تزلّي بنٍ أشقر يداوي علةٍ وانهزام والعواصف كرام وفعلهم مايملّي دلني شيخهم من يوم رحب و قام واحتزم بالشداد وبالشدايد يعلي صوت عزّ تجلى والمواقف وسام حزبي اللي ذكرتي كل منهم يهلي من شعوره حياة ومن قصيده سلام وانبلاج الحقيقة يعرفه من يبلي ريق صبحه بنور الشمس وقت الظلام كل غايب معه عذره وانا قمت اصلي وادعي الله يسدد ، ويالعواصف سلام . |
يسعد مساكم يالرواسي بالخير والمسرات
ابو عبيد صح الله لسانك على هالروائع الغير مستغربه وانا والله بعد مامليت منكم لكن على قولتك الدنيش صح الله لسانك ودام ابداعك شاعرنا شاعرة نجد مبدعه دائما وشهادتي فيك مجروحه صح لسانك شاعرتنا غمام صح الله لسانك ابدعتي يارائعه وصح الله لسانك الغول يسلم ذوقك ودام وجودك بنات رواسي تسلمون ع التسالي والحضور المميز لاعدمناكم يارب ابو بندر يعطيك العافيه ع التوضيح |
مبروك الحرية نجوله والله ما شبعنا منك (:
و منورة السجن شاعرتنا غمام نتمنى لك إقامة سعيدة |
النجلاء
رحيل يسعد لي هالاطلالة العذبة ولاهنتو وصحت ابدانكم . الصمت لحن وضيقنا يستعيره والدمع من عين الأحاسيس ماتاب ياجرح ياللي ماقويت استجيره النار من طبعه وأنا داخلي ذاب أعيد صبحي وارتمي في ضميره واشتّت الظلما وألملم لها أسباب وأجمع تفاصيل الحنين الأثيرة وأعزف لها لحن الاماني ولو غاب عجز الصبر من باقيات الذخيرة اللي تلوف القلب واحساسها شاب في كفها اليمنى بقايا عبيره وفي ضلعها الأيسر مواثيق وأحباب ألملم الفكرة .. واعيد الجبيرة وأكسر رماح الصمت في ظل الاهداب واسعف حروف من بكاها كسيرة طالت مواجعها وهي بين الاجنَاب ياقاصد المعنى .. حروفه أسيرة زحمة شعور ، وشوق ، وأنفاس غيّاب ! ، و ... تعال .. اكسر .. غصن حزني بدا يكبر و خيباتي بدت تثمر مواجعها ! غمام |
السلام عليكم ورحمة الله
صحت الألســـــن شعراء وشاعرات رواسي نجدنا أبدعتم وأمتعتم لاهنتم ولاهان المنطوق العذب || نجووولة وافية يالغالية حضور وتألق ومبروك الحرية ياعسل || غمآأآآم حياك الله شاعرتنآ نورتِ السجن وننتظر إبداعاآتك ياجميلة أبشري لك بالتسالي = والطروق ياليل داني لاتقولي شوفوا حالي = وارفق فينا ياسجاني || حي الحضور الرائـــع من الجميــــــــع وتسلمون ع الإبداعات اللامحدودة || |
صباح الفل والياسمين ... المسمار والدارسين ههههههههههههههههههههه
وشلونك شاعرتنا وشلون السجن معك (: كنت قريبة قلت اصبح عليتس ههههههههههههه وعليكم السلام شيوخه ورحمة الله |
صبآح الورد للسجينه الجميله وللجميع
وصحت الالسن والاذوآق جميعا ودام حضوركم وابداعكم وصح لسانك شاعرتنا الراعديه غمام تسليه صباحيه واهداء للسجينه الجميله أشوف الورد بوجودك تنفس وانتعش وأزهر أشوف ..السجن .. بحضورك تغنت كل جدرآنه ........ مآيشبهك إلآ تفآصيل المطر جيتك نآدره بس تسعد بلد |
صباح الخير يالرواسي والراسيات الغالين
اهلا يالنجلاء وتسلمين والله يحفظك ياريستنا الغاليه المهره رحيل شيخه حضوركن يضفي الحياه الجميله على الحته كذالك التسالي والمشاركات روعه الله يديم عليكن حفظه غمام انتي مبدعه الله لايضرك وزادت سعادتنا بوجودك بقدر اسفنا على اختيارك وصح لسانك ولافض فوك شاعرة نجد صح الله لسانك وبدنك ماقصرتي ولكن ما ينعذل عبدٍ يبا رهاط (مثل)يقال لمن هو مصمم على رايه ابو بندر هلابك وماقصرت |
اقتباس:
أحلف قل والله ,, |
ولا عشاني خفير
|
تسليه ومداعبه للسجين تعويضا عن تهييتها من قبل حزبها مع اشد الاسف ههههههههههههههههههه
ضيفتك ياسجن الابداع مكلومه=والجروح مبيناتٍ معالمها والملوع لو شكا الضيم ما الومه=قد كلمني قبل ما كان كالمها يصبح ويمسي على ثومته لومه=يجحد وعينه تبين علايمها يكتم آهاته وتقزيه من نومه=لو يحاول ماهقيته ايلملمها العبوس وبسمته شبه معدومه=مايفرفش لو تهبه نسايمها لحظته ساعه وتنعد عن يومه=والدقايق ترهقه في مزايمها يوم يفرح ما غطت فرحته شومه=ما تريح كل لحظه يقيمها وعوده لذيبدء ياست غمومه=شلتك ماسرتك من غنايمها حزبكم ثلث الشهر يجعله نومه=وثلت باوعاده لريمه يسلمها وثلثه الباقي به ينمق علومه=حزب/ مثلك شاعره ما ايلايمها |
السلام عليكم ورحمة الله وبركاته
كيفكم يالغوالي وصح السنتكم جميع منورة غمام الحزب والسجن والحته كلها |
مرحبا يا غمام اعز و اغلى سجينه
شعرك يميزه قوه و فكر و ذهانه اي مسجون حزبي بالوفا مكرمينه كيف لا صار من حزب الادب و الامانه يا غمام البدل في حزبنا لا تجينه عيب تستبدلين السيف بالخيزرانه شاعره و الهواوي هرجهم ويش زينه لكن الفعل غيره و الدوافع لعانه ودهم حزبنا يهلك و تمضي سنينه ما دروا حزبنا لا زال في عنفوانه |
اقتباس:
هههه لاغبنا العب يلا اخذين راحتكم يالعاصفه لكن صح لسانك يازعيم |
||
مساكم الله بالخير والطيب وكل حاجة حلوة أبو عبيد صح لسانك مدد بلا عدد منورة يالريم وصح الله لسانك يَ رائعة || تسالي للسجينة :" الغداء جاك يَ غمآآم اقلطي انتي والزوار الله يحييكم || https://scontent-bru2-1.cdninstagram...98506240_n.jpg http://kitchen.sayidaty.net/uploads/..._w750_h750.jpg https://www.mexatk.com/wp-content/up...-2-450x257.jpg |
تسآآآلـــــــــــي للسجينة
|| ممكن تجي ؟ ب آتوسد آشوآقك و أنآم قل لي : آبيك آشتقت آحس آني هنآك فوق آلغمآم ! و أنآ آوعدك مآ آقطع حروفك و آلكلآم بس ببتسم وآرجع أنآم || و تبقى الدار خالية ً.... من الأحباب في جدب تناجي الورد في عطش.... و تسأله من العتب أرى الخلاّن قد رحلـوا.... فأينك يا صدى الصخب يميل الورد أوراقاً .... و يلوي الغصن في كرب و يذرف دمعـةً حـرّى .... على الأحباب و الصحب يقول :و آآآآه يا داري .... إلام الجور في رحب ؟ https://www.youtube.com/watch?v=ZMBZ0KK4Bs4 |
مساء الطيب لأهل الطيب
لا هنتم جميع وعساكم على القوة . |
اقتباس:
صح لسانك مبدعتنا والله يسامحك,قايمه بدري عندي شغل وناويه عـ القيلوله وامرني شيطان القايله ادخل المنتدى وشفت ابياتك وطار النوم:smile: شاعره و الهواوي هرجهم ويش زينه لكن الفعل غيره و الدوافع لعانه اوووووف ياكبرها,طيب طيب صبرٌ جميل والله المستعان ..................... ريم غني وحنا مقصدك فاهمينه شاعره صحّ من مثلك وصح لسانه لكن حْزيبك المذكور لاتمدحينه والله انه مْولي يوم ولاّ زمانه استغفري ربك وبالسيف لاتشبّهينه حزب قاضي وماضي مابقَى له مكانه والعواصف وحزب العاصفه شايفينه فوق هام السحاب وعظّم الله شانه من فخامة سموّه ياكثر حاسدينه واسمعي يالغمام الحر كله فطانه |
ياسلاااااام
ناصر وريم والفلا وشاعره نجد ابداع |
اقتباس:
هههه صح لسانك ياعذبة زين خربت نومتك (: |
شيخة الغيد
رحيل الجوهرة يامال العز والسعادة ماقصرو ولاهنتو على هالابداع والجمال |
الهواوي
عز الله إنها شهادة اعتز فيها وعلى قولتهم : مقارعة الشجعان بطولة وأنتم أكثر وأكبر جعل عمرك طويل صح لسانك على هالتسلية ولاهنت وحزبي يسد عنهم من حضر |
اقتباس:
طوّح الدمع من عينه وأنا الومه غربةٍ تطوي ضلوعه و تقسمها ! في حنينه شتات مااقدر اسومه ترتجف عبرته من كثر لايمها ! يالهواوي شعورك جاد مقسومه حرك اللي سكن واغرق معالمها بين حزني وصمت الوقت وكلومه غربةٍ جايرة والليل يزهمها ثم لحظة ! ترى حزبي له سلومه قوم عزٍ تباهت في عزايمها للسكوت انتباهٍ يعرف لزومه وان تكلم يبرهن كيف يحزمها واحدٍ لو حضر يكيفك بعزومه وان حضر كامل الحزب دايمها |
الله الله
الهواوي شاعرة نجد وشعارنا الجزلين صحت الاسنتكم جميع ريم الفلاء غمام صحت السنتكم وشهادتي فيكم مجروحه ولا يهمكم كلام حزب العاصفه هههه خيال مطير النجلاء رحيل الجوهره الملكه شيخة الغيد المهره دام حضوركم وتسلم اذواقكم |
مساء الخيرات والمسرآت
شعرآء وشآعرآت روآسي والجمييييع وصحت الالسن والاذوآق ودآم حضوركم وابداعكم ويعطيكم العاااافيه. |
للسكوت انتباهٍ يعرف لزومه
وان تكلم يبرهن كيف يحزمها واحدٍ لو حضر يكيفك بعزومه وان حضر كامل الحزب دايمها كفوووو غمااام صدقتي والله هههه وصح لسآنك مليوون ودام حضورك وابدااعك شاعرتنا المبدعه ريووم. صح لسآنك كفيتي ووفيتي وما قصرتي يالراعديه الفرآج هلا بك زعيمنا منور بعد الغيبه وآخر الغيبآت ان شاء الله وبانتظار ابداااااعكً الهواوي ، شاعرة نجد صحت الالسن ودام حضوركم وابداعكم |
ريم الفلا وشاعرة نجد
لي عودة بإذن الله تليق بكم .. الشاعر محمد الفراج الحضور السخي وعز الله ان شهادتك شرف |
الجوهرة يابعد الدنيا
ربي يسعدك ولاهنت يالغلا |
تسالي المساء
للسجينه الجميله وللجميييع مساء الغلا والشوق ومواصل الغالين مساء يرّد الروح ، و يحييّ مشاعرها ........ أبتسـم للنـاس وأضحـك للحيـاه ولو تضيق اليوم قل : بكره تزين أعــرف أن اللـه وحـده لا سـواه قـادر إنـه يبهج الصـدر الحزين ........ قل للزمن لا ضاق صدري / عوافي بكره تزين .. وينشرح خاطر الوجد كان الألم في محجر العين / غافي ترى الامل ماله وسَط خافقي حد ...... الأرض لا ضاقت وضاقت سماها أطلب إله الكون .. لا تطلب الناس الناس لو تعطي .. تعدد عطاها والله يعطيك العطاءْ دون مقياس |
مساء الورد يااهل السجن
مبدعين وجزلين لاهنتم جميعا تسالي للسجينه غمام عييت ياقلب قلـت عيونهـا نجلـى طعني ونا صاحبك هالنـاس كاحتهـا ان حصلت رزق لاسمحى ولا خجلى وان حدها الوقت تسمع بـس بحتهـا لـذا .. انـا ياسعـد ماعشتهـا لجلـى امشي على كيفها وسعـى لراحتهـا ما انزل قفار الديار ولا اتبع الهجلى وعانـد عنادهـا وسمـح سماحتهـا وانا ادري اني اطمنها وهـي وجلـى ارعود ترعد بهـا وبـروق لاحتهـا |
سهـر والليـل والدمعـات وعيـون الشقـاوي
والعنـا والهـم والحرمـان والنفـس الحزيـنـه والقمر والشمـس والقطبيـن والنجـم السمـاوي والرعـد والبـرق والهمـال والسيـل ودنيـنـه والوعـد والعـذر والسجـات وجيـاع الهقـاوي والغـلا والصـد والاحـلام والعمـر وسنيـنـه والدفـا والبـرد وابيـات القصايـد والاغـانـي والبيـوت الطيـن واحـلام القـراوه بالمديـنـه كلهـا مريتهـا فيـك انـت ياعـذب الحـراوي عقبهـا مـر الهـوى مختـال يسفهـه عاذلينـه الهـوى ماهـو بيـوم ويـوم ماقلبـك هـواوي عاشقك لـو صـب لـك دمـه ومولـك ونينـه |
اهلا يابو فيصل ضحكت لان وحده تقول آخر الغيبات /ميدك ههههههههههههههههههههههه
اهلا ياريم وصح لسانك ب(عنفوان) كلمه كبيره بحق الرعد ولو تعرفون الحق /الحج زل لكن بامكانكم كل واحد منكم ياخذ عمره هديه لغمام اللي ما ادري من طلعت لكم ههههههههههههههه اهلا يالجوهره ارحبي ياشيخه اشهد ان مالك نحر/حاتميه هههههههههههههههههههههههههه ارحبي يارحيل اهلا يالخيال وينك يارجل؟؟ راس الغول صح بدنك بس............... مرحبا بالكنقه |
هلا ابو عبيد حي هالطله الحلوه
منور السجن بحضورك الطاغي |
الله يباركـ فيكـ يالجوهر والنووور نوركـ
غمام الله يرفع قدركـ وحزب الرعد منور بوجودكـ ابو عبيد الله يباركـ فيكـ وجعلها دوووم هالضحكه |
|
هلا يالفراج منور السجن
من وين جاي عليك غبار وجاي هجوم على حزبنا ههههههههههههه |
| الساعة الآن 02:39 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir