|
/
لمّا دنَـــــا حلمُ الودادِ حقيقةً ذهبَ الودادُ على وداعٍ مؤلمِ فلكُلِّ حيٍّ في الوجودِ حقيقةٌ وحقيقةُ الأحبابِ تركٌ مظلمِ |
/
الطيـب لأهل الطيب يذكر ومنسـوب وكل علـى طولـه يفصـل ثيابـه والناس في دنـياك غالب ومغلـوب وكل علـى شفـه يوجـه ركابـه |
/
إبتسم للصبح ، لو تقسى الظروف من سحاب الكون ، ماضاقت سما كم كفيفٍ ، قلبه المُبصر يشوف وكم بصيرٍ ، قلبه الميّت عمى : https://i.pinimg.com/originals/b6/96...a6fc238efd.jpg |
|
//
اقوووول: ياللي من العام همك مارضي يبـرك نوخ ركاب الغـلا واعسف مداهلها لو جيتك اليوم قلت اشفيك ماعرفك تـدور الخيــــــــر في جدب مسايلها يجيبك العــــوز والا الـهم ماضرّك اعرف مخارج حياتك مع مداخلها بغيت اهنيك في عامك وفي صبرك لكــــن لقيت التعازي هـــــــي مقايلها |
نور/ المهره/ ابو عامر/ شيخة الغيد/ رحيل/من شارك او ناوي هلا وغلا بالجميع
المهرة تسالي ولا اروع شيخه بعد هالدرر ما ناقبل منك الا طق الشيصان(جديد) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ مجاراة لدر شيخه لان قافيتها عسره وع شان تكتب لنا من اباعها وتدور قوافي مرنه يمكن هذي الثاني منها يالباركر صب في بيض الورق حبرك=نحت الصخر جبتهالك ما نحايلها يملي عليك الهجوس اللي على خبرك=يقدا لها دربها يدرا تمايلها الباع مده لها ما يتسع شبرك=لأخمص قدمها الى فرقة جدايلها تشبه لخشفٍ على فرقاه ياصبرك=ياقو صبرك على حامي ملا يلها العذر منها يجي بالعاده مفبرك=لكن لتقصيرها تشفع جمايلها |
عصر الخير (:
شلونكم ابو عبيد صح لسانك شاعرنا وصح لسان شيخة الغيد |
الدنيش وعليكم السلام ورحمةالله
وانت بخير |
السلام عليكم ورحمة الله
ومساكم سعيد وعام جديد مبارك عـ الجميع,’’ |
نزغرت فرح بالعام والشهر لاهل=وهو بالحقيقه عمرك وزوده عام نقول ياذا ارحب وللي مضى ول=ولا ننشده كم راح قدمه من اعوم نمل ساعات العمر من جهل مل=ولا قد قعد ما روحت به ولا قام |
مساكم الله بالخير والطيب
صح لسانك يابو عبيد مليوووون ..ولاهنت ع مجاراتك الفخمة // الشعر عندي لــه مزاجٍ وروتين ماهو على كيفي ليادعيت يأتي ودي مع الشعار واكتب دواوين واكتب خوافي مستكنّة في ذآتي |
/
رحيل صحت روحك غاليتي شاعرة نجد عليكم السلام ورحمة الله عام مضى محسوب من اعمارنا ؛ وعام أهل عساه خير ع الجميع نوووورتِ |
لا هنتم جميع وعساكم على القوة
سنه سعيدة يارب وكل عام وانتم بخير . |
السلام عليكم
وصبحكم الله بالخير ياهل السجن كل عام وانتم بخير اللهم اجعلها سنة خير علينا وعليكم والمسلمين اجمعين يارب صحت السنتكم جميعآ شعرائنا وشاعرتنا ولاهنتو رواسينا ع الحضور الرائع والتسالي الاروع ريم الفلا الحمد لله ع سلامة الوالد وان شاء الله تفرحون بطلوعه من المستشفى يارب وسامحوني على عدم التواجد قلبي وياكم يشهد الله |
يالله صبح الجميع بالخير وبه مسهم
ــــــــــــــــــــــــــــــــــــــــــــــــــ ــــــــــــــــ بشغل ياربي ارزق عاطلٍ باطل=لو في مدارج طيايرن يلبقها روتينه يطفشه والصاحب يماطل=واهية الاعذار للموعد ينسقها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ ايامنا ياما عطتنا تجاريب=وين العقول اللي تضم التجارب ــــــــــــــــــــــــــــــــــــــــــــــــــ ـــــــــــــــــــــــــــــــــــــ |
انا كلما انزل سطر والقا اسم بحر الشوق=اصفق كفي اليمنى على كف يسرايه بطبعي ذكي دريت فيه استكر ملزوق=سنه منه ما شفنا حديثٍ ولا آيه هذا راي هجسٍ يسنده خاطرٍ مطروق=مستيسر ومستسلم وقف رافع الرايه لولفٍ ليا شفته وانا مستسم اروق=طبيبي وداي وغاية مناي ودوايه اعلى القلب متلولس عليه اورده وعروق=ما ادري مير ارى تل المعاليق له غايه الابهر لقيته من قرابة سنه مسروق=غراب الشقا يعزف على مقلعه نايه |
يامرحبااا باالجميع مساءكم عامر بالخيرات
وعام سعيد يارب عليكم |
/
عليكم السلام ورحمة الله حي الله الغالية نجولة وعساك بألف خير ياعسل / أبو عبيـــــــــد حضورك فخم دائمــا الله يعطيك العافية وصح لسانك مليون / ريومـــة ^ ملوكــة منورات غالياتي وعام جميل وخير بإذن الله على الجميــــــــــــــع |
/
أنا عرفـت أن التجـارب مكاسيـب ومن طاوع الجهال شاف العجايـب والراي بندق تخطي أحيان وتصيـب ما فـيـه رايً طـول الأيـام صـايـب |
الأربعاء 2 محرم 1440
بدأت من أخر صفحة بداية خير يارب لكل من شارك صح لسانك ولكل من تواجد لاعدمنا حظوركم ولكل من دعاء لوالدي جزاكم الله خير ومتعكم الله بالصحه والعافيه ولكل من سأل عنه . أشكر الله شكر يليق بجلالته على منه وفضله وكرمه أن عافا والدي وقومه لي سالم وشكرآ لكم تقديري من الذكريات الجميلة حبيت انزلها لكم مشاكسه (: يا حزبي اللي رايتك فوق النوايف ما عليك لو غابوا الاعضاء يسد الغايبين حضورهم حزيب حامس لو يشب النّار ما يقدر يجيك تطفي بسرعه نارهم دايم و ضايع دورهـــم اهون من الكيكه على السكّين و بناهم ركيك ولافيه احد يمشي بكلمتهم و يسمع شورهم ما يحضرون الا شهر واحد سواة السنكويك واليا حضروا زدنا غبينتهم بوسط صدورهم والا الفلس ساس الفشل لو شاعرتهم تحتويك بابداعها اللي يختلف عنهم و عن مقــــدورهم و لولاك يالنجلاء هدمت الحزب كلّه بالكريك انتي كريمه و الكرم ينسيك بعض قصورهم المقصود بحزب حامس الناقد والشاعر كديميس الله يذكره بالخير ههه والفلس الهواوي ونجد والنجلاء سامحوني والله يرحم عبد الله بن طلال |
وهذا كديمس ورد الناقد
****** يــا الـنـاقـد اسـلــم وسـلــم بالبـراهـيـن حـزب العطـا غصـب ياخـذهـا بـجـداره ثـلاثـة ايــام فـــي سـجــن السـلاطـيـن حـمـى ولا فـيـه مـــن قـــاس الـحــرارة مـحــدٌ سـمــع ونّـتــي والـربــع لاهــيــن و كـــل بـمــاد الـشـعـر يـســرج مــهــاره اقــــرأ واتــابــع ولا دونــــت حـرفــيــن ويا كثر ما اضحك من اصحاب العياره حـزب الفـلـس ديـدنـه ســب المعـاديـن يـظــن فـــي مـدحــه لنـفـسـه شـطــاره نـاصـر زعيـمـه وكــل اعـضــاه غـاويــن يـــا كـــود نـجــلا كـرمـهـا لــــه وقــــاره و دامـس يثـيـر الفـتـن بـيـن الفريقـيـن ومـا فـات ابـو مشـعـل ءتلحـقـه ســاره كديميس السيحاني _________________________________ ياصاحبي مسكِنِك في نونة العين لــو كــان للسـجْـن ماجيـنـا زيــاره لـوِّك منـادي علـي ماقلـت بعـديـن أشِّـر تـرى صاحبك رهـن الإشـاره حزب الفلس لاحضرنا فالهم شين سمَّـوه بالمنتصـر واسمـه خـسـاره والمشكلـة ياعجـب! عـودٍ وبنتيـن والشون يصرَف لهم بأمر الـوزاره ومشـرّهٍ بالنصـر وسـط الميـاديـن مايـدري إن الـعـدا تـقـدح شــراره ماعنـدنـا للفـلـس غـيـر النيـاشـيـن عبرودها لاانطلـق عجـل انفجـاره اليـا سمعنـا الخـطـر جيـنـا ملبـيـن لابــد ماقسمـنـا عــرش الـصــداره الناقد وسلامتكم |
السلام عليكم فردا فردا ورحمة الله وبركاته وصحت ألسنتكم وطابت أوقاتكم وشكرا لمشاعركم ومشاركاتكم &&& ريم الفلا .. ذكريات جميلة .. لكن فيها تقليب مواجع !! وذكرتينا بحزب ( الفلس ) الذي لم يعلن إفلاسههههه رحم الله أبو مشعل وأطال في عمر البقية .. وشكرا على هذا الإختيار المحفز والجدير بالقراءة وإستعادة الذكريات الجميلة ،، طبت وطاب مزاجك وأحوالك وظروفك ،، والشكر للكل ،، |
دن.. دنة ^_^
تداعب هجوسي لعبة الحبك بالقيفان = وأدندن عليها نغمة الشعر وأوزانه ^^**^^وأركب شواردها على شوكة الميزان = وصبغة خيالي ترسم الطيف والوانه وترجع بي الذكرى على سابق الأزمان = على هيض هجسٍ كنه البرق وأمزانه تلاعج به الجادل ويرعد له الوجدان = ويسري به الهاجس ويهتز وجدانه يغنّي على ليلاه ( من فارق الخلان)= ويجتّر لوعاته معَ جرة ألحانه يهيم الخيال ويلتفت في غصين البان =ويوصف لدونه كنه القد وأردانه ويبني على الأمال في داخل البستان = قصور السراب يشد ويحط بنيانه على كل حال أحلام وتهيم في الوديان = قصايد ويكفي قول يا صحة إلسانه أبعرض عليك الحال يا شيخنا الفهمان = ترى الحال مثل الحال في سابق أزمانه |
الله يمسيكم بالخير جميع ولايهينكم على هالتواجد الجميل
صح لسانك يابو عبيد والله لايهينك ياشايبنا على تواجدك اللامحدود! والله إني منضغط هاليومين ومستحي أتعذر كل شوي! صح لسانك ياريم ولاهنتي يالقرمة على هالنقل والله يذكرهم بالخير جميع وقفتينا على الأطلال ورجعتينا للخلف سنوات الله يحفظ أبو منصور ويرحم أبو مشعل،والأيام دول سبحان الله ،مايبقى للإنسان إلا الذكر الطيب والله إني داخل بسلم عليكم وجت هالأبيات على عجل مدري كيف جت لكن اقبلوها كما هي:
قالوا سجين وقلت هذي كفاله=كتبتها عجله قبل عيني تنام انسردت والنوم سلطان!أما توردنا دروب الجماله= ولاتموت بعزها مثل صدام ماهو بدايم مشتهين الإطاله=مادام خشم أخصامنا مابه عرام لكن نادوا لي زبون الشكاله=ثم سكروا من دونه الباب بلحام ماغيره ابن عبيد والعلم جاله=وإن كان عيا حطوا براسه خطام جروه جر الدلو فوق المحاله=وليا نشدكم قولوا العلم قدام دوَّرت ماحصلت شخصٍ بداله=قلنا نحبسه والخبر عاجل وهام |
صح لسانك يابو عامر وحياك مولاك! ريم كنت بسألك ونسيت! الأبيات القديمة هذي وين تحصلينها؟! كان محفوظ منها شيء عندك زودينا لأنا فقدنا أغلبها! |
السلام عليكم ورحمة الله وبركاته
صباحكم عام جديد وخير مديد يا أهل عذب القصيد كل عام وانتم في احسن حال تذهب بنا ظرف الحياه الى حيث نريد وحيث لانريد ولكن لابد ان تشتاق القلوب لمثل ارواحكم الطاهرة وتآلفكم الطيب وابداعاتكم الجميلة تحياتي لكل روح طاهرة هنا |
صباح الورد
صحت الالسن ياشعرائنا المبدعين وصحت الاذواق لاهنتو ويعطيكم العافيه |
صبحكم الله بالخير
ياهلا والله بالحاضرين شرفتو ونورتو الدنيش صح الله لسانك شاعرنا ناقدنا صح الله لسانك كفاله وافيه وكايفه وابو عبيد متعود على السجن دايم وهو مسجون ههههه سلطان الغبيوي ياهلا والله ومرحبا بك الحمد لله ع السلامه ومن حضر ماغاب شاعرنا اهم شي انك بخير ريم الفلا لاهنتي على نقل قصايد شعرائنا في سجن السلاطين الله يرحم ابو مشعل ويسكنه فسيح جناته ان شاء الله ولكل الحضور والزوار مليون تحيه وسلام |
وعليكم السلام جميعاً ورحمة الله وبركاته
وصباحكم عافية تدوم ورضى من الحي القيوم ريم لاهنتي على نقل القصايد عسى الله يرحم الميت ويبقي الحي الدنيش صح لسانك على هالرائعة الناقد صح لسانك كفالة فاخرة الهواوي منور السجن وخير خلف لخير سلف (: الغبيوي حياك واخر الغيبات ان شاء الله نجوله منورة ياغالية ودمتو وسلمتو على هـ الروائع والحضور الجميل (: |
اقتباس:
لكن راح اسمك سهو ومثلك ماينسى شاعرنا ربي يسعدك وصح لسانك على الابيات |
اقتباس:
مافيه احلا من وقفات الأطلال ودي ارجع للماضي وأعيشه ولا افكر في المستقبل المجهول وصح لسانك على الكفاله الرائعه واهم شي كلبشت الهواوي اقتباس:
لكل شعار السجن وسبق نزلت برضو هنا منها ان شاء الله |
حياك سلطان عودآ حميدآ
النجلاء منورة غلاتي ولاهنتي رحيل لاهنتي يابعدي مهرة حياتس وصح كلتس ولاهنتي |
اقتباس:
تدري إن الماء شريان الحياة لو ضمى جوفك طوى حالك طوي اروي الضميان واعتبره زكاة المهم إن الاوادم تهتوي والشعر ياصاحبي ماله طرات في زمان العنجهي والفوضوي دون قاصر بالجبال الشامخات والنعم بالكل من آل.. وذوي ..[/quote] صح لسانك ياسهيل وينك ؟!! |
اقتباس:
ماهذا هههههههه |
/
مساء الخير والطيب لأهل الطيب الأجاويد / حي الله الجميع وصحت الألســـــــن ودام هذا الإبداع في رواسي نجدنا لاهنتم جميعا حضور وشعار وزوار / أقووول آنا دخيـلك ترســــل أنفاســك مـع هــبّ الــرياح حتى ولـو كانت قليــلة تبري الحـال الـحسوف وان كان مـا بالـوصل فاقــه واستفاقـة واستراح خـــــلّ الـهــوا مابينــنا طبّ تكـاثر بــه وصــوف |
ياهلا بالشيخة
صح بدنك وصح لسانك |
/
تسالي للسجيــــــــــــــــــن تفضل يابو عبيــــــــــــد / ياليل خبرني عن امر الدغابيس هي من دقيق البر ولا استرالي إذا جعت وعروق الضماير ميابيس اموت واحيا لحضروها قبـــــالي https://pbs.twimg.com/media/DKOqkBNWsAEo8X6.jpg / مهما تسوّي خير لا ترتجي شيّ.. مجرّد إن نفسك بها خير يكفيك! خلّك مثل الشمس في مدّة الضيّ.. تعطي ولا في يوم قد قالت أعطيك. // طحت في حضن المقادير من عين الوصاه وشمت عن بيع المشاعر وتلميع الوجيه واحدٍ ما يعرف المزح لا تبحث خفاه واحدٍ ما يقبل النصح لا تحرص عليه http://www.jeddahcafe.com/wp-content...68490205_n.jpg |
هلا يا نهر وصح لسانك
الله يذكره بالخير سهيل وصح لسانه هلا شيخة وصح لسانك ويستاهل السجين بس وينه مختفي ؟ |
هـب الهـوى واقبـل عليـنـا شمـالـي،، وانعش عـروقٍ بعضهـا كـان مشيـول
ارتـاح قلبـي يــوم خـلـي وفـالـي،، وأنـا مـن اول حايـر الفكـر مشغـول لابـعـد مــن حــب أول وتـالــي،، وأنا أشهد ان انتـا مـن البيـض مدلـول الصاحب اللـي مـا بخـل فـي وصالـي،، يفداه عمري وعـن هـوى كـل مجمـول بـس اسمعـوا ياللـي سمعتـوا مقـالـي،، مير لا خطيـت فـي بعـض مـا اقـول |
حبيبي .. وكل الله لاتحسب إني بليد شعور
لو انت المستحيل الصعب .. ماابدي لك معاذيري احبك .. رغم تجريح الليال لقلبي المقهور اشوف الجرح يكبر وانت تكبر وسط تفكيري احبك .. لو يموت الحب وتصير القلوب قبور احبك كلمة لو حرموها .. حل تفكيري احبك من هنا حتى طلوع الفجر .. حد النور صحيح انك قدر محتوم بس اجمل مقاديري |
| الساعة الآن 03:21 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir