|
|
// أيـامنـا والليـالـي كــــــــم نعـاتبهـا شبنا وشابت وعفنا بعض الأحوالـي تاعـد مواعيـد والجاهـل مكذبهـا واللي عرف حدها من همهـا سالـي إن أقبلت يـوم ما تصفـي مشاربهـا تقفي وتقبل ولا دامت علـى حالـي فـي كـل يـومٍ تورينـــا عجايبهـا واليوم الأول تراه أحسن من التالـي أيـام فـي غلبهـا وأيـام نغلبهــا وأيام فيهـا سـوى الدهـر ميالـي |
|
اقتباس:
أهلا ياريم، أسأل الله العظيم رب العرش العظيم أن يشفي والدك وأن يلبسه لباس الصحة والعافية! جاء في الحديث هذا الدعاء العظيم يقوله من زار مريضاً: قال النبي صلى الله عليه وسلم:(من عاد مريضًا لم يحضر أجله فقال عنده سبع مرات: أسأل الله العظيم رب العرش العظيم أن يشفيك،إلا عافاه الله من ذلك المرض). وطهور إن شاء الله وماترون بأس! |
صح لسانك يابو عبيد ولاهنت! بوح شاعر شفت أثرك بالمنتدى وهاك على عجل: يابوح شاعر مادامك داخل الحله=عطنا علومك وشد البيت باطنابه ماقدمك ألا الشبب والبن فالدله=أما تقهواه ولَّا غيرك أولابه ،،،،،، |
مساء الوررد ع الجميييع
وصحت الالسن والأذوآق ويعطيكم العاافيه |
ريم الفلا
الف سلامه ع الوالد وما يشوف شر ان شاء الله ويطلع بالسلااامه الله يشفيه ويعافيه ويحفظه ويخليه لكم |
اقتباس:
الحمد لله على سلامة الوالد خطاه الشر ان شاء الله الله يطمنكم عليه بالصحه والعافيه ويشفيه ويحفظه لكم يارب |
سحب الخريف اللي ترزم رعوده=وهلت هماليله على دار ثلاب لطَّف له الاجواء بلطفه وجوده=من العصر قالو على السمر صباب يوم انت يا(....) بلدهم تروده=وتمر ذاك الوادي ذهاب وإياب ماشفت من تزهى الملابيس عوده=حلو المحيا سيد تلعات الارقاب مع من تمشو ساعة السيل كوده=والا ما اخبره فاض مع سدة الباب شيخ ونظرك بجولهن ما تقوده=لكن هذاك لنظرة العين غصاب |
اقتباس:
الله يشفي الوالد ويقومه بالسلامه ويخليه لكم يارب صح لسانك ياابوعبيد صحت اذواق الجميع لاهنتو |
كلك تعالي غلا والا أرجعي كلك
بعض الغلا منك مايستاهل الجيه طالت وانا في رجا ليتك وياعلك اوراق بالذاكره واوراق منسيه مابل ثوبك مطر شوقي ولابلك لوعلتك من سحاب الروح وسميه ليه امشي الدرب دامه مايوصلك تخاف رمضا الضياع اقدام رجليه الشاعر مساعد الرشيدي |
قصيدة الطريق المهجور تخوفني مشاوير الطريق المظلم المهجور واليامني ذكرتك قلت طولي يامشاويري عزاي انك رجاي العذب لو كل الدروب عثور وصلت أو ما وصلت أعرفك ما انته منتظر غيري حبيبي .. وكل الله لا تحسب إني بليد شعور لو أنت المستحيل الصعب .. ما ابدي لك معاذيري احبك .. رغم تجريح الليال لقلبي المقهور أشوف الجرح يكبر وأنت تكبر وسط تفكيري احبك .. لو يموت الحب وتصير القلوب قبور |
مشاركات رائعه ودعوات طيبه
الهواوي الناقد النجلاء الجوهرة شيخه المهرة شاكرة لكم ربي يخليكم ويديمكم لاهنتم |
|
تسليه ع الطاير
الليل وصل احباب و احيان فرقا وشلون مدري لكن الليل غدار يجمع عيون احباب و عيون فرقا ويا كثر مَ يخفي ورى جنحه اسرار |
ريم
الحمدلله على سلامته اسال ان يمد في عمره على طاعته ويلبسه لباس الصحة والعافية ولا يريكم فيه مكروه |
مجرد خاطره
بين الصرام وشغل محمي وصبه=وهم وتفاكير وهواجيس واوهام وستار وحسين الهنود المسبه=لياقلت رده خلف جره لقدام ومع الطفش تدخل دواعي محبه=ماجد شي مبهذلتني من اعوام بغبة خليج الشوق طبيت طبه=برغبتي و اليوم انا اعومه الزام ما يلحقه لو هاج موجه مسبه=بناعم رمل شاطيه ترتاح الاقدام النود لو لامس مياهه بهبه=ومرت مريض اشفت قديمات الاسقام |
صح لساانك يابو عبيد
وسعد الله مساك . _____ كبود الحبايب ميته من صدة المقفين عسى الله يجازيهم مثل مازادو الونه ؛ في كل عصر لك مع البال طاري وفي كل غروب شمس قلبي يحبك (: |
|
تسليه
هذا الشاعر كبير في السن كان يمشي مرة في شارع في احد الاسواق في قريته (وهو طبعا قد ترك أمور الغزل وقصيد الغزل كله وتفهم من القصيدة أنه ترك أمور الغزل) وهو يمشي كان قدامه حرمة تمشي وعليها عباتها وهي على يسراه، لاحظ هو ان المره وراها طفل صغير عمره يعني ثلاث سنين تقريبا حليل ومنزكر من العافية هالوليد متعافي بالحيل وما شالله جميل وحليل، وعليه ثوب زين على قد جسمه (احيانا إلى لبّس الولد ثوب وصار راهي عليه وغسل مره مرتين يشمر ويصير بالحيل لابق على جسمه ويكبر الوليد شوي فيصير الثويب عليه زين فيوم شافه أعجبه وصار الولد يبتسم والولد بعيد عن أمه فحاول بن جعيثن يسرع يبي يقضب الوليد ويسلّم عليه ويحبّه، دايما عاد ترا بعض الحريم تستانس إلى جا رجال أو أحد يعرفها وحب ولدها تدري أنه يغليه، أحيانا الغلا يصير من غلا الأم بعد، المهم أنها يوم حست انه هذا هو يناظر الوليد وهي تلتفت وتطمن وترفع درعانها وتشيل الولد وشالته ولا أمداه عليه، هو يوم شافها مطمنة على الولد بتاخذه تركها وخلاها تمشي في حال سبيلها وفعلا هي طمنت وشاف ذرعانها يوم شالته عليها حلي ذهب، وراحت في دربها لكنه عاد تصوب من هالمنظر فيعبر بالأبيات هذي ويقول : يوم المقادير و الأسباب ساقتني = وانا عن أهل الهوى مقفي ومنحاشي البكرة اللي تبوج السوق لاقتني = تمشي على هونها ويبرا لها حاشي أسرعت أبا جوّد الحاشي وعاقتني = يوم أنها تلتفت وتدوّر الماشي حليها بان والذرعان شاقتني = درت بي اني من اهل الصنف قماشي طمعت ابي بوقها لاشك باقتني = وأنا نصوح لها ما نيب غشاشي قلب الخطا يوم عاقتني ولا أسقتني = هافت غصونه وزرع القلب عطّاشي يوم اني أقنص وبارودي على متني = وأنا تراي آخذ الشوكة بمنقاشي واليوم صديت والأيام راقتني = ما عاد لي بالهوى ومتابع اللاشي عديت في مرقب العشاق وأرقتني = راع الهوى لو تعلاّ فيه ما عاشي |
ياويل من غبنه يطاول حياته = لا راحوا الأسلام والله ما أريح
راع الهوى ما احد يسوي سواته = لا حال له من دون خلّه سواميح ترى التوّجد والتمني غناته = وهجس إني أرقى نايف الرجم وأصيح وأقنب لمن كان النضا قالعاته = عني نحنّه شمخ الفطر الفيح على الذي كن الضبا مرضعاته = كنّه ضنا لدقيّقات المذابيح كن المها من درهن غاذياته = عز الله انه فيه من ريحهن ريح يازين والله لدّته والتفاته = في ماقفٍ ماطالعوه المشافيح في ماقفٍ له خالي من رعاته = واجني ثمر طلع التفافيح ومريح ياعود نبنوب ما حسين نباته = تنسف عليه الجم فرق ومراويح والعنق عنّق غزيّلٍ في فلاته = والعين عين مرابعة للملاويح عوقٍ لطلاب الهوى في صلاته = الى التحظ له بالعيون الذوابيح ياكيف ماتسلم وديعه هواته = من يوم صوبني وأنا أقوم وأطيح عيشي مراعاتي ثنايا شفاته = الى تبسم بالثمان المواضيح خده يقادي لون صافي مراته = والا كما برّاق سحبٍ مراويح وازكى سلام الله تتبع صلاته = على نبيٍ وضح الدين توضيح فهيد بن ابراهيم السكران، |
سلام عليكم
ويسعد مساكم وكل أوقاتكم وصحت السنتكم وذائقتكم ويعطيكم العافيه ودام حضوركم وابداعكمً تسليه للسجين والجميييع ماسمعت ابيات شعري والقصيد من خفوقي كلبوها نابعه في غيابك كل يوم لي جديد لين غلق حبري ومطابعه والهجوس تهيم فيك وتستعيد كل ذكرا في خيالي ناقعه كل ذكرى جابتك لي يوم عيد عيد حب وشوق قدرك رافعه اتفنن فيه وابدع واستفيد واتحاشى في القصيد موادعه الفراق يخلي احساسك بليد ماتحس بشوقك ودوافعه ما ابي احساسي يحس انك وحيد في خياله هارب عن واقعه ولو سمعتي فيك شعري والقصيد كان جيتي من غيابك راجعه |
السلام عليكم أسعد الله صباحكم جميعا رحيل والجوهرة وخيال منورين يارائعين ,, أبو عبيد صح لسانك على الدرة أعجبتني قافيتها,أنت دائما قوافيك رنانة يارائع |
مساكم ريحان ومسك وزعفران
اهلا ياحضرة الناقد وصح بدنك اهلا يالجوهر وحياك مولاك ارحب يالخيال وحضورك حلو اهلا يارحيل استمر عندك موهبه بكره نقول الشاعره تبا الصدق في مخبا هجوسي ينقِّز فار=ويعض اصبعي لاجيت ابا احرك الفاره ما ادري مير ياكثر الطواري ودمي فار=واسمع من يقول الحر تكفيه الاشاره ولا املك شجاعه كافيه واتخذ قرار=وانا اقول ياربي دخيلك من الباره مثل ما يهز اللي بهم زار طق الطار=امورٍ تهز الصدر وتبيح اسراره عاقبة الصبر زينه واقول الفلك دوار=ومعاذي من الشيطان والنفس الاماره مجرد طلاسم دوك من بعدها الاخبار=اشتاقت يديني عصر لملاعب الطاره على الاشهب اللي لا تمطا الطريق وسار=وخاط الظلام ابشيته وولع انواره يقدا الدرب ما يحتاج قوقل ولا رادار=لو اترك دركسونه نصا البيت بالحاره |
السلام عليكم ورحمة الله مسااكم الله بـ الخير وطابت اوقاتكم صح لسانك يـ الهواوي على هـ الرواائع والاخيره لحالها لاعدمنا ابدااع المبدعين وصحت الذواائق والحضور الممتع وتسلم خيال على هـ القصه والابيات العذبه لاعدمنا منقولك ,لاهنت مستشارنا ريم,الله يفرحك بشفاء الوالد ولايحرمك من وجوده وطهور ان شاء الله وذنب مغفور تحيتي للجميع,’’ |
سهيل بان وزان ذعذاع البراد بعض الديار يْقال سيّل سيلها عطفك ولطفك مطلبي رب العباد حنا الرطوبه تو شدّت حيلها دخانها فـ الجو ياخذ فـ ازدياد حتى الحديقه ماقدرت اجي لها |
العاصفيه عليكم السلام ورحمة الله وبركاته
الله يعينكم يا اهل السيف على الرطوبه والحر لكن فرجت وقرب البراد العام كنت في الدمام وكان يوم جمعه وبين سكني والمسجد سياج بامتداد الشارع رحت للمسجد مشي ولكن ما قدرت ارجع الا بتكسي ههههههههه من طرائف تلك الرحله ان رحت بالمساء للبحر وبالرجعه ضيعت الشارع واسمه وسالت ولد عمره حول 12 سنه اسمر قال لي حولك مطعم اسمه دلِّع كرشك؟؟ قلت نعم وارشدني اليه ههههههههههههههههه صح لسانك شاعرتنا على الابيات الرائعه ــــــــــــــــــــــــــــــــــــــــــــــــــ ــــــــــــــــــــــــــــــــ |
اقتباس:
صح لسانك |
اقتباس:
اقووووول الله يخلف عليك , ويرحمك ي عايض , برحمته , أنت وش تبي ب الشرقيه , ويوم جمعه , مضيع المسجد كان دقيت ع النجلاء تعلمك , أصلا أنت مجرم اقوووول سقها الله يصلحك |
اتا محب هذاري الشيبان
|
ياحبي لك يالخيال بس اولا من هو عايض
ثانيا انا ما ابرء نفسي بس بالسالفه وش دلك على اني مجرم وصح بدنك وامزح لا تفرح ليت ريم اتطمنا عن والدها لعله بخير ــــــــــــــــــــــــــــــــــــــــــــــــــ ــــــــــــ يالخيال حاسب لا تكسر مع الرقلات=بريك القرنبع لايجي فيه تفويته ترفق ترا دربك مبطنج وبه لفات=يشبه للطريق اللي لبخات وحويته |
متى تعرف جدك .
|
أبك انت خبل , عايض الله يرحمه كان جارنا
|
اقووووول انا اسمي خيال ,, يجي يوم , اظهر من أنا
|
خلك ع ابو صتمه ,, تعرف أبو صتمه ,, تعرف الساكتون
|
لبخات وحويته ... تعرفها
|
اقتباس:
اللهم آمين وصح بدنك شاعرنا والله كريم,يشهد الله بعض الايام من شدتها مانقدر نطلع ابد لانه مافيه اكسجين برا,الجو كتمه حتى الجلسه بحديقة البيت تقول راشها بمويه من كثر الرطوبه,الله يرحمنا برحمته, والحمد لله عـ التكييف والنعم اللي نشكره عليها لاهنت عـ التعليق والحضور المميز’’ |
دندنه فقط
دندن لي عساها ما تدندن عليك القوم=انا لي شهر وايام محتاج هالدنه قبل كل ما خمت عيوني شليل النوم=تلنه طواري ذكرياتي وودنه الايام ما تحصى/ لكن مثل ذاك اليوم=يعود بحذافيره كما كان؟ما اظنه كلامك معي هو علم؟والا ظغاث حلوم=عليِّ الطماط انه على مسمعي كنه تناطيف وبلٍ هلته بالعشي غيوم=احلى من طعم شهد النحل يوم صبنه |
اقتباس:
عليِّ الطماط انه على مسمعي كنه حرام عليك يـ الشاعر تخرب نص عذب بـ هـ المفرده قل(علي الحرام )يكمل جمال النص حتى لو عليك الطماط والدعوى سهالات ههه صح لسانك يـ مبدع,’’ |
تمرجحي فوق الغصن يوم هبه نسيم ربي والعبي ياحمامه قومي اسجعي واستمتعي دون سبه لو ترفعين الصوت مالك ملامه وانا بـ اعوم ابّحر شعري وغبه واجيب من شوق الخفوق وغرامه شعرٍ دوى لـ اهل الوفاا والمحبه عليه من صادق شعوري علامه هيضتي الخاطر,وروحه وطبه عذب القصيد اللي رفيعٍ مقامه |
| الساعة الآن 07:12 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir