|
صح لسانك ياشاعرتنا ودام ابداعك وحضورك المثري
اهلا يالمهره ودمتي وسلمتي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ خفير السجن بالله علم لي المسجون=للزنزانه اجره ما حبسناه بلوشي لو يدفع لنا تقصيد عند استلام الشون=والا قيمة هريفي من الحوش ملطوشي البارح والاجوا بارده والهبوب سكون=وانا مرتكي طرا عليِّ لابس البوشي طرالي وعندي كل طاري سواه ايهون=وفزيت فزة من بنيبان منهوشي تفرقعت ما خليت حولي ولا ماعون=كل بياله وفنجال وابريق دقروشي الا ياعيونٍ لجلها ما تنام عيون=عيون اشقرٍ من هجمة عقاب مخروشي انا ماعرفت ارتاح معكن على هاللون=قطيعة وصل والا لباب اللقا شوشي |
السلام عليكم ورحمة الله
لـ الجميع أسعد الله قلوبكم في الدارين وصح لسان من جاد وتكلّف وبحروفه أبدع وأمتع وبارك الله في جهدكم و وقتكم الدنيش & مهـــورة منورين وكل عام وانتما الى الله أحب وأقرب خواتي الراسيات منورات كلا باسمهـــــــــــا / |
/
ذائقــــــــــــــــــــــــــة / الصداقة كنز معنـاها جميـــل من ملكها اشهـــــــد انه ملك تعرف اوصافك من اوصاف الخليل والصديق احيان اقــرب مـن هلك من كلام المصطفـى سقنا الدليل الجليس اثنين واحـــــــدهم هلـِك حامل المســــــــــك طبٍّ للعليل صاحب ٍ للخيــــــــر بدروبه سلك لو تحس بضيق للضيقــــــــة يزيل لو تغيب شوي عن الحـال سألك والجليس السوء النــــــذل الرذيل نافخ الكيـــــر من الكيــــــر شعلك مايعين بخير خيــــــره مستحيل ماوراه احسان يجهـــــل بجهلك لو تمر بســـــــــوء دور لك بديل خاينــــــــــن ماشال هم ٍ لزعلك الفضل لله والشكـــــــــر الجزيل يافؤادي خير من المـولى شملك البداية عيــــــــن وآخرها سبيل والوســـط ابرة وفكـر بمهلك |
ظهيرتكم حبحب بــااااارد
لغير الناطقين بلغتنا (بطيخ جح ) هههههههههههههههه ازين من الورد (؛ صح لساانك ابوعبيد صح لسااانك شاعرتنا نجد صح ذوقك شيخة الغيد سجينكم وينه ): |
اقتباس:
ماعليك زود يالامير وصح لساتك |
هذي قصيده قديمه لشاعرة نجد , او شاعرة ابانات , لاحد الان غير معروفه القصيده قديمه ,ومرثيه ,, تسليه من الخفير
تقول الشاعره وونتي ونت ثلاثة عشر ذيب........................ذيب الخلا والنشر ماطالعنه ذيب(ن) يجر عواه في تالي الليل ..................والصبح قرب والضواري حدنه والعين تجزي ماتبي طاري النوم ..................مثل الفطيم الي فطم واستجنه ولا يتيم(ن) ماتت امه وعاجوه...................والطفل عقب امه فقد كل ظنه و لا قريص حنيش بالعرش داسوه..................والسم سار ويزعج الصوت ونه ولا غريب(ن) بازرق الموج قطوه................حارت عيونه والدموع اغرقنه ولا طريح فراش في البيت صادوه................. صكو عليه اللي تمس العنه ولا خفير السجن بالحق ساقوه ...................وعيون خصمه بالفشق ينطرنه ولا هنوف(ن)بالردى غصب داسوه...............شالت صوابه والصدر جر ونه ولا خلوج النوق شدو وخلوه .....................على ولدها تزعج الصوت حنه ولا كسير الساق والعظم شدوه...................تسهر عيونه والصدر جر ونه على اثنين عند قلبي عزيزين....................والعمر منهم مقرش(ن) تقل شنه تنعى ولدها مع اخو(ن)مخليه..................والقلب خف وغبنهم يصفقنه يالله ياللي كل من ضاق نادوك ................تعوض قلب (ن) مزرته المظنه يالله ياللي كل من ضاق نادوك ................تفرج لقلب(ن)كل هم(ن)يمله لانامت الاطفال مانمرح الليل ................من خوف يصحا الطفل من كل عنه وقدامهم ماكن في خاطري لون ...............واللي بقلبي جعل ربي يحله |
شيخة الغيد صح لسانك ولسان شاعرها ذائقه جميله
|
واضح انها قديمه ياخيال لانها مدري كيف صايره ههه
كم قافيه ذي !! لكن صح لسان الشاعرة المجهوله |
حياكم جميع
حياك يالمهرة وحياك ياشيخه شاعرة نجد صح لسانك شيخه صح ذووقك وصح لسانك رحيل منورة |
يا معين اللي هواجسها عنيده
ما تهيا كل ما جاء لي مجالي اغلب الافكار ما صارت جديده وودنا للناقد نسوي تسالي يا زعيم الحزب هقوتنا بعيده وان دخلنا السجن ندخل ما نبالي الهواوي كل يوم يشيل قيده يدّرج ما بين الاقصى و الموالي حزبنا ثابت مع الاجواء الشديده و الهبايب من جنوب و من شمالي و شاعره لو تبدع البيت و تجيده ما يزعزنا القصيد الارتجالي |
اهلا ياريم ابدعتي وامتعتي لكن اليد الوحده ما تصفق لكن مثل ما يقولون الطق يفك اللحام
اهلا ياشيخة الغيد وتسلمين حضور جميل وتسالي اجمل اهلا يالخيال ولاهنت والله ان ريم الفلا بنت ووليده=من سطرها شبلها بالحيل عالي تنتخي وتحاول الطيب وتريده=عزي لريمه تصيح بجو خالي تبكي وتشمت لها حظوظٍ قريده=وتنهم الريس وفيها ما يبالي والسجين اللي تصنتع له قصيده=وله يدزون القهاوي بالسلالي دش باب ومع قبيله راح سيده=وله تسالينا من ضروب الهبالي الحبل ما ينركز مثل الجريده=ياملا حنا مركزت الحبالي مقدمه ما قلت والجمله مفيده=هاتها يالهجس لي من ذكر غالي لرايدة زين العماهيج وعميده=مالغيره بي وانا للغير مالي ياعيون الحر ياجيد الفريده=لا تصدق عنك انا ما ني بسالي |
اقتباس:
تسلم ذائقتك خيال لكن القصيده ماهي لي ومثل ماقالت ريم مفرداتها قديمه حيل واعتقد ان النقل ظالمها لان فيها ابيات جزله لاهنت مستشارنا,’’ |
اقتباس:
الهواوي كل يوم يشيل قيده يدّرج ما بين الاقصى و الموالي و شاعره لو تبدع البيت و تجيده ما يزعزنا القصيد الارتجالي ههه ياعزااهـ صح لسانك ريم ولبى قلبك قسم كاسره خاطري تقاومين ولامن معين لكن يفرجها ربك وترانا عشان خاطرك مهدين الحرب والا كان شفتي اعظم:smile: دام الحضور شاعرتنا المبدعه,’’ |
سبحانك اللهم وبحمدك
اشهد الا اله الا انت استغفرك واتوب اليك |
اقتباس:
تنتخي وتحاول الطيب وتريده=عزي لريمه تصيح بجو خالي ياكبدي لها:smile: صح لسانك زعيمنا,كفيت و وفيت دام حضورك وفاخر بحورك,’’ |
الـشـعـر مـنْـفَـس لـ الـصــدور المغـالـيـق يـــامـــا ويـــامـــا فــــــرج الـــهــــم عــنــهـــا يشكي علي صدري من الحزن ويضيق ودْمــــوع عـيـنــي يـشـكــي الــخــد مـنـهــا حرام لولا جر بعض الـــطـــواريــــق الــلــي عــلــى صــوتـــي يـبــكّــي لـحـنـهــا لــِ يصـيـبـنــي حـــالـــة كـــآبـــه,ولا اطـــيــــق نـفــســي ولا الــديـــره ولا مــــــن سـكـنــهــا |
حلو نسناس الهوا يوم ذعذع من جنوب=له تتوق الروح وتروق مع نسناسها واصلي هبتك من يم داره يالهبوب=خلي صدور العنى تسترد انفاسها هبي بريا حبيبٍ بها تحيا قلوب=من سنه وشهور قل التواصل داسها نوب اقول اقفا وانا اقفي كما قفا ونوب=التمس له عذر بين الظروف وناسها ونوب اقول اعض صوانة الصابر واتوب=لو مزجت السم للنفس قاعة كاسها |
صباحكم دوامات
وعام دراسي جديد وسعيد (: اكيد اسمي سقط سهوا ههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه وصحت السنتكم جميعاً |
اشهد ان الوقت خداع والفرصه تفوت
ضاع مني ضيعة الكحل فالسود النجل له علي اني ماعلم بسره لين اموت لين تبعدنا الليالي وياخذنا الأجل ؛ بلاني وإلا أنا ما كنت أعرف أن الهوى غلّاب يا ليته صدّ عني قبل أجيه مشرّع أبوابي ؛ غيابك اللي خذاك وضيعك لا يطول اتعبني الشوق وعيون الوصل غافيه انا بوجهك ووجه الله ووجه الرسول تعال عطني دوا لـ جروحي الخافيه ^ اخترتها لكم (؛ |
السلام عليكم ورحمة الله وصباحكم إشطة بالعسل يا أهل الدوامات والعمل وصحت ألسنتكم وطابت إبدانكم والشكر للجميع .. السجين مطلوب للعدالة في الهروب والتهرّب !!!! ريم الفلا يا صح لسانك عز الله ما قصرت لكن كما قال الزعيم يد .....!! خيال المستشار تستحق الثناء على النوادر ولله درك . شيخة الغيد شكرا على الذائقة ولكن نريد من الرأس لا من القرطاس ههه رحيل .. شكرا لجهودك الرائعة في التنسيق ومعانه .. ولذائقتك الشاعرية شاعرتنا نجد مرحبا بالحضور الوارف والقصائد العاصفية وصح لسانك، الزعيم .. صح لسانك عدد ومدد .. والضرب في المتميوت حلال !! وصباحكم لبنة بالعسل أحلى من الأشطة ..‘‘‘‘ |
اقتباس:
صح لسانك شاعرتنا ومشاعرك وصباحك شعر ^^
الصبح يتنفس ونوره مفاليق = والليله الظلماء توارى زمنها حيّ النهار وحي شمس المشاريق= اليوم ناصع مثل صافي لبنها يا شاعرتنا والمشاعر توافيق = صح اللسان وصح قافٍ وزنها ويا ما حلاه الشعر معْ فكة الريق = كنه رطب والشاذليه وبنها ^^ وتحية فجرية قبل الشروووق |
اقتباس:
^^ صح لسانك يالزعيم .. قلت في أحد الأبيات سابقا ليت لي قوة على النفخ كان إني نفخت ههههه ولكن يا ليت توفي بالوعد وتستنشق بنفسك !! ^^ جرجرت الهاجس إلى أن قال :-
إمطريها ياسحابة على نجد العذوب= خلي الخضرة على نجد يغدي إلباسها وإغدقي حَب البرَد فوق ريضانه يذوب = وأطفي اللاهوب من حر قيض أشماسها وإشعلي برق الليالي على كل الدروب = خلي الساري يشوف السهل واضراسها وأنطقي رعد التحية لهم من كل صوب = وإبردي كبد الصحاري وفروة رأسها وسلمي لي ع الهواوي وشعره و( القروب) = القروب اللي بنوا بالرواسي ساسها والصدى والصوت يالربع من صدرٍ رحوب = والزعيم إبن الهواوي يشد أقواسها إن بغيته للغزل وإن بغيته للخطوب = شاعرٍ يرمي حبال الشَّرَك لأفراسها ^^ ودمتم سالمين |
اقتباس:
الله الله من اعذب ماقرأت صح لسانك شاعرنا وداام ابداعك المميز تقديري,’’ |
اقتباس:
الله الله,مجاراة رايقه وفايقه,لاهنت وصح بدنك والتحيه والتقدير لك كلمة مبدع ماتكفيك يـ الدنيش,صح لسانك وصح الشعر والشعور ودام الابداع والحضور تقديري,’’ |
جـــو الـسـجـن راايـــق وجــــوي مـعـكــر يالـيـت جــوي يـ اهـــل الـسـجـن رايـــق واكـتـب شـعـر عـــن خـاطــري واتـفـكـر كيف الهجوس يرووح بي في دقايق واســري مـعـه لــو بــاب بيـتـي مسـكـر يالـيـتـهـا بــعــض الـمـســاري حـقــايــق يطـلـع شـعــاع الـشـمـس وانـــا اتـذكــر ماذقـت حـلـو الـنـوم والـصـدر ضـايـق ! |
مساء الخير
صحت السنتكم واذوواقكم لاهنتو مبدعين |
ابكـي ولكـن مـا نفـع كثـرة ابـكـاي،، خطيـر كثـر الدمـع يضعـف عيونـي
اش حالتـي والزيـن مـا هـوب ويـاي،، مالـي امـل بعيـش بـس اعـذرونـي من عقب ذاك العقل شمتـوا بـي اعـداي، كـل يقـول افـلان صـابـه جنـونـي عزالله ان مـا احـد ابتلـى مثـل بلـواي،، وش حالتـي ان طـال الفـراق ونسونـي حتى هلـي جـو يسئلونـي وش دعـواي،، قلـت انظـروا مـا صابنـي واتركونـي قالـوا تعـالج قلـت انـا عـارف ادواي،،لوجـو الاطبـاء كلهـم مــا شفـونـي أدواي طفـلآ شوفتـه تـزيـل بـلـواي،، اذا قـدرتـوا جيبـتـه فــا سعفـونـي |
رحـلـت يـومـك بـريـت الـحــال ،، أهـــوم انـــا فـــي بـــلاد الله
طـاوعـت بــي نـمــت الـعــذال ،، وأقــوالــهـــم مــنــكـــم لله واشعـلـت نــار الـغـرام اشـعــال ،، مـارفــت حـالــي لاجــــل الله ليـتـك تــرى دمـعــي الـهـمـال ،، ســحــايــب تـشــتــكــي لله وافراقكـم مـا طــرى فــي الـبـال ،، واليـوم يـا قلـبـي استـعـن بــا الله |
اقتباس:
الدنيش صحت السنتكم ملايين مجاراه اكثر من رائعه وجزله لاهنتو |
اقتباس:
الله يبعد عنك وعنا الضيق والكدر لاهنتي يالجزله |
مساكم فل ووفا خل وورد وبرد وخير وعافيه
اولا يارحيل مايسقط اسمك الا سهواً لانك روح السجن وريحانه حضورا وتفاعلاولك عند الجمبع احترام وتقدير اهلا بشاعرة نجد وابدعتي وامتعتي وصح الله لسانك وبدنك ارحب يابو عامر وهلابك وبماجبت صح الله لسانك ولاهان راسك اهلا يالمهره دائما رائعه بالحضور وبالذوق لاهنتي ودمتي وسلمتي اهلا يالخيال وصح بدنك ودام حضورك لكن بالخفاره وين دورك |
السلام عليكم هلا مرحبا بالجميع صح لسانك يابو عبيد وقريت أبياتك أكيد السجن له ضريبة لكن الله يعين! وصح لسانك ياأبو عامر ماتهربت يالقرم لكن مسافر ماجيت ألا البارح آخر الليل ولاهنتوا على كل حال،،،، |
لاحظوا التواجد والتفاعل عاصفي حتى رحيل والخيال نعتبرهم عاصفيون ههههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ دقيت سلف الجمس مع غيبة الشمس=نويت اتله مجنبٍ به وهونت مزاج متقلب وانا خاطري عمس=عقدتها واخلفتها من سببك انت رايك نهار اليوم ماهوب مثل امس=كانت امانينا الجميله ولا كنت حمستها بالواتس في كلمتك حمس=وعلى وتر ما اخشاه يالترف دندنت يثور لغم الهجر بمجرد اللمس=ما ادري وش اللي صار فيك وتشيطنت |
السلام عليكم
صحت الالسن جميع رواسينا الغالين ناصر الهواوي عبدالله الدنيش خيال مطير وشاعرتنا ريم الفلا والشاعره القديره شاعرة نجد وشاعرتنا شيخة الغيد والفاضلات النجلاء رحيل مهره الجوهره وجميع من مر من هنا ومنور الحته شاعرنا وسجيننا عبدالله الروقي |
صح لســــــــــــــانك يابوعبيد صح لسانك شاعرة نجد , ,, أنا من يوم شفت بشت الناقد يبلص يبلص يبلص , ورحيت العود اللي حاطه .قلت في رجاء خير , قلت يمكن يعطي الخفير شرهه , 100 ريال ولا 50 ريال ولا بكت دخان , طلع بخيل مغار يخزلني بطرف عينه ,
ســــــــــــــــــلام ياعيونه ؟ هههههههههه |
مجاراة
يقول شاعرنا وصديقي ابو مشهور الحب جنني وانــــــا صـــــرت مجنون - - - يالــلي تلوم اللي وقع في جـــنونه خشف ذبح قلبي له شـــــفات وعيون - - - وانابـلاي اليــوم غمـــزةعـيــــونه مفتون وكمغيري مـــن الناس مفتون - - - قلبــي تبلا في الرموش الفتــــونه قالواانت صادق قلتومـن سخرالـكون- - امسيت طايح ياعـرب وســط كـونه مـــــن حبها وفي حبـــها اسمراللون - - - لونــــــهكذا ماشفت بالغيد لـــــونه كالبيض لا لا هالــــحكي لا تـــقـولون- - - لالاتـــــــقــــــولوا هالحكي وتنقــلونه أهيـــف رشيق القد والخصر مقرون - - -ونـــا بــــلاروحــــــي حلاوة قــــرونه عن وصفـــــها بالله بالله تــــكــــفون- - - لـــــــــــوشافهاعامر كـــذاتـــكـــلفونه يصبح ولد صالح معذب و مـــرهون - - - في وصــــف من لاشافهـــــــاترهنونه وخوفي من آل شنيف ضدييقومون- - - يـــــــشـوفوا ولدهـــم طاح ولايقومـونه وتصبح قضية دم وتحقيق وشلــــون - - -مـــــــنهوالســـبب ياكيف شكله ولونه يعني بحقه صرت مخطي و مــديون- - - ولابد مــــــــن المــــــديونيسدد ديونه وجاه الرد من عامر ال شنيف ابو صالح يقول مشحون من هم الليالي و مديون ودين الشعر لابد تقضى ديونه جتني بيوت(ن) حركت كل مكنون .والجاش منها ثايرات(ن) طعونه لكنّ من مبدا الثنا حيل ممنون .والجزل في معناه نقبل لحونه مهتاض والهاجس على جمر غليون والموش يجذب شرده من شجونه درب الهوى من يطرقه حيل مفتون العذل عوجه والعرب يدركونه وان طبت جالك من رعابيبه أجنون والكيّس إللي ما تناحر جنونه تبطي ورى عشقك من الوجد مسجون .والعشق سجنه عرضة(ن) للمهونه والتجربة عونك ويا حيّها عون .وأنا من الدينا لقيت المعونه أثنى عشر عام(ن)مقيد ومرهون والحال من بعضه بشكله ولونه ماني موصّف لك ولا شك تدرون .حال الهواوي واضح(ن) من عيونه هذا وهو من يبني القاف موزون البرق فكره واستهلت مزونه يقولها من جاش مملي ومشحون حتى اصبحت مستوفيات(ن)ديونه |
اقتباس:
ياسلام يالأميرة صح لسانك على الدرة أنا دخلت اليوم آخر صفحتين ماشفت هالإبداع ولاهنتي وسلمتي ودمتي! ولي عودة عليها ولايهمونك يالقرمة،،، |
هههههههههههههههههههههههه الله الله انتظري الرد
ــــــــــــــــــــــــــــــــــــــــــــــــــ ــــــــــــــــــــــــــــــــــــ اقول يالهجس لو تمرح احسن لك=مالك ومال الشعر ياشين |
اقتباس:
|
تسلم يابو عبيد الله يرفع قدرك
وعليكم السلام الناقد ، ابو بندر صح لسانك ابو عبيد وصح لسانك شاعرتنا نجد |
| الساعة الآن 03:00 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir