|
اقتباس:
|
اقتباس:
يامرحبا وهلا وغلا يانجد منورة غاليتي وعودآ حميدآ وصح لسانك العذب ولاعدمنا تواجدك الجميل يا شاعره كم بالضماير يجوشي و قريحتي ماعاد معها عفاريت اللي قبل لا ضاق صدري تهوشي و اليا رضيت و صدري ارتاح غنيت على الجزيل و كل شرّد تحوشي و لابد ما ترجع على ما تهقويت و الوجد ينهش في نهش الوحوشي اللي لها في عالي الضلع تصويت انا رياضيه ما جيت الجموشي و عفيف فيها ما سكنت و تربيت لكن غلاها فالضمير مخشوشي عشان ابوي و لاجل جداني الميت وجدي على هاك الدير و النقوشي اللي على الضلعان و السوق و البيت العاصمه لو كان برجر و سوشي ما غير زادت فالضلوع التناهيت |
السلام عليكم يا احبه .. شلونكم جعلكم في افضل حاله
وكل عام وانتم بخير في هذه الايام الفضيله واسأل الله ان يبلغنا يوم عرفه ونسأل الله القبول فيه ،، |
اقتباس:
صح لسانك يانجد وصح لسانك يالهاجس كفيت ووفيت ونجد تستاهل نسوي لها أمسيات ومعلقات بعد |
اقتباس:
ورى فالسجن ما تاخذ شوي ترويحه و بشور لك بالشور من خاطرٍ مرتاح بلاش السجن بدلك لديره مريحه ترا سويسرا هي غاية النفس و الافراح لقيت الطبيعه تاخذ الهم و تزيحه مع اني قضيت الوقت في وحشة الارواح و لا ارتحت لين ابوي شاهدت تلويحه لكن ديرةٍ زينه و تعنا لها السياح و من مرها في خاطره سر بيبيحه وسلامتكم |
اهلا يالمهره وتسلمين على التفاعل مع الطرح ولاهنتي على الايراد الجميل
اهلا يا نور الا قولي صح لسان لاني الناقل لما ورد هههههههههههههههه و............بلاش ارحبي ياريم ولاهنتي ودمتي وسلمت والله يخلي لك الوالد ويعافيه ويحفظ الجميع وصح لسانك ع الثنتين ولي عوده على سويسرا هههههههههههههه ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ |
تحيتي للجميع ولاهنتوا! شاعرتنا ريم طلة بعد غياب هلابك وصح لسانك على القصيدة الفاخرة ! انا رياضيه ما جيت الجموشي و عفيف فيها ما سكنت و تربيت لكن غلاها فالضمير مخشوشي عشان ابوي و لاجل جداني الميت جعل عفيف للسيل إي والله! عاد الجمش ماظنيت يعرفونه بعض القراء مجموعة مراكز يطلق عليها الجمش أو الجموش تابعة لمحافظة الدوادمي! قبل فترة مريتهم من كثر حبهم للديرة كاتبين عبارة(جمشنا أغلا من رمشنا)هههه ولاهنتي شاعرتنا وصح لسانك،،، |
حياك شاعرنا الهواوي والبقاء بك
وامين يارب وصح بدنك حياك يالناقد وصح بدنك صحيح وشكرآ لك على التوضيح فعﻵ الكثير ممكن يجهل القصد من الجموش (: الا اهل الديار ذي ربي يسعدك شاعرنا ولاهنت |
اجلنا سويسرا الى بعد العيد ان شاء الله
ــــــــــــــــــــــــــــــــــــــــــــــــــ ـــــــــــــــــــــــــــ عسى الشبل من ذاك الغضنفر يجي به خير=يصير افضل من ابوه في حسن ادارتنا متى مابلغ رشده يرشح هو المدير=وحنا بلطف الله معافين ما متنا مايبقى الأمل سراب نلقى الأمل غدير=وما فيه باب لخير الا معه فتنا يبا الهجس يكفخ بالجناح ويتل السير=وانا اقول صبرك لين تكمل مهمتنا |
اقتباس:
الله يرحم ابوك اللي عقبك ,, عسااااك تصير مثله صح لسانك يالامير , وكل عام وانت بخير لاتنسى الضحايا في المزرعه هههههههه عسى فبك حيل |
اقتباس:
منورهه يالريم , كل عام وانتي بخير اميرهه |
اقتباس:
الاديتر ما يفور عندي الا اذا اقبلت ع ضريه ,,, ........ رحت للمهندس قال يباله تصصصصصصيييخ , قلت صييييييييخه , قالي المهندس , ليش مرتبك قلت له انا منحاش من السجن , ولي ثار , في ضريه , يذابح ي مذبوح قال من تبي قي ضريه قلت ابي ناصر ولد عبيد نسل عايض , ودي أضحي فيه في غيد الضحيه هههههههههههههههههههههههههههههههههه |
صح لسانك يالغالي
|
ياساعة الفرحه تشوقت للعيد****عيد العيون وعيد قلب الصبابه رد الجمال لشوفتي يا أتلع الجيد**** واسحب على حرفي لحون الربابه حرفي بصوتك يا أجمل الصوت تغريد**** يا رمز حبي هاك رمز الكتابه يا صبح عمري فيك للعمر تجديد**** وحبك يجدد كل يومٍ شبابه للعيد والقمرا وحسنك مواعيد**** وليل الهوى شرّع للأحباب بابه يا ما زعجت الصوت باسمك تراديد**** ويا ما نسيم الوجد يمك سرابه وياما تمنيتك على باقي الغيد**** وأقول مثلك يا غلى الروح مابه يا قطرة الغيمه على يابس البيد**** رد الحياة لخافقي يا ذهابه. خالد الفيصل |
|
يالتميمي قل لعايض ليـه ضايـق ضايـق .. ليـه يزمـر راكـب الكدلـك علـى الرجليـه
قل لابن سرحي اليا سافرت خلك رايـق .. خل بالك سمح واركـب معـك هالطرقيـه لاتخـلـي بـيـن طـلابــك وبـيـنـك عـايــق .. وسـع الخاطـر وعاملهـم بحـسـن النـيـه ان زعلـت وصـرت مـن لجاتهـم متضايـق ,,كـدروا صــاف الـمـزاج وطـالـت الـورديـه أحد ٍ يطيق المطارق واحد ماهـو طايـق ,,ميـر سامـح هالصغـار وخـل بــك حنـيـه كانك اغضنت المقدم وانت جندي سايق ,,,ريــس الـمـركـز يجـيـداللهجـه الهـنـديـه والكسـول اليـا تقطـع مـاه ماهـو حايـق ..فـي منامـه ينثـبـر حـتـى تضـيـع المـيـه بالوفا والصدق انـا اعاملـك مانـي بايـق ,,انتـبـه تلـمـس غـــرا يـدعـونـه الجـنـيـه |
السلام عليكم طبتم مساءً جميعًا وعيدكم ومبارك وكل عام وأنتم بخير وصحةٍ وسلامة! وتقديري للجميع ،،،، |
السلام عليكم ورحمة الله وبركاته
كل عام وانتم بخير ومن عواده ان شاء الله وحجا مبرور وسعيا مشكور لـ حجاج بيت الله الحرام تقبل الله منا ومنهم صالح الاعمال وعودا حميدا منتدانا,’’ |
ماعليش مديرنا الفاضل... قرأت عبارة اغلاق المنتدى بساعتها وحقدت عليك وكتبت هـ الابيات مع اني ماتوقعت انك بترجعه واني بـ اكتبها عـ الصفحه لكن عشان تسامحني نزلتها:smile: حسبي عليه محمد الغنامي سكّر مساحة سلوتي والهامي صرح الرواسي كيف غيّب شمسه كذا بدون اسباب حامي حامي كان الامل لامن رجعت الديره أنطر بدايه مع بداية عامي وانطر جديد الشعر من شعاره واستلهم اشعاري واجيب اقلامي لـ المنتدى في ذمتي مشتاقه لعذب القصايد جوف صدري ظامي |
وانت جندي سايق
الله يرحم الصريح العتيبي رحمة واسعه وجميع المسلمين عودا حميدا عودة الجميع لمنتداهم وعودة منتداهم لهم وجزيل الشكر لمديرنا الحلو ههههههههه وكل عام والجميع بخير وصحه وسلامه للعيد سبعة عشر يومٍ مضت واليوم ذا عيد=لقيا الاحبه هنا في يوم عودة منتدانا يحق للهجس يبدع باللحون وبالاناشيد=ونطرَب ونُطرِب ونشجي هجس من يسمع غنانا هذا حقيقة شعوري ومتوقع منكم اكيد=وحنا العواصف علمنا اليوم رفرف في سمانا الناقد اوجز كلامه ما تقول الااااه ابو زيد=والريحه ولا عدمها يوم هم مروا علانا |
السلام عليكم
كل عام وانتم بخير عيدكم مبارك وعساكم من عواده ياهلا والله ومرحبا برواسينا الغالين وصح الله لسانك يابو عبيد وصح الله لسانك شاعرتنا ياهلا ناقدنا حياك الله |
صباحكم سعادة وفرح
كل عام وانتم بخير ال السجن خاصة والرواسي عامة (: |
يامرحبا يالنجلاء وعساك من عواده وروده ومقبولة العمل الصالح ان شاء الله
اهلا يارحيل وعدتي العيد والنهار السعيد ــــــــــــــــــــــــــــــــــــــــــــــــــ ــــــــــــــــــــــــــ امس ممنوعه وهالحين خوذي راحتك=ان سجعتي من طرب وان بكيتي من فراق ولا تلومين اوحد الشف لاغنا معك=تسرق عيونه رقاده ويهرب بانسراق يزعجه طيفك بذكرى نهار يودعك=وكان مناه بلقا حضرتك صحصح وراق ما درا لو ناره من المفارق جنتك=وليله اليل مالشمسه بعد غابت اشراق |
صح الله لسانك يابو عبيد ابداع غير مستغرب لاعدمناك
رحوله ياهلا والله وغلا بالطله الحلوه منوره ياقمر |
السلام عليكم ورحمة الله وبركاته
كل عام وانتم بخير وصحه وسلامه على جميع الرواسي الناقد ياهلا وكل عام وانت بخير ناصر الهواوي صح لسانك وكل عام وانت بخير النجلاء ياهلا والله يالاميره وكل عام وانتي بخير شاعرة نجد هههههههه صح لسانك وكل عام وانتي بخير رحيل ياهلا فيك وكل عام وانتي بخير |
اقتباس:
صح لسانك يالامير وعيدك مبارك |
السلام عليكم ورحمة الله وبركاته
هلا ومرحبااا وعودآ حميدآ لرواسي ولواقع الحياه وكل عام وانتم بخير وعساكم من عواده ومن ححج منكم حج مبرور وذنب مغفور وتقبل الله طاعتكم جميع سعيدة جدا بعودتكم .. اول ماشفت رواسي مقفل والعبارة المكتوبه حسيت نفس شعورك يانجد هههه شعور حزن مع تعجب وعلامات أستفهام على طول ضغط على الايميل الموجود احسبه فترة العيد يوم وصل الرد انه تم اغلأقه بشكل دائم انصدمت وجتني من كل صوب شوي شعور حزن وموال حزين وشوي اعاتب من قفله مجموعه مشاعر في لحضه المهم منورين شاعرنا الهواوي والناقد والغنامي وشاعرتنا ورحيل ونجلاء |
يا قلبي المنكسر لا تجرح الخاطر
المنتدى عندي احساس انه بيرجع اهل المقام السوي و المنهج العاطر غيبتهم اكيد توجعهم و انا بوجع ): |
ابو عبيد الناقد ابو بندر نجوله شاعرة نجد
ريومه وعليكم السلام ورحمة الله وبركاته منورين جميعاً (: وصحت السنتكم (: ليتني شاعرة اهجي ابو بندر على تقفيل المنتدى هههههههههههههههههههههههههههه |
اقتباس:
وكل عام وانتي بخير ان شاء الله |
تسليه من الخفير
يقول مطلق الثبيتي الله يرحمه نطوي مع الأيام عـام ٍ ورا عـام وتمر ساعات الفـرح فـي دقايـق أيام راحت بالعمر مثـل الأحـلام ... يوم ٍ بهـا زعـلان وأيـام رايـق درست من دنياي وأتعبت الأقـدام وبدلت عن بعض الطرايق طرايـق وكفخت بأفكاري كما الطير لاحام وماعاقني عن ماكـر العـز عايـق ياصاحبي خذني معك سيف وحزام وياك في وقت الرخـا والظوايـق أخوك بالفزعات ضـاري( وعـزام) يشوقني للطيـب والخيـر شايـق وترى البشر ياخوك منقسمه أقسام بين الردى والطيب شفت الحقايـق لقيت من صلى وزكا ومن صـام ولقيت منهو لأقرب النـاس بايـق ولقيت من قلبه حقـود ٍ ونمـام ولقيت من قلبـه يعـز الرفايـق ولقيت من يبني الأمل فوق الأوهام واللي يموت ولايعـرف العوايـق ولقيت من يملك بساتيـن وأنعـام واللي من الحاجه ينـام إمتضايـق الله خلق هالخلق سـاده وخـدام ذي دبـرة الرحمـن رب الخلايـق وآخرك يابن آدم ترى قطعة الخـام أمـر ٍ أكيـد ومايبيلـه وثايـق يالله عسى ماكون قطاع الأرحـام وعساي من عقب القبر في حدايـق جاك الكلام وخذ معه بصمة إبهـام أن العمـر كلـه مجـرد دقايـق ,, |
منتدانا عاد و العوده حميده
عقب ما قلنا هذي لحظه وداعه من ما عنده سالفه يبدع قصيده التواصل زين و الدنيا متاعه و الحديده كان طقت فالحديده ما علينا خوف كلن باستطاعه و الملفات القديمه و الجديده تشغل افكار الذكي في كل ساعه مشغلٍ قلبي من اعوام عديده هم ما غايب و انا ازريت انتزاعه يا هوا بالي ترا الخطوه بعيده و القضيه بنت تملاها الشجاعه النصيب يصيب و ايامي سعيده كان ما صابك من الدنيا شناعه اعتبرني معك و الماضي جحيده ما يفيد اهل الهوا و اهل الولاعه كل ما طالعت صوره فالجريده كني اشوفك على اوراق الطباعه و السلوم مثبته ما هي وليده ما تغيرنا على نهج الجماعه من يدور زلتي ماني بصيده بنت قوم كلهم عز و براعه اعتزي في لابةٍ صيت و عقيده يزرعون الطيب فالعالم زراعه انت شاعر كان يجذبني نشيده و انجذبت لشخصه بكل القناعه |
اهلا خيال مطير كل علم وانت بخير
ريم الفلا كل عام وانتي بخير وياهلا شاعرتنا منوره رحيل ههههههههه الحمد لله ما انتي شاعره اجل مرحبا فيك وكل عام وانتي بخير |
اقتباس:
الله الله صح لسانك ياريم الفلا ابداع غير مستغرب |
يسعد صباحكم جميعا ولاهنتوا على التفاعل العذب وصحت ألسنتكم! أبو عبيد اختصرت لأني دخلت على عجل هلا يابو بندر منور أبو فيصل لاتبطي علينا ونزل لنا قصيدتك ! النجلاء الهلا فيك يارائعة وتسلمين! |
اقتباس:
هلا بشاعرتنا لاجديد سوى الإبداع يالقرمة صح لسانك على هالعذبة ولاهنتي |
وانت بخير يابو بندر وصحه وسلامه
|
الله الله يالريم
صح لسانك يالاميرهه ولاهنتِ شاعرتنا |
ابو بندر المرحب باقي ههههههههههههههه وانت بخير
ريم صح لسانك شاعرتنا مبدعه لله درك الناقد منور |
يارع العيون النجل انا طالبك بشويش
قـلوب العــرب ماهـيــب لـعبـه تبــلاهـا اليا اغضيت كنك غازيٍ لك بقوة جيش وسلهامتك ماينحصى ويـش قـتـلاهـا منول نقول ان الشقا في دورت العيش قبل لاتشوف العين من حبه اشـقــاها |
| الساعة الآن 06:56 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir