الله يمسيك بالخير والعافيه ويسعدك بالدنيا والاخره

الجوهره والخيال اختفوا رغم ان الاجواء شاعريه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
ياحلو الجريد اللي غسله المطر بالليل
مع الشمس يازين سعفه تقل حميضه

عليه الحمام بسجعه يونس العليل
يشجي ملهمه ويجيب له فيض من غيضه

تجيه القوافي من طرب هيلٍ بلا كيل
يستدرج مشاهد من خياله بتغميضه

سرى الفكر بالذكرى وله قال اسر ياليل
ولليل الشتاء من طاوله يتعبه ريضه
ــــــــــــــــــــــــــــــــــــــــ
وبس

لك ءنصيح يالخيال لكن ما رديت
وللجوهره صحنا ولكن ما ردت

نبي ندري انك حي موجود والا ميت
ناسٍ لــ التفتنا رغبةٍ يمها صدت

لك ءنصيح يالخيال لكن ما رديت
وللجوهره صحنا ولكن ما ردت

نبي ندري انك حي موجود والا ميت
ناسٍ لــ التفتنا رغبةٍ يمها صدت

طربت وجيت يسعد لي قبالك هـ المساء بالخير
ودخلت المنتدى معروف قصدي يالله الخيره

على الشاشه هنا سجن القوافي بس انا لا غير
ونفس الاسم في ناج القصيد ولا ظهر غيره

انا اطربني هديل الورق في خضر الجريد عصير
تجاوبهن ليا غنن على السدره عصيفيره

شجن الهجس وارسل ما تيسر له بلا تاخير
وقلت ارجوك يكفي ما اتحمل فضها سيره

ما ابيك تردني للي مضى وتشب نار الكير
بصدرٍ مثل ما قد قيل تشعم به فنانيره

وبسسسسسسسسسسسسسسسس

يازين ابياتك ياناصر ما شاء الله

سافر اذن خاطرك يبرا

تمر الضروف العسره بطيب ما مال
فلا ميلةٍ ترخي عزومه وتقتلها

يمره كسور في حياته وقلت مال
وقوي العزوم ليا تصاغت يعدلها

صبورٍ على الحاجه وهمه مع الغربال
وتمر الحمول المنهكه ما تثاقلها

وسلامتكم