|
مساء الخير وتغريد الطير
كيفكم جميعا رواسينا وراسياتنا واسعد الله اوقاتكم وصحت ذوائقكم ودام تواجدكم وصح لسانك شاعرنا الهواوي ولاهنت على هـ العزف العذب والممتع والابدااع الفاخر وسلمتم ودمتم,’’ |
كل ماغنّى الحمام وجر صوته جاوبه حسي ولو من غير صوتي يستغل الوقت عصره لايفوته يسجع امسيان وامسيان موتي حزةٍ طوّل بها الناطر سكوته واكتفَى في صوغ عذبات البيوتي عـ البحر ويروح مع موجه وحوته مع رياح الذكريات وفي ثبوتي كل ماقامت هواجيسه تشوته رااح مـ استراح وابطى في سكوتي عااف من كثر الصبر شربه وقوته واحترق كرت الغلا واحرق كْروتي.! |
هلا بكم
شآعرنا الهوآوي شآعرتنا المبدعه وصحت الالسن ودآم الابدآع |
يالله بصبح ٍ جتنــا فيه التباشير
بشـــارة ٍ تلفـــي وراهـــا بشارة والله يصبح كل الأجــواد بالخير نهدي صباح الخير بأجمل عبارة معها البشاير والفرح غرد الطير وأحلى عبــير الـــورد بأول نهاره صبآح الخير |
صباح الخيرات والمسرات ع الجميع
ارحبي شاعرة نجد(شاعرتنا)المبدعه وصح الله لسانتس وسلم بنانك واعتلا شانك هلابتس يالجوهره وصح بدنتس وذوقتس ولاهنتي ودمتي وسلمتي الاقشر ليته ما تسرع وقنص يوم طروا سهيل وطلوعه ما سمعنا له حس ولا رِس ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ يالنسيم اللي علينا هب غدوه بارد بالمشاعر يا هبوب الشرق زود بروده الفكر مزحوم حيل وكل شيٍ وارد ما آمنه لا ينفجر لو ما تنسنس نوده الهجس ملقوف شيطانه قوي ومارد والصبر في مخزنه كميته محدوده والزمن شكله على الاقشر لسيفه جارد وما جرى له سببته حظوظه المقروده كان قبل العام له فيلا على عطارد وهــ السنه خيمه بصمد اقمح لنا مفروده |
يالجوهره مساك اسعد والشر عنك ابعد
اعتقد ان (فيه) قبل (التباشير) تصير (يالله بصبحٍ فيه حتنا التباشير) راي فقط ههههه فاضي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ لو ما ماطرا هين فواد الشقا ما فز ولا هز وجدان المشاعر ولا فزت يعرض الخيال لــ مشهدٍ للضلوع يحز يذكِّر بفارس فيلم الاحداث والحزه على البال وابعد موقعه من ولاية ويلز لكن جابه التفكير عندي ولي دزه على استاوتٍ ماعاد توجد وكنه بنز اعز المكان وموتر العز واعزه ايام الموده عن عيون الحسد في حرز بثلاث الركايز بس كانت لها مزه |
ياشقا، قلبٍ تحيّر* في هوى غروٍ يتله
راعي العين الحنونه * اللي أشغلني بغرامه قسمتي والحظ الأ قشر * ساقت الرجل لمحله من بعد، لدّة عيونه * وين قلبي والسلامة بالمشي لا من تهصّر * رأس، ردفه ما يقله مشغل الناس بفنونه * مشيته صارت علامة والمبيسم موتٍ أحمر* يشفي العطشان غله ونظمة اللولو سنونه * لاغنج لي بأبتسامة ومن نظر للصدركبّر* روض للوسمي يعله مثل طلع التين لونه *والحجم بيضة حمامة مطلقٍ مجدولٍ أشقر * من على متنه، يفله وغرةٍ حفة،، جفونه * تنتثر، لا أرخى، لثامه نور عيني لو تغيرّ * وسط قلبي مرتعٍ له بالحشا أرسى ركونه * وبالصدرعالي مقامه الغلا بالجوف يصهّر* قرص كبدي مستحله ساطياتٍ بي طعونه * بالحشاء راكزسهامه من عناه العين تسهر* دمعها، دايم، تهله مثل وبلٍ في مزونه * لا تحدر من غمامة عقب ما وصله تعثر* صارت أعذاره ممله جدد بقلبي، حزونه * بالتشرّه، والملامة كيف عقب الود قرّر* للهجر من غير زله عاذلٍ قد حال دونه * ليتني أعرف مرامه لوشكيت الحال يظهر* ماخفاء للناس كله وكل علمٍ يجهلونه * صار سلعة للنمامة الهوى راعيه يخسر* لا تفارق هو، وخله مكسبه ذل ومهونة * وآخرالعشرة، ندامه |
اقتباس:
هلا بك شاعرنااا ممكن انت ابخص هههههه وصح لسانك ودام ابداعك |
| الساعة الآن 07:13 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir