|
صح بدنك ياحمد
والعود صابه السكر يشيل به ويحطه ههههههههههههههههههه الفراج الدنيش سلطان حمد الغنامي الناقد خيال متميزين ومبدعين والمهره يالقشراء وين الكبسات والمطازيز والمرقوق اقول تراني ابا اعلم البلدوزر حمد رريم الفلا والشاعره والملكه والجوهره ونور مبدعين الي بالشعر والي بالنقل رحيل انتي لحالك تغدين العالم وقرناس ماتغدينه الله يعين عليكم ومبروك الاشراف تستاهلين بقي احد لا تواخذوني بس الحق يقال مامثل طبخ مهرة يام مبدعه تحياتي لكم جميعا اخوان واخوات |
احلى غداء للزعيم العاصفي ابو عبيد حياك يازعيمنا للقهوه والغداء ههههه واعزم قرناس للغداء معك ياابوعبيد ماغير يشره علي الدوب هههه
https://encrypted-tbn0.gstatic.com/i...P8-aB98rE4raxA https://i.ytimg.com/vi/tFW1JlOWKv4/hqdefault.jpg https://i.ytimg.com/vi/OOIF7ZM21jE/maxresdefault.jpghttps://d3dygw8n5l4bbu.cloudfront.ne.../MAIN1.jpg?v=5http://www.vb.eqla3.com/attachment.p...8&d=1423468373http://www.majalisna.com/gallery/334...1238528460.jpghttps://waffarha.com/images/sett-5.jpg |
هلابك شاعرنا الحربي منور السجن
هلا قرناس يالاقشر منور السجن خلهم يسجنونك وابشر بالاكل كل يوم بس تعال السجن ههههه |
اسعد الله ظهيرتكم
وصحت السنتكم (: قرناس انا فرحت يوم قريت انتي لحاك على بالي تبا تمدحني ههههههههههههههههههههههههههههههه ادخل السجن مره ثانيه وابشر الله يبارك فيك...تستاهل الطيب طال عمرك. انا مشرفة من زمان بس تغير المتسان (: ؛؛ يا طير لا تكفخ وتستوجع امتانك بلاك ما تسمع المعلوق وخلاجه لو ان ربي عطاني عزم جنحانك ما ردني عن ملاقى صاحبي حاجه ؛؛ على البال حتى ولو قل السؤال مقصرين بس ترى البال وافي ما ينشغل عنك ولو كله أشغال ما تغيب عنه لو طال التجافي ؛؛ عقلي على قلبي من العشق يشره وقلبي على عقلي من الثقل موجوع (؛ سبحان الله ما اعرف اختار في شعر الحب ههههههههههههههههه عادي لو اختار مدح وتسذا (: |
تسلم يدك مهوره
كرم غير مستغرب ويستاهل زعيمكم (: |
إسمه مابين الزهر والخوخ والراك
متميز بالوصف باسمه تدله م ن |
الله عليكم يالعاصفه ورحيل معكم
بس تدرون ماودي اخرب فرحتكم افرحوا جعل مايفرح غيركم وصح السنتكم وأبداعكم انا حاليآ وضعية الريلاكس & |
اقتباس:
_________________________________ صح بدنك ياريم ولاهنتي _________________________________ حمد صح بدنك ولاهنت ________________________________ قرناس صح بدنك وأنت تغرد خارج السرب لكن تعال في حزب الرعد حياك مولاك! |
اقتباس:
|
من الآخر افا يالناقد تشه وشنهي؟؟؟؟ ههههههههههههههههه
قراناس الاسم( روز)؟؟ وحياك اهلا ياحمد ولاتهون يالذيب ريم انا ما اعرف ريلاكس ولاغيره اللي اعرفه انا حاشرينكم تسليمين يالياميه العاصفيه وانعم الله عليك وقرناس ينطبق عليه بيت ابو هذال ان ذبحنا جمل والا ذبحنا تيس=== ما انت راضي وفيك الحقد يزدادي/محاور مع المعنى البقمي اهلا يارحيل انتي ممدوحه بدون مدحه لحضورك الملكي ومشاركاتك الرائعه |
شنشنة مرهق فكر فقط
افهم ولكن ما اعرف كيف اسوي=ودريت لكن مبتلش كيف ابا احتال ونوك عرفت انه موافق لنوي=نفس الشعور انتاب قلبي ولا زال غبَر بجو الفكر مع صفي جوي=واظنها تبطي على مثل هالحال الا ان عذبات الليالي اتدوي=بصدفه/ويلقى باعث الخط مرسال |
وانا طالعه مع والدي قال له بيت حلو وعاد بصوته طالع احلا
صار عندي فضول لمين هذا البيت لك ولا لمن وكمل بعد قال راح مع جدي وش تبين فيه هاتي الجديد وخلي القديم وللحين صايبني فضول ههههه احب المردمه واحب الينوفي واحبها من حب حي وراها احد مر عليه البيت ؟ |
مادام حزب الرعد عود على التشه=رحول تكفين نادي لي سليطيني كرتٍ لهم في يدي واظني اطشه=هالمستوى ماهقيت انه يسلني الا ان ريمه تشوش وتنفض الكشه==تسوي بهم مثل ماسوى موسليني عزومهم واهيه والقاعده هشه=ما اقصد جواهر وريمه/بس الاثنيني ابا اكتفي عن شموخ القصر بالعشه=عل المدمر لو يحوبي يماشيني |
وش فيهم حزب الرعد علينا هههه
كل هذا غيره من العاصفه هههه العاصفه راح تقضي عليكم بقياده الزعيم ههه صح لسانك ياابوعبيد جزل وعليك فيهم هههه |
اقتباس:
طيب يالهواوي صح لسانكـ لين ترضى ههههه ريم الفلاء البيت اول مره اسمعه يمكن للوالد الله يخليه لكـ ويطول عمره صحت السنتكم جميع ودام حضوركم |
اقتباس:
هههههه صح لسانك وبنانك التشه يابو عبيد هذا غاز نووي أصلي يستخدم عند الضرورة تبا تعرفونه إن شاء الله ههههه |
وش حكاية الرعد واهل العواصف
احس السجن ماعاد فيه عواطف السجين يتسلى بهروج وسوالف واحنا ننحر حلوقنا ونكتب طرايف |
اقتباس:
أهلا ياريم! قلبي يحب المردمه والينوفي=أحبها من حب حيٍّ وراها هذا البيت أسولف أنا والوالد عنه ،قال هذا جاء فيه نزاع البعض يقولون لسهل القوس والبعض يقولون لمقاطي والذي عليه الأغلبية أن البيت لبخيت بن ماعز العطاوي! أخو شليويح العطاوي المهيدلي! وأكثر القائلين أن البيت لبخيت بن ماعز ينقلون المعلومة عن خالد بن شليويح راعي عبلة والله وحدة أعلم |
اهلا بالجميع واسعد الله جميع اقاتكم
ــــــــــــــــــــــــــــــــــــــــــــــــــ ــــــــــــ الله الله سجن الرواسي خفيرك وينه الليله=لانور عندي ولا شاشه ولا رادي سمعت باسوة خبر واريد تحليله=مادري فهمته خطا والا على قادي مايفجر البندق الا زودة الكيله=ماهوب دايم اتحمرني على الهادي لا يابعد من على البدر اسدلت شيله=تراك فيما نويت اتعممه غادي ابخط سيرك تجاهي صايرٍ ميله=وسماحتك عودت تهديد وعنادي |
السلآم عليكم
ومساكم آلله بالخير وصحت الالسن والذائقات الناقد مالي بالاحزاب الله يسلمك ومشكور على الدعوه إن ضاقت الأرض نكفخ بالجناحيني وتحياتي للجميع |
|
بصراحه خطيرين ولا يستهان بكم يمكن متحالفين مع بونق يانق ومعطيكم قنيبله نوويه الله يكفينا الشر والعيش المر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ ياهاجس الشعر لاتبخل عليِّ= عطني قبل هالبشر يفنوننا الشر بعلومهم واضح جلي=وجنونهم ما تطيق جنوننا الله ولي مالنا غيره ولي=كبار ياصغرهم بعيوننا بالسيف نفلي مفارقهم فلي=سيف الشعر من عجيب فنوننا غدتني المهره اليومه طلي=واللي عليه اقلطو يشنوننا |
|
مساء الورد
يالب حزبنااااااا هههههه لا هنتم جميع |
صب لي فنجال بالله صبلي=طعمها من يدك يالمجمول غير انت قدرك يالغلا عندي علي=وانت الاول وانت مازلت الاخير انت بس اللي ملى عيني ملي=قلت ابا ادله قال قلبي مايصير كنت لك واظنك انك كنت لي=وبالنهايه ماحدث امرٍ خطير وتصبحون على خير |
تسـليه غنى الهواوي (يُم) تهيض وغنيت=يحق له مسجون,ضايق وغنَّى والا انا مانيب فـ .السجن,فـ .البيت=وهيض هجوسي للقصيد,المعنَّى وغنيت لي من صادق الروح كم بيت=شيٍ حفظت وشي جبته هْنيا ياطير كم مره ومره تمنيت=لو كنت مثلك طير والحظ عيَّى حظك ليا منّك تهيضت عديت= في عالي المرقاب منا ومنا وحظك الى حلقت فووق وتساويت=وفردت جنحانك على ماتمنى وسعّت صدرك في فضاك وتسليت=لاواهنيك يا كثر ماتهنّى |
اقتباس:
ههههههههههههههههههههههه صح لسانك ابو عبيد |
اقتباس:
لاني بحثت عنه ماطلع لي شي عنه لاهنت شاعرنا الله يعطيك العافيه ،، اقتباس:
حياك ياسيد زيني اول مره اشوفك في ذا ههه. وصح لسانك اقتباس:
آمين وشكرا على الدعوه ويخليلك غاليك يارب لاهنت ،، |
مساء وصباح الورد
صحت الالسن والاذوآق ويعطيكم العآفيه جميعا ودام حضوركم وابدآعكم وهلا بك السيد زيني منور بعد الغيبه الطويله وعودا حميدا واخر الغيبات ان شاء الله قرناس الحرار اختيار رائع للشيلات يسلم ذوقك بس ليه ما نزلتها بالصوتيات العآصفيون وش فيكم علينا مره حسودين مره غيورين ههههههههههههههههههه هذ ا دليل انا رافعين ضغطكم حتى لو كنا ع الصآمت ههههههه شغلو سورة البقره بالسجن تروح الشياطين والحسد ههههههههههههههه |
الهواوي وشاعرة
يامال العافيه صح السنتكم لين ترضون كل واحد بعطيه نجمه صفراء ههه القرناس لاهنت على الذائقه ملوكه منورة غلاتي رحيل لاتدققين في ابيات االهواوي قصف واحد فيه نوم هههه |
تسليه للسجين والجميع
والعاصفيون خآآآصه أبيات اعجبتني وشفتها مناسبه لطشتها لكم قل للسوآفي لو تهب العوآصيف عنها رقينا عاليات النوآيف تسفى وحنا فوق روس المشآريف في رآس نآيف والخلايف خلايف لو شحت يدين الزمان المناكيف نبقى على عهد الوفا ما نزايف وان طآل بآل الليل قل للسوآليف بوح السهر من ضيقة الصدر عآيف صح لسآن شآعرها عآدل الذيآبي |
تسالي آخر الليل
خلك كبير وخل عنك الملامات .. لاتشغلك ناس تعيش .. بجهلها .. ..عين الصغير تشيل هم الصغيرات .. وعين الكبير تشيل دنيا .. بأهلها . ـــــــــــــــــــــــــــــــــــــــــــ فيك الرجاوي يا إلهي ما تخيب أنت الستر يا خالقي وانت الذرا اغفر ذنوبي كلها عن ظهر غيب أنا ، وامي وابوي وكل من هو قرا ـــــــــــــــــــــــــــــــ عيش العمر يَا خوك و آنسى بلاويه ــــــــــــــو آن ضقت خل البيت هذا / علاجك صل وتبسّم سو . . ما خاطـرك فيه مدامهـا دنيـاك ( عشها ) بَمزاجك على درب الامل تمشى خطاوينا يالله عسى خيره الايام تسعدنا |
ويسعد صباحكم
لـولا الليالي تستر الجرح الدفين ماكان به شي" عن عيوني خفى ارووٌ ضمى عينن تـولاّها الحنين ياغايبين الوصل اخير ٰمْنّ الجفى |
سلمتي ع هالنقل ي الجوهرهه
|
يسعد أيآمك خآلد
ومنور السجن وصح لسآنك ويسلمك ربي وكلك ذوق |
السلام عليكم جميعا ورحمة الله وبركاته خيال مطير تواجدك ملح وسكر ولا يزين الأكل والشرب إلا بهما وكليهما أبيض بيض الله وجهك .. و ( لا ما نع من زرقة المذكور ) كما شرحها رئيس الموظف اللي كتب في طلبه أرغب في زرقة يومين إجازة .. فشرح على طلبه لا مانع من زرقة المذكور .. ولا مانع لدينا من زرقتك إلى المنتدى من حين لآخر .. بارك الله في زرقاتك ههههه & أبو محمد أسعد الله أوقاتك وصح لسانك على القصيدة التي لم يعجبني محتواها لكن أعجبني وأطربني مبناها ومعناها والقذائف الفنية لا تستغرب منك .. ولكن الهواوي كان لك بالمرصاد .. صحت السنتكم جميع ،، أشكرك على تلمس العذر لي ويبدو أن ظرفي لا تبتعد عن ظروفك والله المستعان .. ويا حبذا إذا تسنت وزرقنا إلى هنا ... ههههههه الجميع من دون تحديد لكم كل الشكر والتقدير والإعجاب وصحت السنتكم وأبدانكم ودامت أفراحكم ،، |
أبشر يالزعيم والعذر في التاخير
من يوم كلمتني .. زرقت كم يوم لمشوار وللحديث بقية ... ^^
يا حيّ لي شيخ هذا الحزب يا حيّ لي = البيت والمزرعة والسجن والحيّ له ^^قيدوم حزبٍ يقل للعاصفة ميّلي = ويجيه نود العواصف والجبل سيّله ويقول يالريم هذا حزبنا خيّلي = من غبة القاف نغرف صاع ونكيّله ويا شمس حزب الرعد في القايلة قيّلي = متنك تعب من ثقال القاف والشيّله ويا مهرة اليام للبُن هيّلي هيّلي = حنا هل السيف والقرطاس والخيّله ويا شاعرة نجد سَرّي الهيض وأتخيّلي = الرعد طفّت بروقه والسما مْنيّله ويا هجوسي لحرب القاف له فيّلي = ذاك الهواوي زعيم الجال والصيّله دامت صولاتك وجولاتك ... ودمتم سالمي |
نبدا من حيث انتهت الاوراق
ابو عامر صح الله لسانك هالقافيه المشدده صعبه ورايعه صح لسانك مدد بلاعدد الجوهره انتي حكيمه وهلابك ودمتي لكن نغار منكم على ويش ههههههههههههه خالد بن ناصر نورت السجن بتواجدك يالمبدع لاهنت وبيض الله وجهك السيد زيني بكينا عليك حتى تجرحت الاماقي لكن ردك الله لنا هلابك رحيل ما قدرت اقرا من الضحك امزح مافيه عشه ولاقصر ههههههههههههههههلابك شاعرة نجد الله يرحم من عقبوك مبدعه ماتكفي اهلا بالملكه ريم اي والله اللي ينعس يهرف بمالا يعرف هلابك وش رايك اسجن حدا الضيوف او واحد من كباركم؟؟ نجمه صفراء/ذهبيه حلوه مشكوره على اي حال |
حياك الله يالقرناس ومشكور على الزيارت والتسالي الحلوه
تاكي على كوعي وقمت وتساويت=طرب ولي بدع القوافي تسنا وشربت من كيف البديع وترويت=وجت لي على ماهو تمنى مهنا راح الضرم واقفى العماس وتقهويت=اذلق بفنجال الطرب دون منا ما ادري!!لكن لي عنّْ طيفه وسجيت=وانصت فوادي للمشاعر وحنا قد لامج صنوف الشقى كيت من كيت=ومشط من مشاط الفراق وتحنا خفيرنا خيالنا وين طسيت=حرك وهات الناقد ولا تونا خله يقاسي مثل ماكنت قاسيت=نفسه على نفسه تعيل وتجنا الباب صكه والدرف وافصل الليت=واقطع مددهم عنه منا ومنا بس انت ياخيالهم منهدم بيت=حصان الربع دايم عرو ما اتعنا جعلت الالف ممدوده على طول متعمد |
صح لسانكـ يابو عبيد
كنت مسوي لكـ كفاله ههههه وسبقتني |
| الساعة الآن 03:26 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir