|
صحت ابدانكم جميعاً ~
ودي وتقديري للجميع ~ |
تسليه للسجين والزوار مع باقة ورد وتشيز كيك ~ ليه الغيآب اللي يكسف صفحة الشمس ~ ويظلم بعادك على صبحي ونهاري .. خلي حضورك يالغلا لوتهمس بهمس ~ شوفك يضوي ليلي ويصبح سهاري .. ~ بقلمي ~ غزلان ~ |
تسليه للجميع مع كوب حليب بالزنجبيل مع هالبرد هههههه~ دلّني على وصلك ودرب لقيآك~ ساكنه بعينك وقلبي دليلي .. حطني بدآخل ضلوعك وبحنايآك ~ يا مراسيل غرامه إرسلي لي .. بقلمي ~ غزلان ~ |
ارحب يابو بندر
اهلا بالمهره حياك ياغزلان وصح الله لسانك ماعاد فيه هياط من دخلت شباط=كلٍ جحر من يوم جاله قريطه وحصيل من بالسجن جمدات ورباط=مسكين ماسوى لدربه خريطه فكره قبل من هم من فارقه شاط=يجمع صبر والشوق قدمه يميطه لوهو درى في قصدهم كان يحتاط=معسول هرجه زحلقه في وريطه الشوق حلق به ولاشاف مهباط=في جاذبيتهم يحوم ابمحيطه بضباب ذكراه القديم النظر خاط=بس الفكر دلى يراجع شريطه |
وين التعاليل ياقرناس= الصدر في سجنكم ضايق اشوف الاسما ولامن ناس=صار الشتا دونهم عايق تقول ماعاد فيه احساس=ماذا بكم يالربع لايق لاباس يامسندي لاباس=مادام مستانس ورايق وانا ليا ذعذع النساس=قمت ارجف الباب وواوايق في هبة النود انا حساس=لرياه لاجابته فايق |
ياهلا يابو عبيد وصح الله لسانك
وصح الله لسانك غزوله |
صح بدنك يالنجلاء
|
ابو عبيد
صح لسانك مليون ولا يسدون واعتذر عن عدم المشاركه لاني مسافر الليله وكنت مشغول بالمره |
صح لسانك يالهواوي
يعطيك العافيه على الحضور المميز صح لسانك ياغزلان تحياتي لكم |
حياك يابو عبيد ع العشاء مسوين لك الليله مجبوس فقع ان شاء الله يعجبك http://www.s-maj.net/vb/imgcache/213934.imgcache.jpg http://www.howwarah.net/up/uploads/ffe8b78e2d.jpg http://www.m5zn.com/uploads/2010/2/2...40sfsvmk60.jpg |
الله الله صحت السنتكم جميعاً ~
ابداع ابداع ~ ويستاهل الهواوي أطيب عشا ~ ودي وتقديري للحضور والجميع ~ تسليه مسائية للهواوي مع كوب حليب بالزنجبيل مع هالبرد ~ مساك ورد وكادي ياناصرالهواوي ~ أجمل مساءات الونس طلة محيآك .. تحلا ابياتك معنا والشعروالغنآوي ~ وَيَا القصيداللي يخطه يمنآك .. وسلامتك وسلامة الجميع ~ مع كل الود والتقدير لك ~ |
يستاهل ابو عبيد العشاء
يعطيك العافيه يانجوله صح لسانك ياغزلان تحياتي لكم |
تسليه لابو عبيده مع صحن كنافه وقهوه ههههه بين استثارة جرح ومعاند نفوس وبين الحسافه يوم صدات الاقراب وبين العذاب وبين دمعات محبوس زنزانة الدنيا تحبسه ولا تاب آخذ بعقلي بين الارجاء وآحوس واقلب اوراق الخفا وافتح ابواب امشي على خطه وتكتيك مدروس ولاهو بهمي اكسب اصوات واعجاب |
تسليه للسجين والزوار تعبت اوصفك واستعصى خيال الشاعر الموهوب من رماح العيون اللي بها كبر وبها هيبه احط الحرف تلو الحرف واصيغه كذا باسلوب لجل ما حد يقول اني اقلد حد باساليبه ابفتح قلب واعلن حرب واحط لخطاي دروب واصيد بطير شعرن ماحدن يشبه مخاليبه اداعب مبتدى الفكره واشبعها بطيشي كوب اغذيها من صدور الخيال ومن تراكيبه لان الوصف في بحر العيون وغاية المطلوب تزلزل له جبال الشوق وتنفذ مطاليبه |
ابو بندر صح بدنك وماتشوف شر وتروح وترجع بالسلامه
النجلاء يامال المهلا يالقرمه وكثر الله خيرك ماقصرتي غزلان صح الله لسانك ولاهان شانك وبيض الله وجهك المهره صح بدنك ولاهنتي وهالتسالي في قمة الجمال والابداع لي عوده ان شاء الله |
هذا الهجر يا اهل السجن للسجن مو معقول=هنا لذه وسلوة تواصل وحبكة بيت احد هده شباط اببراده واحد مشغول=واحد واردٍ بقعاء عقب مصدره من هيت وانا ودي بقول يونس ولا القى قول=لاني اشوف الموقع امهيتٍ تهييت الروقي اظنه صار شغله محول الشول=والثاني يذَّكر بام درمان يابلفيت والنجلاء مع المهره من المول ذا للمول=ولسان الربايع قول لامن فضينا جيت |
اقتباس:
ههههههههههههههههههههههه صح لسانك ملايين ابيات جزله ورائعه لاهنت على الحضور المميز تقديري لك |
تسليه لابوعبيد مع القهوه والحلا http://www.travelzad.com/photo/files/151365.jpg لا انثني ليل المشاعر واتعب الملتاع قافه !! فوق مرقاب الشعور اللي احاسيسي تهبه !! تنبري لي مهرة الاحساس وكفوف العسافه !! (حس شاعر ) .. تحطبه دنياه .. واللهفه تشبه القصيد احساس واللي دون ما احساس .. آفه شعر لكن لو يسمى ( شعر ) محد " يستحبه !! والحلا فالمرء ما يسمو على قمة عفافه !! و( عفة الانسان ) جذابه وهذا آهم سبه |
تسليه للسجين والزوار يا من ذبحت المحاني من غلاك الجموح مرابطك في خفوقي ليه .. خليتها !! نسيت مفلاك في ضلع الغلا والسفوح اللي على طارف اضلاعي تخطريتها فوحت دلة غلاتك .. والمشاعر تفوح وبن الهوى يحيي الاذهان ويميتها !! وصبيت لك من بهار الطيب ( فنجال روح ) ونثرت صبة يميني .. يوم مديتها !! اوجعتني وانت ما تدري .. لو انها مزوح وفهمت وش مقصدك منها .. وقاسيتها |
اليوم جايبه لكم تسليه قصه قديمه من الباديه
السلام عليكم ورحمة الله وبركاته يقال ان هناك امرأة كان لها اربعة اولاد مات ثلاثة منهم بسبب العشق ولم يتبقى لها الا واحد ويدعى راشد فما كان من المرأة الا الذهاب به بعيدا عن القبيله حتى لا يشاهد الفتيات ويتعلق بهن ويلحق إخوته فعاشت وحيدة في البادية تربي ولدها ومع قل العيش والعوز كانت صابرة من اجل الابن وبعد فترة مر بها رجل يدعى بن نقا وكان كريما وطيباً وعندما شاهد حالتها وسبب انعزالها وخوفها على ابنها تكرم وطلب منها ان تعطيه الابن يربيه حتى يكبر وسوف يجعله يعيش بعيدا عن مضارب البادية ولن يشاهد اي فتاة .. فأخذ زوجته وابتعد بحيث لا يشاهد راشد سوى الرجال وعمته زوجة ابن نقا ولا يعرف غيرهم .. وقد كان حريصا عليه وكبر وهو لم يشاهد بحياته امراءة سوى عمته العجوز .. والتي اصابها الملل لعيشتها وحيدة وابتعادها عن الاهل بسبب نخوة وشهامة زوجها .. وفي يوم من الايام شاهدت عرب راحلين وقد نزلوا لبعض ايام قربهم للراحة .. وشاهدت معهم بنات جميلات .. فخطر لها فكرة لكي تتخلص من راشد ومن عيشة الوحدة المميته .. فذهبت للبنات وسلمت عليهم وقالوا لها مالذي يجعلك تسكنين وحيدة في هذا المكان البعيد عن الناس .. قالت العجوز: لدي ولد جميل وخفت عليه من عيون الناس .. وعشنا انا وابوه لوحدنا خوفا عليه .. فصدقن البنات واشتاقن لرويته .. فقالت اذا اردتن رؤيته تعالن غدا وسوف اطلب منه الجلوس وعدم الذهاب مع والده .. وفي الليل ولكي تجعل راشد لا يذهب وبينما هو نائم من التعب ذهبت لثوبه وشقته من اسفله إلى اعلاه .. وكان لا ملك غيره وفي الصباح قال عمه: ماذا حدث لثوبك فقالت عمته: انا شاهدته وهو نايم يتحرك ويتحلم كثير .. وقالت لابن نقا .. اذهب انت وانا سوف اخيط ثوبه ويلحق بك .. واعطته بطانيه ليتغطى بها وهي جالست تخيط الثوب .. وبعد لحظات وكانت ترى البنات قادمات وهن متزينات وناشرات الشعور .. ويضحكن وهو يشاهدهن لاول مره وعيونه طايرات وفمه مفتوح من هو مايرا .. وهي ترى كل شي وساكته وكانها لا تدري عن البنات .. وقال : عمتي عمتي .. شوفي وشو هذا قالت: ااف هذا الذيب ( تريد ان ترى ماذا يقول حتى تتأكد بنجاح خطتها لانه إذا رد بشعر فهو عاشق وهاوي وبذلك ينتهي منه وترتاح) فلما سمع رد عمته وهو يعرف الذيب رد عليها وقال: الذيـب مالـه قذلـة (ن) هلهليـه وماله ثمان (ن) مرهفات (ن) ذوابيح الذيـب ياخـذ حقـتـه بعشـويـه يظهر ولو صكـن عليـه النوابيـح فتبسمت وعرفت انها نجحت .. فجلسن البنات وجلسن يسولفن معه وكان بينهن فتاة دخلت قلب العاشق الولهان وجلس يومه يتحدث لها ويستغل أي فرصه ليراها ويحادثها .. وانتبه ابن نقا لحال صاحبه وتغيره .. وحبه لصعود أي شي عالي وهذا غير متعود منه .. تتبع |
المهره ما اخلا ولا اعدم هالكرم واجمل منه هالتسالي الاكثر من رايعه واجمل من ذلك كله هالقصه التي شوقتينا لاكمالها لله درك يالمهره بذلك عوضتي غياب الجميع تسلمبن وبيض الله وجهك يالنشميه
|
المهره لاعجابي بالقصه الرائعه هذي مشاركه وجدانيه للشيخ راشد ههههههههههههههههه
من عذر راشد لو يعدي بعال الرجوم=حسبي على هالعجوز وما تسويه فيه الله يلوم اللي لراشد بخله يلوم=هو يعرف الذيب والمزيون ماهو سفيه عزي لراشد حشا ماعاد يهناه نوم=من يوم شاف الذوايب كاسيت الوجيه |
اقتباس:
صح لسانك ياجزل لاعدمنا ابداعك وتواجدك تقديري لك |
صح لسانك يالهواوي مبدع كعادتك وصح ذوقك ي مهره تسالي ولا اروع ~
تسليه للسجين والزوار مع كوره من الثلج هههههه~ مع موجة برد الشتاء وليلها القآسي ~ ودي تجي على جمر شوقي وتتبعه .. مديت حبآل الجفا وصديت يانآسي ~ وأنا أتحرى وصلك وقربك اللي تمنعه.. مافيني حيل ن للحزن ووجع رآسي ~ رد على نبض صوتي والا ابد لاتسمعه.. ~ بقلمي ~ غزلان ~ ودي وتقديري للجميع ~ |
تسليه للسجين مع كوب شاهي اخضر منعنع ودافي مع هالبرد ~ أمسي على لقيآك وأصبح على الفرقى ~ مابين لقيانا وفراقنا سآعات .. ناديتك بقافي وغنيت لك طرقى ~ صدمتني بصدك وصابني روعآت .. بقلمي ~غزلان~ مع كل الود والتقدير ~ |
صح الله لسانك يابو عبيد وبيض الله وجهك على هالتواجد الغالي علينا
والمعذره منكم على التقصير والله اني مشغوله وعندي ضروف وسامحوني المهره تسلمين ياعمري على الحضور الرائع والغير مستغرب غزوله صح الله لسانك يالغلا مبدعه ورائعه ماشاء الله عليك |
[FONT="Century Gothic"]السجين الي من السجن انتفخ
مرتكن لرز ويشرب له مرق مدهرين الربع ابك انا يومين سجين مغير الهواي يغني القيفان ويسليني فطوري شابوره وعشاي تصبيره[/FONT] |
السجين ليكون ابو عبيد لحستو مخي
ويلي ويلاه |
هلا حبيس
يالمجرم ياناكر المعروف والعصيده والمرق والعشاء الي جبته لك وين راح ههههههههههههههه |
السلام عليكم ورحمة الله وبركاته
صح الله السنتكم وابدانتكم ولا هنتوا على ذوايقكم وتفاعلكم جميع رواسينا نعتذر عن الانقطاع وشرواكم يعذر وينعذر ..ما ادري من السجين لكن هاكم تسلايه .. سلام يا اهل السجن واعضائه الزايرين سلام والعلم بين في عيون السلام عيني جزت عن لذيذ النوم يا نايمين طال السهر والسطور ازرت تظم الكلام بحر الهواجيس يبحر بي يسار ويمين في عاصفة ذكريات أمواجها فإلتطام يشعمني الشوق واترك مركب العاشقين أزبن على العاصفه وأنسى جحيم الغرام سباح لكن حيلي مات في ساعتين ساعة فراق الحبايب واجتياح الظلام مجهول واجهل مكان اقرب بلد سيف وين الد عيني على النجمه واشوف الجهام رغم اتساع البحر لا زلت وسطه سجين تياره الشوق وامواجه جروح الهيام اسج فكري وادله خاطري من سنين واقول بكره يجي كلش على ما يرام |
حبيس انا السجين بس وين التسالي
المهره غزلان نجلاء هلا بكن جميعا الخالدي من طول الغيبات جاب الغنايم صح الله لسانك ولاهنت ولي عوده ان شاء الله |
اقتباس:
الله الله ياهلا يالخالدي وصح الله لسانك ملايين |
الخالدي
صح لسانك يالجزل ابيات رائعه وجزله |
رد التحيه وجب وللي يرد السجين=على نهر والمشاعر صادراةٍ حيام وغيبتك ماهيب لاليله ولا ليلتين=لكن جبت الغنيمه ياوسيع الحزام امواج بحر الهوى يالخالدي ما تبين=الا بعاصف جفا والا هبوب انسجام والمركب اللي يجدف له ضنين وضنين=إلعاتي الموج عن صدره يصير انقسام تنجيد مراتبه صافي ووداد وحنين=وصاريه رقة وعطف يشد بارقى احترام راع الرجا ما يخيب وتالي الصبر زين=وعفه مع الصدق دايم للولايف وسام |
صح الله لسانك يابو عبيد ع المجاراه الرائعه مبدع الله لايضرك انا بسيط وقلبي كتاب مفتوح مدري علام الناس ما يفهموني ؛ مانيب حاجة بوح والسدّ مبيوح يكشف خفاي اللي يناظر عيوني |
حيّ الله محيّاك .. يا فارع الطول آمنت باللي في غرامك بلاني ؛ مهره وبنت حصان من مربط خيول قلبي لها يصهل .. صهيل الحصاني خلّي عيوني تمتلي منك وتقول كلّ الكلام اللي ما قاله لساني ؛ أضيع في نظرات عينك على طول واللي يدّورني بعينك .. لقاني ! فيك الحلا والملح ماهوب معقول كتلة من الريحان والزعفراني ؛ سبحان من جمّلك عن كل مجمول زينك وحيد .. ولا معك زين ثاني لو يطرقك صفق الهوى راح مذهول قبل يتثنّى عودك الخيزراني ؛ حبك بقلبي يقطع الشكّ ويزول شواهده بين الضلوع المحاني |
الله الله صح لسانك ي الخالدي ~ وصح لسانك ي الهواوي ~ وصح ذوقك يالنجلا رووووعه ~
مهوره حياك يالغلا وَيَا التسالي الروعه كروعه وجودك ~ ودي وتقديري للجميع ~ . تسليه مسائية مع قهوه وحلا ~ إن جيت يالغآلي هلآ بك ملآيين ~ وإن رحت يبقى لك بآب الود مفتوح .. جيتك اليوم عندي عالرأس والعين ~ إكسرحاجز البعدوابني باللقى صروح .. غرآمك ماتمحيه الليآلي والسنين ~ بآقي غلآك بخافقي وإن رحت مسموح .. ب~قلمي ~ غزلآن ~ ودي وتقديري للجميع ~ |
تكمله القصه ههههه
فجلسن البنات يسولفن معه وكان بينهن فتاة دخلت قلب العاشق الولهان وجلس يومه يتحدث لها ويستغل أي فرصه ليراها ويحادثها . وانتبه ابن نقا لحال صاحبه وتغيره . وحبه لصعود أي شي عالي وهذا غير ما تعوده منه . وفي يوم من الأيام وكان عرب حبيبته يريدون أن يرحلوا صعد في رأس جبل اسمه ( مصودعه ) وصعد عمه وراه ووجده يناظر إلى أهل حبيبته وهم يهدون بيوتهم ويحملونها فوق الرواحل . وكان يبكي وعمه خلفه يراقبه وسمعه وهو يقول قصيدته والتي بعدها سقط ومات من العشق ولحق بإخوانه . وابن نقا لا يعلم سر ما قال . فذهب لزوجته وسألها هل شاهد راشد أو تحدث مع بنات العرب الذين نزلوا قريب منا قالت : لا . فلم يصدق فسل سيفه وقال إن لم تخبريني قطعت راسك لأنه طلب مني أن اّخذ بثاره ممن رماه بالعشق فاعترفت له فقطع راسها . ويقال إن عشيقته منهن لما علمت بموته وهم راحلين رمت نفسها من فوق جملها وماتت وقصيدة راشد هي : يقول راشد من غرايب لحوني = مثايل قلبي عطاهن لساني أوجس بنوني مثل شوك الفنوني = بين المرامش نوني عيني كواني ياطي قلبي طي بالي الشنوني = بالي الشنون اللي طواها طواني ويا حن قلبي حن خلج بكوني = ويا جر قلبي جر غرب السواني على الذي في حبهم ولعوني = أبي السلامه والله اللي رماني تحيلوا بي بالهوى وطرحوني = منهم حبيب بالموده لحاني لحان وأرث في ضميري طعوني = جدد صوابي والله المستعاني من مازح الخفرات نجل العيوني = غر الوجيه مفلجات الثماني ومن ولعنه ناقضات القروني = يبيع روحه بالفنا والهواني لا مت في راس الطويل ادفنوني = حطوا براس مصودعه لي مكاني متبين لأهل النضا واذكروني = قولوا لقينا بالمصودع مباني لازم إليا جوكم هلي ينشدوني = قولوا خفا ما واجه مودماني أخاف أنا بنواحهم يزعجوني = في راس ما بان الخفى والبياني يابن نقا لا تقبل العذر دوني = حيثك وصيي ورم من هو رماني بمصقل حده يقص المتوني = شنع صوابه شذرته ما تداني وأبي احلف لك يوم حلت احتوني = غير العنا من شوفهم ما وزاني خلصت قصه وانتظروني بقصه ثانيه |
صح ذووقك يالنجلاء
على التسالي الروعه صح ذوقك ياغزلان |
بصراحه يالمهره قصه من اروع ماسمعت من القصص لاهنتي والله يعطيك العافيه
ومشكور على روايتها لنا وبيض الله وجهك تحياتي |
| الساعة الآن 02:24 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir