|
مالله خلقني له مطب اصطناعي
لاهو ولا غيره من الخلق والناس وللبيت بقيه تجيكم الفجر إن شاء اللة |
صح لسانك يابو فيصل
|
لاتقلق رفيقك ياغلاته وخلك سمح=ترا الصمت يزعج مثل ما تزعج اللجه حصيله شعير اللي من اول حصيله قمح=والاجوا بدل رش المطر صايره عجه خذ راحتك عبّْر عن مشاعرك واكتب وامح=انا اقول تراني بوجهك عن الدجه يقول المثل من قبل لا اخطا سنان الرمح=ما صابت عصاه اللي تبي وين ما وجه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ لاتقطب بالحواجب ترا الدعوى سعه=وابتسم لا عبَّس الوقت واضحك يبتسم التجارب كذبت قول من باعك بعه=واثبتت مقولة اشتر من يبيعك وسم ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ حتى لو اتقول انا ما ابغاك ما اصدق=ولو قلت انا اكرهك ما ظني اتصدقني ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ابا ازهم وانا طالبك لا تقفل الجوال=ماودك ترد /اضغط على اوكي واسمعني ترا المسأله سهله تبي منك طولة بال=حتى تفهم وتقنع او افهم وتقنعني |
صح بدنكـ يا قرناس
صح لسانكـ يابو عبيد قلبكـ خضر ههههه يا نـاصـر الـحب مـأعلنته وانا قـتـيل الـنـحر والجيد انا الـهـواوي مـاهوب انته والاانت ناصر وابوك عبيد |
أبو عامر عليكم السلام ورحمة الله وبركاته الله يعافيك يالغالي والتحية لك وصح لسانك وبنانك! ريم تساليك رائعة وأنت أصلًا رائعة في طرحك وصح لسانك يالقرمة! أبو فيصل صح لسانك يالأمير ودام هالحضور الجميل والعذب،ولاتقطعنا من تواجدك الرائع،وأنا والله إني أدخل لاشفت إبداعكم رغم والله إني على سفر في الرياض ،ولاودي أعتذر كل شوي لكن الصدق منجاة وحرصًا على التفاعل والتعقيب على مشاركات الزملاء ندخل من الجوال ! أبو عبيد أجل دابلٍ كبدك أصيبع الإعجاب هههههه صح لسانك ياشاب يايافع ،تعشيت أنا وياه الظاهر البارح كان ماني غلطان على زواج في ضرية ،قال لاعاد تقولي ياعود ،قلت له إذا أعرست ماعاد أقولها لك،قال والربع قلت أبد أنا أكفلهم ،لكن إذا أعرس أبو عبيد ممنوع أحد يقول ياعود لأني كفيل!وتراه يطري عرس هالأيام صدق ماهو مزح. قرناس والله إنك رائع ياقرناس،تواصل رائع وأنت مبدع يالقرم،تقبل تقديري الخاص! مدري من بقى لكن التحية والتقدير للجميع، |
اقتباس:
ههههه رائعة رائعة صح لسانك دوم |
هههههههه ماشاء الله تبارك الله اجل ناوي ابو عبيد المهم ان اعرس ابو عبيد تراكم ممنوعين من قول يالعود منع نهائي وابدي ولا رجعه فيه ههههههه
الجميع صحت الالسن ابداع منقطع النظير الله لايظركم اذا فقدتوني تراني قريب بغيب لي كم يوم النفسيه تعبانه شوي وتبي راحه |
تسلم يالناقد والابداع أنت منبعه ولا عليك زود
وتراني هونت عن تكملت القصيده خفت اجيب المطمه لا شاش راسي ياخفير السجن فك القيد فكه لا تحدوني على كسرة جداره الهوى ماعاد له بالقلب سكه والقوافي ليتها تلقى استداره ريح المسجون من صدقه وشكه دامه الوجعان محتل الصداره تصبحون على خير |
اقتباس:
يالله حيه منور يالامير وصح بدنكـ ههههه والرائع وجودكـ لا عدمتكـ |
السلااااام عليكم ورحمة الله وبركاته
كل عام وانتم بخير سعدت بانضمامي من جديد الى هذه الكوكبة الرائعة والشرسة في آن واحد ونتمنى ان نضيف مايرتقي لذائقتكم الراقية وان نستفيد من اطراءتكم وانتقاداتكم المهمّة بالنسبة لي وتحياتي للجميع والله يستر لا اعوّد واحصل نفسي بين اركان السجن |
عسى ماهوب زوالكم حضوركم البارح
غريب اهلا بالجميع حياك الله يالشقاوي نورت الحته القرناس اسجن مكانك احد كان هذي كفاله اهلا يالخيال الحضور خشن هههههههههههههههههههههه وين شاعراتنا ؟؟ الفراج جيته وعاينته= شايب محسحس تقول وليد لاانت بهواوي ولاكنته=لاعشق بالي ولا تليد ان طعتني عن هواك انته=لاصارت اتجيك وانت اتحيد جيبك بسفوات مرنته=اثر الشقى يلحق الحديد بفعولك الترف جننته=ماعاد يدري وش انت اتريد |
اقتباس:
|
اقتباس:
ههههه مبدع شاعرنا صح لسانك بنسوي فرز بينك وبين الفراج على المسمى (: |
الناقد الله يسعدك صح بدنك ولاهنت
سلطان حياك الله وفي انتظار مشاركتك من جديد وقديم قرناس صح لسانك ماشاء الله متفاعل في حبسك |
اقتباس:
يا حلكـ يابو عبيد صح لسانكـ انا انبسط اذا شفتكـ زعلان هههههه |
اقتباس:
منور رواسي وتراك السجين جب فراشكـ وتعال ههههه |
اقتباس:
صح بدنكـ والابداع منكـ وفيكـ وبالنسبه للفرز على الاسم اخذه اخذه الله لا يعوق بشر ههههه |
يسعد مساء الإبداع والمبدعين
|
لاحول ولاقوة الا بالله تعالي ياشاعرةنجد شوفي كيف
اقنعوه ياويلي منكم ابوعبيد استعيذ من الشيطان ولاتاخذ فوق ام عيالك ترا اسم العود حلو مافيه شي |
هلا الملكه
ومساكـ ان شاء الله نور خلي ابو عبيد يشوف شغله هههههه
يا من يوكد لي كلامٍ وصلنا=عن واحدٍ بالطيب تندى يمينه له قصةٍ مع عود موزٍ تثنا=عيت تبيدها ليالي سنينه يحب ابو قذله وكفٍ محنا=وبانيلها في وسط صدره مدينه اليا طرت له شب ناره وغنا=ولاباقي الا تنثر الدمع عينه ان اشهد انه في هواها تعنا=يسولف على نفسه وتومي يدينه والـه ثـلاث ايـام كـنه مـثـنـا=يالله على حمل المحبه تعينه اشوف وجهه شين ويصد عنا=الضاهر انه خاطب وطاردينه |
محمد يامجرم انت وخر ماهو انا
ابو عبيد ينصحونك عشان يدمرون حزبك مغيوظين منك همهم الوحيد القضاء على العاصفه من خلال سقوط زعيمها يخططون بدهاء وراح تنطرد زي مابيحكي في قصته الاخ العدو >>>تقصد محمد تسليه ياغالية في غيبتك عرفت وشيعني غياب كنت احسبه شخص ويعود لين اربكتني فجعته وعرفت كيف الخاطره احيان تغني عن كتاب وعرفت لاناح الحمام وابكى القلوب بسجعته وعرفت وشتعني غريب يشوف من حوله غراب وعرفت كم يوجد مريض الناس تجهل وجعته وعرفت كيف ان المدن بالعين تتحول خراب وتصد ماكنه غدت في يوم وجهة نجعته وعرفت كيف الذكريات اذا غشتني ك الضباب وسرتبي وطار الكرى والعين عافت هجعته وامسيت كني بالخلا خلّوه ينزف من صواب بين السباع الضاريه الله مابعد ضجعته اثر الغياب انك تشوف الكون من حولك سراب وكن الحياة بكبرها توقف تحرا رجعته |
اهلا يابو فيصل وصح لسانك
والشطر الاخير هو الوارد هههههههه ارحبي يالعاصفيه نور وتسلمين ولايهمونك انا منتبه لهم اوي اوي وصح نقلك ياشيخ وش علمك علينا تجنا=الله وبس العالم موحدينه ندزها منا وترتد منا=ونشجب لنقال العلوم وندينه واللي بفاتن سلهماته فتنا=هالحين يابن الناس ويني ووينه زلت بنا هقواتنا واخدعنا=و(سوفَ)خذتنا لين تِل بيمينه يابعد وصل مغيزل العين عنا=ابعد من الخوبه عن اطعوس لينه ولغيرها ما الد في من تحنا=مع زينها اجمل من تشوفون شينه وهذا الحكم حصري بعين المعنا=وفرق السلع كلٍ ايقيم بعينه لكن وش اللي مزعجك يامهنا=اذا عطوه او انهم طاردينه |
السلام عليكم
ومساكم الله بالخير يـ الرواسي وصحت السنتكم ولاهنتوا على هـ الابدااع الممتع وتسلم زعيمنا وماتفقد غالي داام الحضور,’’ |
اقتباس:
لاتخافين لاعدمتك ابوعبيد ماراح يتزوج ابببد شاعر غزل صح درجه اولى يمتع الآخرين وهو وفي لام عبيد وبعدين يشوف مديرنا ويحطه عبره مقدم اعتذار يقول بيغيب هـ الايام نفسيته تعبانه وتبي راحه ولاعمره قال هـ الكلام الا بعد ماتزوج يحووول.... ويعتذر وهو يالله يجيب التسالي بـ القطاره,كيف زعيمنا اللي سحابه ودان ليل نهار لا لا مستحيل مايسويها ابد ان شاء الله,تطمني نور :smile: |
سلامة نفسيتك ياابوبندر
شاعرة لاتتشمتين بالمدير هههههههههه |
تسليه.. أعَـرْف انـي علـى بالـك مثـل مــ .انك علـى بالـي=واعَــرْف ان الـظـروف تـحـول مابيـنـي ومابـيـنـك واعَــــرْف ان الـلـيـالـي درّسـتـنــا والـثـمــن غــالــي=واعَرْف ان الدروس النافعه جتني على ايدينـك سمـاي وعـذب مــاي ومـصـدر الهـامـي ومـوالـي=سكـون الليـل يسـري بــي عـلـى سـكـة عناويـنـك عسى يوصَلْك مضمون الغلا والحس وارسالي=مـع انـي واثـقـه لــو كــان مـاجـت عيـنـي بعيـنـك أنــــــا ودي ولـــكــــن مــاحــصـــل ودي ولاجـــالــــي=علـيـك الله واكبـر يـ .الـزمـن مـ .اقــوى سلاطيـنـك |
سلامي وإحترامي وإعجابي وتقديري للجميع أسعد الله صباحاتكم ومساءآتكم بكل خير أبو عبيد إذا عزمتنا هالمرة جيناك يا بو الشباب قل تم وحقق رؤية محمد الفراج .. يمكن تفتح طرق لغيرك !! صحت الألسن وتعافت الأبدان |
نسمات فجرية .. من الأرشيف
^_^
على طاري النفل والفل والياسمين والأزهار= تنفست الصباحات الندية من بساتينك عبقت الروح بأطياب الحروف ونسمة الأشعار=وكحلت العيون بنظرةٍ شافت دواوينك هلا مليون يا فجرا تنفس نسمة الأسحار = هلا بك عد ما نسأل غيابٍ قلت له وينك ؟ حملت الشوق في عيني وطيفك في مدى الإبصار=وروحي عانقت روحك وذابت في روى لينك هويت النوم لأجل الروح تسري في مدى المشوار =لحيث الحلم همزة وصل ما بيني وما بينك معَ طيفك يطيب النوم والأحلام والمسمار = وتحلى حبكة الأشعار مع طاروق تلحينك ألا يا فجر يومٍ في حياتي شعّ بالأنوار= تسرمد في حياة اليوم ناصينك وشارينك وتكفى لا نويت أعزم ولا تتصنع الأعذار= ترى الصبح الندي ما يشرق إلا من سنا عينك ولو حامت غيوم الشك ما تدري عن الإسفار= تمسك في خيوط النور وأنسجها فساتينك وعليك الله وأمان الله ربي عالم الأسرار = تدل الحلم يا فجري ليا ضاعت عناوينك ^^^^ |
اقتباس:
|
الي يبي تقصيد والي يبي كاش
كلش موفر له ودون الكفيلي بنك يوردها واذا مخزنه طاش يرسم تفاصيل الورق محتفيلي فتفوته صباحيه ههههههههههههه #قرناس_الحرار صباحكم ورد وفل وياسمين |
السلام عليكم ورحمة الله وبركاته
البقا ياللي ترحبون جميعا وصحت السنتكم جميع وانا ارى ان ابو عبيد والفراج يجلّسون شرع ويحكم لهم في هالاسم ههههههه ثاني شيء وبعد اذنكم جميع السجين يطلع وانا كفيله الكفالة الحضورية الغرامية وهاتوا ابو عبيد قبل يتشارع هوا والفراج نبا نسجنه اربّه ايتنازل عن الاسم ويكون سجنه من صالح الفراج ههههه انا هاجسي طيرٍ عرض له صواديف=واخذ عام كنّه فوق وكره مسمّر وبعد عام نجّاه الله امن التخاليف=سلم واسلمه ربه من امرٍ مدمّر وهالحين طاب الحال والليل والكيف=ومن شان بعض الناس جايٍ امشمّر ابا اشوف كم في سجنكم من مواقيف=وابا اشفع لهم عند الامير المومّر وعوضهم عويدٍ داخلٍ فيه تخريف=عويدٍ قليبه من هوى البيض جمّر يبا يعيد سلم اهل القلوب المواليف=ويابعد بيشة عن ضلاعين شمّر ولا بدّ ابكرامة ضيف، لو ماهو ابضيف=لا يترك بلا عيشة لان انّه يخمّر وتراه امتواضع ما يحب التكاليف=يسدّه صحن فول وتميسٍ مقمّر |
اقتباس:
طرحني الكمبرسر والأيام تبي تجيبه ههههههههههههههه نعم الرجل سلطان يامنبع الطيب البيض فالك والهلا والمصاغير مير لو خليتني بالقلب حاجه باقي ماطلعت فته بالسمن البري والعسل وتصبحون على خير سبحانك اللهم وبحمدك اشهد ان لا آله إلا انت استغفرك واتوب اليك |
شاعرة نجد هلابك وصح لسانك على الدره ولاهنتي ونعم انا وفي مثل ما قلتي ههههههههههههههه
اهلا يانور ارحب يابو عامر وصح لسانك مجاراه فاخره وتكرم عينك نسقوفيما بينكم والوعد الجمعه الاابله ليلة السبت بالمزرعه وعلى طلب الفراج ستكون مختصره وهلا ومرحبا بالجميع اهلا يالشقاوي وتفضل هوانا جنوبيه تذعذع هفاهيف=وسدا بالسما متى رشوشه تهمر وانا في ذرا الله عن علوم الملاقيف=اللي كل ماهميت بامرٍ اتدمر (عود)وجيت صغرته ياسلطان تضعيف=وانا يالغبيوي مهر حربٍ مضمر لو ان الدعاوى بالمنى والسواليف=كلٍ شاد له قصرٍ منيفٍ وعمَّر سنود ادفع شعيل لمعاليه وايقيف=وليا حدَّر الودي بمشيه تنمر نور وشاعره لي يسندن وانت ياحيف=علٍي دايماً نوك خياله مسمّْر وفر مدتك ما ابا لكم فول وارغيف=بنات الحزب ياتن بهرفي محمر |
اهلا ياقرناس والله انك اسعدتنا بتواجد وسليتنا بتناتيفك الجميله
الله يحفظك وخلك حولنا لاتباعد بالحيل هلابك ونستودعك الله |
سلطان في سجن الرواسي رماني=وهذاك ما ادري من قبل وين رامين وعصاب راسي طايلات اليماني=مهره ونجد وغايبه ما اعرف وين ان قلت وين انتن يجن في ثواني=بدعمٍ لوجستي واختراق الميادين وحمد وابو عامر بليا هواني=نحتاجهم يوم اختلال الموازين وحزب الرعد لو ينفش الريش فاني=الفاطرين ازرن بتسحيب هرشين وعطن اصياح وجا سليطين عاني=وش عاد باقي تدركه يا مسيكين حزيبكم اجله من ايام داني=لاشك لو يفنى الرعد من يسلين |
يعطيكم العافية
|
الله يسعد مساكم
سلطان صح لسانكـ يالجزل على الكفاله وبيض الله وجهكـ يوم حطيت ابو عبيد في السجن هههههه الهواوي صح لسانكـ وصح بدنكـ يا الامير الدنيشي صح لسانكـ يالمبدع شاعرة نجد صح لسانكـ يالجزله قرناس الحرار صح لسانكـ يالمبدع ودام حضوركـ نور الملكه دام حضوركـم |
اقتباس:
وصبركـ علينا يالقعود ههههههههه |
حياك المولى يابو بندر ولاتبطي علينا! قرناس صح لسانك ولاهنت على الحضور الرائع والعطر! سلطان عليكم السلام ورحمة الله وبركاته وعز الله إني ناوي أكرفسك في السجن لكن سبقتني بسجنك لأبو عبيد وصح لسانك دومًا ولاتذب الخريمة كالعادة! ريم لاهنتي وأبشري ياأبله ريم! أبو عامر يسعد مساءك وصح لسانك مبدع كالعادة |
اقتباس:
يحب ابو قذله وكفٍ محنا=وبانيلها في وسط صدره مدينه مدينة ياسلام ! اشوف وجهه شين ويصد عنا=الضاهر انه خاطب وطاردينه هههه الحريم واجد يلقى غيرها إن شاء الله،وترى عونته مني عشرة آلاف! لاتملَّك يعتبرها في حسابه،يصمل بس! وصح لسانك يابو فيصل أبدعت كالعادة وفالك التوفيق يالقرم! |
| الساعة الآن 08:36 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir