|
صحت الالسن
|
انا وقلبي والغلا ساكن فيك
وانته..وقلبك..والغلا..وسـط ذاتـي غلاك مثل الحكـم عنـد المماليـك أكبر طموحي…لا…كـل أمنياتـي شف في غيابي أي حاجـه تسليـك لني بعـدك أسلـى مـع ذكرياتـي أحـاول اذكـر أي شـي” يطريـك واقول هو سـوا وانـا ذي سواتـي |
حتى ولـو طولـت مانـي مخليـك
ياللي بدونك ويـش تسـوا حياتـي تامر على حاجـه بودعـك واليـك عسى عـوض الأيـام فالمقبلاتـي حتى يـدي ماودهـا تفـارق يديـك ساكت وانا اشوف البلا في سكاتـي ماشفتني لا رحت منك التفـت فيـك |
رائع يابو عبيد رائع صح لسانك يوم قريت الأبيات كني أعاين في الربع ههه سجين حياك مولاك وصح لسانك ولاهنت العواد عودًا حميدًا وصح لسانك الأخوات الفاضلات لاهنتن على الحضور الجميل قرناس أتحفنا بإبداعك |
يسعد صباح الجميع لا هنتم
|
سلام عليكم
وش لونكم ياهل السجن صحت السنتكم يالجزلين وخاصه ريم الفلا ههههه سجين رواسي يالله حيه منور رواسي دام حضوركم جميعٍ ولي عوده على الي فات ما قدرت الحق تباركـ الله |
صبحكم الله بالعافيه
وارحب يالعواد وصح لسانك وارحب ي سجين وصح لسانك وصح لسانك يابوعبيد ولاهنت وصحت الالسن والاذواق لا تواخذوني صخنت الله لا يبلاكم |
السلام عليكم وأسعد الله كل أوقاتكم
أولا :: كل الشكر والإعتذار لإستاذنا وناقدنا عبدالله الروقي على كرم إستضافته للجمعة الطيبة .. وتحياتي للوالد العزيز ولكل من حضر،، والشكر لكل الأعضاء هنا على المشاركات والمجاريات والتسليات وتحيات للسجناء والسجينات .. المقيدات والطليقات & أدري ان الهواوي يلقي باللوم عليّ ولكن المشكلة في الهواوي (الهوائي ) .. أنا في موقع وبرج stc .. لا يبعد سوي 300 م تقريبا .. لكن مشكلتي معه مستعصية أحيان فل وأحيان طل .. مما سبب أحراج وملل من النت .. وربك يعدل الأحوال ،، قلت .......:_
مدري عتابي على البرج الهوائي ما به إرسال = وإلا على حِلتي في واديٍ يمنع رسيله ^_^أحيان يرسل شعاع الذبذبة ع الفل والعال = وأحيان يخفت سناه وينطفي ضو الفتيله يشوشني في إتصاله وأفتح الشاشة في الحال = ويلوعني في إنفصاله لا حصل فيه الفشيله يلعب في أعصاب هاجوسي بترداده ومازال = يردي خواطر هجوسي بالتردد كل ليله شكيت حاله على راع الهوى وأرسلت مرسال= وقلت يا راعي البرج الهواوي شد حيله سنين طافت وهذا الحال مثله يشبه الحال = حتى الشكاوي شكت من حملها مما تشيله وقال صبرك ترى الفني يراقبها بجوال = حدّد مكانك وحدّث موقعك وأرسل دليله وقلت يا راعي الفن الهواوي هات موال = يا كثر ما مال رأسي من هوى ذات الجديله وقد يكون للحدث بقية في تاج القصيد ودمتم سالمين متصلين ,,, |
اسعد آلله صباحكم بكل خير
توي دريت إن الرعد كبلي الرجل بحديد بالصوت روعهم ويطرب بالحقيقه مسمعي ماهمني واديك ياعسفان والا ياقديد أبا ارتكي للحمل لو ماهو بغاية مطمعي تحياتي لكم جميعا وبدون استثناء اخوان واخوات |
السلام عليكم وصبحتو بالخير
واهلا بالجميع اهلا ياقرناس زودنا شوي وادفع انا الفرق ههههههههههههههههه نسنس هواها جنوبي والعسيب من الهواء مال=ياحليل صوت السعف صدى لصوتي ياحليله اصغيت للغامدي احاول افهم كل ماقال=صح الله لسان ابو عامر على ابداعه قليله لكن عطل(s t c)له كم سنه قايم ولازال=والامر واسع ودور لك سبب ثاني بديله اسج وليا ذكرته كل غيمة هم تنجال=وقلب المعنى ليامنه طرا ياطول ليله لااخذت فنجال اخذت اسبوع هادي رايق البال=وابقى انتظر دلته جمعه على حامي مليله والصبر من كثر ما شديت سرجه صابه هزال=والعين تشتاق له والروح لفراقه عليله امزوح من شان ابو عامر كذبت وجبت موال=والا بعد ذيك كل العشق في 90نيله |
قرناس اجب اجب تراك في سجن القصيد=وشنف بحلوات الفرايد يالقثامي مسمعي اما من الارشيف ولا احبك لنا قافٍ جديد=والا عن القطاره إيت التا بعذرٍ مقنعي اكيد عينك شافت وقلبك تعلق بالشريد=الشادن اللي في رموشه راعيٍ جوفك رعي اللي بعد ما شيبك تغبط ابو قلبٍ بليد=اللي مايفقه بالغرام ولا يهيم ولا يعي ماهوب مثل اللي له بمضمارهن شاوٍ بعيد=واليوم في سجن الرواسي نزل لشوقه نعي اثر الجفا يارعي البيتين له باسٍ شديد=تكة صدر واحباط مع ضيقه وطعنٍ موجعي |
الجوهره حياك مولاك
رحيل تسلمين حضور ملكي نور تراالزياده بالمحروقات مو بالكلام ههههههههههههههههههه مهرة يام رائعه بالتواجد ورائعه بانتقاء التسالي هلابك يالعاصفيه وين غزلان وريم والشاعره مع ان غزلان هي الغايبه عسى مابها باس |
مساء الورد لا هنتم يالحلوين هههههه
|
أشغلت فكري وأنت مآتدري عني
مسيت..مآبه من يرد ../المساءآت دآرت هوآجيس للغيآب../وكأني أسرج خيآلي في ظلآم المتاهآت |
مساكم ورود وزهور وفل وياسمين
صح لسانك يابو عبيد مال الأسف وألا الندم ياخوك في قلبي طريق إلا على الي كنت أعده فالشدايد لي خوي لو كنت اعرفه وابخصه اقول روح في حريق مير البلا باصابع اليدين ماهي.........تستوي وأما البحر ياناصر إبن عبيد في وسطه غريق وما باقي ال نور الصباح الا دقايق ويهوي |
يسعد مساء من هو يتابع وفي خير
من غير ما اخصص واعد الاسامي مزاج غير وضيقة الصدر بي غير والعين عيت لا تذوق المنامي ياليت لي جنحان واكفخ كما الطير لا ضاقت ابه الارض علا وحامي |
تناتيف تويتريه
يابخيل المشاعر وش بقى من عمر أروي عروق قلب تستلذ بهواك ................ ودي اجاري كل شعر تغنيت لكن حدا قلبي عن الحب حادي اخاف أنا لاقبلت لك ثم تعنيت تذبح خفوق عاف منك البعادي ............ ياهجوسي ضاق صدري واكتفاء وانقطع حبل الاماني وانسمي وسلامتكم ولي عوده |
|
|
اسعد الله ظهيرتكم وصحت السنتكم (:
——————- ماهو بكيفك تواصلني وتقطعني اما غلا بين او فضها سيره يا شين لا جيت تقطع لا توادعني ليتك تحس الوداع شلون تأثيره يا مآخذ الحب قل فيني وسمعني حب على كبر صعب أبدل بغيره ابحتفظ فيك وادري منت نافعني يمكن مع الوقت اقول محبتك خيره (: |
اقتباس:
اقتباس:
اقتباس:
ماعليك نبي نستمتع في ماتطرح وصح لسانك |
السجين ونديم حياكم وصح السنتكم
الهواوي صح لسانك مدد شاعرنا الجميع لاهنتم ،، |
.................
|
شاركونا
|
|
|
يقول ابوعبيد
ياخفير السجن سرِّح بندر الغنامي=ولد روق بكشته هاته وغل ايدينه هالوغيد ليا دخلت السجن جا قدامي=كنه الشيطان قدمي بس تزلم عينه كلما صرت بمردود البيوت اقلامي=لامني واهانني وانا ما احب اهينه ما ادري اكافح جنوده والا اكافح سامي=كن ميدان الغزل من مالهم شارينه بحول ربي لرغم هجوس الثنين ارغام=بالعلوم اللي يبون او بالعلوم الزينه |
تسليه
البارحه صادفت ريم بشارع ابن خلدون في منطقة حولي ياعسى الرب يسقيها ناديت له يازين ياللي مشيتك بالهون .ومن يوم سمعت الصوت صارت تقصر خطاويها ناظرت فيها نظرة العاشق المجنون ..وهي ناظرتني وانا أقول البنت ويش فيها وقفت محتار قدامها وسبحان رب الكون .لو تنشرى ياناس بغالي الأثمان لاشريها عتبي على اللي أتصل مايردون .اللي يفز لها القلب الى من حل طاريها |
يــازين انا ولد عود(ن) قليل العذاريب=يازين مالـك فـــي عذابـي منافيـع
معروف ساسي مادنس ثوبي العيـب=وانته عليّ غاراتك تشـن المفازيـع ماني ولد لاشـن ولـــوه المعازيـب=أنــشد يازيـن وتلقـاء للعلـم تسنيـع انـا من قوم (ن) جربوهـم تجاريـب=مركاضهم طوع مخطي الـدرب تطويع قومي عتيبه مابها شك(ن) ولاريب=يوم العذرا منهم مذهلاتن مفاريع محتمين الواجب في نهار المواجيب=وكم شيخ (ن) غدى لذياب نجد المجاويع وترايخهم امجادهم عندنا غيب=يوم(ن) نجد علاها عيون المطاميع يومت الخصيم بالمرهفات المحـديـب=في نهار(ن) فرق شملهم عقب تجميع بسبابنا شابت شوارب(ن) مابها شيب=شابت ومن عقب القفا ماجونا مراجيع صغيرنا بعيون النشاما كما الذيب=مطنوخ ومن الطناخه تبديله مشاريع وذكرنا فوق روس المراقيب=وقسمنا نجد اللي هبوبه ذعاذيع في وقت الرخاء ولا زمان المصاعيب=غصب نرعا هاك العبال المصاليع نحمل بلاجيك(ن) مانخذ مشاعيب=ومن دونها نقود السريا المدياريع نشرب قراح ولانحب الخثاريب=وعودنا نشرب من دم قلبه قراطيع وبني غنام مبعدين المطاليب=ربعي على الكربات سيوف(ن) قواطيع تلقاء افعالهم والمعاني لك تطيب=وتلقاء اهل الغبينه منهم مالفيع ومرزوق ابن ماثل عطيب المضاريب=مايجرحنه نيبان الذياب المجاويع شيخ (ن) موفي بكـل المواجيـب=وريف من ضاقت عليه المطاليع راع الكرم ذباح حرش العراقيب=اللــي مـــفازيعه تكــف المفازيع حنا هل الصخاء منبع الطيب=تشهد لنا روس النشاما باتواقيع ممدوح الغنامي |
|
ي ناصر اوصيك في بعض الخصال ... لاتاخذ السالفه لعب وطرب ,
طرح راقي ياريم . قصيد ه هيضتني تم اللطش https://www.youtube.com/watch?v=YX9d4qeTaD4 |
أسعد الله مساكم وصباحكم بـ كل خير
وصحت السنتكم وداام الحضور والابداع والمبدعين قصيده فااخره وذاائقه ممتعه يـ ريم صح لسان الطلحي تقديري للشعر الجزل,’’ |
اقتباس:
والا بعد ذيك كل العشق في 90نيله ههه رووعه يـ الهواوي,بيت صريح ورهييب وممتع صح لساانك صح لساانك ولسان ابو عامر تقديري,’’ |
تسليه ياطير ياللي فـي سمـاا واحتـي حمـت=ثـرنـي وأثـيـرك واكـسـب الاجـــر فـيـنـي يبين صبحي يــ .ابرق الريش مانمـت=أقـســم قـســم مـاذاقــت الـنــوم عـيـنــي تـعــال اسـولــف لـــك ولــــو ماتـكـلـمـت=خـــل الـحـديـث يْـــدور بـيـنــك وبـيـنــي ودي افضفـض قبـل يقتلنـي الصـمـت=قــبـــل تــمـــوت ورود بــاقـــة حـنـيــنــي حنين مدري شوق مدري وش فْهمْت=أطـفـح عـلـى مــوج الـبـحـر ويْغَطـيـنـي ! |
يا سلام سلم عليهم .. صحت السنتكم وأبدانكم إبداعات منقطعة النظير .. ودمتم مبدعين زيارة سريعة .للقراءة .. دمتم رائعين ،، |
ريم مايجيك باس يالاميره ،
ماشاء الله صحت الالسن والاذواق على هالطيبات ماشاء الله السجن عامر بالابداع |
يسعد مساء الجميع لا هنتم وعساكم على القوة
عطر الله مسامعكم بذكر الله |
مساكم ورد وفل وياسمين
وصحت الالسن والذائقات صحيت فيني جمرة الشوق واسهمت في كفخة الجنحان ابيح الدفيني كنت أحسب إني ياهوى البال قد صمت وإن العمر قفا وراحت سنيني واثري غريق وسط موجه ولو عمت يبينه بالوجه واقع حنيني ادمنت بك واسبح بشاطيك لو حمت ياثالث ياتي بعد والديني مجاراه بسيطه من عند الحلال العامل انحاش والثاني منحاس |
ولي عوده صحت الالسن والابداعات والنقل المميز والزيارات الي تفتح النفس بس احس ان المكان ساده الصمت زوار مدري بس وش جاهم
ههههههههههههههه |
السلام عليكم ومساكم الله بالخير
صح لسانك ياقرناس ــــــــــــــــــــــــــــــــــــــــــــــــــ ــــ اكلم واراسل واكتب اشعار واناغيك=لا اتدور عذر مابه مثل سفهتك سفهه تقول اش تبي؟ماتستحي!!إيه انا باغيك=حاديني عليك الوجد والشوق واللهفه لولا هالثلاث ان كان من دفتري ملغيك=ولا انشب من اجلك بين هاللاهب وكهفه ان كان الجمال اليوسفي والغلا مطغيك=وتسبب بقطع سليك هالوصل من رهفه وكثر التغلي عن هدف وجهتك مصغيك=الحب الاصيل ادخل على منسبه واهفه |
| الساعة الآن 01:33 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir