|
وصح لسآنك شاعرنا الهوآوي
وكل شي الا شرآعك لا تطويه دام حضورك وابداعك وبانتظآر التتمآت ههههههه |
تسليه لجميلتنا الرآعديه وللجميييع جيبولـي الدفتـر الــي بـيـضٍ اوراقــه والا مــن الحـبـر عـنــدي مايكفـيـنـي هاجـوس شـعـري ليـامـن لاح بـراقـه لو اشرب البحر الاحمر مـا يقهوينـي يـادوب شـرد القوافـي جـات منسـاقـه لـحـدٍ يقاطـعـنـي الـهـاجـس ويلهـيـنـي قريحتـي مــن مــزون الشـعـر دفـاقـه تسقـي كبـود الضوامـي قبـل تسقينـي عشقي من اجزل بيوت الشعر ترياقه والــروح ســر الامـانـه بيـنـه وبيـنـي اعشق وقار المعاني واعشـق اعناقـه والله مـاخـلـيـه لــــو انـــــه يـخـلـيـنـي ماتعرف العود الاصلي كود بأحراقه لـيـا كـويـتـه بـنــار الـشـعـر يشفـيـنـي ارفع مقامه بصـدري وارفـع اخلاقـه قـــدام اسـمـيــه بـاسـمــه مايسـمـيـنـي البيـت رفـعـة عـمـوده تـرفـع اشنـاقـه ويـصـيـردوحـه يظـلـلـنـي ويـدفـيـنـي مايذبح الشعـر غيـر اقصـاه وارهاقـه عنـدي عـلـى كــل ماقـولـه براهيـنـي لاشفت اساطيل بحـر الشعـر عملاقـه لــد النظـرويـن موقعـهـا وانــا ويـنـي ان كان تعرف اسمان الشعر وادقاقـه يطلعلـك الفـرق فـي كــل الموازيـنـي قطف المعانـي يجـي باقـه ورى باقـه لـوكــان تفسـيـرهـا مـهــوب يعنـيـنـي والنيـل مـن ذاق مــاه يـعـود لا ذاقــه مـهــوب مـــاء سلسـبـيـل للشرايـيـنـي عيني وروحـي لقطـف الجـزل تواقـه واظـن روحـي عليهـا تسـبـق ايديـنـي فرق الشعر مثل فرق الخلق واذواقـه الله يـحـمـيـك يـاشـعــري ويـحـمـيـنـي قلبـي علـى كـل بيـتٍ يرسـل اشـواقـه كنـه مـن الـروح ياخـذلـي ويعطيـنـي الــذ مـافـي الحـيـاه وذوقـــه اسـراقــه تـقـراه الاحـبـاب بـعـيـون المحبـيـنـي يضمها الطرف الاحور داخل احداقه لـــــو راده الله يـقـتـلـنـي ويـحـيـيـنــي صح لسآنه مليوون الشاعر هآيف العطآوي |
السلام عليكم
صحت الالسن جميع مصامخ قوي بين الهواوي وشاعرة نجد وريم الله يعينكم ولايهينكم |
يسعد مساء الجميع ... لا هنتم
|
هلا ياحمد وصح لسانك ولاهنت
______________________________ ههههه شاعرة نجد صح كلك ترا حزبي يكفي متابعته وانا اكفي عنهم والصبر زين ياخيه ومااحتاج كفاله انا اكفل نفسي بس توي صح لسانك ولاعدمنا جيتك _________ الهواوي صح لسانك ولاعدمنا تواجدك السخي هههه ومثل ماقلت _____________ ياهلا يالجوهره منورة ياغلاتي وصح كلك ولاهنتي ياذوق تسلية رائعه __________ الغنامي هلابك والمصامخ واحد مقابل ثنين ههههه بس الله يعين عليهم _________ مساء الورد ياملوكه |
اقتباس:
صح لسانك يامبدعة وكفالتك علي إن شاء الله -------------- وصح لسانك يالعود وياهلا ياحمد صح لسانك ومايكفينا منك بيتين وأرحب يابو بندر ولاهنتوا جميعًا حضور جميل وممتع |
،ريم ،الناقد ،محمد الغنامي والجميع صحت ابدانكم وابشر يالناقد بالمشاركات ،
وصح لسان مبدعاتنا شاعرة نجد وريم وصح لسان زعيم العاصفه الهواوي على هالندر ولا هي غريبه الابداع ماشاء الله |
اقتباس:
عدة ابياتٍ طرتلي جاتكم منخلعه=يوم هددنا الهواوي لخبط الاوضاعي في ثلاث ابيات ناصر تلها منملعه=تتبع دريبٍ خطى به والفجوج وساعي كنها روح المعنى بالهوا موتلعه =ودها بالقرب لكن هالزمن ماطاعي تتبع اللي لو عطاها بالمحبه فلعه =مالها في حب غيره خطوه ولا باعي |
ونقول صباح الابداع (:
صحت السنتكم ودام مصامخكم هههههههههههههه \\ عيني اللي ذا الليالي مستخله=لو بكت عيني على حق بكاها لو عذلت العين في دمع تهله=راحت العين الحزينة في عناها حي من هذي المراتع مدهل له=حي دار سار خلي في ثراها كل ما سجيت مروا بي محله=وشفت عد صاحبي قد شرب ماها وإن بغيت يزيد قلبي شحنة له=سرت باقدامي على أرض قد وطاها شاب راسي عاد قلبي مرفق له=في رجا الايام يصفي لي هواها طول ما جنبت بيته جشمة له=ابغي العالم يجنبني حكاها كم صبرنا بالهوان وبالمذله=نحتمل عوجا العرب نبغي رضاها كثر ما تسهر عيوني واشتحن له=هو هوى روحي وهو غاية مناها روحوه لديرة ما هي هوى له=جعل ذيك الدار ما تمطر سماها ديرة الحقران ما هي ديرة له=مدهله في ديرة عذب هواها مل قلب كل هاجوس يتله=تل دلو اللي ثلاثين رشاها عقبها وش عاد حالي عايش له=مرخص الروح كله من غلاها من فداها لو يروح العمر كله=قاضي خمسين عام في رجاها |
الهلا بالرواسي والراسيات وصباحهم مع هالفا خير وعافيه
ــــــــــــــــــــــــــــــــــــــــ يالربع الواحد احياناً ينتقد نفسه ويتخيل او يهياله ان من حوله يتهكمون فيه لانه فاضي على طول وطبعا كلا ما يدري عن اوضاع الآخر ــــــــــــــــــــــــــــــــــــــــــــــــــ ـــــ حمد صح لسانك ودام ابداعك وربنا ما يحرمناش هالطله هههههههههههههههههه الناقد لاتطلب من غيرك مالا تفعله ههههههههههههههههههههههه رحيل صح الله لسان العطاوي وتسلمين نور تويقين علينا بكتر ولا تشاركين ههههههههههههههههههههه ياثقل ،،،،،،،،،،،،،،،،،،،،،،،،،،،،،، ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ لك ايحق ياورقا النخل لو تغنيتي دفا=وانا والله انه مندمر واهسي ساعة دفيت لو ان الشتا عدو لدود لي مابه وفا=تمدد هجوسي من صبح واحسب ان الخبل ميت اطري له ايام عليها الزمن مر وعفا=واوريه خصلات لشعر مترفه واثار بيت ومنه اشتكي للهجس صده وطغيان اعنفا=وابين له اني ودي انساه لكن ما قويت ياحمد كلامه همس يكفي وللمغرم شفا=لعلك ماتبلا ياحمد في رشاً فيه ابتليت ذي خمسه وهذا سادس ابيات واظنه كفا=مالي نفس لكن جبتها عن يالعله وليت |
من غابت ايلين اتلا نجم بالسما غاب وخفا=ليلة قال انا استودعك ربي لك الله ماغفيت طعني بهالكلمه بصدري وطعنه بالقفا=وابا اقول له متى تجي من سفركم والتهيت بتكفيف ماء ساخن على الخد من عيني هفا=وبي دارت الدنيا عقب دار دولاب الونيت |
الناقد هلابك ولاهنت شاعرنا
حمد .. صح لسانك الهواوي صح لسانك وراك شاعرنا كنك زعلان رحيل نقل رائع لاهنتي |
مساكم ورود وزهور وفل وياسمين
اخوان واخوات وطمنونا عنكم جميع عساكم بخير وعافيه وعلوم النجلاء عساها بخير وفالها العافيه وماتشوف شر مجرد شطحه ياطيوفه هاتي لقلبي ونيس!!؟ مابقالي من عقب روحك حيااااااااااااااه محبكم اخوكم قرناس الحرار |
اهلا ياريم وصح بدنك وابدا ما ازعل الا كان على نفسي
اهلا وسهلا يالقثامي وينك يالغالي يكفينا منك بالاسبوع مرتين ويصيرن دسمات وابشرك بخير وعافيه والربع والربايع مابهم لون حييت وصح لسانك ــــــــــــــــــــــــــــــــــــــــــــــــــ ـــــــــــــــ ياريمه ليامن قلت جوي بعد عكر صفا=الايام تاتيني بحوسه على مالا هقيت حتى الرجل قمت اقصر خطاها وانا مابي حفا=واشوف انه اشوى لي من النوم لامني صحيت افرح لا انقلع لي هم وارسل لي اخوه ولفا=واقول انت ما انت بصاحبي /قال انا لجلك عنيت اراقبك لين اشوف نورك ولع بعد انطفا=لذلك اعرف انك بعد دوخه اغفيت ووعيت |
مساء الخير
ابو عبيد صح بدنك نيابه عن شاعرها (: وصح لسانك ودام ابداعك حمد صح لسانك ريومه صح كلك شاعرتنا عودا حميدا قرناس |
ياهلا يالعود صح لسانك والله لو الود ودي أكتب مثلك كل يوم ثنتبن ثلاث لكن لاشك إن الشعر عصي على راعيه،ماكل مرة يجي على مايبي ريم لاهنتي ويسعد مساك ،كل ماجيت أكتب قصيدة جاني مسايير! حمد صح لسانك قرناس حياك مولاك ومرحبًا بحضورك |
ياحضرة الناقد انا متاكد ان ريم غير مقتنعه بالعذر لان هذا الامر مش جديد ههههههههههههههههههههههه ولكن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ ياخفير السجن فك الريم فكه= ماضرا بالحبس مرباه الصحاري وفي يدين الناقد الكلبوش تكه=ان رضي والا جبه عندك جباري السوالف كوم والاعذار هكه=ماتقول الا القصايد بالمصاري وان تهيالك لديرة ظلم سكه=صادر في سجن ابو فيصل قراري حطهم في قبو سجنك ثم صكه=وقل لطلعتكم ترا مافيه طاري لو يشد النير غرب جبال مكه=او يهد البوم في جول الحباري لك قلبي طاري الغالين لكه=فلتةٍ في زينها مابه امماري عاد ابا اسري لا تنحتوني |
ياخفير السجن شف ريم قل نجد العذيه=جات زواره تبي تسهر الليله معك جات معها لك من الشّعْر وحْروفه هديه=ودها تْسمّعْك عذب الجديد وتسمعك كتبت هـ البيتين بـ اسهر مع ريم في زنزانتها الليله ويوم شفتك طلعتها صح الله لسانك,هونت, وبيض الله وجهك عوايدك الفزعات وتستاهل شاعرتنا مانخليها لو خلاها حزبها ماتهون علينا :smile: |
اهلا ياريم وصحت روحك ياجميلة
ولو سمحتي بشويش على حزبنا تراي احبك هلا ابوعبيد انا اطالعكم على كتر ....غلطااااااااااان كثييييييير وليس كتر الحين انت ابو عبيد ولا ناصر ولا العود قلبي وطن للحب وظلوعي اوتار كفي ( عطا ) والجود وجهٍ شمالي إنْ جيت ريحٍ قابلك منّي اعصار وان جيت عقلٍ مالك الا خبالي |
السلامم عليكم
صحت الالسن جميع يامبدعين اعجبني سوال نور الصراحه هههههههههههههههههههه ياهل السجن بالله ليامرقرناس حطو كلبشات الخفير بيدينه |
ههههههههه زعيمنا وبسأله و كويس سؤالي عجبك كلّك تعالي غلا .. والا ارجعي كلّك بعض الغلا منك ما يستاهل الجيّه طالت وانا في رجا ليتك .. وياعلك أوراق بالذاكره .. واوراق منسيّه ما بل ثوبك مطر شوقي ولا بلّك لوعلّتك من سحاب الروح وسميّه ليه امشي الدرب دامه ما يوصّل لك تخاف رمضا الضياع اقدام رجليّه يا بنت تو الهوى ما صرت انا خلّك للحين .. ما زالت الصوره رماديّه ومازال بعض الغموض الشره يحتلّك وشلون انا اعشقك واحبك على النيّه اشوفك هناك قدّامي .. ولا ادلّك صعب الكتابه ليا صار الورق ميّه إن كان شمسك تساومني على ضلّك ما عاد ابي منك لا شمس .. ولا فيّه اما تعالي لقلبٍ فز لك كلّك والا اتركيني ما ابي لك بالهوى جيّه |
اقتباس:
صح لسانك ودي والله إنك سجنت قرناس على الأقل خل نظفر منه بكم مشاركة وريم وجودها في السجن إبداع ،كفالتها موجودة شاعرتنا لكن تغيرت الأحداث أبو فيصل وين الغيبات ؟ ----------------------- أبو عامر صح بدنك شفت ردك وأحسب إني علقت عليه لكن لاتبطي شاركنا يارائع،،، |
هلا هلا بالحضور
صح السنتكم وابداعكم اولآ ... محد قال لكم اكفلوني (: لكن كرم من سعادتي ومانقدر نردك يالهواوي قبلتها بس حق انك تسجن عضو ومن حزبي لا هذا شي من حقي لاني انا اللي مسجونه وابي انتقم (: ثانيآ.... انا شاعرة وماني محتاجه كفالة وكفالتي اصلا جاهزه بس كنت انتظر ناقدنا وماني مستعجله بس انتم فيكم عجله الله يصلحكم ههههه |
بما ان الحق معي بسجن عضو
قررت سجن الاخ قرناس وحياك ومنور السجن هلا يانور وصح كلك وانا احبكم بس ماني موجعه حزبك مترفقه عليه هلا ناقدنا لاعدمنا حضورك ولاهنت هلا بالغنامي وبالهواوي وشاعرة وقرناس وجمميع الحضور والزوار واتمنى كنت لطيفه وقت أقامتي في سجن الابداع |
اقتباس:
وصح بدنك |
اقتباس:
اقتباس:
اقتباس:
، قرناس الحرار صح لسانك مبدع ولاهنت وحياك المولى |
صبحكم الله بالخير جميعاً صحت الألسن شعراء ومتذوقين والله ان لكم وحشه |
يا ويل قلبي من الصدمات يا ويله فرقاك يا شوق فال الله ولا فاله يا طول ليلي مجرّد صدتك ليله عز الله اليوم حالة صاحبك حاله #محمدالعواد |
ارحب يالناقد وانت وريسك مثل حصان اهل الديره المسماه ههههههههههههه
اهلا ياريم نعم انت بالسجن لطيفه ولامن خلاف لكن يوم هج لك الباب تغيرتي اهلا يانجد ماعليش قطعنا عليك السهره وصح لسانك اهلا يابو سيف لا تتطول الغيبات وصح لسانك ونرحب بقرناس الحرار في سجن البديع اهلا يانور وهذا الرد وتسالي ولا اروع انا الهواوي وتشهد لي بيوت القصيد=يانور تمعني فيها وهي كافيه ناصر به سمتني امي يوم توي وليد=الله يعوض تعبها باجر والعافيه وفي جنة الخلد مع عثمان وابن الوليد=اثمارها دانيه وانهارها صافيه العود ذا يانويره شي ثابت واكيد=لنفيته ما توافق لااءه النافيه |
عزي لبو سيف من ليلاه عزي له=غايب برجواه لاجانا ولاجاله بمخيلاته يشوف الترف يوميله=ويفز من لذة المرقاد واوماله يامحمد البيض خنب ولابهن حيله=من مكرهن يالبناخي حالتي حاله |
اهلا يابو بندر عجبك سؤال نور
شي ايجابي معناه ان سؤالها موضوعي وفي محله ولها ولغيرها الحق بطرح الاسئله والاستفسار ههههههههههههههههههه بس وين مشاركاتك تراي ابا الذعك ههههههههههههههههههههههههههههههههههههه |
السلام عليكم ورحمة الله
يسعد صباحكم والله يجعلكم بخير جميعا سلام تسليمة وفا يا ساده عقب الغياب اللي حصل لي مده يا ناصر ابن عبيد ما هي عاده يصعب علي جزر المحيط و مده والشعر ما دامك هنا استاده لا بد تشرح لي على المسوده العام ما به جوهرٍ ما اصطاده واليوم بيتٍ مكتمل ما أعده |
اهلا ياسجين الرواسي وحياك الله والله يصبحك بالخير
ويرحم اللي عقبك رحمه واسعه اخذت رقمك من ابو بندر وزهمت ولاترد وقلت انه مايبي احد يكلمه وهلابك يامرحبا ترحيبةٍ منقاده=من خاطرٍ راع البيوت ايوده فرايده تشبه محيا غاده=راع الولع شوفه ايبيح سده بجاه من يلطف بكل عباده=لعل من عقبك يخلف كده بجنة الفردوس بين الساده=انهارها وضلاله ممتده ومن بعد هذا ياسليل القاده=يامسندي وقت الرخا والشده ابداعك اظنه تعدا ماده=وماوصل حده قيل يرجع ضده لكن على الطاروق سو اعاده=ومن جد لابده يجد لابده ا |
الله الله يا ابو عبيد والله يرفع قدرك وادري انك وافي لكن رقمي ابرسله لك واتشرف والله يا بعدي
|
مساءالخيرآت يالروآسي والرآسيآت
وصحت الالسن والاذوآق ويعطيكم العآفيه جميعاا ودآم حضوركم وابدآعكم قرنآس الحرآر منور بعد الغيبه وآخر الغيبآت ان شآء الله ومنووور السجن. وهذا عقآب لك على الغيآب ههههه محمد العوآد ، سجين الروآسي. منورين بعد الغيبه وآخر الغيبآت ان شآءالله وبانتظار ابدآعكم |
يا سلام يابو عبيد صح لسانك الخناب حاصل عزالله هههههه ——- يا شوق ماني عن هواك متراجع لو هي على ما ترغب النفس وتريد ما كل طيرٍ بالتغاريد ساجع عادة قرانيس الهوى تتبع الصيد وحبٍ طواه الياس كلّه مواجع مثل العزاء لا حل في ليله العيد �� نديم القوافي �� |
مسا ءالخير ياوجيه الخير
ياضلع ظلم ازهم هضيبات سفوات=انا لكن محتاج مير افزعن لي مناي قبل اصير من ضمن الاموات=غامض وضع ودي يجي به تجلي مطلوبي امتابع هالاثنين بسكات=واصير ثالثكن بدقي وجلي محمدين رجال صعب المهمات=ابن عوض الله وابن فراج هاللي اعذارهم لاقلت وين؟ انشغالات=ولاهم باهل ضينٍ ولا ارباب بلي دوجن بظلم وراقبن المحلات=ومرن معارض ظلم ثم اكتبن لي وروحن لجامع به تقام الصلوات=قدمه محلٍ به قرومٍ اتهلي اقفن امام الاستراحه سويعات=ثم اخبرني من سرى من يحلي مافيه شك ان الزعيمين بالذات=فيها ايلين النجم كله يولي خوذن صورهم صيغة اقرار واثبات=ومن ماترن باوضاعهم وثقن لي الله ايزيكن بهالعقربيات=نوٍ نشا وبله عليكن يهلي |
ابا اتسهل وامسو انتم على خير=اومى وانا حر وفهمت الاشاره يالجيب بالوجهه تيامن عن النير=وابشر لك بموال وابرام طاره عليك ااب اغني بصدري حواشير=حرك وخلك عجل طال انتظاره نبي نروح لمن نهمنا مسايير=ابتل ايلين اوقفك بضلال داره نظره وفنجال وسواليف لاغير=مع حضرة اللي تستحق الاماره فيها جمال من السما يجدع الطير=دعج العيون وبالمحاجر سماره تاخذ من القحويان النواوير= جيد الخشيف وبالمحيا نضاره |
اسعد الله مساكم بكل خير وسرور
صحت الالسن ودام هالحضور مبروك الحريه ريومه ومبروك اعتقال قرناس (: عودا حميدا سجين العواد واخر الغيبات ان شاء الله |
مساالخير
صحت الالسن والاذواق مبدعين ماشاء الله |
| الساعة الآن 05:11 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir