ياحلو قيفانٍ نظمها ابو منصور=للتاج رد الروح من بعد موته
بتحريك هاجوس الشعر جالها دور=ياحي ما جابه وياحي صوته
مظلم وبعد اطلالته شع به نور=من لا قرا ما دونه لا يفوته

https://www.alriyadh.com/media/thumb...65cdab619b.jpg

عَمار يانَخلٍ عْذُوقه مدابيح

الله يعَمْره ويْتكَفّل بْسُوقه

تَمره ِ يُوَزّع للوجيه المفاليح

وخُلو الخراف مَن النواجح عْذُوقه

حتى ظْلاله فيه من نفحة الرّيح

جلسة نفاهٍ بالبراد مْعشوقه

يلقى به الداني حَشِيّه وتفريح

وْرِطَب الخراف مْن المذانيب فوقه

هذا النخل نخل الرِّجال الزحازيح

اللّي بوقت القيظ تظهَر حْقُوقه

ما هوب نخلٍ صاحبه نذل وشْحِيح

محدٍ من اللّي يستحقه يذُوقه
.................................................. ..
شعر: عبدالله حمير الدوسري

شطحات ذاكرهاهلا خيال والله يسلمك وصباحك سعيد والشر عنك بعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
اونس قصار ضلوع صدري تراعد=تقول برد شباط صاب الشراشيف
كاد الوقوف وطحت بالقاع قاعد=كل العضالات القويه غدت ليف
كني مع الذكرى القديم انتواعد=عند البواقي من بويت المواليف
مع الذهول الضغط قام ايتصاعد=واسمع لدقات المشقى تراجيف
مسود نوٍ ما فصل فيه راعد=حقوق برقه يجهر العين وايخيف
الله على سود الليالي يساعد=لا لي ولاهي جت لغيري على الكيف

السلام عليكم

صح لسانك يـ الهواوي على مجاراتك الكايفه لابياتي،عز الله انك
جبرت بخاطر الحمامه بعد قساوتي عليها ههه
وصح لسانك على هـ الدرر
البيت الاخير من الدره الاخيره عن معلقه ومن ذهبببب
وانشهد انك مبدع وحضورك حضور ماشاء الله تبارك الله
انا مسافره وداخله من الجوال
متابعه لابداعكم

تحياتي لك وللجميع،،

عليكم السلام ورحمة الله
صح بدنك انتي بس حفزينا ببويتات وخوذي مجاريات ومسايرات حسب المقدره هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
باقي على العشر عشر وخاطري فيه فيه
وبوادر النوم جت عيني مراسيلها

وودي ابــ بيتٍ وبيـتٍ يسنده مقتفيه
ولو اطلق عنان هالمهره سرى ليلها

قريحتي لو هجوس الشعر فز اوقفيه
النفس من وضعنا الحالي طفح كيلها

لو طاوع العاطفه عاقل تحول سفيه
وكل العواطف محالٍ يعتدل ميلها
وبس هههههههه ما ادري وش هالضحكه