ياود داام ضلوع صدري تكنك
إزرع على شريان قلبي بساتين

خذ كل ماتحتاج مني ومنّك
عذب المشاعر ترسله شاشة العين

ماردني يامالك القلب عنّك
الا مقاديري وانا وانت دارين

لايختلف مع ساير الوقت ظنك
الصدق يرجح يـ الغلا بالموازين

شيطان شعري صار له شهْر مربوط
لا والله الا ازوَد من الشَّهْر بشْوَي

شهر رمضان الله يعيده له شروط
صْيام وقْيام وهدى الخافق الحي

واليوم خَذْت بساحة الشعر لي شوط
كم بيت لو ماعبّرت كل مافي

فكري على بدع الجزيلات مغْبوط
وانا ترى في ذمتي مـ استفد شي