https://www.alriyadh.com/media/thumb...a6f71c364a.jpg

عسفت المهرة بصبري وقلبي يا قوي صبره

أشد عنانها وأرخيه ولا تجفل وأنا أقربها

لفت أنظار عاشقها ولا فكّرت في بكره

أصير السالفة للناس ولا يضحك معاقبها

قلت اليوم غير الأمس ترى المُهرة لها نظره

تحب وتكره الخيّال وصعب اليوم تعجبها

أنا أطلقها وأراقبها والمُهرة مع المُهره

وياما ليل ما نمته أصدّقها وأكذّبها

حتى شفت بعيوني فوزٍ كنت منتظره

عطتني عمرها كله وأنا من فوقها أضربها

وجيت بكل ما عندي شوق وحب يا كثره

أدربها وأراعيها وأشوف اللي يناسبها

أصيلة مهرتي عندي ولو ضاق العدو صدره

دليل اللي يسابقها تعب يقدر ويكسبها

بندر الرشود

https://www.alriyadh.com/media/thumb...ddedae39b8.jpg

يا زين ترف القدم واللي يباريه

من بيته لَبيت جيرانه يسجبها

سجه بوقت الضحا والا عصاريه

رعّبوبة ٍمن قدمها لين حاجبها

فيها الحيا والستر فيها مواريه

بيت ٍربها شريف وصار ناجبها

يعز من يدهله والطيّب طاريه

فارجاله الدين وقايمّة ٍ بواجبها

ما يقتفي هم ملامه او مشاريه

والزين دايم له الذكرى نوجَّبها

بوقت ٍجميل انتحا والقلب باريه

الود وعلوم في صدري يعجبها

مغّلَق عليها عن هروج المكاريه

سود المهرج عن الاجواد نحّجبها

عن قيل والقال مع ناس ٍتجاريه

اللي بيوت العرب بالكذب تشجبها

كم واحد ٍبينهم محّفي سماريه

يجيب ويّودي والاخرى يلجبها

ابحر بسطح البحر ما ادري على جاله= مركب غرامي يعوم ونوب غطاسي
لله درك شاعرتنا ماودي اقول مبدعه لانها من سنين متجاوزينها
وجزاك الله خير على الثاني اللي جت بمثابة كفاره هههههههههههه
اهلا يالجوهره ومرحبا بالمهره وينك يابت غيبتك طويله بالحيل والمرور ما يستغرق 5دقايق
اهلا يالخيال وصح بدنك ودام حضورك

تصبح بوناتك على بعد ولفك وامس
وقل لي بعد يومين وش نفع وناتك

كما كنت ابا احصلك ضايق وراسك عمس
تصفق بالكفوف وتلحق آهاتك آهاتك

وضع امس ونهار اليوم ماهو كما قبل امس
استدرك غدك خل النهار الذي فاتك