|
صح لسانك يالعواد على الدرر
والابداع لاهنت صح لسانك يالفراج |
لك بين ريضان الحنايا مداهيل ولك بالحشى حشمه وشيمه وقيمه خوذي كلام اللي ليا قال ما يميل وخلي كلام اهل العقول السقيمه يا وردت(ن) مالت على ضفة النيل يهبها ريح العبير ونسيمه |
صح بدنك يالمهره ولاهنتي على هالذوائق الرائعه |
بلغت في بحر الشعر عمق الابداع بـ اتقان فارق ، وامتياز ، وبراعه وتلّيت قلبن جاك من حدب الاضلاع يشكي تمادي حضرتك بالقطاعه قلبن مشَرَّع في غيابك لـ الاوجاع على مدار اربع وعشرين ساعه وعندي أمل ما دام الاحساس ما ضاع نحيي بشرع الحب دور الجماعه نرجع سوا ونعيد ترتيب الاوضاع ونزرع بساتين الأماني زراعه ، ، ، لا تاخذون بعض الشطحات على محمل الجد خصوصاً الغزليه هههه |
ودي اقولكم سالفه من زمان
المكان القصيم وفي حاره قديمه وبيوت قديمه بيوت ودكان وشارع كان فيه عيال كل ماخلصوا من المدرسه راحوا يلعبون كورة مقابل الدكان. الا واحد فيهم يقعد على زاوية الدكان ويذاكر ويجي راعي الدكان يفتح دكانه ويجلس فيه وكل يوم على ذي الحاله .. استغرب راعي الدكان من هذا الولد وصار يراقبه كل يوم ونفس الشي مايلعب ولا يتحرك من مكانه وفي يوم وهو طالع من المسجد رايح لدكانه ويباريه بالمشي هذا الولد قال تعال ياصبي ابيك وجاء صوبه الولد وقال وش بغيت ياعم لاحظ الشايب ان الولد متربي زين قال ليش ماتعلب مع خوياك كورة ؟ قال الولد ماحب اللعب ولا لي شف في لعب الكورة قال الشايب ازين لك مامنها فايده غير مضيعة وقت ودروسك ابدا ياولدي ودخل المحل الشايب وقال تعال ياصبي ابيك ودخل معه الولد قال الشايب اجلس في ذا وقام الشايب وحط في جيب الولد من الحلاو والحب وجلس جنبه قال وش رايك تجي كل يوم هنا بعد تخلص دروسك وتعلم والدينك قال الولد ليش وش اسوي قال له الشايب أتونس انا وياك بدال قعدة الشمس برا قال الولد طيب ابشر بس اعلم اهلي وفي اليوم الثاني علم الولد ابوه قال مايخالف احسن لك من اللعب ومضيعة الوقت . وصار الولد يوميآ مع الشايب اذا احد يشتري شي يكزه الشايب ياحمد هات له كذا هات تونا هات زيت والشايب بس يحاسب واذا سكر البقاله يقوم الشايب يحط في جيب حمد كم قرش والقرش على وقتهم حلو . ويروح حمد مبسوط ويحس انه سوا شي مهم وتمر الأيام وحمد من المدرسه للدكان ومايطلع الا مع صلاة العشاء والف الشايب حمد وحس انه ولد ضكي وثقه وصار الشايب يسافر ويخلص اموره ويوصي حمد على الدكان ويقوم حمد مثل ماكان يشوف الشايب يسوي ويقفل المحل ويحفظ الفلوس واذا جاء عمه يسلمه الفلوس وعلى هل الوضع لين حمد خلص الثانوي وتوظف وباقي مع الشايب ماخلاه ابد لانه استفاد منه وتعود عليه ومره جاء الشايب بيسافر لرياض وقال ياحمد ابي صورة من بطاقتك حمد استغرب ليش يبيها !! قال وش بغيت فيها ياعم . قال بشتري ارض ويبون شاهد وبعطيهم بطاقتك وكان أستدعى الأمر زهمت عليك وتجي بس توقع قال طيب وتروح الايام وحمد ينسى الموضوع ،، |
يتبع ،،،
وتروح السنين وحمد قايم بالشايب كنه ابوه وحمد صار عنده عيال وبيت وعمل والدكان كبر وتطور وفي يوم نزل على حمد خبر اوجعه ان الشايب توفى حزن حمد عليه وفقده وقفل المحل مدة العزاء وبعد اسبوع من وفات الشايب .. جاء ولد هذا الشايب اكبر عياله رجال فيه خير ودين قال اسمع ياحمد انت مثل اخونا ويكفي انك خدمت والدنا خدمه ماخدمناه حنا يعياله فيه ثلاث اوراق لك من ابوي قال حمد الله يرحمه ماشفت منه الا الخير والرحمه قال اول شي صك ارض في الرياض باسمك وثاني ورقه صك ارض في جده والورقه الثالثه عمارة تجاريه في الشرقيه انصدم حمد !! كل ذا لي انا قال نعم لك انت تذكر حمد صورة بطاقته قبل يوم طلبها وقام يترحم عليه ويبكي وقال وترا حنا جانا اضعاف اللي جاك وانت اذا تبي تستمر في الدكان ولا اتركه قال لاوالله ماخليه وتروح الايام وحمد يصير من اغنياء القصيم ويتبارك له في كل ريال وهو في الدكان كان يتذكر كلام عمه له الصدقه تطفي غضب الرب ونصايحه وهو يطري عليه حديث لرسول الله -صلى الله عليه وسلم-، يقول: عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعوا له قال حمد انا ماني ولده بس بدعي له وراح لعياله فال ابوكم لاتنسونه من دعواتكم ،، تكفون قال طيب وش العلم والثدقه الجاريه ؟ وراح وسأل احد المشايخ في الحديث ذكر العلم وش ذا ياشيخ قال تطبح كتب دينيه وعلميه يستفيد منها عامة الناس على نفقتك وصار حمد اي مسجد يبنى يحط مسامه فيه ك صدقه جاريه ويحفر آبار داخل وخارج المملكه واي كتب تطبع يجي يقول خلوها على نفقتي ويدعي له يقول عمري منساك من دعواتي ولا من مالي اللي هو اصلآ مالك ياعم وانتهت القصه & من واقع الحياه |
الهواوي .. العواد صح السنتكم
المهره صح ذوقك ولاهنتي الفراج عطنا من الجديد ولا من الارشيف لاهنت |
هههه ودي أقرا ولا أكتب ،،
مسكت معي خطاا (: ان شاء الله تعجبكم القصه |
هلا ريوم منوره يالغلا
يعطيك العافيه على القصه الرائعه لاهنتي ياقمر |
السلام عليكم
اسعد الله جميع اوقاتكم بكل خير صحت الالسن جميع يامبدعين الهواوي وراه استعجل على العواد ماطمعنا ان الله يطرحه في السجن ههههههه |
ريم الفلا
تسلمين على القصه قصه رائعه بس لو تحصلين لي مثل هالشايب والله ما انسى معروفك دايم هههههه |
تسليه غيث السحاب اللي غشانا بنوه ( طلة حبيبي ) تشبهه بالتمامي يفز له قلبي ولو مات توه فزة خفوق اللي من الشوق هامي على غيابه خاطري ماتفوه الا من حروف القصايد سلامي ارسله اشواقي تراعي سموه وتبلغه قلبي من الشوق دامي ويرسلي اشواقه ليا راق جوه ويريح اعصابي بحلو الكلامي طاغي جمال وحسن بقصا علوه والعز بدروبه رقا للغمامي انا على شوفه خفوقي تأوه دايم تناهيده بها الشوق ظامي ياشوق سو اللي تبي اليوم سوه انا وخلي ليلنا ماينامي مابين ضم وحضن وعناق قوه ليلي قضا كله بالاحضان حامي اشغل غرام الشوق ثم زاد ضوه ليل(ن)لفاني فيه مابه ظلامي |
مساء وصباح الورررد
ما شاء الله تبارك الله وش هالنشآط والابدآع في السجن صحت الالسن والاذوآق ويعطيكم العافيه جميعااا ويستآهل زعيمناا أحلى التسآآآلي وعلى هالنشاط اسجنو ه مؤبد هههههه والا خلوه الى رمضان يشمله العفو هههههههههههههه |
شاعرتنا المبدعه ريووم
تسلمين على القصه الحلوه ويعطيك العآفيه ياجميله |
صباح الخير (:
صحت السنتكم ريومه قصه جميله ليت فيه ناس بهالصفات |
محبتك سادت معاي من الوريد الى الوريد ما هي على حد اعتبارك في حدود القافيه اليوم كل ما زاد قربك اطلبك هل من مزيد ؟ ما عادت أنماط التواصل دون شوفك كافيه والمشكله انك معاي بكل حالاتك عنيد اقلط على مجلس قساك ونار عطفك طافيه كنت احسب اني في غرامك صاحب الحظ السعيد واثرني مبلي اسأل الله العفو و العافيه |
اقتباس:
اقتباس:
هههههه الشايب نادر اخر حبه لكن الخير باقي لو ندر اقتباس:
جوهرة همسة بيني وبينك لحد يسمع حرام الفراج في حزبنا والاحزاب بعدين يتفرحون وخاصه الهواوي وشاعرة |
اقتباس:
|
|
اقتباس:
دايم قصة التجاره العظيمه تبدا من بقاله شسالفه حقين البقالات مايخسرون ؟ 🙃 |
صحت الالسن والاذواق ولاهنتم مبدعين
واسعد الله اوقاتكم بكل عافيه |
تسآلي آخر الليل
"تعال خذني مثل ما ياخذ النوم عين المريح اللي من الهم خالي تعال لك عندي سواليف و علوم تعبت أسولف مع خيالك لحالي " ــــــــــــــــــــــــــــــــــــــــــــــــــ ــــــــــــ تحتريك الشمس .. اصحى لاتنام ..! شوف كم صبح .. بلا صوتك يفوت ..!! ياكثر .. ماعاش في قلبي كلام ..! وكل مااشوفك ,, يقيّدني السكوت ..!! " ــــــــــــــــــــــــــــــــــــــــــــــــــ ــــــــــــــــــــــــ ماكل غالي بالقصايد نوفيه.. بعض الغلا في داخل القلب ذكراه.. دايم لكل انسان ميزة تحليه .. وأنت بعيني شي ما ألحق على أقصـــاه .. الله يطول عمر قلبك ويحييه .. لشخص يشوفك أنت أجمل هداياه ... ـــــــــــــــــــــــــ لازم ( أبطي عنگ ) لأجل اوله عليگ ..! مثل المـْآآ , حلاااته بالظمـْآآ ,, من يقول اني نسيتگ ماأبيگ ؟ گيف؟ أبدل " نــــــور عينـْي بالعمــــْآآا... ـــــــــــــــــــــ مَثل الامِل لاعآشْ فيّ دآخِل إنسآنْ قدّركِ يعيِش بصَمتْ دآخِل كيآنيِ ..! [ اشَتقِت لكِ ] حتىَ بكِى الشُوقْ وأشِتآقْ وحنَيتِ لكَ حتِى الحنيَنْ أشَتكآنيِ ..! ــــــــــــــــــــــ يااليل ياريف العيوטּ المساااهير انا دخيلڪَّ لاجفى النوم عنهاا ماهوب ذنبي لاعصتني المقادير واصبح خفوقي للمصايب وطنهآآ احدن فراقـِـِـِہَ عـטּ عيوني تبااشير واحدטּ فراقـِـِـِہَ ياخذ الشوف منـِها ــــــــــــــــــــــــــــــــــــــــــــــ يُهونْ طُولْ البُعّدْ مَادمّتْ سَآلـمْ ..! مَهَمَآ بَعَدَنَآ صَدَىْ [صُوُتِكْ] يَرَجَعّنَآ تَسَرَحْ طُيّوُفْ الهَوَىْ فِيّ عَآلَمَيَّ الحَآلِمْ ., وَتَصَحَىْ الحَقَايّقْ فِيّ غِيَآبـِكْ تُلّوَعنـآ ‘ وَلآ زِلّتْ | آغَلَىْ الحَبَآيّبْ | وَالله آلعَآلِـمْ .. وَلآ زِلّتْ آدعي عَسَىْ الله لا يفرقناااا |
لك في كياني قاعدة عسكرية وانت بمقام الحب قايد لواها على شرف رتبتْك تعطي التحيّه مجمل كتايبها وساير قواها |
العواد ماعجبك التصميم هههههههههههههههههههههههه
|
اختلف مجمل شعوري دون سبه
و امتلت ابسط تفاصيلي كلافه كل شي كنت اخافه صرت احبه وكل شي كنت احبه صرت اخافه : لو شلت هم مايشيله جبل طي حذراك لا تبدي على الناس سرك من قال لك وش فيك قل له ولاشي ومن قال كيف الحال قل له تسرك |
يتبع تسالي آخر الليل لا سكّـر الله بـاب .. يفتح لنا باب و آليا ظلمونا خلق .. سخّر لنا خلق حكمه من الرحمن .. و أحكامه أسباب حتى نعرف الناس .. و نميّز الخلق ـــــــــــــــــــــــــــــ حدآني على بعض آلآمآكن غلآ آلغآلين آســوق آلـقـدم لحـمـآه وآجـيـه وآمــرّه آزوره ولـو آللقـآ ورى جيـتـي شيئـيـن رسوم آلمكآن آللـي مـن آلعـآم وآلجـرّه آنآ وآلله إني عـآرف آن آلطريـق يميـن ولكـن طـوآري آلقـلـب تـدهـآه وتـفـرّه غصون آلمشآعر بآلضمآير تجي وتلين وتمآيـل علـى قلبـي مـن آلعـآم وتجـرّه ــــــــــــــــــــــــــــــــــــــــــــــــــ ــــــــــ أنتبه تطوي شراعك قبل توصل للأمآن لا خذلك الوقت قل له الأمل بالله كبير ابتسم رغم الظروف ورغم عن أنف الزمآن ماخلق ربي عسير الا خلق بعده يسير ـــــــــــــــــ لآ تنَتظرٍ منَ ( فآقدَ آلعقل ) حكمَه .. وٍلآ تنتظرٍ منَ ( فآقدَ آلمرٍجلهَ ) خيرٍ .. وٍلآ يغرٍكَ فيَ ( آلرٍديَ ) لمعةَ إسَمهَ .. آلرٍيشَ مآ طيّرٍ ( آلنعِآمهَ ) وٍهيَ طيرٍ ـــــــــــــــــــــــــــــــــــــــــــ هوّن عَلَى نَفسك إذآ ضقت .. و تهووون لآ تنشغل بـ الشرح و آلجرح جرحـك اللي يَبي كرهك بـ يكرهك مـن دون و اللي يحبك مآهو محتآآج شرحـك ـــــــــــــــــــــــ |
ماكنه الليل ليـل بوحشـة غيابـك
من غبت عيني علي الساعه واراقبها ,, ومن الوله ياقف الهاجس على بابك وافـز لامـرت طيوفـك واعاتبهـا ,, ايوالله اني كثـر مامـوت واحيابـك نفسي قبل لاتسولف فيـك احاسبهـا ,, ولاجيت اعاتبك تزعل واقبل اعتابـك واجيك كلي فـدا عينـك وحاجبهـا ,, الزين لو هو وقف قدامـك ايهابـك وصايفـك كاملـه ربـي مرتبـهـا ,, مالـوم قلبـي اليا مـنـه تغنا بك طاريـك يمـر بافكـاري ويطربهـا ,, ماكن هالليل غالـي يـوم ماجابـك في غيبتك عـذب عيونـي وتعبهـا ,, تصبح على خير ياللي نامت اهدابـك وانا عيوني على الساعه واراقبهـا |
اقتباس:
رحيل - الجوهره ذائقه فخمه اي تصميم يا رحيل ما شفته والله وينه ؟ |
الله لا يعمينا توي انتبهت له ابداع الله لا يهينك اشكرك من القلب |
ياصباح الورد والبرد والخير والعافيه للجميع
مبدعين وحضور ولا اروع ابو بندر استعجلت على كفالة العواد لانه قال دام ابو بندر غايب ليش اتحبسوني ريم قصه جميله جدا ذكرتني بواحد روقي بنفس الاسم وصار له قريب من هالقصه مع تاجر وزوجه وولاه على كل شي بس موبالقصيم ههههههههههه ليتني اذكر قافية استفتا العواد ابا افتيه لكن ابا افتيه لو بغير القافيه ــــــــــــــــــــــــــــــــــــــــــــــــــ ــــــــــــــــــــــــ ان كان قلبه بحرز ومعه مفتاحه=ولا شاح به للعذارا يوم مرنه فاللي سرقته تعدت حد وامباحه=وان كان في حسن نيه تدخل الجنه |
ريم الفلاء
قصه رائعه يسلم ذوقكـ ودام حضوركـ يالجزله العواد ابو بندر الهواوي حمد دام حضوركم وصحت السنتكم نور تسلم يمينكـ على التسليه منوره السجن رحيل المهره دام حضوركم وصحت ذائقتكم يالمبدعات الجوهره تسلم يدينكـ على التسالي ولا عدمنا حضوركـ ذائقتكـ جميله وتساليكـ اجمل |
اقتباس:
الي الشرف يوم تطلبني والبي لها ـ شعارنا في رواسي كاملين العقول مامنهم الي يجيب الهزله ايشيلها |
زلــة قـريـبكـ عـند الاجـنـاب تـكـويـك
لو كان ما يسوى على الحزم ما طاك ـ اليا صبرت الصبر ماهوب مشفيك ولـيا تـرديـت الـردى مـا تـعـداك ـ اما بركت لحملها والـوجع فـيـك ولا قطعت بسيف يمناك يسراك ـ والي على وضح النقا ما يصافيك لا تـامـنه لا عـقب الـوقت يـمـنـاك ـ دور على الي من تجاربه يعطيك الي ليا شاف الـغلـط منك قـداك ـ الي عـلى طـيب ومـعزه مصافـيـك وعلى الدروب الي تنقصك ما اغواك ـ ون غبت عن شذب العراقيب حاميك بالـكـلمه الـزانه وبالـشـين مـا اطـراك ـ اخير لك من حيةٍ في مخابيك امـا تـغدى مـنـك ولا تـعـشـاك |
رد الشاعر ابو منصور على الشاعره ريم
اللي ذكرني له معزه وتقدير=عبر الرسايل بالنظام الحضاري جات الرساله ولكم ابدي معاذير=ياعضا رواسي نجد هذا اعتذاري ماغبت كره ولا اقدر اجد بالسير=ولاغبت جفوة مجتمع باختياري حدتني ظروف الزمن والمقادير= والله يسهل باتخاذ القراري اقبل قرارات الوزارات واطير=في جوي ابعد عن سموم وذوراي حتى القريحه صارت اتفر واتغير= والشيب جاله بالقريحه مواري |
ابو فيصل صح لسانك ولاهان راسك قصيدة وافيه ورايعه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ ابا اسألك واجب على قد عقلي=لا ديلوماسيه بردك ولا الغاز وخل النديب يسير بالرد عجلي=المنتظر كنه على شعلة الغاز اللي يبالغ كلما جا يهلي=بالله عليك اشلون له هالجفا جاز ومن عقب قوله يابعد كل من لي=يعقل لمن له بعد هالقول ينحاز؟؟ والا كلام يزاوله للتسلي=ويعطي لرمح الهجر من خلفه ايعاز؟؟ |
من الارشيف
يادار لو تدرين انا منفتن فيك=وفي كل راس اسبوع اشغل واجيلك ماهوب حبٍ في رباك ومبانيك=لولا (.....)فيك ماكنت اجي لك معي ارجعي يادار ليامنا ذيك=هو من هلك وانا جواره نزيلك ذيك السنه لي عذر اغادرك واجيك=لو رحت منك عصير صبح اغديلك كم اسعدتني عقب ضيقه لياليك=وكم تك خلقي عقب الافراح ليلك ذكرت عذبٍ له تليق المساويك=من غيرتي ياعود الآاراك ويلك ياذاك انا واللي بلاني بك ابيك=من عشرتي وراك تنفض شليلك |
اسعد الله ظهيرتكم (:
صحت السنتكم واذواقكم العواد حصل خير ومن قال مايهون الابداع منبعك العفو والله السجن اللي فيه بركه طلع الجديد نطالب بعدم اطلاق سراح الفراج هههههههههههه |
يسعد أيآمك وكل اوقاتك رحووله
والجمييييييييييييييييع وصحت الالسن والاذواق ويعطيكم العافيه منووووره حبيبتي رحووله وتسلم يمينك على التصميم الرائع ويستاهل شاعرنا العواد وانا اضم صوتي لصوتك بعدم الافراج عن الفرآج هههههههه |
|
ابو عبيد صح بدنكـ
وصح لسانكـ مليوووون ولا يكفوووون رحيل ابي اطلع واحطكـ في السجن بس صبرك علي ههههه ودااام حضوووركـ الجوهره علامكـ تفزعين لرحيل تراكـ راعديه هههههه يسلم ذوقكـ ودااام حضوووركـ |
| الساعة الآن 04:37 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir