|
ابو بندر
الله يسلمك وجزاك الله خير ع الدعوه والله يتقبل منك ان شاء الله رحوله الله يسلمك يانظر عيني وجزاك الله خير يالغلا ربي يسعدكم ولا يحرمني منكم يارب |
شاعرة صح لسانك
حمد صح لسانك ولاهنت النجلاء غاليتي منوره الله يشفيك يارب ويعاافيك هلا بالصبايا ولاهنتن على التواجد |
تسلية
الذكريات القديمه مالها والي ماعاد خلتني افكر على كيفي العام ياصاحبي ميعادك قبالي و هالعام ما جيتني فالبرد والصيفي مدري وش اللي جرالك يا بعد حالي جيّتك تنحب لو هي جيّة الضيفي لو انها بس تسليمه و فنجالي اخير عندي من وجيه الملاقيفي الوقت يومين مر و بعدها حالي واهل المدينه ما عاد تفضل الريفي |
صح لسانك ريووومة
روووووعة يا ...كل الروعة والذووووق |
هلاااا بالجميييع
ويعطيكم العافيه وهلا وغلا بنجولتنا الغاليه ولا بأس عليك طهور ان شاء الله الله يشفيك ويعافيك ومرضى المسلمين وتردين لنا وانتي بأتم صحه وعافيه ان شاء الله فاقده زعيمناااا الفرآج وزعيم العآآآصفه الهوآوي عسا مانعهم خير ويردون بالسلامه ان شاء الله |
النجلا ماتشوفين شر ان شاء الله والف لا باس
ابو بندر صح بدنك ولاهنت ويامرحبا بك ريم صح لسانك على هالفاخره اي والله فاقدين ابو عبيد عسى المانع خير |
http://www.r111n.com/image.php?u=120...ine=1490677808
منورهه يالغاليهـ والله لكِ وحشةة . ماتشوفين با’’’’ س .. سيدتي احترامي وتقديري لسموك . وسامحيني تراني أحب ألمزح |
أبوعبيد . فيه . ألابهر , يوجعه . تعرفون ألابهر,, داخله برد .,,الله يحفظه .
|
أصبحنا وأصبح الملك لله رب العالمين اللهم إني أسألك خير هذا اليوم فتحه ونصره ونوره وبركته وهداه وأعوذ بك من شر ما فيه وشر ما بعده. ,, ..
ودي أدخل السجن , فراشي معي ههههه |
|
اقتباس:
مساا الخير عـ الجميع صح لسانك سجيننا المبدع مجاراة كاايفه وناايفه, وصح بدنك وصح لسانك على هـ الدرر والحضور الفاخر وصح لسانك مبدعتنا المميزه ريم وصحت الذوائق الراايقه لاعدمنا حضوركم الفااخر,’’ |
قصّرت في حق المساجين والحين=عشانهم تقدير جبت الكفاله خفيرنا فك الكلبشه من ايدين=حمد وسلمى يالبطل في عُجاله ورح لو سمحت لـ .ريم بنت الميامين=جبها وخل الشوق يبزا عياله قل نجد ياحلوه لها عندكم دين=ومن كبر قدرك عندها والزماله نبيك في سجن القوافي تقيمين=كم يوم وتغنين شعر الجزاله وانا ترى كن لي من الشعر عامين=متهيضه والجو نشّاا خياله ولّي حمامه فوق غصنك تغنين=شوقك معك وانا بعيدٍ وصاله ثرتي المشاعر ليش وش تستفيدين=بالله روحي واكسبي بي جماله البارحه مالجلج النوم فـ .العين=فيني وله يصعب علي احتماله |
مساكم الله بالرضى ،،
صح بدنك يانجد وصح لسانك على هالكفاله الكايفه ريم اقامه طيبه يابنت الاجواد |
هلاا بالجمييييع
ومساء الخيرات والمسرات وصح لسانك شاعرتنا المبدعه ومبروك الحريه حمد ومنووره السجن ريووومه خيال. لا تفاول على شاعرنا له فقده والله. والغايب عذره معه والله يرده بالسلامه |
يسعد مساءكم
لا هنتم جميع |
هلا .. هلا .. بالسجن ههه ضحكة صدمه
مامداه حمد طلع بسرعه لكن مبرووك الخروج ولاهنت |
ماهو ضرم فنجال دلـه مـع بريـق = ضـرم وصـال اللـي لعلـه ياليتـه تسمح له ضروف الزمـان الواحيـق = اللـي تناسينـي وانــا مانسيـتـه فوق الخطر دون الوصل نشفت الريق = وحبل اللقـاء لـو ماربعتـه ثنيتـه البعد شلفى ذيـاب سـم الصناديـق = والقرب يرفى جـرح لـو ماهتنيتـه مخلـوق لكـن دون كـل المخاليـق = حتـى عقالـي دون حزنـه رميتـه موقف حزيـن وبددتهـا الطواريـق = وانـا وقفـت بموقفـي واحتميـتـه الشاعر محمد مريبد العازمي |
عزالله انـي كثـر ماحبـه اغليـه=حبه مثـل حـب الكويـت الشقيقـه
واحلى منـه مافيـه واللـي محليـه=كله علـى بعضـه مشاعـر رقيقـه اشعلت له جمـر القصيـد وقوافيـه=وسهرتله ليـل العشيـق وعشيقـه وعلمته اسلـوب الغـرام ومباديـه=واشتقتـلـه بالثانـيـه والدقيـقـه حتى اصبحت كـل المبانـي مبانيـه=تاريخ وامجـاد وحضـارة عريقـة الله يغفـر اخـطـاه والله يخلـيـه=والله يحرسه مـن عيـون الخليقـه محمد مريبد العازمي |
على ذكر الغرام وشرهة الغالين للغالين =بعد قفت وسومك واجدبت خضر البساتيني
ضميتك بعد طولت الغياب ولا غفت لي عين= وانا لو أنت بحري واشربك ماأظن ترويني انا ماعاتبك ليش الجفاء لأني اعرفك زين=لكني لاكتبت الشعر في مثلك يسليني ادور لك عذر بين الظروف وسجة السالين=وادله خاطري في كل لحظة بينك وبيني عسى الله لايعيد الضيقة اللي مسا الاثنين=بعد ما جرحتني من فراقك ودمعت عيني هذاك اليوم لينت الخفوق اللي حشا مايلين=لو تلين الرجال اللي على الشدات قاسيني محمد مريبد العازمي |
مساكم فل وياسمين (:
صح لسانك نجد كفاله فاخره مبرووك الحريه حمد ومنوره السجن ريومه |
الجوهره الله يبارك فيك .
اقتباس:
هههههههه مبروك السجن رحيل الله يبارك فيك وتسلم يمينك يامهرة يام على النقل الطيب للدرر الكايفه وصح لسان شاعرها |
اقتباس:
صح لسانك يانجد قصرتي منول وحاضر وبعدين والعلم واضح من حروف الرسالة ان كان مقصودك علينا تعدين مافيه داعي للجهل والجهالة الله يانجد انه على سجنك يعين واجيب لي من ندر الشعر هاله والسالفه مغير يومين وتزين اكيد منتي تاركتها طواله وان كان من نوح الحمامه تنوحين انك تطيقين الفراق أستحاله ما يستلذ الليل غير الحزينين وكلن يسجل من ظروفه مقاله اللي نثر و اللي يعبر ببيتين اهم شي يترجم اللي طراله و انا على طاري فراق المحبين هذا اختصاص القلب مدري مجاله ياكثر مايطري علي احمر العين اللي جمعها بين شعر ورجاله اثر المفارق شين واقوى من الشين احيان ودك خافقك يصبح آلة |
صباح الخيرات والمسرات وصح البووح ابداااع وامتااااع جل تقديري |
شاعرتنا ريم الفلا النور نورك يالغاليه
وجزاك الله خير الجوهره تسلمين ياعمري وجزاك الله خير شاعرنا حمد الحربي جزاك الله خير ان شاء الله خيال مطير مايوحشك غالي ورواسي منوره بوجودكم يالغوالي لاخلا ولا عدم |
هلا بالجميييع
وهلا بالطله الحلوه نجووله منووووره المنتدى والسجن والحته كلهااا والحمد لله على السلامه وآخر الغيبات ان شآء الله |
وصباآآح الغلااا
وتسليه صبآحيه للسجينه الجميله ريووم وللجميييع https://www.youtube.com/watch?v=PJZxtUchfrE |
منووره نجوله
منور شاعرنا ابو عبيد اخر الغيبات ان شاء الله ، لا لا تبرر ياغلاي ولا تزيد لو مارضت نفسك عيونك راضيه لاابطيت جيت وجبت لي جرحٍ جديد ما مرةٍ جيت ويدينك فاضيه ابا اسألك لا من جرحت اش تستفيد في شب نارٍ في ضميري لاضيه واعرف ترى لك يالغلا حب ورصيد في قلب من حبك وروحه راضيه (: |
(ياليتنا من حجنا سالمينا====كان الذنوب اللي علينا خفيفات)جمله اعتراضيه ههههههههههههههه
السلام عليكم ورحمة الله وبركاته ماتفقدون غالي كلكم النجلاء هلابك والله يجمع لك بين الاجر والعافيه ولاباس ان اشاء الله شاعرة نجد كفاله فاخره ورائعه واللي بعدها اروع ريم من قال بالناس قالوا به =ومن عال ياتيه عيالي خيال توني تاكدت انك مراهق هههههههههههههههههههههه ياحبي لك لو ما اعرفك الجوهره والمهره ورحيل والكنقه هلابكن ومساكن اسعد من صباحكن ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ وشلون اتذكر؟مانسيته!!قل استرجعت=ايام اعتبرها بس بالعمر محسوبه واستسلمت للواقع ولامر الزمان اطعت=دول باهلها ماهوب انا بس..منكوبه ما ادري!بس يوم انك ضربت بجفاك اوجعت=قلبٍ من تولع بك هقاويه مسلوبه ملوع وماكفاك مابه بفعلك لعت=بعد قيل شاوى من بلاويه يادوبه افرحت الشوامت والعواذل وبه شنعت=وهديت ما شيدت طوبه باثر طوبه من اول يصفك القلب لااطروك باجمل نعت=وهالحين لاطروك له قال (والكوبه) |
السلام عليكم يسعد مساء الجميع ماشاء الله استعرضت جميع الصفحات الماضية ولاهنتوا على التواجد الرائع أوعدت أبو بندر برد وسافرت وتو جيت وإن شاء أنزلها بعد الصلاة لضيق الوقت الجوهرة ورحيل وملكة والمهرة ونور لاهنتن على التواجد والمشاركات والحضور الفاخر سلمى يامراحب فيك في السجن وحياك المولى! حمد الحربي صح لسانك وحياك الله! خيال يامراحب! أبو عبيد مفقود وإن شاء الله نتواصل معه بعد شوي ريم الفلا أبدعتي يالقرمة وصح لسانك على العذوبة والجزالة والإبداع! أبو فيصل وين الغيبات يالقرم؟أتحفنا بحضورك العذب! تقديري للجميع ولي عودة إن شاء الله,,, |
هلا مرحبا يالراعديه ومدي يدك=ابا اسوق لك يالريم ما يطرد عماسك من بريةٍ شوفة معاميلها تسعدك=يذكرك جذوة جمرها ربعك وناسك لو اني على مدحك لحزب الرعد ما ايدك=وهم اثنين لو كان اربعه شيبو راسك زعيم الحزب بمعلقات الغنا يوعدك=وبقل الوفا بمواعده ناقده حاسك لكن اشهد ان الحظ مع هالعرب قاردك=لو لك حظ ضمك في طرف حزب متماسك |
صح لسانك يالهواوي وحمدلله لله ع السلامه , وصح الله السنتكم جميع ,
أيه ماتعرفني بابوعبيد , يجي يوووم وتعرفني زين هههههههههه هههههه تعرف المراهق هههههههه شطحـــــــــــــــــــــــــةة لاقالوا مراهق الخمسين=صحيح في حالت رهاقي غطى على مراهق العشرين=كنه ينافس على سباقي حالات بالعمر حين وحين=نخص ولانعم الأوراقي حاله تجي نادره وتبين=بعض البشر يمكن تلاقي تلقى العلامة لها تنوين=والوجه مشحوب ودقاقي والشيب مصبوغ بالتلوين=ومعامل ِ كل حلاقي لاصار مافيه وازع دين=في أخر العمر عشاقي وبليس حطه من الغاوين=مغويه دايم بالأسواقي خلاه حبحب على السكين=طربق له الطبل طرباقي متواجد بسوق بوريالين=والجوى له توى ماراقي لاشاف مركوزة النهدين=قلبه خضر لين رقاقي من ماب قلبه ولابه شين=والضغط عامل به أخفاقي يضحك على نفسه المسكين=وعينه على كل براقي |
يا ابني ليا سرقت انقل صح ههههههههههههههههههههههههه
|
وش هالنور ياسجن الرواسي غشاك اليوم=سمعني وقال السجن ذا نور ريومه نجد كلبشتها عقبكم والعلوم علوم=وهذاهي تصيح لحزبها الشين وتلومه الا يالعقاب اللي بالاجواء تدير الحوم=انا افداك خذ لك فوق دار الغضي حومه لعلك تشوف اللي من مفارقه محموم=وليا انهيت حومك هات يالافدع علومه انا ياشقر الجنحان من عقبهم منجوم=اصحصح شوي وتدرج براسي الغومه ما ابيع الغلا مهما جفا لو يزاد السوم=لو ان القضيه يا اشقر الريش محسومه صح لسانك . شاعرنا الهواوي ,, خيال |
اقتباس:
ههههههههههههههه هههههههههه |
وهذي سرقه
يالفطاحـل يسـروا لـي شـي مـن حـريـة ... ودي اكتب ما انتجه فكري وصاغه راسـي بالله اعطونـي طـرف صفحـة ولـو عـاريـة ... والخـسـارة لابـتـب وقطـعـة القرطـاسـي شـاقـنـي فـــي منـتـداكـم وردة جـوريــة .... بيت وإن زادن عن العشرة ترانـي ناسـي يــا نديـبـي شــب نــارك واحـكـر الـبـريـة .. شب في جزل الرموث إن برد النسناسي فـي مسيـل ٍبيـن خشـم الـغـار والرمثـيـة .. السمر والعـرن قضاهـن صليـب الرأسـي الـسـلاح الـلـي تشيـلـه حرمـتـه دولـيــة ... لو تجي قايد جيوش اهلكت كـل الناسـي تـفـنـي الـعـالـم ولا يـبـقـى لـهــم ذريـــة .. كيف تلقى اللي تبي لو طاح بالأرماسـي شنـهـا بـسـلاح ٍابـيـض خــل بــك حـنـيـة .. لايجـي قلبـك بـلا رحمـة وباسـك قاسـي خـابـرك والله ذكــي دايــم ونـــارك حـيــة .. ماتفوتـك مثـل هالفرصـة واظنـك نـاسـي يــوم ولـمـت دلـتـك مــا قـلـت للنشمـيـة ,, صبـي القهـوة بيمنـى مايجيـهـا البـاسـي وكان شفٌـت شفـة الفنجـال بيـن إشفيـة ,, شفه مـن الشفـة اللـي شفتـه بالآسـي وكلماقلبـي خلـص شحنـه مـن البطـريـة .. إشبكوا له شاحن الذكرى وزاد إعماسـي وكلـمـا قـلـت إنتهـيـت وتنتـهـي هالـهـيـة .. جاء الفطاحل والنداوي وإقبسوا مقباسي الرصيـد مـن العقـل مـن عـام فيـه شويـة ,, وهالسنة فـي ربعهـا الأول يتـم إفلاسـي صح لسانك يابو عبيد . وتستاهل الجوري .. شفت أني أقشر ههههههه هههه |
النجلاء الحمد لله على السلامة والله إنك على بالي وأحسب إني ذكرتك في المشاركة الماضية لكن ماتشوفين شر وأنا أخوك وطهور إن شاء الله ولابأس ! أبو عبيد كنت بكلمك وشفت مشاركتك قلت مابه خلاف لكن صح لسانك يالعود ولاهنت! أبو بندر صح لسانك واستلم ياحج! عاجل وهام ماجور يالناقد عساها سلامات=من التهاب الحلق ومن الحراره كل العرب مثلك تعرض لوعكات=مير انت ماعندك صمود وجساره من التهاب الحلق عالمت الاموات=ومن التهاب الاذن جاك انحداره ياصاحبي وصفك تعدا العبارات=صياحك ارعب من سكن فالقراره حيرت أطبانا معك والطبيبات=الاستشاري فيك يبغاء استشاره حتى اغلقو يالقرم باب الزيارات=وحطوك لوبرهم من البعد شاره واستدعو اللي حولنا من غبيات=يباء يحصرون المرض وانتشاره هذي علومٍ جاتني قبل لحظات=وصليت قبل اقولها الاستخاره :2dasda1::sweatdrop::happydance: الله يجيرك من صواديف الأزمات=ياشاعرٍ مبدع وعندك عَيَاره أزمة وعدَّت يارفيقي سهالات=ماهي بدايم ريف تاره وتاره العافيه ثوبٍ ولاله ضمانات=لابد مايَبْلى ويَتلف زراره تضحك بنا يالذيب لكن هيهات=تومي بك الدنيا وتشرب مراره كني أعاين فيك في ظَلم بالذات=منوَّم وْمِغلَقْ عليك الستاره املبسينك من ثياب الخواجات=شنقوطٍ أزرق فيه ختم الوزاره ثم ورنا مشيك بهاك الممرات=كنك خفيرٍ سارحٍ للخفاره إن طعتني لاتستمع للإشاعات=عينت مأرب؟ راح بأسباب فاره :2dasda1: |
السلام عليكم والرحمة صحت السنتكم جميعا الاخ ناصر ....سلامات جوهرة وريومة ومهرة ورحيل والاستاذعبدالله وخيااااال منوووورين بوجودكم اقلط بصدر المجلس الله يحييك على يسار القلب والا يمينه ماتغلي الا من يحبك ويغليك ممنون لو ترقد على رمش عينه |
حبيبتي النجلاء
سلامات ماتشوفي شر بإذن الله اسأل الله العظيم ان يشفيك ويعافيك ويمتعك بالصحة والعافية انه على كل شيء قدير |
احمد العوفي ،، خيال مطير
النجلاء،، الجوهره ،، رحيل ،، نور منورين الله يسعدكم |
اقتباس:
صح لسانك يابو محمد اشكر لك سعة صدرك يالامير |
| الساعة الآن 05:11 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir