الهواوي ربي يسلمك ومنور شاعرنا

حلو جميل جدا

لي عوده باذن الله

السلام عليكم ورحمة الله وبركاته
ماشاء الله تبارك الله
مقترحات واطروحات جميله حقيقة
والشكر الجزيل لصاحبة الفكرة والبركة في اعضاء هذا الصرح الشامخ من رأس الهرم الى اخره هم اساس هذه النجاحات واصحاب هذه الابداعات
واليكم مشاركتي البسيطة

رواسي نجد صرحٍ لو نعيف اصروح ماعفناه
عليه اركاب شعري درهمت نوبه ورى نوبة

وسكبنا من الادب شي جديدا ما سبق قلناه
احاسيس تقل عطرا على الاوراق مسكوبه

ياسلام فكره رائعه
من شاعرتنا الجميله والمبدعه
يعطيك العافيه ريومه وصح لسانك
وصح لسان شعرائنا وشاعراتنا
تقديري لسموك

تم تعديل البيت حقي

رواسي نجد هذا الصرح شامخ ما اختلف مبناه
و حنا اللي بنينا صرحنا طوبه على طوبه

على حب ومحبه في بياض قلوب شيدناه
وعلينا واجبٍ للمنتدا نعطيه ماجوبه

نسجل ماتبوح بْهْ المشاعر كل ماجيناهـ
نصوص مْن الذهب واللول والمرجان مكتوبه


شموخٍ يرسم علوه قصيدٍ ارتبط معناه
يشيّد في تفاصيله بحورٍ بالوفا تجوبه*

رواسي نجد نادينا على أسمه والمثل يعناه*
على مرساه نوَخنا ونار الشعر مشبوبه*

جمعنا قلوبنا قدام بدع القاف ومغناه
ونبذنا اللي يعكر صفونا بغناه واسلوبه

رواسي نجد صرحٍ لو نعيف اصروح ماعفناه
عليه اركاب شعري درهمت نوبه ورى نوبة

بكل احساس نضويله على كف الوفاء شلناه
بمعنى الشوق ناجيته على كيفه ومطلوبه

وسكبنا من الادب شي جديدا ما سبق قلناه*
احاسيس تقل عطرا على الاوراق مسكوبه

وعليكم السلام
حياك الله سلطان ومنور الموضوع
ولاهنت على الاضافه الرائعه

لقيت لاهنت وشكرا لك على التواجد والمشاركه
الرائعة


مهرة يام منورة غاليتي الموضوع
ولاهنتي