|
اقتباس:
صح لسانك على الرد الوافي ولاغرابة يالقرم وصح لسسانك على الإبداع المتوالي منقطع النظير,,, |
اقتباس:
انتبه خلك من العاصفة ورح وراك إن عودت للرعد ماحظك بطيب |
يسعد مساكم
الحمدلله على السلامه يَ الناقد اخر الغيبات (: يا ليتني هايدي و عايشه بالألب أرعى مع بيتر في ذيك المراعي لا خوف يطـرينـي ولا هـم بالقلب طفله بريئة حلـمهآ كان راعي هههه ههههههههههه |
اقتباس:
صح لسانك يا غشام يا مرحبا باللي له الجزل ينقاد شاعر وله فالصدر عندي مساحه ـ اليا حضر يبدع وذا غاب ما عاد ينشد عنه لو طال عنا مراحه ـ والعاصفي لا طول بعينه الماد ارجع وتلقى العاصفي في مراحه ـ بعض العرب يبغى له الصيد ينصاد وبعض العرب كل الفرص له متاحه |
يا مرحباء بالناقد
يالله حيه وحمد لله على السلامه منور يالامير وصح بدنك ومتابعتك شرف ريم رحيل منورين لا عدمنا حضوركم |
هههههههههههههههههههههههه ارجع وتلقى العاصفي في مراحه ذكرني في بيت لسعد بن نافع العنزي رحمه الله يقول
كلٍ يسنع نفسه الا ولد شاه ===من حيث يمسي في مكانه يباتي ومنها يقول ياما وسم من خد وضحا خونداه==== سدس ورباع وفيه رمس جذعاتي والرجل الي يحرث عن الخوصه هههه من وين له ضلف خذ راحتك يابو فيصل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ اخاف ابو فيصل لو غزى واحتزم في ريم=يجي مثل عنتر عبس ياما اكبر حزامه انا اعلم وقالوا فوق من هو علم عليم=يعذر بوح شاعر لو على ما حصل لامه فكيت المره من سيم وادرجت ذاك بسيم=ما فكرت في شلفا ابن فراج وحسامه انا اكتب وانا في جوي من العشي تعتيم=الزمني ورحت ولا قويت افرض الزامه الاجوا براد وكن في داخلي جحيم=من الضيق لكن ما جزمت الغي ارقامه |
اقتباس:
اقتباس:
صح لسان غشام وصح لسانك يالفراج |
اقتباس:
يا ناصر على الفراج يا كيف نقبل ظيم تعوذ من الشيطان لا تتبع اجرامه و حزبك لو انك تفتخر فيه نصه نيم و يسهل علينا لا رفع صوته الجامه و ترا السيم للحيوان لا هنت و انت فهيم و لكن عرفك ضاع في وسط دوامه اذا كان ضايق صدر ما كل وقت نعيم يدور الزمان و يلحق الهامه الهامه الاجوا براد و لا بقى الا نشوف الغيم و يسبل سحاب الوبل و الخير قدامه |
اقتباس:
الناقد هلابك وصح بدنك ومتابعتك وحضورك يكفي والله يسهل أمرك |
اقتباس:
صح لسانـكـ يالهواوي انا ما خبرت ان الهواوي يبا تعليم وابترك رفيقي نايم يكمل احلامه ـ ترى حزبنا ماهوب في حاجت التقييم على قمة ابداع الشعر شيد خيامه ـ ونا لا حضرت اكرّم اهل الوفاء تكريم وخصمي يا ناصر فالقاء تبرد عضامه ـ الا يا هبايب نجد سوقي عليه الغيم قبل لنشد اللي صابه الضيم من ضامه ـ اذا ضيقة الخاطر من الي تقود الريم ابا سوق جاهيه على الزين وعمامه ـ وذا كان في صفحة هل الغدر سين وجيم رفيقي وبا اقف مع رفيقي على اخصامه |
اقتباس:
ههههههه صح لسانك يالمبدعه |
اقتباس:
خلك لمقسومك من الرب شاكر=ولاتشتكي للخلق ربح ومخاسير من يجحد النعمه هذا انسان ناكر=الحمد لـ اللي مدته مدةٍ غير لاتلعب ألا بالاكك والجواكر=ولاتنجرف مع درب حب الغنادير طعم المراره عقب طعم السكاكر=هذا اختبارك فالليال المعاسير |
صباح الخيرات والمسرات للجميع
ابو فيصل صح لسانك وبدنك ريم صح لسان وبدنك ولاهنتي البارح ليلكم ليل ارنب والسيم يربط به الادمي والحيوان والنبات ولا احلى منه اللي حرك قرايحكم ابو بندر صح لسان ولافض فوك مجاراه فاخره ولاغرابه البارحه للرواعد ياجماعه سامعٍ صوت=بالله عليكم وش اللي رافعٍ صوت الرواعد ناقدهم من امس قص ولصق لين انه ملا النوت=من حين حول الى نومه وهو ينقل وقاعد وشيخ الرعد من دخل بالسجن متحير ومبهوت=يوعد بذبح الخصم واحيان بالفزعه يواعد ليل الشتا ما اطوله لو ريم جابت للفتا قوت=وشداد مركى لشيخ حزيبها والفرش جاعد |
هههههههههههههه
صح بدنكم وحي الله الناقد صح لسانك ابو فيصل صح لسانك الهواوي صح لسانك ريم صح لسانك ابو بندر مبدعين كلكم يامحمد لو تحيزمت بـ الريم اللعوب تحلم لك بـ حلم لاكن منت بـ مدركه الرعد في المزن والمزن لاهب الهبوب ساق له من غرب وامسا بشرق المملكه رحت مع ناصر علينامن كبار من الذنوب وانت فيك الخير لو قيل مافيك بركه بس حزبي يوم وقت المغازي والحروب كلبوكم حطكم يالثنينه بـ شركه لاحضرنا نتوّب الخصم لين انه يتوب والبحر ماضاق من كثر حوته وسمكه |
اللي تبيه يصير من دون تحديد
آمر تدلل ياحبيبي عليّه فديت انا للعنق والخد والجيد وعيونك اللي جابت العيد فيّه |
اقتباس:
هههههههه الله يقطع عدوك يالهواوي وش سالفة الأرنب ؟ وش ليله |
اقتباس:
مع .. اكر |
اهلا ياغشام وصح لسانك
اهلا ياريم ليل ارنب مثل يطلق على اللي يسهر الليل كله ويقال البارح ليله ليل ارنب لان الارنب قبل يطلع عليها جيل غشاموه ما تفلي الا بالليل من تهريف الشمس للمغيب الين تصبح هههههههههههههه بحر لكن البحر ياوسيع العرف شوب=للنوامي شر ولمن يغوصه مهلكه وحزبنا يفجع له اقلوب ويسلي قلوب=وان تعنت خصمنا صار بالحلق حسكه من فعايلنا بجبهة مدمركم ندوب=والرعد لو غز خشمه هوين ندركه والمسافه بيننا وبينكم طول الدروب= مثل مابين الخُبر لين تدخل مدركه |
اضحك وانا ما نيب للضحك راغب=لكن فيه اكبح جماح الشواميت
|
تغريده خارج السرب
البارحه قاسيت شتى المتاعب=وحاولت اهونها على النفس وازريت واضحك وانا مانيب للضحك راغب=لاشك فيه اكبح جماع الشواميت بعض التجارب وكلتني مقالب=مابي غبى لكن على الغايه ارهيت هذا اينبني والآخر يطالب=وشكاتهم كثرت وطالت ومليت |
اقتباس:
ابيات رووعه وفي الصميم |
مساء الورد
صحت الالسن والاذواق مبدعين وجزلين لاهنتوا |
بوح شاعر صح لسانك
الهواوي لاهنت على التوضيح وصح لسانك مهرة يام منوره غاليتي |
عمر الغلا ما يجي بإحراق ومعامـت
معـامـتٍ نفـسـك بنفـسـك ومحـرقـهـا بعض المحبـه طيـورٍ كـل مـا حامـت مـا مرهـا مــن الهـبـوب الا مفرقـهـا وبعض المحبه طيورٍ كـل مـا شامـت عن دارها كن جفـا (المربـى) يوثقهـا |
ياقصـيـدي هــل تـكـفـى لازهـمـتـك ياقـصـيـد
مازهمتـك مـن فـراغ ولانصيـتـك مــن سـعـه ضايق صدري وكن ضلوع صدري من حديـد لادخــل بـيـن المحـانـي هـــم عـيــت تطـلـعـه ضايـق وابغـي المسيـر وكـن فالرجلـيـن قـيـد ليـت حـظ يقـطـع الـرجـوى تجـمـل واقطـعـه وجـد حالـي يـوم قدنـي مـن بعـد حبـه وحــيد |
الحـب فيـض صـدور والـشـوق ديــره
والقلـب مـن جـور المقـاديـر مـحـروق كـثــر الأمـانــي والـلـيــال الـقـصـيـره تعيشـك فــي ضـنـك وتـمـوت مخـنـوق قـالـوا تـحــب وقـلــت لـلـحـب سـيــره قالـوا تعـب مـا بيـن عـاشـق ومعـشـوق قلـت التـعـب يحـتـاج صـبـر وبصـيـره ولـولا التعـب مـا حصـلـوا للهنــا ذوق وأنــا هـويــت الـلــي بـحـبـي جـديــره ماهي على ما قيل مـن طـارف السـوق فــي عينـهـا ســـر الـبـحـور الـغـزيـره وفــي خـدهـا وهــاج رعـــاد وبـــروق الشاعر حمدان المري |
اقتباس:
يحتزم في بنت قومٍ ليا جات الخطوب يكسبون العز ما هو بكذب و فبركه فعلهم في نجد يوم انها نار و شبوب فعل جيش ابو بكر فالجيوش المشركه سطروا تاريخ ما يجحده غير الكذوب مثل نور الشمس يجلا الليال المحلكه الهواوي محترف بالجزاله و محسوب ولو يطيع الراي حزبه يتوب و يتركه و انت يا غشام حزبك على الدجه يجوب انت حزبك مير خارج نطاق المعركه وسلامتكم |
وهذي ذائقه
عن كل رجوى ماا سليت و تهنيت ما الله كتب لي فـ الحيآه أتهنى ـآ عفت ( التمنّي ) من كثر ما تمنيت صرت أتمنى إني ما عاد أتمنى ـآ عبدالرحمن جزا |
اقتباس:
يالله حي غشام هههههه صح بدنك وصح لسانك يالمبدع لولا هرج الناس محدٍ عرف وش فالقلوب والقلوب السود اهلها يجي فيها حركه ـ غن يا غشام ونته ملثم ومحبوب والرجال تبين لا حان وقت المعركه ما جذبني بارقٍ لاح فالمزن النصوب ليت بعض الهرج يا بوح شاعر تتركه وحزبنا في سجن الابداع بين ومحسوب ما نلد العين لفكارك المستهلكه لا حضرنا ماهرج في مجالسنا الكذوب وكل خشمٍ يرتفع عن مقامه نفركه كم خصيمٍ ضاقت بعينه اوساع الدروب ون بغانا نذبحه ون بغانا نتركه |
اقتباس:
صح لسانك يالهواوي مبدع |
اقتباس:
وصح لسانك يالجزله وشهادي فيك مجروحه |
اقتباس:
صح لسانك |
ريم ما دريت انك تبين تردين ولا كان ما رديت ما يحملون ثنين من حزب الرعد هههههه
وصح بدنك |
اقتباس:
|
سؤال ياهالربع من جد
دائما تمر علي شهادتي فيك مجروحه/ما اذكر قلتها الا مره العام ما ادري قبل ولا اعرف معناه من يوضحها لي الله يجوزهـ......ـا؟؟؟ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ دع مهايط احزاب الرعد والمدمر جنب=ياهجسي وعطني ما توسع به الخاطر قل فراق من قلبك يوده عذاب وذنب=وتماديك في تبع المقفي به امخاطر وانا طالبك عن ما يهجرس بداخلك انب=انا خابرك في كل ما تضمره شاطر ذيب الصدر من راحت غلاته يجي له قنب=حنينه يشابه حنة المخلج الفاطر هرس الحب ماخلا عجاج الجفا به طنب=وهبوب التوجد عكرت جونا العاطر ماهو قصر/لابالله له وسط قلب كنب=وروضٍ يعله من وفا حضرته ماطر |
صح بنكم
وصح لسانك الهواوي صح لسانك الريم صح لسانك الفراج صح لسانك المهره وبعدين حزب المدمر واحد يكفيكم كلكم مايحتاج حضورهم ههههه حاسبنهم لليوم الكبير الفراج تترك العود وتعود علي طيب ههههههه غيب قلبي يعلمه بس علام الغيوب وانت لك كم من شهر صايب لك حكحكه يوم اغني شاعر ً من عتيبه ومحسوب وان بدعت القاف ماظن غيري يحبكه لاحضرنا خصمنا الدم في عرقه يروب صابته سكته وجلطه ومات بـ مبركه وان وسمنا وسمنا في الجباه وفِي الجنوب مانضيع للهدف والمعارك تكتكه يوم بعض الناس يضرّبها شام وجنوب ضرب خيل ً وسط قاع ً وليلً ودبكه |
هههههههههههههههههههههههههه
لابله مبقين ردو مره ثانيه ــــــــــــــــــــــــــــــــــــــــــــــــــ ــــــــــــ لياصفقت لمحمد الفراج ريم =وغنت /محمد قال صح لسانها اكيد عضوه تعجب بشعر الزعيم=وزعيمها يطرب لحلو الحانها ماهيم ياحزب الرعد مهلاً ماهيم=ما انتم وحدكم عاصفتنا عانها من عام الاول حزبنا سقم الخصيم=لو شاعرة نجد احكمت قيفانها هذا الكلام اللي يوقع بالصميم=وتقرا الرسايل قيل من عنوانها |
ياسلام هههههههههههههههههههههههههه
يوم بعض الناس يضربها شام وجنوب حلو هالشطر صحت السنتكم جميعا |
هههههههههههه والله انك كفو ياغشام
تراهم مايحملون بشويش عليهم . صح ت الالسن جميع مبدعين وجزلين الله لايضركم |
عندي من الحكي لك ما زاد شوق
و ندر .. تعال في ضف دلّتنا وفنجالنا -- قهوه معك و القمر فاعلى المدينه بدر اما نسولف معه و الا على حالنا ،... |
| الساعة الآن 02:41 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir