|
انا رسمتك في الخيال وعشقتك
مدري متى يصير حلمي حقيقه |
اقتباس:
صح لسانك ولاهنت |
صح لسااانك غشااام ولاهنت
|
أفتقد حزبي وينهم ...
|
الله يسعد صباحكم
وصحت السنتكم جميعٍ ودام حضوركم ريم ما تفقدين غالي ان شاء الله |
اشهد ان الي مع العالم يجامل
مخطيٍ في حق نفسه ما تجمل ـ ما نفعني فالزمن حسن التعامل كل يوم يشيل صدري لين حمل |
سبحان من حطك بقلبي وعيني
لو كان ما بيني وبينكـ علاقه |
/
السلام عليكم ورحمة الله وأسعد الله أوقاتكم وحياتكم جميعا صحت ألسنتكم العذبة على جميل ابداعاتكم ونزف بوحكم الراقي / اقول ع اللحن الجنووبي : / ياقاضي الشرع قلي ويش حكم المجافين اللي لهم بالفؤاد ديار وابراج وقصور ماعاد لنا عندهـم غير الجفا والقسااوة احكم بحكمك عليهم ليتهم يرحموني روحي تبيّت على نهر الغلا من دموعي / المعذرة ع قصوري وتقصيرري ومثلكم يعذر / https://s-media-cache-ak0.pinimg.com...rose-sweet.jpg |
/
يسعـد مسآء اللي له الحب مخصؤص الغالي اغلى من جوآهر والالمآس واغلى من اللي دآخل البنگ مرصوص اللي عليها خآرج البنگ حــــرآس / روووووووووووووعة https://www.youtube.com/watch?v=wZGx4fOjqhY / / |
/
وقفَــــــــــة : ليكن في يومك غايات بيضاء مثل أن تزرع الفرح في وجه عابس ، أن تذهب عطش عابر ، اقطف الخير من كل سبيل وكن مطراً تفرح بك البساتين / https://pbs.twimg.com/media/DL7gYmcWAAAqy2C.jpg / اللهم صل وسلم وبارك على سيدنا محمد وعلى آله وصحبه أجمعين |
اقتباس:
يبو فيصل ماش شخص ً قيل كامل كل واحد فيه نقص ً مايكمّل بس حنا في مثل شرواك نامل ونتفرّج في الخلايق ونتئمل |
اقتباس:
متى تحط ايديك وسط يديني واهديلكم من غالي الورد باقه |
صح بدنك وصح لسانك يبو فيصل
صح لسانك هزاع صح لسانك شيخه صح بدنك ريم الفلا |
بخدودك الطرقا وبـ عيونك الموت
القلب ينزف من غلاك بـ وريده لو قلت فيك بيوت وبيوت وبيوت انتي لحالك ياحياتي قصيده |
يسعد مساكم بكل خير (:
منوره شيخة الغيد عودا حميدا وآخر الغيبات ان شاء الله |
صحت السنتكم جميعاااا شعراءنا المبدعين وهلا وغلا ي زعيمنا ماعليك غشام دواه عندي ولا يهمك هههههههههه ~
وصح لسانك ي الفراج وهزاع وهلابك ي شيخه منوررررره ي الغلا ~ وهلا وغلا ريومه ونجوله ورحوله ومهوره منورات ~ وصح لسانك ي غشام وصح بدنك اطربنا بقصائدك ي مبدع ههههههه ~ ودي وتقديري لك وللجميع ~ |
اقتباس:
صح لسانكـ يا غشام مليووون ولا يكفوووون مبدع الله لا يضرك غشام غزلان صحت ابدانكم شيخة الغيد منووره رواسي واخر الغيبات ان شاء الله رحيل لا عدمنا حضورك |
مساالورد
صحت الالسن والاذواق مبدعين وجزلين لاهنتو تقديري لكم |
صح بدنك ابو فيصل
صح بدنك المهره الهواوي شف المقطع واطلق سراحي ولا انتحرت https://f.top4top.net/m_665m76m60.mov |
مساكم الله بالخير يالرواسي
ياهلا والله ياهزاع وصح الله لسانك ملايين ودام حضورك الرائع ابو عبيد صح الله لسانك ودام ابداعك غشام صح الله لسانك مبدع ورائع ابو فيصل صح الله لسانك ملايين شيخة الغيد ياهلا والله نورتي رواسي يالغلا واخر الغيبات ان شاء الله خيال مطير حضور مميز وتسالي رائعه غزلان رحوله ومهوره وملوكه لاعدمناكم يالغوالي |
مساكم الله بالخير يالرواسي
ياهلا والله ياهزاع وصح الله لسانك ملايين ودام حضورك الرائع ابو عبيد صح الله لسانك ودام ابداعك غشام صح الله لسانك مبدع ورائع ابو فيصل صح الله لسانك ملايين شيخة الغيد ياهلا والله نورتي رواسي يالغلا واخر الغيبات ان شاء الله غزلان رحوله ومهوره وملوكه لاعدمناكم يالغوالي |
الله يسعد مساكم جميعا ياأيها الرائعون صحت ألسنتكم ودام إبداعكم ولاهنتوا اطلعت على مشاركة لريم تسأل عنا ونحن هنا يامبدعة وتو شفت مشاركتك اللي بالنقد ولي عودة عليها قريبا تو جيت الآن من مشوار! يامراحب يابو فيصل صح لسانك ملايين ولاتحرمنا من الإبداع يالقرم نعنشنا بأعذب القصيد يارائع! أنا والله بعض المشاركات ماشفتها لكن المسجون غشام مانسمح لأحد يكفله خله يطربنا بأعذب شعره! أبو عبيد صح لسانك يالعود ولاهنت على الإبداع المعتاد وغير المستغرب،وآخذ علومك إن شاء الله الجمعة الجاية! مبروك الحرية يابو عامر كنت أبيك تطول لكن خيرها بغيرها هههه دمتم جميعا بكل خير ،،،، |
تســــــــــــــــليه
,,,,,,,,,,, ياهل الهاف الحمر كان لي معكم ركوب احجزولي مركبي لو على الحنوة ورى في عفيف وهاضني هافكم ياهل الجنوب وخوة اللي مثلكم يالنشاما تنشرى وان بغيتوني تراني دليلة للدروب ان مشى سواقكم فالضحى والا سرى لين أجي دار من البدو والحضر معروب ديرتن فيها الاجاويد ياخير قصرى مدهل الغالي سقتها مراويح النصوب لأجل من حبه جرحني بجرح مابرى يامليح الوصف ياللي نزيه من العيوب الوفا بالعهد ماهوب بيع ومشترى المحبة تزرع الحب في وسط القلوب وانت حبك زرع قلبي ومع دمي جرى حطب قلبي حطب عودن من السمر محطوب له ثمان سنين ما سار عرقه بالثرى ونتي في عالي الرجم قدام الغروب ونة اللي ضده الحمل مع طلعة كرى كل ما ذعذع من الشرق ذعذاع الهبوب هزني شوقه وذكره على بالي طرى |
سرجت شعري وسريت بليا مقاويد...ماغير انا والشعر والليل معنا مخاوي
من ذكرتك فوح الشعر دلال القصيد...وهيلتها باسمك وانا على الكيف ناوي الحب بلوى يابنت وانا بحبك سعيد...حبك بدر(ن)في ظلام الليل ضاوي القــلب يـفــداك يابنت الاجـــاويــد....يتــلية عقــلي وروحي لة تخـــاوي انتي الملك وانتي الزاد ومال الوليد...وانتي العلم والنور بروس الخلاوي لاحكيتي كن البلابل تجر التغاريد...ولاضحكتي ايقنت ان ثغرك للثمين حاوي شعرها من لينه مايقبل تجــاعـيـد...كنـة شــلال من فوق الجبــال هــاوي وجبينها ضيا شمس على ارض الجليد...اشهد ان الكون مابة لزينك يساوي وختامها ادعي ربي لجمالك يزيد... ويكفيك شر الزمن ومافية من بلاوي |
اقتباس:
وحمد لله على السلامه وصح بدنك ملايين وانت الي اتحفنا حنى طلابك لا عدمتك |
ابيك يـا نجـلاء تعديـن الاعـوام=الله يحفظ اللي علـى العـز ربـوك
يابنت انـا زايـد سمـاري بالايـام=صكات بقعاء خلـت الـدم مركـوك كم ليلتن يطلع به الصبـح مـا نـام=الهم شابكنـي وانـا فيـه مشبـوك يابنت انـا و الهـم زاحـم وزحـام=مثل السجين اللي به القيـد متكـوك وطيت في رجلي على الشوك همهام=يوم الردي يطرب على رقصة الروك اول وانا يا بنـت محـزوم بحـزام=باب السعادة طول الايـام مصكـوك و اليوم زانت لي مع الوقت الاحـلام=عز الله ان الوقت يا بنـت محبـوك و انتي غزال ورمشك الموت لا هام=وانتي عذاب اللي به الحب مدكـوك اللي على قلبه مـن الحـب غشـام=انتي على الزينـات يابنـت رزوك انتي طلوع الشمس و الوقـت هـدام=انتي ذهب صافي منقـى ومسبـوك الفيـن بسـم الله و الفيـن قــدام=عليـك بسـم الله و الفـن تحـروك |
بالعكس منك نتعلم يابو فيصل لاهنت يالأمير،،، |
غريبه السجن فاضي ؟
وين شاعرنا الهواوي غشام الفراج صح السنتكم ولاهنتوا الناقد .. حياك الله بنات الرواسي لاهنتن |
ولو المحبه شي واقع وملموس ما شفت عاشق يشتكي هم واتعاب لكن ما دامه شي فالقلب محسوس تبقى الحقيقه دونها ستر واحجاب يا قطع كبدي قطعة الجلد بالموس لا صارت افعال الرياجيل تنعاب ما يربح اللي يذخر لوقته فلوس الرابح اللي يذخر لوقته (اصحاب |
حي الله اللي سهر عيني علشانه
من غيبة الشمس إيلين يبين مشرقها ما من في شوفته لا شك سفطانه يمنى بخيل" على المده يسارقها تعال يا متلف" قلبي وشريانه من واعد أهل الرجاوي لا يعلقها أما احتضن روح" من الشوق ضميانه والا أحتسبها لوجه الله وأعتقها انضجت كبدي وحبك تورق اغصانه اخــــيط جروحها والــبعد يفتقها ما تحتمل غيبة الغالي وهجرانه ان كان ما ابردتها لا عـاد تحرقها صدري بحر مركبك ومحبتك دانه والله حفظها من ايدي الناس تلحقها يا مايس العود ويا ترفه وريانه يا مسبه قلوب خلق الله ومرهقها وش منحرا" (شيب عيني) من تحضانه سواد خصلات شعرك قبل تفهقها يوم انثنى ضامر الخصر وتليانه قامت مفاتن قوامك من مغالقها ويوم ابرزت كل مضموره ومليانه عرفت سر الثياب اللي تضايقها صورتك من وحي خلق الله سبحانه عجزت من وصفها سبحان خالقها غيرك لو يقول أحبك يكذب لسانه من غيرك القلب لا يمكن يصدقها والا أنت لو من ورا قلبك وبيبانه أسمع واصدق بها قدام تنطقها خلك جسد روح" من الشوق ضميانه وما دامها في جسدها لا تفارقها الشاعر حمدان المري |
السلام عليكم وطبتم مساءاً توني حولت من سفر
شدتني وقفات الاوله حضور الغياب ونقول يالله حيهم الثانيه قول ريم افقد حزبي واقول متى شفتيهم ع شان تفقدينهم الثاله غشام من العجله الظاهر قدم كلمه على كلمه بخدوده الطرقا وبعيونه الموت حسب فهمي ان العيون هي الطرقا والا انا غلطان؟؟مهب نقد من جد اتوقع انه تقديم كلمه على كلمه غشام ما اخليك تنتحر لو اهد الحبس واطلق سراحك ابوفيصل والناقد كلكم هوامير لذلك ماتشاركونا يالعليميه ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ بالله عن غشام فك الكلبشات=ماودنا مثله يعجل به الموت تله بقنصوعه مع الباب بسكات=صخيف لوكان ارتعد لبسه كوت بالسجن فكره ضيعه بالمتاهات=صابه خلاج ويتبع الصوت بالصوت جيرانه ازعجهم بكثر التنهات=من لوعته مضرب عن الماي والقوت هيهات مجروح النواعيس هيهات=يبري جروحه طب لندن وبيروت ان قيل سلم من السقم فاعرفه مات=وان قيل شاوى اليوم هي راحة الموت |
هههه هلا حمدلله على السلامه
وصح لسانك ... اخر من تواجد حزبي ههه يالهواوي |
مساء النور
اول شي صح لسانك ي الهواوي ثاني شي بيض الله وجهك على الكفاله ثالث شي وجهة نظرك على العين والراس وشطر البيت كذا بخدودك الطرقا وبعيونك الموت مافيه تقديم كلمه على كلمه والطرقا الجميله فائقة الجمال هذا المشهور وانا اقصد بخدودك الجميله اما العيون الطرقا احسها غير مناسبه ولو قلتها ماتصلح لا لفظ ولا معنا الخدود مافيها موت الموت الحمر فالعين ونظراتها ههههه وكذا يمكن تصلح بخدودك الحمرا وبعيونك الطرق ذبحتنا وذبحت معنا الهواوي ههههه وجهة نظر ومنك نتعلم يبو عبيد |
ريم الفلا جت تنشد عن حزبها وضحابها الهواوي هههههه
الهواوي في السجن طش البنيه يوم حظ البنت في يدينه رماها جات تنشد ثم طاحت في قضيه طيحة ً ما اظن احد سمّى علاها ياقشر ياناس حظ الراعديه كبها الفراج والناقد نساها ههههههههه |
لو يشتكي مخلوق من ظلم مخلوق 😥
https://www.youtube.com/watch?v=znHjRIwVWR8&sns |
كنه يقصد الهواوي ولا انا غلطان هههههه
https://www.youtube.com/watch?v=SHKbd2ZvHL8&sns=tw عبر @youtube |
ياشيب عيني أثره ساجني
مجرم. زعيم العاصفه ههه ماعليه ياحزب العاصفه مع حزب المدمر صح السنتكم |
لو يشتكي مخلوق من ظلم مخلوق
كنه يقصد الهواوي ؟ هههههههههههههههههههههه ريم مشاها عليك المجرم والا انا ماحددت احد لان اللي يحدد هو والظاهر انه ناويك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ مانيب والباري لسجنتك ناوي=اللي طرق بك بالزنازين غشام اللي على حبك المعاني رهاوي=شاعر وبحزيبٍ بعد طاح ماقام في مشيته دايم يحب الملاوي=ولايرغب المسرى مع الشارع العام وانا صحيِّح عايشٍ بالمناوي= ومن هاءولا ماخوذ في دين الاسلام مير ابشري في دله وعود جاوي=وكبشٍ حنيذ ومع دغابيس وايدام الكبش جبته من شبوك الهواوي=وباق العشا حكرة بنية فرس يام |
صحت السنتكم
يسعد مساء الجميع |
براسك خبر يامترجم الحكي وش معناه=وانا ما افتهم بعض الحكا واتجاهلهاا احب انزل من اول درج ويش ابي باعلاه=يقال الروابح دايم تكون بأولها وانا والله اني عايمٍ بين آه وهاه=اسج الخطاوي بايسر الطرق واسهلها وحبي لبعض الناس ماهو على عمياه=احب الرجال وودي اصل مواصلها ولا معصوم غير اللي عصم ملته مولاه=اقرا جابتي من قبل تكتب واحللها |
| الساعة الآن 01:33 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir