يميدك تاصل مواصيل الوفاء فيه=لكن فيه طبيعه ونت خابرها
حساس والمشكله للناس هذيه= والي كسرها عسى الله مايجبرها
البرق لحمول مزن النو ماريه= والي بعيني صغيره ليش اكبرها

ياليل ياليل الشقاء لاقمت اطالع فالنجوم=اللي تشوق العين لمعتها وزين ابراقها
اشكالها تسحر عيون الخلق وان جات العلوم=تضيع لمعتها لامن الشمس حان اشراقها
وانا بشر مخلوق من طينه ولي ربٍ رحوم=ربٍ تكفل في عباده خلقها وارزاقها
اخطي مثل باق البشر واطيح وليا طحت اقوم=واذنب وفي عيني تضيق من الذوب افاقها

كلك وفاء خابرك ياشمعة الناس = بس الحضوض العاثره عثرتني
مقفي ولالي في هوامير الافلاس=وبك انت كن ايام عمري عطتني

هذي هي المشكله مرت علي امس =والصبر زين ودور الايام داير
لاشفت صدرك من صواديفها عمس= ترا المرابح بعد كثر الخساير
خل العلوم الي تضر الفكر همس= للهرج نقاله وفالناس باير